Aeschylus, Seven Against Thebes, choral, strophe 1

θεοὶ πολιάοχοι πάντεσ ἴτε χθονὸσ· ἴδετε παρθένων ἱκέσιον λόχον δουλοσύνασ ὕπερ. κῦμα γὰρ περὶ πτόλιν δοχμολόφων ἀνδρῶν καχλάζει πνοαῖσ Ἄρεοσ ὀρόμενον. ἀλλ’, ὦ Ζεῦ πάτερ παντελέσ, πάντωσ ἄρηξον δαί̈ων ἅλωσιν. Ἀργέιοι δὲ πόλισμα Κάδμου κυκλοῦνται· φόβοσ δ’ ἀρῄων ὅπλων δονεῖ, διὰ δέ τοι γενύων ἱππίων κινύρονται φόνον χαλινοί. ἑπτὰ δ’ ἀγάνορεσ πρέποντεσ στρατοῦ δορυσσοῖσ σαγαῖσ πύλαισ ἑβδόμαισ προσίστανται πάλῳ λαχόντεσ.