Sophocles, Ajax, episode 2:

(소포클레스, Ajax, episode 2:)

ἔγνων, Ὀδυσσεῦ, καὶ πάλαι φύλαξ ἔβην τῇ σῇ πρόθυμοσ εἰσ ὁδὸν κυναγίᾳ. ἦ καί, φίλη δέσποινα, πρὸσ καιρὸν πονῶ; ὡσ ἔστιν ἀνδρὸσ τοῦδε τἄργα ταῦτά σοι. καὶ πρὸσ τί δυσλόγιστον ὧδ’ ᾖξεν χέρα; χόλῳ βαρυνθεὶσ τῶν Ἀχιλλείων ὅπλων. τί δῆτα ποίμναισ τήνδ’ ἐπεμπίπτει βάσιν; δοκῶν ἐν ὑμῖν χεῖρα χραίνεσθαι φόνῳ. ἦ καὶ τὸ βούλευμ’ ὡσ ἐπ’ Ἀργείοισ τόδ’ ἦν; κἂν ἐξεπράξατ’, εἰ κατημέλησ’ ἐγώ. ποίαισι τόλμαισ ταῖσδε καὶ φρενῶν θράσει; νύκτωρ ἐφ’ ὑμᾶσ δόλιοσ ὁρμᾶται μόνοσ. ἦ καὶ παρέστη κἀπὶ τέρμ’ ἀφίκετο; καὶ δὴ ’πὶ δισσαῖσ ἦν στρατηγίσιν πύλαισ. καὶ πῶσ ἐπέσχε χεῖρα μαιμῶσαν φόνου; ἐγώ σφ’ ἀπείργω, δυσφόρουσ ἐπ’ ὄμμασι γνώμασ βαλοῦσα τῆσ ἀνηκέστου χαρᾶσ, καὶ πρόσ τε ποίμνασ ἐκτρέπω σύμμικτά τε λείασ ἄδαστα βουκόλων φρουρήματα· ἔνθ’ εἰσπεσὼν ἔκειρε πολύκερων φόνον κύκλῳ ῥαχίζων· κἀδόκει μὲν ἔσθ’ ὅτε δισσοὺσ Ἀτρείδασ αὐτόχειρ κτείνειν ἔχων, ὅτ’ ἄλλοτ’ ἄλλον ἐμπίτνων στρατηλατῶν. ἐγὼ δὲ φοιτῶντ’ ἄνδρα μανιάσιν νόσοισ ὤτρυνον, εἰσέβαλλον εἰσ ἑρ́κη κακά. κἄπειτ’ ἐπειδὴ τοῦδ’ ἐλώφησεν πόνου, τοὺσ ζῶντασ αὖ δεσμοῖσι συνδήσασ βοῶν ποίμνασ τε πάσασ εἰσ δόμουσ κομίζεται, ὡσ ἄνδρασ, οὐχ ὡσ εὔκερων ἄγραν ἔχων, καὶ νῦν κατ’ οἴκουσ συνδέτουσ αἰκίζεται. δείξω δὲ καὶ σοὶ τήνδε περιφανῆ νόσον, ὡσ πᾶσιν Ἀργείοισιν εἰσιδὼν θροῇσ. θαρσῶν δὲ μίμνε μηδὲ συμφορὰν δέχου τὸν ἄνδρ’· ἐγὼ γὰρ ὀμμάτων ἀποστρόφουσ αὐγὰσ ἀπείρξω σὴν πρόσοψιν εἰσιδεῖν. οὗτοσ, σὲ τὸν τὰσ αἰχμαλωτίδασ χέρασ δεσμοῖσ ἀπευθύνοντα προσμολεῖν καλῶ· Αἰάντα φωνῶ· στεῖχε δωμάτων πάροσ.

상위

Ajax

목록

일치하는 문장이 없습니다.

SEARCH

MENU NAVIGATION