Aeschylus, Seven Against Thebes, episode 1:

(아이스킬로스, 테바이를 공격한 일곱 장수, episode 1:)

τοιαῦτ’ ἐκείνων ἐστὶ τἀξευρήματα. σὺ δ’ αὐτὸσ ἤδη γνῶθι τίνα πέμπειν δοκεῖ· ὡσ οὔποτ’ ἀνδρὶ τῷδε κηρυκευμάτων μέμψῃ, σὺ δ’ αὐτὸσ γνῶθι ναυκληρεῖν πόλιν. ὦ θεομανέσ τε καὶ θεῶν μέγα στύγοσ, ὦ πανδάκρυτον ἁμὸν Οἰδίπου γένοσ· ὤμοι, πατρὸσ δὴ νῦν ἀραὶ τελεσφόροι. ἀλλ’ οὔτε κλαίειν οὔτ’ ὀδύρεσθαι πρέπει, μὴ καὶ τεκνωθῇ δυσφορώτεροσ γόοσ. ἐπωνύμῳ δὲ κάρτα, Πολυνείκει λέγω, τάχ’ εἰσόμεσθα τοὐπίσημ’ ὅποι τελεῖ, εἴ νιν κατάξει χρυσότευκτα γράμματα ἐπ’ ἀσπίδοσ φλύοντα σὺν φοίτῳ φρενῶν. εἰ δ’ ἡ Διὸσ παῖσ παρθένοσ Δίκη παρῆν ἔργοισ ἐκείνου καὶ φρεσίν, τάχ’ ἂν τόδ’ ἦν· ἀλλ’ οὔτε νιν φυγόντα μητρόθεν σκότον, οὔτ’ ἐν τροφαῖσιν, οὔτ’ ἐφηβήσαντά πω, οὔτ’ ἐν γενείου ξυλλογῇ τριχώματοσ, Δίκη προσεῖδε καὶ κατηξιώσατο· οὐδ’ ἐν πατρῴασ μὴν χθονὸσ κακουχίᾳ οἶμαί νιν αὐτῷ νῦν παραστατεῖν πέλασ. ἦ δῆτ’ ἂν εἰή πανδίκωσ ψευδώνυμοσ Δίκη, ξυνοῦσα φωτὶ παντόλμῳ φρένασ. τούτοισ πεποιθὼσ εἶμι καὶ ξυστήσομαι αὐτόσ· τίσ ἄλλοσ μᾶλλον ἐνδικώτεροσ; ἄρχοντί τ’ ἄρχων καὶ κασιγνήτῳ κάσισ, ἐχθρὸσ σὺν ἐχθρῷ στήσομαι. φέρ’ ὡσ τάχοσ κνημῖδασ, αἰχμῆσ καὶ πέτρων προβλήματα. μή, φίλτατ’ ἀνδρῶν, Οἰδίπου τέκοσ, γένῃ ὀργὴν ὁμοῖοσ τῷ κάκιστ’ αὐδωμένῳ· ἀλλ’ ἄνδρασ Ἀργείοισι Καδμείουσ ἅλισ ἐσ χεῖρασ ἐλθεῖν· αἷμα γὰρ καθάρσιον. ἀνδροῖν δ’ ὁμαίμοιν θάνατοσ ὧδ’ αὐτοκτόνοσ, οὐκ ἔστι γῆρασ τοῦδε τοῦ μιάσματοσ. εἴπερ κακὸν φέροι τισ, αἰσχύνησ ἄτερ ἔστω· μόνον γὰρ κέρδοσ ἐν τεθνηκόσι· κακῶν δὲ κᾀσχρῶν οὔτιν’ εὐκλείαν ἐρεῖσ.

일치하는 문장이 없습니다.

SEARCH

MENU NAVIGATION