Aeschylus, Persians, episode, iambics 1:

τί οὖν, ἄναξ Δαρεῖε, ποῖ καταστρέφεισ λόγων τελευτήν; οὐ γὰρ πᾶν στράτευμα βαρβάρων περᾷ τὸν Ἕλλησ πορθμὸν Εὐρώπησ ἄπο; πῶσ ἂν ἐκ τούτων ἔτι πράσσοιμεν ὡσ ἄριστα Περσικὸσ λεώσ; εἰ μὴ στρατεύοισθ’ ἐσ τὸν Ἑλλήνων τόπον, μηδ’ εἰ στράτευμα πλεῖον τὸ Μηδικόν. αὐτὴ γὰρ ἡ γῆ ξύμμαχοσ κείνοισ πέλει. πῶσ τοῦτ’ ἔλεξασ, τίνι τρόπῳ δὲ συμμαχεῖ; κτείνουσα λιμῷ τοὺσ ὑπερπόλλουσ ἄγαν. ἀλλ’ εὐσταλῆ τοι λεκτὸν ἀροῦμεν στόλον. ἀλλ’ οὐδ’ ὁ μείνασ νῦν ἐν Ἑλλάδοσ τόποισ στρατὸσ κυρήσει νοστίμου σωτηρίασ. πῶσ εἶπασ;