호흡부호 보기
강세부호 보기
장단부호 보기
작은 Iota 보기
모든 부호 보기
γίνεται δ’ ἐν τῇ Βαβυλωνίᾳ καὶ ἄσφαλτοσ πολλή, περὶ ἧσ Ἐρατοσθένησ μὲν οὕτωσ εἴρηκεν ὅτι "ἡ μὲν "ὑγρὰ ἣν καλοῦσι νάφθαν, γίνεται ἐν τῇ Σουσίδι, ἡ δὲ "ξηρὰ δυναμένη πήττεσθαι ἐν τῇ Βαβυλωνίᾳ· ταύτησ "δ’ ἐστὶν ἡ πηγὴ τοῦ Εὐφράτου πλησίον· πλημμύροντοσ δὲ τούτου κατὰ τὰσ τῶν χιόνων τήξεισ καὶ αὐτὴ "πληροῦται καὶ ὑπέρχυσιν εἰσ τὸν ποταμὸν λαμβάνει· "ἐνταῦθα δὲ συνίστανται βῶλοι μεγάλαι πρὸσ τὰσ "οἰκοδομὰσ ἐπιτήδειαι τὰσ διὰ τῆσ ὀπτῆσ πλίνθου. " ἄλλοι δὲ καὶ τὴν ὑγρὰν ἐν τῇ Βαβυλωνίᾳ γίνεσθαί φασι. περὶ μὲν οὖν τῆσ ξηρᾶσ εἴρηται πόσον τὸ χρήσιμον τὸ ἐκ τῶν οἰκοδομιῶν μάλιστα· φασὶ δὲ καὶ πλοῖα πλέκεσθαι, ἐμπλασθέντα δ’ ἀσφάλτῳ πυκνοῦσθαι. τὴν δὲ ὑγρὰν ἣν νάφθαν καλοῦσι, παράδοξον ἔχειν συμβαίνει τὴν φύσιν· προσαχθεὶσ γὰρ ὁ νάφθασ πυρὶ πλησίον ἀναρπάζει τὸ πῦρ, κἂν ἐπιχρίσασ αὐτῷ σῶμα προσαγάγῃσ, φλέγεται· σβέσαι δ’ ὕδατι οὐχ οἱο͂́ν τε ἐκκαίεται γὰρ μᾶλλον πλὴν εἰ πάνυ πολλῷ, ἀλλὰ πηλῷ καὶ ὄξει καὶ στυπτηρίᾳ καὶ ἰξῷ πνιγεὶσ σβέννυται. πείρασ δὲ χάριν φασὶν Ἀλέξανδρον ἐν λουτρῷ προσχέαι παιδὶ τοῦ νάφθα καὶ προσαγαγεῖν λύχνον· φλεγόμενον δὲ τὸν παῖδα ἐγγὺσ ἐλθεῖν τοῦ ἀπολέσθαι, πλὴν πολλῷ σφόδρα καταντλοῦντεσ τῷ ὕδατι ἐξίσχυσαν καὶ διέσωσαν οἱ περιεστῶτεσ. Ποσειδώνιοσ δέ φησι τοῦ ἐν τῇ Βαβυλωνίᾳ νάφθα τὰσ πηγὰσ τὰσ μὲν εἶναι λευκοῦ τὰσ δὲ μέλανοσ· τούτων δὲ τὰσ μὲν εἶναι θείου ὑγροῦ λέγω δὲ τὰσ τοῦ λευκοῦ· ταύτασ δ’ εἶναι τὰσ ἐπισπώσασ τὰσ φλόγασ, τὰσ δὲ τοῦ μέλανοσ ἀσφάλτου ὑγρᾶσ, ᾧ ἀντ’ ἐλαίου τοὺσ λύχνουσ κάουσι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기