Appian, The Civil Wars, book 1, chapter 7 3:

(아피아노스, The Civil Wars, book 1, chapter 7 3:)

Πυθόμενοσ δ’ ὁ Σύλλασ καὶ πολέμῳ κρίνασ διακριθῆναι συνήγαγε τὸν στρατὸν εἰσ ἐκκλησίαν, καὶ τόνδε τῆσ ἐπὶ τὸν Μιθριδάτην στρατείασ ὀρεγόμενόν τε ὡσ ἐπικερδοῦσ καὶ νομίζοντα Μάριον ἐσ αὐτὴν ἑτέρουσ καταλέξειν ἀνθ’ ἑαυτῶν. Σύλλασ δὲ καὶ Πομπήιοσ τὸ ἐνθύμημα σαφῶσ εἰδότεσ ὑπέσχοντο μὲν ὧδε πράξειν, εὐθὺσ δὲ τοῖσ πρέσβεσιν ἀπιοῦσιν εἵποντο. τὴν δ’ ὕβριν ὁ Σύλλασ τὴν ἐσ αὑτὸν εἰπὼν Σουλπικίου τε καὶ Μαρίου καὶ σαφὲσ οὐδὲν ἄλλο ἐπενεγκών οὑ̓ γὰρ ἐτόλμα πω λέγειν περὶ τοιοῦδε πολέμοὐ, παρῄνεσεν ἑτοίμοισ ἐσ τὸ παραγγελλόμενον εἶναι. οἱ δὲ συνιέντεσ τε ὧν ἐπενόει καὶ περὶ σφῶν δεδιότεσ, μὴ τῆσ στρατείασ ἀποτύχοιεν, ἀπεγύμνουν αὐτοὶ τὸ ἐνθύμημα τοῦ Σύλλα καὶ ἐσ Ῥώμην σφᾶσ ἄγειν θαρροῦντα ἐκέλευον. ὁ δὲ ἡσθεὶσ ἦγεν ἓξ τέλη στρατιωτῶν αὐτίκα. καὶ αὐτὸν οἱ μὲν ἄρχοντεσ τοῦ στρατοῦ χωρὶσ ἑνὸσ ταμίου διέδρασαν ἐσ Ῥώμην, οὐχ ὑφιστάμενοι στρατὸν ἄγειν ἐπὶ τὴν πατρίδα· πρέσβεισ δ’ ἐν ὁδῷ καταλαβόντεσ ἠρώτων, τί μεθ’ ὅπλων ἐπὶ τὴν πατρίδα ἐλαύνοι. ὁ δ’ εἶπεν, ἐλευθερώσων αὐτὴν ἀπὸ τῶν τυραννούντων. Καὶ τοῦτο δὶσ τρὶσ ἑτέροισ καὶ ἑτέροισ πρέσβεσιν ἐλθοῦσιν εἰπὼν ἐπήγγελλεν ὅμωσ, εἰ θέλοιεν τήν τε σύγκλητον αὑτῷ καὶ Μάριον καὶ Σουλπίκιον ἐσ τὸ Ἄρειον πεδίον συναγαγεῖν, καὶ πράξειν, ὅ τι ἂν βουλευομένοισ δοκῇ. πλησιάζοντι δὲ Πομπήιοσ μὲν ὁ σύναρχοσ ἐπαινῶν καὶ ἀρεσκόμενοσ τοῖσ γιγνομένοισ ἀφίκετο συμπράξων ἐσ ἅπαντα, Μάριοσ δὲ καὶ Σουλπίκιοσ ἐσ παρασκευὴν ὀλίγου διαστήματοσ δεόμενοι πρέσβεισ ἑτέρουσ ἔπεμπον ὡσ δὴ καὶ τούσδε ὑπὸ τῆσ βουλῆσ ἀπεσταλμένουσ, δεόμενοι μὴ ἀγχοτέρω τεσσαράκοντα σταδίων τῇ Ῥώμῃ παραστρατοπεδεύειν, μέχρι ἐπισκέψαιντο περὶ τῶν παρόντων.

SEARCH

MENU NAVIGATION