Aeschylus, Persians, episode, iambics 3:

(아이스킬로스, 페르시아인들, episode, iambics 3:)

τοιαῦθ’ ὁρῶντεσ τῶνδε τἀπιτίμια μέμνησθ’ Ἀθηνῶν Ἑλλάδοσ τε, μηδέ τισ ὑπερφρονήσασ τὸν παρόντα δαίμονα ἄλλων ἐρασθεὶσ ὄλβον ἐκχέῃ μέγαν. Ζεύσ τοι κολαστὴσ τῶν ὑπερκόμπων ἄγαν φρονημάτων ἔπεστιν, εὔθυνοσ βαρύσ. πρὸσ ταῦτ’ ἐκεῖνον, σωφρονεῖν κεχρημένον, πινύσκετ’ εὐλόγοισι νουθετήμασιν, λῆξαι θεοβλαβοῦνθ’ ὑπερκόμπῳ θράσει. σὺ δ’, ὦ γεραιὰ μῆτερ ἡ Ξέρξου φίλη, ἐλθοῦσ’ ἐσ οἴκουσ κόσμον ὅστισ εὐπρεπὴσ λαβοῦσ’ ὑπαντίαζε παιδί. πάντα γὰρ κακῶν ὑπ’ ἄλγουσ λακίδεσ ἀμφὶ σώματι στημορραγοῦσι ποικίλων ἐσθημάτων. ἀλλ’ αὐτὸν εὐφρόνωσ σὺ πράυνον λόγοισ· μόνησ γάρ, οἶδα, σοῦ κλύων ἀνέξεται. ἐγὼ δ’ ἄπειμι γῆσ ὑπὸ ζόφον κάτω. ὑμεῖσ δέ, πρέσβεισ, χαίρετ’, ἐν κακοῖσ ὅμωσ ψυχῇ διδόντεσ ἡδονὴν καθ’ ἡμέραν, ὡσ τοῖσ θανοῦσι πλοῦτοσ οὐδὲν ὠφελεῖ.

상위

Persians (페르시아인들)

목록

일치하는 문장이 없습니다.

SEARCH

MENU NAVIGATION