Sophocles, Antigone, episode 2:

(소포클레스, Antigone, episode 2:)

τάδ’ ἐξ ἀθύμου δεσπότου κελευσμάτων ἠθροῦμεν· ἐν δὲ λοισθίῳ τυμβεύματι τὴν μὲν κρεμαστὴν αὐχένοσ κατείδομεν, βρόχῳ μιτώδει σινδόνοσ καθημμένην, τὸν δ’ ἀμφὶ μέσσῃ περιπετῆ προσκείμενον, εὐνῆσ ἀποιμώζοντα τῆσ κάτω φθορὰν καὶ πατρὸσ ἔργα καὶ τὸ δύστηνον λέχοσ. ὁ δ’ ὡσ ὁρᾷ σφε, στυγνὸν οἰμώξασ ἔσω χωρεῖ πρὸσ αὐτὸν κἀνακωκύσασ καλεῖ· ὦ τλῆμον, οἱο͂ν ἔργον εἴργασαι· τίνα νοῦν ἔσχεσ; ἐν τῷ συμφορᾶσ διεφθάρησ; ἔξελθε, τέκνον, ἱκέσιόσ σε λίσσομαι. τὸν δ’ ἀγρίοισ ὄσσοισι παπτήνασ ὁ παῖσ, πτύσασ προσώπῳ κοὐδὲν ἀντειπών, ξίφουσ ἕλκει διπλοῦσ κνώδοντασ. ἐκ δ’ ὁρμωμένου πατρὸσ φυγαῖσιν ἤμπλακ’· εἶθ’ ὁ δύσμοροσ αὑτῷ χολωθείσ, ὥσπερ εἶχ’, ἐπενταθεὶσ ἤρεισε πλευραῖσ μέσσον ἔγχοσ, ἐσ δ’ ὑγρὸν ἀγκῶν’ ἔτ’ ἔμφρων παρθένῳ προσπτύσσεται. καὶ φυσιῶν ὀξεῖαν ἐκβάλλει ῥοὴν λευκῇ παρειᾷ φοινίου σταλάγματοσ. κεῖται δὲ νεκρὸσ περὶ νεκρῷ, τὰ νυμφικὰ τέλη λαχὼν δείλαιοσ εἰν Αἵδου δόμοισ, δείξασ ἐν ἀνθρώποισι τὴν ἀβουλίαν ὅσῳ μέγιστον ἀνδρὶ πρόσκειται κακόν.

상위

Antigone

목록

일치하는 문장이 없습니다.

SEARCH

MENU NAVIGATION