Appian, The Civil Wars, book 1, chapter 1 2:

(아피아노스, The Civil Wars, book 1, chapter 1 2:)

Ἐφ’ οἷσ ὁ δῆμοσ ἐδυσφόρει μὲν ὡσ οὔτε συμμάχων ἐξ Ἰταλίασ ἔτι εὐπορήσων οὔτε τῆσ ἡγεμονίασ οἱ γενησομένησ ἀκινδύνου διὰ πλῆθοσ τοσόνδε θεραπόντων· διόρθωσιν δ’ οὐκ ἐπινοοῦντεσ, ὡσ οὐδὲ ῥᾴδιον ὂν οὐδὲ πάντῃ δίκαιον ἄνδρασ τοσούσδε ἐκ τοσοῦδε χρόνου κτῆσιν τοσήνδε ἀφελέσθαι φυτῶν τε ἰδίων καὶ οἰκοδομημάτων καὶ κατασκευῆσ, μόλισ ποτὲ τῶν δημάρχων εἰσηγουμένων ἔκριναν μηδένα ἔχειν τῆσδε τῆσ γῆσ πλέθρα πεντακοσίων πλείονα μηδὲ προβατεύειν ἑκατὸν πλείω τὰ μείζονα καὶ πεντακοσίων τὰ ἐλάσσονα. καὶ ἐσ ταῦτα δ’ αὐτοῖσ ἀριθμὸν ἐλευθέρων ἔχειν ἐπέταξαν, οἳ τὰ γιγνόμενα φυλάξειν τε καὶ μηνύσειν ἔμελλον. Οἱ μὲν δὴ τάδε νόμῳ περιλαβόντεσ ἐπώμοσαν ἐπὶ τῷ νόμῳ καὶ ζημίαν ὡρ́ισαν, ἡγούμενοι τὴν λοιπὴν γῆν αὐτίκα τοῖσ πένησι κατ’ ὀλίγον διαπεπράσεσθαι· φροντὶσ δ’ οὐδεμία ἦν οὔτε τῶν νόμων οὔτε τῶν ὁρ́κων, ἀλλ’ οἵτινεσ καὶ ἐδόκουν φροντίσαι, τὴν γῆν ἐσ τοὺσ οἰκείουσ ἐπὶ ὑποκρίσει διένεμον, οἱ δὲ πολλοὶ τέλεον κατεφρόνουν, μέχρι Τιβέριοσ Σεμπρώνιοσ Γράκχοσ, ἀνὴρ ἐπιφανὴσ καὶ λαμπρὸσ ἐσ φιλοτιμίαν εἰπεῖν τε δυνατώτατοσ καὶ ἐκ τῶνδε ὁμοῦ πάντων γνωριμώτατοσ ἅπασι, δημαρχῶν ἐσεμνολόγησε περὶ τοῦ Ἰταλικοῦ γένουσ ὡσ εὐπολεμωτάτου τε καὶ συγγενοῦσ, φθειρομένου δὲ κατ’ ὀλίγον εἰσ ἀπορίαν καὶ ὀλιγανδρίαν καὶ οὐδὲ ἐλπίδα ἔχοντοσ ἐσ διόρθωσιν.

일치하는 문장이 없습니다.

SEARCH

MENU NAVIGATION