Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 3:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 3:)

πῶσ τ’ ἄρ σ’ ὑμνήσω πάντωσ εὐύμνον ἐόντα; ἠέ σ’ ἐνὶ μνηστῆρσιν ἀείδω καὶ φιλότητι, ὅππωσ μνωόμενοσ ἔκιεσ Ἀζαντίδα κούρην Ἴσχυ’ ἅμ’ ἀντιθέῳ Ἐλατιονίδη εὐίππῳ; ἢ ἅμα Θόρβαντι Τριοπέῳ γένοσ, ἢ ἅμ’ Ἐρευθεῖ; ἢ ἅμα Λευκίππῳ καὶ Λευκίπποιο δάμαρτι πεζόσ, ὃ δ’ ἵπποισιν· οὐ μὴν Τρίοπόσ γ’ ἐνέλειπεν. ἢ ὡσ τὸ πρῶτον χρηστήριον ἀνθρώποισι ζητεύων κατὰ γαῖαν ἔβησ, ἑκατηβόλ’ Ἄπολλον; Πιερίην μὲν πρῶτον ἀπ’ Οὐλύμποιο κατῆλθεσ· Λέκτον τ’ ἠμαθοέντα παρέστιχεσ ἠδ’ Ἐνιῆνασ καὶ διὰ Περραιβούσ· τάχα δ’ εἰσ Ιαὠλκὸν ἵκανεσ, Κηναίου τ’ ἐπέβησ ναυσικλειτῆσ Εὐβοίησ. στῆσ δ’ ἐπὶ Ληλάντῳ πεδίῳ· τό τοι οὐχ ἅδε θυμῷ τεύξασθαι νηόν τε καὶ ἄλσεα δενδρήεντα. ἔνθεν δ’ Εὔριπον διαβάσ, ἑκατηβόλ’ Ἄπολλον, βῆσ ἄν’ ὄροσ ζάθεον, χλωρόν· τάχα δ’ ἷξεσ ἀπ’ αὐτοῦ ἐσ Μυκαλησσὸν ἰὼν καὶ Τευμησσὸν λεχεποίην.

일치하는 문장이 없습니다.

SEARCH

MENU NAVIGATION