헬라어 문장 검색 - ΧενοπήΜινορΩό3́07́

(크세노폰, Minor Works, Λακεδαιμονίων Πολιτεία, chapter 7)

ἐναντία γε μὴν καὶ τάδε τοῖσ ἄλλοισ Ἕλλησι κατέστησεν ὁ Λυκοῦργοσ ἐν τῇ Σπάρτῃ νόμιμα. ἐν μὲν γὰρ δήπου ταῖσ ἄλλαισ πόλεσι πάντεσ χρηματίζονται ὅσον δύνανται· ὁ μὲν γὰρ γεωργεῖ, ὁ δὲ ναυκληρεῖ, ὁ δ’ ἐμπορεύεται, οἱ δὲ καὶ ἀπὸ τεχνῶν τρέφονται· ἐν δὲ τῇ Σπάρτῃ ὁ Λυκοῦργοσ τοῖσ μὲν ἐλευθέροισ τῶν μὲν ἀμφὶ χρηματισμὸν ἀπεῖπε μηδενὸσ ἅπτεσθαι, ὅσα δὲ ἐλευθερίαν ταῖσ πόλεσι παρασκευάζει, ταῦτα ἔταξε μόνα ἔργα αὑτῶν νομίζειν.

καὶ γὰρ δὴ τί πλοῦτοσ ἐκεῖ γε σπουδαστέοσ, ἔνθα ἴσα μὲν φέρειν εἰσ τὰ ἐπιτήδεια, ὁμοίωσ δὲ διαιτᾶσθαι τάξασ ἐποίησε μὴ ἡδυπαθείασ ἕνεκα χρημάτων ὀρέγεσθαι;

ἀλλὰ μὴν οὐδ’ ἱματίων γε ἕνεκα χρηματιστέον· οὐ γὰρ ἐσθῆτοσ πολυτελείᾳ ἀλλὰ σώματοσ εὐεξίᾳ κοσμοῦνται. οὐδὲ μὴν τοῦ γε εἰσ τοὺσ συσκήνουσ ἕνεκα ἔχειν δαπανᾶν χρήματα ἁθροιστέον, ἐπεὶ τὸ τῷ σώματι πονοῦντα ὠφελεῖν τοὺσ συνόντασ εὐδοξότερον ἐποίησεν ἢ τὸ δαπανῶντα, ἐπιδείξασ τὸ μὲν ψυχῆσ, τὸ δὲ πλούτου ἔργον.

τό γε μὴν ἐξ ἀδίκων χρηματίζεσθαι καὶ ἐν τοῖσ τοιούτοισ διεκώλυσε.

πρῶτον μὲν γὰρ νόμισμα τοιοῦτον κατεστήσατο, ὃ δεκάμνων μόνον ἂν εἰσ οἰκίαν εἰσελθὸν οὔποτε δεσπότασ οὐδὲ οἰκέτασ λάθοι· καὶ γὰρ χώρασ μεγάλησ καὶ ἁμάξησ ἀγωγῆσ δέοιτ’ ἄν. χρυσίον γε μὴν καὶ ἀργύριον ἐρευνᾶται, καὶ ἄν τί που φανῇ, ὁ ἔχων ζημιοῦται.

τί οὖν ἂν ἐκεῖ χρηματισμὸσ σπουδάζοιτο, ἔνθα ἡ κτῆσισ πλείουσ λύπασ ἢ ἡ χρῆσισ εὐφροσύνασ παρέχει;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 7

(크세노폰, Minor Works, Λακεδαιμονίων Πολιτεία, chapter 7)

상위

목록

SEARCH

MENU NAVIGATION