헬라어 문장 검색 - ΧενοπήΜινορΩό3́03́

(크세노폰, Minor Works, Λακεδαιμονίων Πολιτεία, chapter 3)

ὅταν γε μὴν ἐκ παίδων εἰσ τὸ μειρακιοῦσθαι ἐκβαίνωσι, τηνικαῦτα οἱ μὲν ἄλλοι παύουσι μὲν ἀπὸ παιδαγωγῶν, παύουσι δὲ ἀπὸ διδασκάλων, ἄρχουσι δὲ οὐδένεσ ἔτι αὐτῶν, ἀλλ’ αὐτονόμουσ ἀφιᾶσιν· ὁ δὲ Λυκοῦργοσ καὶ τούτων τἀναντία ἔγνω. καταμαθὼν γὰρ τοῖσ τηλικούτοισ μέγιστον μὲν φρόνημα ἐμφυόμενον, μάλιστα δὲ ὕβριν ἐπιπολάζουσαν, ἰσχυροτάτασ δὲ ἐπιθυμίασ τῶν ἡδονῶν παρισταμένασ, τηνικαῦτα πλείστουσ μὲν πόνουσ αὐτοῖσ ἐπέβαλε, πλείστην δὲ ἀσχολίαν ἐμηχανήσατο.

ἐπιθεὶσ δὲ καὶ εἴ τισ ταῦτα φύγοι, μηδενὸσ ἔτι τῶν καλῶν τυγχάνειν, ἐποίησε μὴ μόνον τοὺσ ἐκ δημοσίου ἀλλὰ καὶ τοὺσ κηδομένουσ ἑκάστων ἐπιμελεῖσθαι, ὡσ μὴ ἀποδειλιάσαντεσ ἀδόκιμοι παντάπασιν ἐν τῇ πόλει γένοιντο.

πρὸσ δὲ τούτοισ τὸ αἰδεῖσθαι ἰσχυρῶσ ἐμφῦσαι βουλόμενοσ αὐτοῖσ καὶ ἐν ταῖσ ὁδοῖσ ἐπέταξεν ἐντὸσ μὲν τοῦ ἱματίου τὼ χεῖρε ἔχειν, σιγῇ δὲ πορεύεσθαι, περιβλέπειν δὲ μηδαμοῖ, ἀλλ’ αὐτὰ τὰ πρὸ τῶν ποδῶν ὁρᾶν.

ἔνθα δὴ καὶ δῆλον γεγένηται ὅτι τὸ ἄρρεν φῦλον καὶ εἰσ τὸ σωφρονεῖν ἰσχυρότερόν ἐστι τῶν τῆσ θηλείασ φύσεωσ. ἐκείνων γοῦν ἧττον μὲν ἂν φωνὴν ἀκούσαισ ἢ τῶν λιθίνων, ἧττον δ’ ἂν ὄμματα μεταστρέψαισ ἢ τῶν χαλκῶν, αἰδημονεστέρουσ δ’ ἂν αὐτοὺσ ἡγήσαιο καὶ αὐτῶν τῶν ἐν τοῖσ ὀφθαλμοῖσ παρθένων.

καὶ ἐπειδὰν εἰσ τὸ φιλίτιόν γε ἀφίκωνται, ἀγαπητὸν αὐτῶν καὶ τὸ ἐρωτηθὲν ἀκοῦσαι. καὶ τῶν μὲν αὖ παιδίσκων οὕτωσ ἐπεμελήθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 3

(크세노폰, Minor Works, Λακεδαιμονίων Πολιτεία, chapter 3)

상위

목록

SEARCH

MENU NAVIGATION