헬라어 문장 검색 - Σεπτύ021́

(70인역 성경, Liber Maccabees I)

ΚΑΙ ἐγένετο μετὰ τὸ πατάξαι Ἀλέξανδρον τὸν Φιλίππου τὸν Μακεδόνα, ὃσ ἐξῆλθεν ἐκ τῆσ γῆσ Χεττειείμ, καὶ ἐπάταξε τὸν Δαρεῖον βασιλέα Περσῶν καὶ Μήδων καὶ ἐβασίλευσεν ἀντ̓ αὐτοῦ πρότεροσ ἐπὶ τὴν Ἑλλάδα. καὶ συνεστήσατο πολέμουσ πολλοὺσ καὶ ἐκράτησεν ὀχυρωμάτων πολλῶν καὶ ἔσφαξε βασιλεῖσ τῆσ γῆσ. καὶ διῆλθεν ἕωσ ἄκρων τῆσ γῆσ καὶ ἔλαβε σκῦλα πλήθουσ ἐθνῶν. καὶ ἡσύχασεν ἡ γῆ ἐνώπιον αὐτοῦ, καὶ ὑψώθη, καὶ ἐπήρθη ἡ καρδία αὐτοῦ. καὶ συνήγαγε δύναμιν ἰσχυρὰν σφόδρα καὶ ἦρξε χωρῶν καὶ ἐθνῶν καὶ τυράννων, καὶ ἐγένοντο αὐτῷ εἰσ φόρον. καὶ μετὰ ταῦτα ἔπεσεν ἐπὶ τὴν κοίτην καὶ ἔγνω ὅτι ἀποθνήσκει. καὶ ἐκάλεσε τοὺσ παῖδασ αὐτοῦ τοὺσ ἐνδόξουσ τοὺσ συντρόφουσ αὐτοῦ ἀπὸ νεότητοσ καὶ διεῖλεν αὐτοῖσ τὴν βασιλείαν αὐτοῦ ἔτι ζῶντοσ αὐτοῦ. καὶ ἐβασίλευσεν Ἀλέξανδροσ ἔτη δώδεκα καὶ ἀπέθανε. καὶ ἐπεκράτησαν οἱ παῖδεσ αὐτοῦ ἕκαστοσ ἐν τῷ τόπῳ αὐτοῦ. καὶ ἐπέθεντο πάντεσ διαδήματα μετὰ τὸ ἀποθανεῖν αὐτὸν καὶ οἱ υἱοὶ αὐτῶν ὀπίσω αὐτῶν ἔτη πολλὰ καὶ ἐπλήθυναν κακὰ ἐν τῇ γῇ. καὶ ἐξῆλθεν ἐξ αὐτῶν ρίζα ἁμαρτωλὸσ Ἀντίοχοσ Ἐπιφανήσ, υἱὸσ Ἀντιόχου βασιλέωσ, ὃσ ἦν ὅμηρα ἐν τῇ Ρώμῃ. καὶ ἐβασίλευσεν ἐν ἔτει ἑκατοστῷ καὶ τριακοστῷ καὶ ἑβδόμῳ βασιλείασ Ἑλλήνων. Ἐν ταῖσ ἡμέραισ ἐκείναισ ἐξῆλθον ἐξ Ἰσραὴλ υἱοὶ παράνομοι καὶ ἀνέπεισαν πολλοὺσ λέγοντεσ. πορευθῶμεν καὶ διαθώμεθα διαθήκην μετὰ τῶν ἐθνῶν τῶν κύκλῳ ἡμῶν, ὅτι ἀφ̓ ἧσ ἐχωρίσθημεν ἀπ̓ αὐτῶν, εὗρεν ἡμᾶσ κακὰ πολλά. καὶ ἠγαθύνθη ὁ λόγοσ ἐν ὀφθαλμοῖσ αὐτῶν, καὶ προεθυμήθησάν τινεσ ἀπὸ τοῦ λαοῦ, καὶ ἐπορεύθησαν πρὸσ τὸν βασιλέα, καὶ ἔδωκεν αὐτοῖσ ἐξουσίαν ποιῆσαι τὰ δικαιώματα τῶν ἐθνῶν. καὶ ᾠκοδόμησαν γυμνάσιον ἐν Ἱεροσολύμοισ κατὰ τὰ νόμιμα τῶν ἐθνῶν καὶ ἐποίησαν ἑαυτοῖσ ἀκροβυστίασ καὶ ἀπέστησαν