호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ τῷ Ἀντιταύρῳ τούτῳ βαθεῖσ καὶ στενοί εἰσιν αὐλῶνεσ, ἐν οἷσ ἵδρυται τὰ Κόμανα καὶ τὸ τῆσ Ἐνυοῦσ ἱερὸν ἣν ἐκεῖνοι Μᾶ ὀνομάζουσι· πόλισ δ’ ἐστὶν ἀξιόλογοσ, πλεῖστον μέντοι τὸ τῶν θεοφορήτων πλῆθοσ καὶ τὸ τῶν ἱεροδούλων ἐν αὐτῇ. Κατάονεσ δέ εἰσιν οἱ ἐνοικοῦντεσ, ἄλλωσ μὲν ὑπὸ τῷ βασιλεῖ τεταγμένοι, τοῦ δὲ ἱερέωσ ὑπακούοντεσ τὸ πλέον· ὁ δὲ τοῦ θ’ ἱεροῦ κύριόσ ἐστι καὶ τῶν ἱεροδούλων, οἳ κατὰ τὴν ἡμετέραν ἐπιδημίαν πλείουσ ἦσαν τῶν ἑξακισχιλίων, ἄνδρεσ ὁμοῦ γυναιξί. πρόσκειται δὲ τῷ ἱερῷ καὶ χώρα πολλή, καρποῦται δ’ ὁ ἱερεὺσ τὴν πρόσοδον, καὶ ἔστιν οὗτοσ δεύτεροσ κατὰ τιμὴν ἐν τῇ Καππαδοκίᾳ μετὰ τὸν βασιλέα· ὡσ δ’ ἐπὶ τὸ πολὺ τοῦ αὐτοῦ γένουσ ἦσαν οἱ ἱερεῖσ τοῖσ βασιλεῦσι. τὰ δὲ ἱερὰ ταῦτα δοκεῖ Ὀρέστησ μετὰ τῆσ ἀδελφῆσ Ἰφιγενείασ κομίσαι δεῦρο ἀπὸ τῆσ Ταυρικῆσ Σκυθίασ, τὰ τῆσ Ταυροπόλου Ἀρτέμιδοσ, ἐνταῦθα δὲ καὶ τὴν πένθιμον κόμην ἀποθέσθαι, ἀφ’ ἧσ καὶ τοὔνομα τῇ πόλει. διὰ μὲν οὖν τῆσ πόλεωσ ταύτησ ὁ Σάροσ ῥεῖ ποταμόσ, καὶ διὰ τῶν συναγκειῶν τοῦ Ταύρου διεκπεραιοῦται πρὸσ τὰ τῶν Κιλίκων πεδία καὶ τὸ ὑποκείμενον πέλαγοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기