Apollodorus, Library and Epitome, book 2, chapter 4 4:

(아폴로도로스, Library and Epitome, book 2, chapter 4 4:)

Περσεὺσ δὲ μετὰ Δανάησ καὶ Ἀνδρομέδασ ἔσπευδεν εἰσ Ἄργοσ, ἵνα Ἀκρίσιον θεάσηται. ὁ δὲ <τοῦτο μαθὼν καὶ> δεδοικὼσ. τὸν χρησμόν, ἀπολιπὼν Ἄργοσ εἰσ τὴν Πελασγιῶτιν ἐχώρησε γῆν. Τευταμίδου δὲ τοῦ Λαρισσαίων βασιλέωσ ἐπὶ κατοιχομένῳ τῷ πατρὶ διατιθέντοσ γυμνικὸν ἀγῶνα, παρεγένετο καὶ ὁ Περσεὺσ ἀγωνίσασθαι θέλων, ἀγωνιζόμενοσ δὲ πένταθλον, τὸν δίσκον ἐπὶ τὸν Ἀκρισίου πόδα βαλὼν παραχρῆμα ἀπέκτεινεν αὐτόν. αἰσθόμενοσ δὲ τὸν χρησμὸν τετελειωμένον τὸν μὲν Ἀκρίσιον ἔξω τῆσ πόλεωσ ἔθαψεν, αἰσχυνόμενοσ δὲ εἰσ Ἄργοσ ἐπανελθεῖν ἐπὶ τὸν κλῆρον τοῦ δι’ αὐτοῦ τετελευτηκότοσ, παραγενόμενοσ εἰσ Τίρυνθα πρὸσ τὸν Προίτου παῖδα Μεγαπένθην ἠλλάξατο, τούτῳ τε τὸ Ἄργοσ ἐνεχείρισε. καὶ Μεγαπένθησ μὲν ἐβασίλευσεν Ἀργείων, Περσεὺσ δὲ Τίρυνθοσ, προστειχίσασ Μίδειαν καὶ Μυκήνασ.

일치하는 문장이 없습니다.

SEARCH

MENU NAVIGATION