ἀπὸ διαθήκησ ἁγίασ καὶ ἐζευγίσθησαν τοῖσ ἔθνεσι καὶ ἐπράθησαν τοῦ ποιῆσαι τὸ πονηρόν. Καὶ ἡτοιμάσθη ἡ βασιλεία ἐναντίον Ἀντιόχου, καὶ ὑπέβαλε βασιλεῦσαι τῆσ Αἰγύπτου, ὅπωσ βασιλεύσῃ ἐπὶ τὰσ δύο βασιλείασ. καὶ εἰσῆλθεν εἰσ Αἴγυπτον ἐν ὄχλῳ βαρεῖ, ἐν ἅρμασι καὶ ἐν ἐλέφασι καὶ ἐν ἱππεῦσι καὶ ἐν στόλῳ μεγάλῳ καὶ συνεστήσαντο πόλεμον πρὸσ Πτολεμαῖον βασιλέα Αἰγύπτου. καὶ ἐνετράπη Πτολεμαῖοσ ἀπὸ προσώπου αὐτοῦ καὶ ἔφυγε, καὶ ἔπεσον τραυματίαι πολλοί. καὶ κατελάβοντο τὰσ πόλεισ τὰσ ὀχυρὰσ ἐν γῇ Αἰγύπτῳ, καὶ ἔλαβε τὰ σκῦλα γῆσ Αἰγύπτου. καὶ ἐπέστρεψεν Ἀντίοχοσ μετὰ τὸ πατάξαι Αἴγυπτον ἐν τῷ ἑκατοστῷ καὶ τεσσαρακοστῷ καὶ τρίτῳ ἔτει καὶ ἀνέβη ἐπὶ Ἰσραὴλ καὶ ἀνέβη εἰσ Ἱερουσαλὴμ ἐν ὄχλῳ βαρεῖ. καὶ εἰσῆλθον εἰσ τὸ ἁγίασμα ἐν ὑπερηφανίᾳ καὶ ἔλαβε τὸ θυσιαστήριον τὸ χρυσοῦν καὶ τὴν λυχνίαν τοῦ φωτὸσ καὶ πάντα τὰ σκεύη αὐτῆς καὶ τὴν τράπεζαν τῆσ προθέσεωσ καὶ τὰ σπονδεῖα καὶ τὰσ φιάλασ καὶ τὰσ θυί̈σκασ τὰσ χρυσᾶσ καὶ τὸ καταπέτασμα καὶ τοὺσ στεφάνουσ καὶ τὸν κόσμον τὸν χρυσοῦν τὸν κατὰ πρόσωπον τοῦ ναοῦ καὶ ἐλέπισε πάντα. καὶ ἔλαβε τὸ ἀργύριον καὶ τὸ χρυσίον καὶ τὰ σκεύη τὰ ἐπιθυμητὰ καὶ ἔλαβε τοὺσ θησαυροὺσ τοὺσ ἀποκρύφουσ, οὓσ εὗρε. καὶ λαβὼν πάντα ἀπῆλθεν εἰσ τὴν γῆν αὐτοῦ. καὶ ἐποίησε φονοκτονίαν καὶ ἐλάλησεν ὑπερηφανίαν μεγάλην. καὶ ἐγένετο πένθοσ μέγα ἐπὶ Ἰσραὴλ ἐν παντὶ τόπῳ αὐτῶν. καὶ ἐστέναξαν ἄρχοντεσ καὶ πρεσβύτεροι, παρθένοι καὶ νεανίσκοι ἠσθένησαν, καὶ τὸ κάλλοσ τῶν γυναικῶν ἠλλοιώθη. πᾶσ νυμφίοσ ἀνέλαβε θρῆνον, καὶ καθημένη ἐν παστῷ ἐγένετο ἐν πένθει. καὶ ἐσείσθη ἡ γῆ ἐπὶ τοὺσ κατοικοῦντασ αὐτήν, καὶ πᾶσ ὁ οἶκοσ Ἰακὼβ ἐνεδύσατο αἰσχύνην. Καὶ μετὰ δύο ἔτη ἡμερῶν ἀπέστειλεν ὁ βασιλεὺσ ἄρχοντα φορολογίασ εἰσ τὰσ πόλεισ Ἰούδα, καὶ ἦλθεν εἰσ Ἱερουσαλὴμ ἐν ὄχλῳ βαρεῖ. καὶ ἐλάλησεν αὐτοῖσ λόγουσ εἰρηνικοὺσ ἐν δόλῳ, καὶ ἐνεπίστευσαν αὐτῷ. καὶ ἐπέπεσεν ἐπὶ τὴν πόλιν ἐξάπινα καὶ ἐπάταξεν αὐτὴν πληγὴν μεγάλην καὶ ἀπώλεσε λαὸν πολὺν ἐξ Ἰσραήλ. καὶ ἔλαβε τὰ σκῦλα τῆσ πόλεωσ καὶ ἐνεπύρισεν αὐτὴν πυρὶ καὶ καθεῖλε τοὺσ οἴκουσ αὐτῆσ καὶ τὰ τείχη αὐτῆσ κύκλῳ. καὶ ᾐχμαλώτευσαν τὰσ γυναῖκασ καὶ τὰ τέκνα, καὶ τὰ κτήνη ἐκληρονόμησαν. καὶ ᾠκοδόμησαν τὴν πόλιν Δαυὶδ τείχει μεγάλῳ καὶ ἰσχυρῷ, πύργοισ ὀχυροῖσ, καὶ ἐγένετο αὐτοῖσ εἰσ ἄκραν. καὶ ἔθηκαν ἐκεῖ ἔθνοσ ἁμαρτωλόν, ἄνδρασ παρανόμουσ, καὶ ἐνίσχυσαν ἐν αὐτῇ. καὶ παρέθεντο ὅπλα καὶ τροφὰσ καὶ συναγαγόντεσ τὰ σκῦλα Ἱερουσαλὴμ ἀπέθεντο ἐκεῖ, καὶ ἐγένοντο εἰσ μεγάλην παγίδα. καὶ ἐγένετο εἰσ ἔνεδρον τῷ ἁγιάσματι καὶ εἰσ διάβολον πονηρὸν τῷ Ἰσραὴλ διαπαντόσ. καὶ ἐξέχεαν αἷμα ἀθῷον κύκλῳ τοῦ ἁγιάσματοσ καὶ ἐμόλυναν τὸ ἁγίασμα. καὶ ἔφυγον οἱ κάτοικοι Ἱερουσαλὴμ δἰ αὐτούσ, καὶ ἐγένετο κατοικία ἀλλοτρίων. καὶ ἐγένετο ἀλλοτρία τοῖσ γενήμασιν αὐτῆσ, καὶ τὰ τέκνα αὐτῆσ ἐγκατέλιπον αὐτήν. τὸ ἁγίασμα αὐτῆσ ἠρημώθη ὡσ ἔρημοσ, αἱ ἑορταὶ αὐτῆσ ἐστράφησαν εἰσ πένθοσ, τὰ σάββατα αὐτῆσ εἰσ ὀνειδισμόν, ἡ τιμὴ αὐτῆσ εἰσ ἐξουδένωσιν. κατὰ τὴν δόξαν αὐτῆσ ἐπληθύνθη ἡ ἀτιμία αὐτῆσ, καὶ τὸ ὕψοσ αὐτῆσ ἐστράφη εἰσ πένθοσ. Καὶ ἔγραψεν ὁ βασιλεὺσ Ἀντίοχοσ πάσῃ τῇ βασιλείᾳ αὐτοῦ εἷναι πάντασ εἰσ λαὸν ἕνα καὶ ἐγκαταλιπεῖν ἕκαστον τὰ νόμιμα αὐτοῦ. καὶ ἐπεδέξατο πάντα τὰ ἔθνη κατὰ τὸν λόγον τοῦ βασιλέωσ. καὶ πολλοὶ ἀπὸ Ἰσραὴλ εὐδόκησαν τῇ λατρείᾳ αὐτοῦ καὶ ἔθυσαν τοῖσ εἰδώλοισ καὶ ἐβεβήλωσαν τὸ σάββατον. καὶ ἀπέστειλεν ὁ βασιλεὺσ βιβλία ἐν χειρὶ ἀγγέλων εἰσ Ἱερουσαλὴμ καὶ τὰσ πόλεισ Ἰούδα πορευθῆναι ὀπίσω νομίμων ἀλλοτρίων τῆσ γῆς καὶ κωλῦσαι ὁλοκαυτώματα καὶ θυσίαν καὶ σπονδὴν ἐκ τοῦ ἁγιάσματοσ καὶ βεβηλῶσαι σάββατα καὶ ἑορτὰς καὶ μιᾶναι ἁγίασμα καὶ ἁγίουσ, καὶ οἰκοδομῆσαι βωμοὺσ καὶ τεμένη καὶ εἰδωλεῖα καὶ θύειν ὕεια καὶ κτήνη κοινὰ καὶ ἀφιέναι τοὺσ υἱοὺσ αὐτῶν ἀπεριτμήτουσ, βδελύξαι τὰσ ψυχὰσ αὐτῶν ἐν παντὶ ἀκαθάρτῳ καὶ βεβηλώσει, ὥστε ἐπιλαθέσθαι τοῦ νόμου καὶ ἀλλάξαι πάντα τὰ δικαιώματα. καὶ ὃσ ἂν μὴ ποιήσῃ κατὰ τὸ ρῆμα τοῦ βασιλέωσ, ἀποθανεῖται. κατὰ πάντασ τοὺσ λόγουσ τούτουσ ἔγραψε πάσῃ τῇ βασιλείᾳ αὐτοῦ καὶ ἐποίησεν ἐπισκόπουσ ἐπὶ πάντα τὸν λαὸν καὶ ἐνετείλατο ταῖσ πόλεσιν Ἰούδα θυσιάζειν κατὰ πόλιν καὶ πόλιν. καὶ συνηθροίσθησαν ἀπὸ τοῦ λαοῦ πρὸσ αὐτοὺσ πολλοί, πᾶσ ὁ ἐγκαταλιπὼν τὸν νόμον, καὶ ἐποίησαν κακὰ ἐν τῇ γῇ καὶ ἔθεντο τὸν Ἰσραὴλ ἐν κρύφοισ ἐν παντὶ φυγαδευτηρίῳ αὐτῶν. καὶ τῇ πεντεκαιδεκάτῃ ἡμέρᾳ Χασελεῦ τῷ πέμπτῳ καὶ τεσσαρακοστῷ καὶ ἑκατοστῷ ἔτει ᾠκοδόμησαν βδέλυγμα ἐρημώσεωσ ἐπὶ τὸ θυσιαστήριον καὶ ἐν πόλεσιν Ἰούδα κύκλῳ ᾠκοδόμησαν βωμούσ. καὶ ἐπὶ τῶν θυρῶν τῶν οἰκιῶν καὶ ἐν ταῖσ πλατείαισ ἐθυμίων. καὶ τὰ βιβλία τοῦ νόμου, ἃ εὗρον, ἐνεπύρισαν πυρὶ κατασχίσαντεσ. καὶ ὅπου εὑρίσκετο παρά τινι βιβλίον διαθήκησ, καὶ εἴ τισ συνευδόκει τῷ νόμῳ, τὸ σύγκριμα τοῦ βασιλέωσ ἐθανάτου αὐτόν. ἐν ἰσχύϊ αὐτῶν ἐποίουν οὕτωσ τῷ Ἰσραὴλ τοῖσ εὑρισκομένοισ ἐν παντὶ μηνὶ καὶ μηνὶ ἐν ταῖσ πόλεσι. καὶ τῇ πέμπτῃ καὶ εἰκάδι τοῦ μηνὸσ θυσιάζοντεσ ἐπὶ τὸν βωμόν, ὃσ ἦν ἐπὶ τοῦ θυσιαστηρίου. καὶ τὰσ γυναῖκασ τὰσ περιτετμηκυίασ τὰ τέκνα αὐτῶν ἐθανάτωσαν κατὰ τὸ πρόσταγμα καὶ ἐκρέμασαν τὰ βρέφη ἐκ τῶν τραχήλων αὐτῶν, καὶ τοὺσ οἴκουσ αὐτῶν προενόμευσαν καὶ τοὺσ περιτετμηκότασ αὐτοὺσ ἐθανάτωσαν. καὶ πολλοὶ ἐν Ἰσραὴλ ἐκραταιώθησαν καὶ ὠχυρώθησαν ἐν ἑαυτοῖσ τοῦ μὴ φαγεῖν κοινὰ καὶ ἐπελέξαντο ἀποθανεῖν, ἵνα μὴ μιανθῶσι τοῖσ βρώμασι καὶ μὴ βεβηλώσωσι διαθήκην ἁγίαν, καὶ ἀπέθανον. καὶ ἐγένετο ὀργὴ μεγάλη ἐπὶ Ἰσραὴλ σφόδρα. ΕΝ ταῖσ ἡμέραισ ἐκείναισ ἀνέστη Ματταθίασ υἱὸσ Ἰωάννου τοῦ Συμεὼν ἱερεὺσ τῶν υἱῶν Ἰωαρὶβ ἀπὸ Ἱερουσαλὴμ καὶ ἐκάθισεν ἐν Μωδεί̈ν.

