호흡부호 보기
강세부호 보기
장단부호 보기
작은 Iota 보기
모든 부호 보기
ὦ Φοῖβ’ Ἄπολλον, πῶσ ἀγὼν κριθήσεται; ὦ Νὺξ μέλαινα μῆτερ, ἆρ’ ὁρᾷσ τάδε; νῦν ἀγχόνησ μοι τέρματ’, ἢ φάοσ βλέπειν. ἡμῖν γὰρ ἔρρειν, ἢ πρόσω τιμὰσ νέμειν. πεμπάζετ’ ὀρθῶσ ἐκβολὰσ ψήφων, ξένοι, τὸ μὴ ’δικεῖν σέβοντεσ ἐν διαιρέσει. γνώμησ δ’ ἀπούσησ πῆμα γίγνεται μέγα, βαλοῦσά τ’ οἶκον ψῆφοσ ὤρθωσεν μία. ἀνὴρ ὅδ’ ἐκπέφευγεν αἵματοσ δίκην· ἴσον γάρ ἐστι τἀρίθμημα τῶν πάλων. ὦ Παλλάσ, ὦ σώσασα τοὺσ ἐμοὺσ δόμουσ. γαίασ πατρῴασ ἐστερημένον σύ τοι κατῴκισάσ με· καί τισ Ἑλλήνων ἐρεῖ, "Ἀργεῖοσ ἁνὴρ αὖθισ ἔν τε χρήμασιν οἰκεῖ πατρῴοισ, Παλλάδοσ καὶ Λοξίου ἕκατι, καὶ τοῦ πάντα κραίνοντοσ τρίτου σωτῆροσ," ὃσ πατρῷον αἰδεσθεὶσ μόρον σῴζει με, μητρὸσ τάσδε συνδίκουσ ὁρῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기