Septuagint, Liber Ieremiae 50:

(70인역 성경, 예레미야서 50:)

ΚΑΙ ἐγενήθη ὡσ ἐπαύσατο Ἱερεμίασ λέγων πρὸσ τὸν λαὸν πάντασ τοὺσ λόγουσ Κυρίου, οὓσ ἀπέστειλεν αὐτὸν Κύριοσ πρὸσ αὐτούσ, πάντασ τοὺσ λόγουσ τούτουσ, καὶ εἶπεν Ἀζαρίασ υἱὸσ Μαασαίου καὶ Ἰωανὰν υἱὸσ Καρηὲ καὶ πάντεσ οἱ ἄνδρεσ οἱ εἴπαντεσ τῷ Ἱερεμίᾳ λέγοντεσ. ψεύδη, οὐκ ἀπέστειλέ σε Κύριοσ πρὸσ ἡμᾶσ λέγων. μὴ εἰσέλθητε εἰσ Αἴγυπτον οἰκεῖν ἐκεῖ, ἀλλ’ ἢ Βαροὺχ υἱὸσ Νηρίου συμβάλλει σε πρὸσ ἡμᾶσ, ἵνα δῷσ ἡμᾶσ εἰσ χεῖρασ τῶν Χαλδαίων τοῦ θανατῶσαι ἡμᾶσ καὶ ἀποικισθῆναι ἡμᾶσ εἰσ Βαβυλῶνα. καὶ οὐκ ἤκουσεν Ἰωανὰν καὶ πάντεσ ἡγεμόνεσ τῆσ δυνάμεωσ καὶ πᾶσ ὁ λαὸσ τῆσ φωνῆσ Κυρίου κατοικῆσαι ἐν γῇ Ἰούδα. καὶ ἔλαβεν Ἰωανὰν καὶ πάντεσ οἱ ἡγεμόνεσ τῆσ δυνάμεωσ πάντασ τοὺσ καταλοίπουσ Ἰούδα, τοὺσ ἀποστρέψαντασ κατοικεῖν ἐν τῇ γῇ, τοὺσ δυνατοὺσ ἄνδρασ καὶ τὰσ γυναῖκασ καὶ τὰ νήπια, καὶ τὰσ θυγατέρασ τοῦ βασιλέωσ καὶ τὰσ ψυχάσ, ἃσ κατέλιπε Ναβουζαρδὰν μετὰ Γοδολίου υἱοῦ Ἀχεικάμ, καὶ Ἱερεμίαν τὸν προφήτην καὶ Βαροὺχ υἱὸν Νηρίου καὶ εἰσῆλθον εἰσ Αἴγυπτον, ὅτι οὐκ ἤκουσαν τῆσ φωνῆσ Κυρίου. καὶ εἰσῆλθον εἰσ Τάφνασ. καὶ ἐγένετο λόγοσ Κυρίου πρὸσ Ἱερεμίαν ἐν Τάφνασ λέγων. λαβὲ σεαυτῷ λίθουσ μεγάλουσ καὶ κατάκρυψον αὐτοὺσ ἐν προθύροισ, ἐν πύλῃ τῆσ οἰκίασ Φαραὼ ἐν Τάφνασ, κατ’ ὀφθαλμοὺσ ἀνδρῶν Ἰούδα καὶ ἐρεῖσ. οὕτωσ εἶπε Κύριοσ. ἰδοὺ ἐγὼ ἀποστέλλω καὶ ἄξω Ναβουχοδονόσορ βασιλέα Βαβυλῶνοσ, καὶ θήσει αὐτοῦ τὸν θρόνον ἐπάνω τῶν λίθων τούτων, ὧν κατέκρυψασ, καὶ ἀρεῖ τὰ ὅπλα αὐτοῦ ἐπ’ αὐτοὺς καὶ εἰσελεύσεται καὶ πατάξει γῆν Αἰγύπτου, οὓσ εἰσ θάνατον, εἰσ θάνατον, καὶ οὓσ εἰσ ἀποικισμόν, εἰσ ἀποικισμόν, καὶ οὓσ εἰσ ρομφαίαν, εἰσ ρομφαίαν. καὶ καύσει πῦρ ἐν οἰκίαισ τῶν θεῶν αὐτῶν καὶ ἐμπυριεῖ αὐτὰσ καὶ ἀποικιεῖ αὐτοὺσ καὶ φθειριεῖ γῆν Αἰγύπτου, ὥσπερ φθειρίζει ποιμὴν τὸ ἱμάτιον αὐτοῦ, καὶ ἐξελεύσεται ἐν εἰρήνῃ, καὶ συντρίψει τοὺσ στύλουσ Ἡλιουπόλεωσ, τοὺσ ἐν Ὤν, καὶ τὰσ οἰκίασ αὐτῶν κατακαύσει ἐν πυρί.

목록

일치하는 문장이 없습니다.

SEARCH

MENU NAVIGATION