Aeschylus, Eumenides, episode

(아이스킬로스, 에우메니데스, episode)

ἄνασσ’ Ἀθάνα, τίνα με φὴσ ἔχειν ἕδραν; πάσησ ἀπήμον’ οἰζύοσ· δέχου δὲ σύ. καὶ δὴ δέδεγμαι· τίσ δέ μοι τιμὴ μένει; ὡσ μή τιν’ οἶκον εὐθενεῖν ἄνευ σέθεν. σὺ τοῦτο πράξεισ, ὥστε με σθένειν τόσον; τῷ γὰρ σέβοντι συμφορὰσ ὀρθώσομεν. καί μοι πρόπαντοσ ἐγγύην θήσῃ χρόνου; ἔξεστι γάρ μοι μὴ λέγειν ἃ μὴ τελῶ. θέλξειν μ’ ἐοίκασ καὶ μεθίσταμαι κότου. τοιγὰρ κατὰ χθόν’ οὖσ’ ἐπικτήσῃ φίλουσ. τί οὖν μ’ ἄνωγασ τῇδ’ ἐφυμνῆσαι χθονί; ὁποῖα νίκησ μὴ κακῆσ ἐπίσκοπα, καὶ ταῦτα γῆθεν ἔκ τε ποντίασ δρόσου ἐξ οὐρανοῦ τε· κἀνέμων ἀήματα εὐηλίωσ πνέοντ’ ἐπιστείχειν χθόνα· καρπόν τε γαίασ καὶ βοτῶν ἐπίρρυτον ἀστοῖσιν εὐθενοῦντα μὴ κάμνειν χρόνῳ, καὶ τῶν βροτείων σπερμάτων σωτηρίαν. τῶν εὐσεβούντων δ’ ἐκφορωτέρα πέλοισ. στέργω γάρ, ἀνδρὸσ φιτυποίμενοσ δίκην, τὸ τῶν δικαίων τῶνδ’ ἀπένθητον γένοσ.

일치하는 문장이 없습니다.

SEARCH

MENU NAVIGATION