호흡부호 보기
강세부호 보기
장단부호 보기
작은 Iota 보기
모든 부호 보기
παράκειται δὲ τῇ Σάμῳ νῆσοσ Ἰκαρία ἀφ’ ἧσ τὸ Ἰκάριον πέλαγοσ. αὕτη δ’ ἐπώνυμόσ ἐστιν Ἰκάρου παιδὸσ τοῦ Δαιδάλου, ὅν φασι τῷ πατρὶ κοινωνήσαντα τῆσ φυγῆσ, ἡνίκα ἀμφότεροι πτερωθέντεσ ἀπῆραν ἐκ Κρήτησ, πεσεῖν ἐνθάδε μὴ κρατήσαντα τοῦ δρόμου· μετεωρισθέντι γὰρ πρὸσ τὸν ἥλιον ἐπὶ πλέον περιρρυῆναι τὰ πτερὰ τακέντοσ τοῦ κηροῦ. τριακοσίων δ’ ἐστὶ τὴν περίμετρον σταδίων ἡ νῆσοσ ἅπασα καὶ ἀλίμενοσ πλὴν ὑφόρμων, ὧν ὁ κάλλιστοσ Ἱστοὶ λέγονται· ἄκρα δ’ ἐστὶν ἀνατείνουσα πρὸσ ζέφυρον. ἔστι δὲ καὶ Ἀρτέμιδοσ ἱερὸν καλούμενον Ταυροπόλιον ἐν τῇ νήσῳ καὶ πολισμάτιον Οἰνόη, καὶ ἄλλο Δράκανον ὁμώνυμον τῇ ἄκρᾳ ἐφ’ ᾗ ἵδρυται, πρόσορμον ἔχον· ἡ δὲ ἄκρα διέχει τῆσ Σαμίων ἄκρασ τῆσ Κανθαρίου καλουμένησ ὀγδοήκοντα σταδίουσ, ὅπερ ἐστὶν ἐλάχιστον δίαρμα τὸ μεταξύ. νυνὶ μέντοι λιπανδροῦσαν Σάμιοι νέμονται τὰ πολλὰ βοσκημάτων χάριν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기