호흡부호 보기
강세부호 보기
장단부호 보기
작은 Iota 보기
모든 부호 보기
Κλειὼ δὲ Πιέρου τοῦ Μάγνητοσ ἠράσθη κατὰ μῆνιν Ἀφροδίτησ ὠνείδισε γὰρ αὐτῇ τὸν τοῦ Ἀδώνιδοσ ἔρωτα, συνελθοῦσα δὲ ἐγέννησεν ἐξ αὐτοῦ παῖδα Υἅκινθον, οὗ Θάμυρισ ὁ Φιλάμμωνοσ καὶ Ἀργιόπησ νύμφησ ἔσχεν ἔρωτα, πρῶτοσ ἀρξάμενοσ ἐρᾶν ἀρρένων. ἀλλ’ Υἅκινθον μὲν ὕστερον Ἀπόλλων ἐρώμενον ὄντα δίσκῳ βαλὼν ἄκων ἀπέκτεινε, Θάμυρισ δὲ κάλλει διενεγκὼν καὶ κιθαρῳδίᾳ περὶ μουσικῆσ ἤρισε μούσαισ, συνθέμενοσ, ἂν μὲν κρείττων εὑρεθῇ, πλησιάσειν πάσαισ, ἐὰν δὲ ἡττηθῇ, στερηθήσεσθαι οὗ ἂν ἐκεῖναι θέλωσι. καθυπέρτεραι δὲ αἱ μοῦσαι γενόμεναι καὶ τῶν ὀμμάτων αὐτὸν καὶ τῆσ κιθαρῳδίασ ἐστέρησαν.
호흡부호 보기
강세부호 보기
장단부호 보기
작은 Iota 보기
모든 부호 보기