호흡부호 보기
강세부호 보기
장단부호 보기
작은 Iota 보기
모든 부호 보기
ἐπειδὴ δὲ Ζεὺσ ἐγενήθη τέλειοσ, λαμβάνει Μῆτιν τὴν Ὠκεανοῦ συνεργόν, ἣ δίδωσι Κρόνῳ καταπιεῖν φάρμακον, ὑφ’ οὗ ἐκεῖνοσ ἀναγκασθεὶσ πρῶτον μὲν ἐξεμεῖ τὸν λίθον, ἔπειτα τοὺσ παῖδασ οὓσ κατέπιε· μεθ’ ὧν Ζεὺσ τὸν πρὸσ Κρόνον καὶ Τιτᾶνασ ἐξήνεγκε πόλεμον. μαχομένων δὲ αὐτῶν ἐνιαυτοὺσ δέκα ἡ Γῆ τῷ Διὶ ἔχρησε τὴν νίκην, τοὺσ καταταρταρωθέντασ ἂν ἔχῃ συμμάχουσ· ὁ δὲ τὴν φρουροῦσαν αὐτῶν τὰ δεσμὰ Κάμπην ἀποκτείνασ ἔλυσε. καὶ Κύκλωπεσ τότε Διὶ μὲν διδόασι βροντὴν καὶ ἀστραπὴν καὶ κεραυνόν, Πλούτωνι δὲ κυνέην, Ποσειδῶνι δὲ τρίαιναν· οἱ δὲ τούτοισ ὁπλισθέντεσ κρατοῦσι Τιτάνων, καὶ καθείρξαντεσ αὐτοὺσ ἐν τῷ Ταρτάρῳ τοὺσ ἑκατόγχειρασ κατέστησαν φύλακασ. αὐτοὶ δὲ διακληροῦνται περὶ τῆσ ἀρχῆσ, καὶ λαγχάνει Ζεὺσ μὲν τὴν ἐν οὐρανῷ δυναστείαν, Ποσειδῶν δὲ τὴν ἐν θαλάσσῃ, Πλούτων δὲ τὴν ἐν Αἵδου. Ιαπετοῦ δὲ καὶ Ἀσίασ Ἄτλασ, ὃσ ἔχει τοῖσ ὤμοισ τὸν οὐρανόν, καὶ Προμηθεὺσ καὶ Ἐπιμηθεὺσ καὶ Μενοίτιοσ, ὃν κεραυνώσασ ἐν τῇ τιτανομαχία Ζεὺσ κατεταρτάρωσεν.
ἐγένετο δὲ καὶ Κρόνου καὶ Φιλύρασ Χείρων διφυὴσ Κένταυροσ, Ηοὖσ δὲ καὶ Ἀστραίου ἄνεμοι καὶ ἄστρα, Πέρσου δὲ καὶ Ἀστερίασ Ἑκάτη, Πάλλαντοσ δὲ καὶ Στυγὸσ Νίκη Κράτοσ Ζῆλοσ Βία.
τὸ δὲ τῆσ Στυγὸσ ὕδωρ ἐκ πέτρασ ἐν Αἵδου ῥέον Ζεὺσ ἐποίησεν ὁρ́κον, ταύτην αὐτῇ τιμὴν διδοὺσ ἀνθ’ ὧν αὐτῷ κατὰ Τιτάνων μετὰ τῶν τέκνων συνεμάχησε.
Πόντου δὲ καὶ Γῆσ Φόρκοσ Θαύμασ Νηρεὺσ Εὐρυβία Κητώ.
Νηρέωσ δὲ καὶ Δωρίδοσ Νηρηίδεσ, ὧν τὰ ὀνόματα Κυμοθόη Σπειὼ Γλαυκονόμη Ναυσιθόη Ἁλίη, Ἐρατὼ Σαὼ Ἀμφιτρίτη Εὐνίκη Θέτισ, Εὐλιμένη Ἀγαύη Εὐδώρη Δωτὼ Φέρουσα, Γαλάτεια Ἀκταίη Ποντομέδουσα Ἱπποθόη Λυσιάνασσα, Κυμὼ Ηιὄνη Ἁλιμήδη Πληξαύρη Εὐκράντη, Πρωτὼ Καλυψὼ Πανόπη Κραντὼ Νεόμηρισ, Ἱππονόη Ιἄνειρα Πολυνόμη Αὐτονόη Μελίτη, Διώνη Νησαίη Δηρὼ Εὐαγόρη Ψαμάθη, Εὐμόλπη Ιὄνη Δυναμένη Κητὼ Λιμνώρεια.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기