Aeschylus, Prometheus Bound, episode 5:

(아이스킬로스, 결박된 프로메테우스, episode 5:)

μή νυν βροτοὺσ μὲν ὠφέλει καιροῦ πέρα, σαυτοῦ δ’ ἀκήδει δυστυχοῦντοσ. ὡσ ἐγὼ εὐέλπίσ εἰμι τῶνδέ σ’ ἐκ δεσμῶν ἔτι λυθέντα μηδὲν μεῖον ἰσχύσειν Διόσ. οὐ ταῦτα ταύτῃ Μοῖρά πω τελεσφόροσ κρᾶναι πέπρωται, μυρίαισ δὲ πημοναῖσ δύαισ τε καμφθεὶσ ὧδε δεσμὰ φυγγάνω· τέχνη δ’ ἀνάγκησ ἀσθενεστέρα μακρῷ. τίσ οὖν ἀνάγκησ ἐστὶν οἰακοστρόφοσ; Μοῖραι τρίμορφοι μνήμονέσ τ’ Ἐρινύεσ τούτων ἄρα Ζεύσ ἐστιν ἀσθενέστεροσ; οὔκουν ἂν ἐκφύγοι γε τὴν πεπρωμένην. τί γὰρ πέπρωται Ζηνὶ πλὴν ἀεὶ κρατεῖν; τοῦτ’ οὐκέτ’ ἂν πύθοιο μηδὲ λιπάρει. ἦ πού τι σεμνόν ἐστιν ὃ ξυναμπέχεισ. ἄλλου λόγου μέμνησθε, τόνδε δ’ οὐδαμῶσ καιρὸσ γεγωνεῖν, ἀλλὰ συγκαλυπτέοσ ὅσον μάλιστα· τόνδε γὰρ σῴζων ἐγὼ δεσμοὺσ ἀεικεῖσ καὶ δύασ ἐκφυγγάνω.

일치하는 문장이 없습니다.

SEARCH

MENU NAVIGATION