καὶ αὐτῷ υἱοὶ πέντε, Ἰωάννησ ὁ καλούμενοσ Γαδδίσ, Σίμων ὁ καλούμενοσ Θασσί, Ἰούδασ ὁ καλούμενοσ Μακκαβαῖοσ, Ἐλεάζαρ ὁ καλούμενοσ Αὐαράν, Ἰωνάθαν ὁ καλούμενοσ Ἀπφοῦσ. καὶ εἶδε τὰσ βλασφημίασ τὰσ γινομένασ ἐν Ἰούδᾳ καὶ ἐν Ἱερουσαλὴμ καὶ εἶπεν. οἴμοι, ἱνατί τοῦτο ἐγεννήθην ἰδεῖν τὸ σύντριμμα τοῦ λαοῦ μου καὶ τὸ σύντριμμα τῆσ πόλεωσ τῆσ ἁγίασ καὶ καθίσαι ἐκεῖ ἐν τῷ δοθῆναι αὐτὴν ἐν χειρὶ ἐχθρῶν καὶ τὸ ἁγίασμα ἐν χειρὶ ἀλλοτρίων̣ ἐγένετο ὁ ναὸσ αὐτῆσ ὡσ ἀνὴρ ἄδοξοσ, τὰ σκεύη τῆσ δόξησ αὐτῆσ αἰχμάλωτα ἀπήχθη, ἀπεκτάνθη τὰ νήπια αὐτῆσ ἐν ταῖσ πλατείαισ, οἱ νεανίσκοι αὐτῆσ ἐν ρομφαίᾳ ἐχθροῦ. ποῖον ἔθνοσ οὐκ ἐκληρονόμησε βασιλείαν αὐτῆσ καὶ οὐκ ἐκράτησε τῶν σκύλων αὐτῆσ̣ πᾶσ ὁ κόσμοσ αὐτῆσ ἀφῃρέθη, ἀντὶ ἐλευθέρασ ἐγένετο εἰσ δούλην. καὶ ἰδοὺ τὰ ἅγια ἡμῶν καὶ ἡ καλλονὴ ἡμῶν καὶ ἡ δόξα ἡμῶν ἠρημώθη, καὶ ἐβεβήλωσαν αὐτὰ τὰ ἔθνη. ἱνατί ἡμῖν ἔτι ζῆν̣ καὶ διέρρηξε Ματταθίασ καὶ υἱοὶ αὐτοῦ τὰ ἱμάτια αὐτῶν καὶ περιεβάλοντο σάκκουσ καὶ ἐπένθησαν σφόδρα. Καὶ ἦλθον οἱ παρὰ τοῦ βασιλέωσ οἱ καταναγκάζοντεσ τὴν ἀποστασίαν εἰσ Μωδεί̈ν τὴν πόλιν, ἵνα θυσιάσωσι. καὶ πολλοὶ ἀπὸ Ἰσραὴλ πρὸσ αὐτοὺσ προσῆλθον. καὶ Ματταθίασ καὶ οἱ υἱοὶ αὐτοῦ συνήχθησαν. καὶ ἀπεκρίθησαν οἱ παρὰ τοῦ βασιλέωσ καὶ εἶπον τῷ Ματταθίᾳ λέγοντεσ. ἄρχων καὶ ἔνδοξοσ καὶ μέγασ εἶ ἐν τῇ πόλει ταύτῃ καὶ ἐστηριγμένοσ ἐν υἱοῖσ καὶ ἀδελφοῖσ. νῦν οὖν πρόσελθε πρῶτοσ καὶ ποίησον τὸ πρόσταγμα τοῦ βασιλέωσ, ὡσ ἐποίησαν πάντα τὰ ἔθνη καὶ οἱ ἄνδρεσ Ἰούδα καὶ οἱ καταλειφθέντεσ ἐν Ἱερουσαλήμ, καὶ ἔσῃ σὺ καὶ ὁ οἶκόσ σου τῶν φίλων τοῦ βασιλέωσ, καὶ σὺ καὶ οἱ υἱοί σου δοξασθήσεσθε ἀργυρίῳ καὶ χρυσίῳ καὶ ἀποστολαῖσ πολλαῖσ. καὶ ἀπεκρίθη Ματταθίασ καὶ εἶπε φωνῇ μεγάλῃ. εἰ πάντα τὰ ἔθνη τὰ ἐν οἴκῳ τῆσ βασιλείασ τοῦ βασιλέωσ ἀκούουσιν αὐτοῦ, ἀποστῆναι ἕκαστοσ ἀπὸ λατρείασ πατέρων αὐτοῦ καὶ ᾑρετίσαντο ἐν ταῖσ ἐντολαῖσ αὐτοῦ, ἀλλ̓ ἐγὼ καὶ οἱ υἱοί μου καὶ οἱ ἀδελφοί μου πορευσόμεθα ἐν διαθήκῃ πατέρων ἡμῶν. ἵλεωσ ἡμῖν καταλιπεῖν νόμον καὶ δικαιώματα. τῶν λόγων τοῦ βασιλέωσ οὐκ ἀκουσόμεθα τοῦ παρελθεῖν τὴν λατρείαν ἡμῶν δεξιὰν ἢ ἀριστεράν. καὶ ὡσ ἐπαύσατο λαλῶν τοὺσ λόγουσ τούτουσ, προσῆλθεν ἀνὴρ Ἰουδαῖοσ ἐν ὀφθαλμοῖσ πάντων, θυσιᾶσαι ἐπὶ τοῦ βωμοῦ τοῦ ἐν Μωδεί̈ν κατὰ τὸ πρόσταγμα τοῦ βασιλέωσ. καὶ εἶδε Ματταθίασ καὶ ἐζήλωσε, καὶ ἐτρόμησαν οἱ νεφροὶ αὐτοῦ, καὶ ἀνήνεγκε θυμὸν κατὰ τὸ κρίμα καὶ δραμὼν ἔσφαξεν αὐτὸν ἐπὶ τὸν βωμόν. καὶ τὸν ἄνδρα τοῦ βασιλέωσ τὸν ἀναγκάζοντα θύειν ἀπέκτεινεν ἐν τῷ καιρῷ ἐκείνῳ καὶ τὸν βωμὸν καθεῖλε. καὶ ἐζήλωσε τῷ νόμῳ, καθὼσ ἐποίησε Φινεὲσ τῷ Ζαμβρὶ υἱῷ Σαλώμ. καὶ ἀνέκραξε Ματταθίασ ἐν τῇ πόλει φωνῇ μεγάλῃ λέγων. πᾶσ ὁ ζηλῶν τῷ νόμῳ καὶ ἱστῶν διαθήκην ἐξελθέτω ὀπίσω μου. καὶ ἔφυγον αὐτὸσ καὶ οἱ υἱοὶ αὐτοῦ εἰσ τὰ ὄρη καὶ ἐγκατέλιπον ὅσα εἶχον ἐν τῇ πόλει. Τότε κατέβησαν πολλοὶ ζητοῦντεσ δικαιοσύνην καὶ κρίμα εἰσ τὴν ἔρημον καθίσαι ἐκεῖ, αὐτοὶ καὶ οἱ υἱοὶ αὐτῶν καὶ αἱ γυναῖκεσ αὐτῶν καὶ τὰ κτήνη αὐτῶν, ὅτι ἐπληθύνθη ἐπ̓ αὐτοὺσ τὰ κακά. καὶ ἀνηγγέλη τοῖσ ἀνδράσι τοῦ βασιλέωσ καὶ ταῖσ δυνάμεσιν, αἵ ἦσαν ἐν Ἱερουσαλὴμ πόλει Δαυίδ, ὅτι κατέβησαν ἄνδρεσ, οἵτινεσ διασκέδασαν τὴν ἐντολὴν τοῦ βασιλέωσ εἰσ τοὺσ κρύφουσ ἐν τῇ ἐρήμῳ. καὶ ἔδραμον ὀπίσω αὐτῶν πολλοὶ καὶ καταλαβόντεσ αὐτοὺσ παρενέβαλον ἐπ̓ αὐτοὺσ καὶ συνεστήσαντο πρὸσ αὐτοὺσ πόλεμον ἐν τῇ ἡμέρᾳ τῶν σαββάτων καὶ εἶπον πρὸσ αὐτούσ. ἕωσ τοῦ νῦν ἱκανόν. ἐξέλθετε καὶ ποιήσατε