Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

θαρσεῖτε, παῖδεσ μητέρων τεθραμμέναι. πόλισ πέφευγεν ἥδε δούλιον ζυγόν· πέπτωκεν ἀνδρῶν ὀβρίμων κομπάσματα· πόλισ δ’ ἐν εὐδίᾳ τε καὶ κλυδωνίου πολλαῖσι πληγαῖσ ἄντλον οὐκ ἐδέξατο. στέγει δὲ πύργοσ, καὶ πύλασ φερεγγύοισ ἐφραξάμεσθα μονομάχοισι προστάταισ· καλῶσ ἔχει τὰ πλεῖστ’, ἐν ἓξ πυλώμασι· τὰσ δ’ ἑβδόμασ ὁ σεμνὸσ ἑβδομαγέτησ ἄναξ Ἀπόλλων εἵλετ’, Οἰδίπου γένει κραίνων παλαιὰσ Λαί̈ου δυσβουλίασ. τί δ’ ἔστι πρᾶγμα νεόκοτον πόλει πλέον; πόλισ σέσωσται· βασιλέεσ δ’ ὁμόσποροι ‐ τίνεσ; τί δ’ εἶπασ; παραφρονῶ φόβῳ λόγου. φρονοῦσα νῦν ἄκουσον· Οἰδίπου τόκοι ‐ οἲ ’γὼ τάλαινα, μάντισ εἰμὶ τῶν κακῶν. οὐδ’ ἀμφιλέκτωσ μὴν κατεσποδημένοι ‐ ἐκεῖθι κεῖσθον ; βαρέα δ’ οὖν ὅμωσ φράσον. ἅνδρεσ τεθνᾶσιν ἐκ χερῶν αὐτοκτόνων. οὕτωσ ἀδελφαῖσ χερσὶν ἠναίρονθ’ ἅμα ; οὕτωσ ὁ δαίμων κοινὸσ ἦν ἀμφοῖν ἄγαν. αὐτὸσ δ’ ἀναλοῖ δῆτα δύσποτμον γένοσ. τοιαῦτα χαίρειν καὶ δακρύεσθαι πάρα· πόλιν μὲν εὖ πράσσουσαν, οἱ δ’ ἐπιστάται, δισσὼ στρατηγώ, διέλαχον σφυρηλάτῳ Σκύθῃ σιδήρῳ κτημάτων παμπησίαν. ἕξουσι δ’ ἣν λάβωσιν ἐν ταφῇ χθονόσ, πατρὸσ κατ’ εὐχὰσ δυσπότμωσ φορούμενοι. πόλισ σέσωσται· βασιλέοιν δ’ ὁμοσπόροιν πέπωκεν αἷμά γαῖ’ ὑπ’ ἀλλήλων φόνῳ.

SEARCH

MENU NAVIGATION