Aeschylus, Agamemnon, episode 1:

(아이스킬로스, 아가멤논, episode 1:)

Ἀτρεὺσ γὰρ ἄρχων τῆσδε γῆσ, τούτου πατήρ, πατέρα Θυέστην τὸν ἐμόν, ὡσ τορῶσ φράσαι, αὑτοῦ δ’ ἀδελφόν, ἀμφίλεκτοσ ὢν κράτει, ἠνδρηλάτησεν ἐκ πόλεώσ τε καὶ δόμων. καὶ προστρόπαιοσ ἑστίασ μολὼν πάλιν τλήμων Θυέστησ μοῖραν ηὑρ́ετ’ ἀσφαλῆ, τὸ μὴ θανὼν πατρῷον αἱμάξαι πέδον, αὐτόσ· ξένια δὲ τοῦδε δύσθεοσ πατὴρ Ἀτρεύσ, προθύμωσ μᾶλλον ἢ φίλωσ, πατρὶ τὠμῷ, κρεουργὸν ἦμαρ εὐθύμωσ ἄγειν δοκῶν, παρέσχε δαῖτα παιδείων κρεῶν. τὰ μὲν ποδήρη καὶ χερῶν ἄκρουσ κτένασ ἔθρυπτ’, ἄνωθεν . . . . . . . . ἀνδρακὰσ καθήμενοσ. ἄσημα δ’ αὐτῶν αὐτίκ’ ἀγνοίᾳ λαβὼν ἔσθει βορὰν ἄσωτον, ὡσ ὁρᾷσ, γένει. κἄπειτ’ ἐπιγνοὺσ ἔργον οὐ καταίσιον ᾤμωξεν, ἀμπίπτει δ’ ἀπὸ σφαγὴν ἐρῶν, μόρον δ’ ἄφερτον Πελοπίδαισ ἐπεύχεται, λάκτισμα δείπνου ξυνδίκωσ τιθεὶσ ἀρᾷ, οὕτωσ ὀλέσθαι πᾶν τὸ Πλεισθένουσ γένοσ. ἐκ τῶνδέ σοι πεσόντα τόνδ’ ἰδεῖν πάρα. κἀγὼ δίκαιοσ τοῦδε τοῦ φόνου ῥαφεύσ. τρίτον γὰρ ὄντα μ’ ἐπὶ δυσαθλίῳ πατρὶ συνεξελαύνει τυτθὸν ὄντ’ ἐν σπαργάνοισ· τραφέντα δ’ αὖθισ ἡ δίκη κατήγαγεν. καὶ τοῦδε τἀνδρὸσ ἡψάμην θυραῖοσ ὤν, πᾶσαν συνάψασ μηχανὴν δυσβουλίασ. οὕτω καλὸν δὴ καὶ τὸ κατθανεῖν ἐμοί, ἰδόντα τοῦτον τῆσ δίκησ ἐν ἑρ́κεσιν. Αἴγισθ’, ὑβρίζειν ἐν κακοῖσιν οὐ σέβω. σὺ δ’ ἄνδρα τόνδε φὴσ ἑκὼν κατακτανεῖν, μόνοσ δ’ ἔποικτον τόνδε βουλεῦσαι φόνον· οὔ φημ’ ἀλύξειν ἐν δίκῃ τὸ σὸν κάρα δημορριφεῖσ, σάφ’ ἴσθι, λευσίμουσ ἀράσ.

상위

Agamemnon (아가멤논)

목록

SEARCH

MENU NAVIGATION