Xenophon, Minor Works, Λακεδαιμονίων Πολιτεία, chapter 6

(크세노폰, Minor Works, Λακεδαιμονίων Πολιτεία, chapter 6)

ἐναντία γε μὴν ἔγνω καὶ τάδε τοῖσ πλείστοισ. ἐν μὲν γὰρ ταῖσ ἄλλαισ πόλεσι τῶν ἑαυτοῦ ἕκαστοσ καὶ παίδων καὶ οἰκετῶν καὶ χρημάτων ἄρχουσιν· ὁ δὲ Λυκοῦργοσ, κατασκευάσαι βουλόμενοσ ὡσ ἂν μηδὲν βλάπτοντεσ ἀπολαύοιέν τι οἱ πολῖται ἀλλήλων ἀγαθόν, ἐποίησε παίδων ἕκαστον ὁμοίωσ τῶν ἑαυτοῦ καὶ τῶν ἀλλοτρίων ἄρχειν. ὅταν δέ τισ εἰδῇ ὅτι οὗτοι πατέρεσ εἰσὶ τῶν παίδων, ὧν αὐτὸσ ἄρχει ἀνάγκη οὕτωσ ἄρχειν ὥσπερ ἂν καὶ τῶν ἑαυτοῦ ἄρχεσθαι βούλοιτο.

ἢν δέ τισ παῖσ ποτε πληγὰσ λαβὼν ὑπ’ ἄλλου κατείπῃ πρὸσ τὸν πατέρα, αἰσχρόν ἐστι μὴ οὐκ ἄλλασ πληγὰσ ἐμβάλλειν τῷ υἱεῖ. οὕτω πιστεύουσιν ἀλλήλοισ μηδὲν αἰσχρὸν προστάττειν τοῖσ παισίν. ἐποίησε δὲ καὶ οἰκέταισ, εἴ τισ δεηθείη, χρῆσθαι καὶ τοῖσ ἀλλοτρίοισ.

καὶ κυνῶν δὲ θηρευτικῶν συνῆψε κοινωνίαν· ὥστε οἱ μὲν δεόμενοι παρακαλοῦσιν ἐπὶ θήραν, ὁ δὲ μὴ αὐτὸσ σχολάζων ἡδέωσ ἐκπέμπει. καὶ ἵπποισ δὲ ὡσαύτωσ χρῶνται· ὁ γὰρ ἀσθενήσασ ἢ δεηθεὶσ ὀχήματοσ ἢ ταχύ ποι βουληθεὶσ ἀφικέσθαι, ἤν που ἴδῃ ἵππον ὄντα, λαβὼν καὶ χρησάμενοσ καλῶσ ἀποκαθίστησιν. οὐ μὴν οὐδ’ ἐκεῖνό γε παρὰ τοῖσ ἄλλοισ εἰθισμένον ἐποίησεν ἐπιτηδεύεσθαι.

ὅπου γὰρ ἂν ὑπὸ θήρασ ὀψισθέντεσ δεηθῶσι τῶν ἐπιτηδείων, ἢν μὴ συνεσκευασμένοι τύχωσι, καὶ ἐνταῦθα ἔθηκε τοὺσ μὲν πεπαμένουσ καταλείπειν τὰ πεποιημένα, τοὺσ δὲ δεομένουσ ἀνοίξαντασ τὰ σήμαντρα, λαβόντασ ὅσων ἂν δέωνται σημηναμένουσ καταλιπεῖν. τοιγαροῦν οὕτωσ μεταδιδόντεσ ἀλλήλοισ καὶ οἱ τὰ μικρὰ ἔχοντεσ μετέχουσι πάντων τῶν ἐν τῇ χώρᾳ, ὁπόταν τινὸσ δεηθῶσιν.

일치하는 문장이 없습니다.

SEARCH

MENU NAVIGATION