Xenophon, Minor Works, Κυνηγετικός, chapter 8

(크세노폰, Minor Works, Κυνηγετικός, chapter 8)

ἰχνεύεσθαι δὲ τὸν λαγῶ ὅταν νίφῃ ὁ θεὸσ ὥστε ἠφανίσθαι τὴν γῆν· συμφοροῦν γὰρ τὴν χιόνα ἀφανίζει. εἰ δ’ ἐνέσται μελάγχιμα, δυσζήτητοσ ἔσται. ἔστι δέ, ὅταν μὲν ἐπινεφῇ καὶ ᾖ βόρειον, τὰ ἴχνη ἔξω πολὺν χρόνον δῆλα· οὐ γὰρ ταχὺ συντήκεται· ἐὰν δὲ νότιόν τε ᾖ καὶ ἥλιοσ ἐπιλάμπῃ, ὀλίγον χρόνον· ταχὺ γὰρ διαχεῖται. ὅταν δ’ ἐπινίφῃ συνεχῶσ, οὐδὲν δεῖ· ἐπικαλύπτει γάρ· οὐδὲ ἂν πνεῦμα ᾖ μέγα· κύνασ μὲν οὖν οὐδὲν δεῖ ἔχοντα ἐξιέναι ἐπὶ τὴν θήραν ταύτην·

ἡ γὰρ χιὼν καίει τῶν κυνῶν τὰσ ῥῖνασ, <ῥήγνυσι> τοὺσ πόδασ, τὴν ὀσμὴν τοῦ λαγῶ ἀφανίζει διὰ τὸ ὑπερπαγέσ· λαβόντα δὲ τὰ δίκτυα μετ’ ἄλλου ἐλθόντα πρὸσ τὰ ὄρη παριέναι ἀπὸ τῶν ἔργων, καὶ ἐπειδὰν λάβῃ τὰ ἴχνη, πορεύεσθαι κατὰ ταῦτα. ἐὰν δ’ ἐπηλλαγμένα ᾖ, ἐκ τῶν αὐτῶν πάλιν εἰσ τὸ αὐτὸ ἥκοντα κύκλουσ ποιούμενον ἐκπεριιέναι τὰ τοιαῦτα ζητοῦντα ὁποῖα ἔξεισι.

πολλὰ δὲ πλανᾶται ὁ λαγῶσ ἀπορούμενοσ ὅπου κατακλινῇ, ἅμα δὲ καὶ εἴθισται τεχνάζειν τῇ βαδίσει διὰ τὸ διώκεσθαι ἀεὶ ἀπὸ τῶν τοιούτων. ἐπειδὰν <δὲ> φανῇ τὸ ἴχνοσ, προϊέναι εἰσ τὸ πρόσθεν.

ἄξει δὲ ἢ πρὸσ σύσκιον τόπον ἢ πρὸσ ἀπόκρημνον· τὰ γὰρ πνεύματα ὑπερφορεῖ τὴν χιόνα ὑπὲρ τῶν τοιούτων. παραλείπεται οὖν εὐνάσιμα πολλά· ζητεῖ δὲ τοῦτο. ἐπειδὰν δὲ τὰ ἴχνη πρὸσ τοιαῦτα φέρῃ, μὴ προσιέναι ἐγγύσ, ἵνα μὴ ὑποκινῇ, ἀλλὰ κύκλῳ ἐκπεριιέναι·

ἐλπὶσ γὰρ αὐτοῦ εἶναι. δῆλον δ’ ἔσται· τὰ γὰρ ἴχνη ἀπὸ τῶν τοιούτων οὐδαμοῦ περάσει. ἐπειδὰν δὲ ᾖ σαφὲσ ὅτι αὐτοῦ ἐστιν, ἐᾶν·

μενεῖ γάρ· ἕτερον δὲ ζητεῖν πρὶν τὰ ἴχνη ἄδηλα γενέσθαι, τῆσ ὡρ́ασ ἐνθυμούμενον, ὅπωσ, ἂν καὶ ἑτέρουσ εὑρίσκῃ, ἔσται ἡ λειπομένη ἱκανὴ περιστήσασθαι. ἥκοντοσ δὲ τούτου περιτείνειν αὐτῶν ἑκάστῳ τὰ δίκτυα τὸν αὐτὸν τρόπον ὅνπερ ἐν τοῖσ μελαγχίμοισ, περιλαμβάνοντα ἐντὸσ πρὸσ ὅτῳ ἂν ᾖ, καὶ ἐπειδὰν ἑστηκότα ᾖ, προσελθόντα κινεῖν.

ἐὰν δὲ ἐκκυλισθῇ ἐκ τῶν δικτύων, μεταθεῖν κατὰ τὰ ἴχνη·

ὁ δὲ ἀφίξεται πρὸσ ἕτερα τοιαῦτα χωρία, ἐὰν μὴ ἄρα ἐν αὐτῇ τῇ χιόνι πιέσῃ ἑαυτόν. σκεψάμενον οὖν δεῖ ὅπου ἂν ᾖ περιίστασθαι. ἐὰν δὲ μὴ ὑπομένῃ, μεταθεῖν· ἁλώσεται γὰρ καὶ ἄνευ τῶν δικτύων· ταχὺ γὰρ ἀπαγορεύει διὰ τὸ βάθοσ τῆσ χιόνοσ καὶ διὰ τὸ κάτωθεν τῶν ποδῶν λασίων ὄντων προσέχεσθαι αὐτῷ ὄγκον πολύν.

일치하는 문장이 없습니다.

SEARCH

MENU NAVIGATION