호흡부호 보기
강세부호 보기
장단부호 보기
작은 Iota 보기
모든 부호 보기
οὔτοι προδώσω· διὰ τέλουσ δέ σοι φύλαξ ἐγγὺσ παρεστὼσ καὶ πρόσω δ’ ἀποστατῶν ἐχθροῖσι τοῖσ σοῖσ οὐ γενήσομαι πέπων. καὶ νῦν ἁλούσασ τάσδε τὰσ μάργουσ ὁρᾷσ· ὕπνῳ πεσοῦσαι δ’ αἱ κατάπτυστοι κόραι, γραῖαι παλαιαὶ παῖδεσ, αἷσ οὐ μείγνυται θεῶν τισ οὐδ’ ἄνθρωποσ οὐδὲ θήρ ποτε. κακῶν δ’ ἕκατι κἀγένοντ’, ἐπεὶ κακὸν σκότον νέμονται Τάρταρόν θ’ ὑπὸ χθονόσ, μισήματ’ ἀνδρῶν καὶ θεῶν Ὀλυμπίων. ὅμωσ δὲ φεῦγε μηδὲ μαλθακὸσ γένῃ. ἐλῶσι γάρ σε καὶ δι’ ἠπείρου μακρᾶσ βιβῶντ’ ἀν’ αἰεὶ τὴν πλανοστιβῆ χθόνα ὑπέρ τε πόντον καὶ περιρρύτασ πόλεισ. καὶ μὴ πρόκαμνε τόνδε βουκολούμενοσ πόνον· μολὼν δὲ Παλλάδοσ ποτὶ πτόλιν ἵζου παλαιὸν ἄγκαθεν λαβὼν βρέτασ. κἀκεῖ δικαστὰσ τῶνδε καὶ θελκτηρίουσ μύθουσ ἔχοντεσ μηχανὰσ εὑρήσομεν, ὥστ’ ἐσ τὸ πᾶν σε τῶνδ’ ἀπαλλάξαι πόνων· καὶ γὰρ κτανεῖν σ’ ἔπεισα μητρῷον δέμασ. ἄναξ Ἄπολλον, οἶσθα μὲν τὸ μὴ ’δικεῖν· ἐπεὶ δ’ ἐπίστᾳ, καὶ τὸ μὴ ’μελεῖν μάθε. σθένοσ δὲ ποιεῖν εὖ φερέγγυον τὸ σόν. μέμνησο, μὴ φόβοσ σε νικάτω φρένασ. σὺ δ’, αὐτάδελφον αἷμα καὶ κοινοῦ πατρόσ, Ἑρμῆ, φύλασσε· κάρτα δ’ ὢν ἐπώνυμοσ πομπαῖοσ ἴσθι, τόνδε ποιμαίνων ἐμὸν ἱκέτην ‐ σέβει τοι Ζεὺσ τόδ’ ἐκνόμων σέβασ ‐ ὁρμώμενον βροτοῖσιν εὐπόμπῳ τύχῃ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기