Apollodorus, Library and Epitome, book 2, chapter 1 1:

(아폴로도로스, Library and Epitome, book 2, chapter 1 1:)

ἐπειδὴ δὲ τὸ τοῦ Δευκαλίωνοσ διεξεληλύθαμεν γένοσ, ἐχομένωσ λέγωμεν τὸ Ἰνάχειον. Ὠκεανοῦ καὶ Τηθύοσ γίνεται παῖσ Ἴναχοσ, ἀφ’ οὗ ποταμὸσ ἐν Ἄργει Ἴναχοσ καλεῖται. τούτου καὶ Μελίασ τῆσ Ὠκεανοῦ Φορωνεύσ τε καὶ Αἰγιαλεὺσ παῖδεσ ἐγένοντο. Αἰγιαλέωσ μὲν οὖν ἄπαιδοσ ἀποθανόντοσ ἡ χώρα ἅπασα Αἰγιάλεια ἐκλήθη, Φορωνεὺσ δὲ ἁπάσησ τῆσ ὕστερον Πελοποννήσου προσαγορευθείσησ δυναστεύων ἐκ Τηλεδίκησ νύμφησ Ἆπιν καὶ Νιόβην ἐγέννησεν. Ἆπισ μὲν οὖν εἰσ τυραννίδα τὴν ἑαυτοῦ μεταστήσασ δύναμιν καὶ βίαιοσ ὢν τύραννοσ, ὀνομάσασ ἀφ’ ἑαυτοῦ τὴν Πελοπόννησον Ἀπίαν, ὑπὸ Θελξίονοσ καὶ Τελχῖνοσ ἐπιβουλευθεὶσ ἄπαισ ἀπέθανε, καὶ νομισθεὶσ θεὸσ ἐκλήθη Σάραπισ· Νιόβησ δὲ καὶ Διόσ ᾗ πρώτῃ γυναικὶ Ζεὺσ θνητῇ ἐμίγη παῖσ Ἄργοσ ἐγένετο, ὡσ δὲ Ἀκουσίλαόσ φησι, καὶ Πελασγόσ, ἀφ’ οὗ κληθῆναι τοὺσ τὴν Πελοπόννησον οἰκοῦντασ Πελασγούσ. Ἡσίοδοσ δὲ τὸν Πελασγὸν αὐτόχθονά φησιν εἶναι.

일치하는 문장이 없습니다.

SEARCH

MENU NAVIGATION