Aeschylus, Suppliant Women, episode, lyric 1:

(아이스킬로스, 탄원하는 여인들, episode, lyric 1:)

Ζεὺσ μὲν ἀφίκτωρ ἐπίδοι προφρόνωσ στόλον ἡμέτερον νάιον ἀρθέντ’ ἀπὸ προστομίων λεπτοψαμάθων Νείλου. Δίαν δὲ λιποῦσαι χθόνα σύγχορτον Συρίᾳ φεύγομεν, οὔτιν’ ἐφ’ αἵματι δημηλασίαν ψήφῳ πόλεωσ γνωσθεῖσαν, ἀλλ’ αὐτογενεῖ φυξανορίᾳ γάμον Αἰγύπτου παίδων ἀσεβῆ ’ξονοταζόμεναι. Δαναὸσ δὲ πατὴρ καὶ βούλαρχοσ καὶ στασίαρχοσ τάδε πεσσονομῶν κύδιστ’ ἀχέων ἐπέκρανε, φεύγειν ἀνέδην διὰ κῦμ’ ἅλιον, κέλσαι δ’ Ἄργουσ γαῖαν, ὅθεν δὴ γένοσ ἡμέτερον τῆσ οἰστροδόνου βοὸσ ἐξ ἐπαφῆσ κἀξ ἐπιπνοίασ Διὸσ εὐχόμενον τετέλεσται. τίν’ ἂν οὖν χώραν εὔφρονα μᾶλλον τῆσδ’ ἀφικοίμεθα σὺν τοῖσδ’ ἱκετῶν ἐγχειριδίοισ ἐριοστέπτοισι κλάδοισιν; ὦ πόλισ, ὦ γῆ, καὶ λευκὸν ὕδωρ, ὕπατοί τε θεοί, καὶ βαρύτιμοι χθόνιοι θήκασ κατέχοντεσ, καὶ Ζεὺσ σωτὴρ τρίτοσ, οἰκοφύλαξ ὁσίων ἀνδρῶν, δέξασθ’ ἱκέτην τὸν θηλυγενῆ στόλον αἰδοίῳ πνεύματι χώρασ· ἀρσενοπληθῆ δ’ ἑσμὸν ὑβριστὴν Αἰγυπτογενῆ, πρὶν πόδα χέρσῳ τῆ δ’ ἐν ἀσώδει θεῖναι, ξὺν ὄχῳ ταχυήρει πέμψατε πόντονδ’· ἔνθα δὲ λαίλαπι χειμωνοτύπῳ, βροντῇ στεροπῇ τ’ ὀμβροφόροισίν τ’ ἀνέμοισ ἀγρίασ ἁλὸσ ἀντήσαντεσ, ὄλοιντο, πρίν ποτε λέκτρων, ὧν θέμισ εἴργει, σφετεριξάμενοι πατραδέλφειαν τήνδ’ ἀεκόντων ἐπιβῆναι.

상위

Suppliant Women (탄원하는 여인들)

목록

일치하는 문장이 없습니다.

SEARCH

MENU NAVIGATION