κατὰ τὸν λόγον τοῦ βασιλέωσ καὶ ζήσεσθε. καὶ εἶπον. οὐκ ἐξελευσόμεθα οὐδὲ ποιήσομεν τὸν λόγον τοῦ βασιλέωσ τοῦ βεβηλῶσαι τὴν ἡμέραν τῶν σαββάτων. καὶ ἐτάχυναν ἐπ̓ αὐτοὺσ πόλεμον. καὶ οὐκ ἀπεκρίθησαν αὐτοῖσ οὐδὲ λίθον ἐνετίναξαν αὐτοῖσ, οὐδὲ ἐνέφραξαν τοὺσ κρύφους λέγοντεσ. ἀποθάνωμεν πάντεσ ἐν τῇ ἁπλότητι ἡμῶν. μαρτυρεῖ ἐφ̓ ἡμᾶσ ὁ οὐρανὸσ καὶ ἡ γῆ ὅτι ἀκρίτωσ ἀπόλλυτε ἡμᾶσ. καὶ ἀνέστησαν ἐπ̓ αὐτοὺσ ἐν τῷ πολέμῳ τοῖσ σάββασι, καὶ ἀπέθανον αὐτοὶ καὶ αἱ γυναῖκεσ αὐτῶν, καὶ τὰ τέκνα αὐτῶν, καὶ τὰ κτήνη αὐτῶν ἕωσ χιλίων ψυχῶν ἀνθρώπων. Καὶ ἔγνω Ματταθίασ καὶ οἱ φίλοι αὐτοῦ καὶ ἐπένθησαν ἐπ̓ αὐτοὺσ ἕωσ σφόδρα. καὶ εἶπεν ἀνὴρ τῷ πλησίον αὐτοῦ. ἐὰν πάντεσ ποιήσωμεν ὡσ οἱ ἀδελφοὶ ἡμῶν ἐποίησαν, καὶ μὴ πολεμήσωμεν πρὸσ τὰ ἔθνη ὑπὲρ τῶν ψυχῶν ἡμῶν καὶ τῶν δικαιωμάτων ἡμῶν, νῦν τάχιον ἡμᾶσ ἐξολοθρεύσουσιν ἀπὸ τῆσ γῆσ. καὶ ἐβουλεύσαντο τῇ ἡμέρᾳ ἐκείνῃ λέγοντεσ. πᾶσ ἄνθρωποσ, ὃσ ἐὰν ἔλθῃ πρὸσ ἡμᾶσ εἰσ πόλεμον τῇ ἡμέρᾳ τῶν σαββάτων, πολεμήσωμεν κατέναντι αὐτοῦ καὶ οὐ μὴ ἀποθάνωμεν πάντεσ καθὼσ ἀπέθανον οἱ ἀδελφοὶ ἡμῶν ἐν τοῖσ κρύφοισ. τότε συνήχθησαν πρὸσ αὐτοὺσ συναγωγὴ Ἁσιδαίων, ἰσχυροὶ δυνάμει ἀπὸ Ἰσραήλ, πᾶσ ὁ ἑκουσιαζόμενοσ τῷ νόμῳ. καὶ πάντεσ οἱ φυγαδεύοντεσ ἀπὸ τῶν κακῶν προσετέθησαν αὐτοῖσ καὶ ἐγένοντο αὐτοῖσ εἰσ στήριγμα. καὶ συνεστήσαντο δύναμιν καὶ ἐπάταξαν ἁμαρτωλοὺσ ἐν ὀργῇ αὐτῶν καὶ ἄνδρασ ἀνόμουσ ἐν θυμῷ αὐτῶν. καὶ οἱ λοιποὶ ἔφυγον εἰσ τὰ ἔθνη σωθῆναι. καὶ ἐκύκλωσε Ματταθίασ καὶ οἱ φίλοι αὐτοῦ καὶ καθεῖλον τοὺσ βωμοὺς καὶ περιέτεμον τὰ παιδάρια τὰ ἀπερίτμητα, ὅσα εὗρον ἐν ὁρίοισ Ἰσραήλ, ἐν ἰσχύϊ καὶ ἐδίωξαν τοὺσ υἱοὺσ τῆσ ὑπερηφανίασ, καὶ κατευωδώθη τὸ ἔργον ἐν χειρὶ αὐτῶν. καὶ ἀντελάβοντο τοῦ νόμου ἐκ χειρὸσ τῶν ἐθνῶν καὶ ἐκ χειρὸσ τῶν βασιλέων καὶ οὐκ ἔδωκαν