호흡부호 보기
강세부호 보기
장단부호 보기
작은 Iota 보기
모든 부호 보기
καὶ ἐν τῷ Καρπαθίῳ δ’ εἰσὶ πολλαὶ τῶν Σποράδων μεταξὺ τῆσ Κῶ μάλιστα καὶ Ῥόδου καὶ Κρήτησ· ὧν εἰσιν Ἀστυπάλαιά τε καὶ Τῆλοσ καὶ Χαλκία καὶ ἃσ Ὅμηροσ ὀνομάζει ἐν τῷ καταλόγῳ οἳ δ’ ἄρα Νίσυρόν τ’ εἶχον Κράπαθόν τε Κάσον τε, καὶ Κῶν, Εὐρυπύλοιο πόλιν, νήσουσ τε Καλύδνασ. ἔξω γὰρ τῆσ Κῶ καὶ τῆσ Ῥόδου, περὶ ὧν ἐροῦμεν ὕστερον, τάσ τε ἄλλασ ἐν ταῖσ Σποράσι τίθεμεν καὶ δὴ καὶ ἐνταῦθα μεμνήμεθα αὐτῶν, καίπερ τῆσ Ἀσίασ οὐ τῆσ Εὐρώπησ ἐγγὺσ οὐσῶν, ἐπειδὴ τῇ Κρήτῃ καὶ ταῖσ Κυκλάσι καὶ τὰσ Σποράδασ συμπεριλαβεῖν ἠπείγετό πωσ ὁ λόγοσ· ἐν δὲ τῇ τῆσ Ἀσίασ περιοδείᾳ τὰσ προσεχεῖσ αὐτῇ τῶν ἀξιολόγων νήσων προσπεριοδεύσομεν, Κύπρον καὶ Ῥόδον καὶ Κῶν καὶ τὰσ ἐν τῇ ἐφεξῆσ παραλίᾳ κειμένασ, Σάμον Χίον Λέσβον Τένεδον· νῦν δὲ τὰσ Σποράδασ ὧν ἄξιον μνησθῆναι λοιπὸν ἔπιμεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기