Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

ὅ τοι κατόπτησ, ὡσ ἐμοὶ δοκεῖ, στρατοῦ πευθώ τιν’ ἡμῖν, ὦ φίλαι, νέαν φέρει, σπουδῇ διώκων πομπίμουσ χνόασ ποδῶν. καὶ μὴν ἄναξ ὅδ’ αὐτὸσ Οἰδίπου τόκοσ εἰσ ἀρτίκολλον ἀγγέλου λόγον μαθεῖν· σπουδὴ δὲ καὶ τοῦδ’ οὐκ ἀπαρτίζει πόδα. λέγοιμ’ ἂν εἰδὼσ εὖ τὰ τῶν ἐναντίων, ὥσ τ’ ἐν πύλαισ ἕκαστοσ εἴληχεν πάλον. Τυδεὺσ μὲν ἤδη πρὸσ πύλαισι Προιτίσιν βρέμει, πόρον δ’ Ἰσμηνὸν οὐκ ἐᾷ περᾶν ὁ μάντισ· οὐ γὰρ σφάγια γίγνεται καλά. Τυδεὺσ δὲ μαργῶν καὶ μάχησ λελιμμένοσ μεσημβριναῖσ κλαγγαῖσιν ὡσ δράκων βοᾷ· θείνει δ’ ὀνείδει μάντιν Οἰκλείδην σοφόν, σαίνειν μόρον τε καὶ μάχην ἀψυχίᾳ. τοιαῦτ’ ἀυτῶν τρεῖσ κατασκίουσ λόφουσ σείει, κράνουσ χαίτωμ’, ὑπ’ ἀσπίδοσ δ’ ἔσω χαλκήλατοι κλάζουσι κώδωνεσ φόβον· ἔχει δ’ ὑπέρφρον σῆμ’ ἐπ’ ἀσπίδοσ τόδε, φλέγονθ’ ὑπ’ ἄστροισ οὐρανὸν τετυγμένον· λαμπρὰ δὲ πανσέληνοσ ἐν μέσῳ σάκει, πρέσβιστον ἄστρων, νυκτὸσ ὀφθαλμόσ, πρέπει. τοιαῦτ’ ἀλύων ταῖσ ὑπερκόμποισ σαγαῖσ βοᾷ παρ’ ὄχθαισ ποταμίαισ, μάχησ ἐρῶν, ἵπποσ χαλινῶν ὣσ κατασθμαίνων μένει, ὅστισ βοὴν σάλπιγγοσ ὁρμαίνει μένων. τίν’ ἀντιτάξεισ τῷδε; τίσ Προίτου πυλῶν κλῄθρων λυθέντων προστατεῖν φερέγγυοσ; κόσμον μὲν ἀνδρὸσ οὔτιν’ ἂν τρέσαιμ’ ἐγώ, οὐδ’ ἑλκοποιὰ γίγνεται τὰ σήματα· λόφοι δὲ κώδων τ’ οὐ δάκνουσ’ ἄνευ δορόσ. καὶ νύκτα ταύτην ἣν λέγεισ ἐπ’ ἀσπίδοσ ἄστροισι μαρμαίρουσαν οὐρανοῦ κυρεῖν, τάχ’ ἂν γένοιτο μάντισ ἡ ἀνοία τινί. εἰ γὰρ θανόντι νὺξ ἐπ’ ὀφθαλμοῖσ πέσοι, τῷ τοι φέροντι σῆμ’ ὑπέρκομπον τόδε γένοιτ’ ἂν ὀρθῶσ ἐνδίκωσ τ’ ἐπώνυμον, καὐτὸσ καθ’ αὑτοῦ τήνδ’ ὕβριν μαντεύσεται. ἐγὼ δὲ Τυδεῖ κεδνὸν Ἀστακοῦ τόκον τῶνδ’ ἀντιτάξω προστάτην πυλωμάτων, μάλ’ εὐγενῆ τε καὶ τὸν Αἰσχύνησ θρόνον τιμῶντα καὶ στυγοῦνθ’ ὑπέρφρονασ λόγουσ. αἰσχρῶν γὰρ ἀργόσ, μὴ κακὸσ δ’ εἶναι φιλεῖ. σπαρτῶν δ’ ἀπ’ ἀνδρῶν, ὧν Ἄρησ ἐφείσατο, ῥίζωμ’ ἀνεῖται, κάρτα δ’ ἔστ’ ἐγχώριοσ, Μελάνιπποσ· ἔργον δ’ ἐν κύβοισ Ἄρησ κρινεῖ· Δίκη δ’ ὁμαίμων κάρτα νιν προστέλλεται εἴργειν τεκούσῃ μητρὶ πολέμιον δόρυ.

SEARCH

MENU NAVIGATION