헬라어 문장 검색 - ΧενοπήΜινορΩό3́10́

(크세노폰, Minor Works, Λακεδαιμονίων Πολιτεία, chapter 10)

καλῶσ δέ μοι δοκεῖ ὁ Λυκοῦργοσ νομοθετῆσαι καὶ ᾗ μέχρι γήρωσ ἀσκοῖτ’ ἂν ἀρετή. ἐπὶ γὰρ τῷ τέρματι τοῦ βίου τὴν κρίσιν τῆσ γεροντίασ προσθεὶσ ἐποίησε μηδὲ ἐν τῷ γήρᾳ ἀμελεῖσθαι τὴν καλοκἀγαθίαν. ἀξιάγαστον δ’ αὐτοῦ καὶ τὸ ἐπικουρῆσαι τῷ τῶν ἀγαθῶν γήρᾳ·

θεὶσ γὰρ τοὺσ γέροντασ κυρίουσ τοῦ περὶ τῆσ ψυχῆσ ἀγῶνοσ διέπραξεν ἐντιμότερον εἶναι τὸ γῆρασ τῆσ τῶν ἀκμαζόντων ῥώμησ. εἰκότωσ δέ τοι καὶ σπουδάζεται οὗτοσ ὁ ἀγὼν μάλιστα τῶν ἀνθρωπίνων.

καλοὶ μὲν γὰρ καὶ οἱ γυμνικοί· ἀλλ’ οὗτοι μὲν σωμάτων εἰσίν· ὁ δὲ περὶ τῆσ γεροντίασ ἀγὼν ψυχῶν ἀγαθῶν κρίσιν παρέχει. ὅσῳ οὖν κρείττων ψυχὴ σώματοσ, τοσούτῳ καὶ οἱ ἀγῶνεσ οἱ τῶν ψυχῶν ἢ οἱ τῶν σωμάτων ἀξιοσπουδαστότεροι. τόδε γε μὴν τοῦ Λυκούργου πῶσ οὐ μεγάλωσ ἄξιον ἀγασθῆναι;

ὃσ ἐπειδὴ κατέμαθεν ὅτι ὅπου οἱ βουλόμενοι ἐπιμελοῦνται τῆσ ἀρετῆσ οὐχ ἱκανοί εἰσι τὰσ πατρίδασ αὔξειν, ἐκεῖνοσ ἐν τῇ Σπάρτῃ ἠνάγκασε δημοσίᾳ πάντασ πάσασ ἀσκεῖν τὰσ ἀρετάσ. ὥσπερ οὖν οἱ ἰδιῶται τῶν ἰδιωτῶν διαφέρουσιν ἀρετῇ οἱ ἀσκοῦντεσ τῶν ἀμελούντων, οὕτω καὶ ἡ Σπάρτη εἰκότωσ πασῶν τῶν πόλεων ἀρετῇ διαφέρει, μόνη δημοσίᾳ ἐπιτηδεύουσα τὴν καλοκἀγαθίαν. οὐ γὰρ κἀκεῖνο καλόν, τὸ τῶν ἄλλων πόλεων κολαζουσῶν ἤν τίσ τι ἕτεροσ ἕτερον ἀδικῇ, ἐκεῖνον ζημίασ μὴ ἐλάττουσ ἐπιθεῖναι εἴ τισ φανερὸσ εἰή ἀμελῶν τοῦ ὡσ βέλτιστοσ εἶναι;

ἐνόμιζε γάρ, ὡσ ἐοίκεν, ὑπὸ μὲν τῶν ἀνδραποδιζομένων τινὰσ ἢ ἀποστερούντων τι ἢ κλεπτόντων τοὺσ βλαπτομένουσ μόνον ἀδικεῖσθαι, ὑπὸ δὲ τῶν κακῶν καὶ ἀνάνδρων ὅλασ τὰσ πόλεισ προδίδοσθαι.

ὥστε εἰκότωσ ἔμοιγε δοκεῖ τούτοισ μεγίστασ ζημίασ ἐπιθεῖναι. ἐπέθηκε δὲ καὶ τὴν ἀνυπόστατον ἀνάγκην ἀσκεῖν ἅπασαν πολιτικὴν ἀρετήν.

τοῖσ μὲν γὰρ τὰ νόμιμα ἐκτελοῦσιν ὁμοίωσ ἅπασι τὴν πόλιν οἰκείαν ἐποίησε, καὶ οὐδὲν ὑπελογίσατο οὔτε σωμάτων οὔτε χρημάτων ἀσθένειαν· εἰ δέ τισ ἀποδειλιάσειε τοῦ τὰ νόμιμα διαπονεῖσθαι, τοῦτον ἐκεῖνοσ ἀπέδειξε μηδὲ νομίζεσθαι ἔτι τῶν ὁμοίων εἶναι. ἀλλὰ γὰρ ὅτι μὲν παλαιότατοι οὗτοι οἱ νόμοι εἰσί, σαφέσ·

ὁ γὰρ Λυκοῦργοσ κατὰ τοὺσ Ἡρακλείδασ λέγεται γενέσθαι· οὕτω δὲ παλαιοὶ ὄντεσ ἔτι καὶ νῦν τοῖσ ἄλλοισ καινότατοί εἰσι· καὶ γὰρ τὸ πάντων θαυμαστότατον ἐπαινοῦσι μὲν πάντεσ τὰ τοιαῦτα ἐπιτηδεύματα, μιμεῖσθαι δὲ αὐτὰ οὐδεμία πόλισ ἐθέλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 10

(크세노폰, Minor Works, Λακεδαιμονίων Πολιτεία, chapter 10)

상위

목록

SEARCH

MENU NAVIGATION