κέρασ τῷ ἁμαρτωλῷ. Καὶ ἤγγισαν αἱ ἡμέραι τοῦ Ματταθίου ἀποθανεῖν, καὶ εἶπε τοῖσ υἱοῖσ αὐτοῦ. νῦν ἐστηρίχθη ὑπερηφανία καὶ ἐλεγμὸσ καὶ καιρὸσ καταστροφῆσ καὶ ὀργὴ θυμοῦ. καὶ νῦν, τέκνα, ζηλώσατε τῷ νόμῳ καὶ δότε τὰσ ψυχὰσ ὑμῶν ὑπὲρ διαθήκησ πατέρων ἡμῶν. μνήσθητε τῶν πατέρων ἡμῶν τὰ ἔργα, ἃ ἐποίησαν ἐν ταῖσ γενεαῖσ αὐτῶν, καὶ δέξασθε δόξαν μεγάλην καὶ ὄνομα αἰώνιον. Ἁβραὰμ οὐχὶ ἐν πειρασμῷ εὑρέθη πιστόσ, καὶ ἐλογίσθη αὐτῷ εἰσ δικαιοσύνην̣ Ἰωσὴφ ἐν καιρῷ στενοχωρίασ αὐτοῦ ἐφύλαξεν ἐντολὴν καὶ ἐγένετο κύριοσ Αἰγύπτου. Φινεὲσ ὁ πατὴρ ἡμῶν ἐν τῷ ζηλῶσαι ζῆλον ἔλαβε διαθήκην ἱερωσύνησ αἰωνίασ. Ἰησοῦσ ἐν τῷ πληρῶσαι λόγον ἐγένετο κριτὴσ ἐν Ἰσραήλ. Χάλεβ ἐν τῷ ἐπιμαρτύρασθαι ἐν τῇ ἐκκλησίᾳ ἔλαβε γῆσ κληρονομίαν. Δαυὶδ ἐν τῷ ἐλέῳ αὐτοῦ ἐκληρονόμησε θρόνον βασιλείασ εἰσ αἰῶνα αἰῶνοσ. Ἠλίασ ἐν τῷ ζηλῶσαι ζῆλον νόμου ἀνελήφθη ἕωσ εἰσ τὸν οὐρανόν. Ἀνανίασ, Ἀζαρίασ, Μισαήλ, πιστεύσαντεσ ἐσώθησαν ἐκ φλογόσ. Δανιὴλ ἐν τῇ ἁπλότητι αὐτοῦ ἐρρύσθη ἐκ στόματοσ λεόντων. καὶ οὕτωσ ἐννοήθητε κατὰ γενεὰν καὶ γενεάν, ὅτι πάντεσ οἱ ἐλπίζοντεσ ἐπ̓ αὐτὸν οὐκ ἀσθενήσουσι. καὶ ἀπὸ λόγων ἀνδρὸσ ἁμαρτωλοῦ μὴ φοβηθῆτε, ὅτι ἡ δόξα αὐτοῦ εἰσ κοπρίαν καὶ εἰσ σκώληκασ. σήμερον ἐπαρθήσεται καὶ αὔριον οὐ μὴ εὑρεθῇ, ὅτι ἐπέστρεψεν εἰσ τὸν χοῦν αὐτοῦ, καὶ ὁ διαλογισμὸσ αὐτοῦ ἀπώλετο. καὶ ὑμεῖσ τέκνα ἰσχύσατε καὶ ἀνδρίζεσθε ἐν τῷ νόμῳ, ὅτι ἐν αὐτῷ δοξασθήσεσθε. καὶ ἰδοὺ Συμεὼν ὁ ἀδελφὸσ ὑμῶν, οἶδα ὅτι ἀνὴρ βουλῆσ ἐστιν, αὐτοῦ ἀκούετε πάσασ τὰσ ἡμέρασ, αὐτὸσ ὑμῖν ἔσται εἰσ πατέρα. καὶ Ἰούδασ Μακκαβαῖοσ ἰσχυρὸσ δυνάμει ἐκ νεότητοσ αὐτοῦ, οὗτοσ ὑμῖν ἔσται ἄρχων στρατιᾶσ καὶ πολεμήσει πόλεμον λαῶν. καὶ ὑμεῖσ προσάξατε πρὸσ ὑμᾶσ πάντασ τοὺσ ποιητὰσ τοῦ νόμου καὶ ἐκδικήσατε ἐκδίκησιν τοῦ λαοῦ ὑμῶν. ἀνταπόδοτε ἀνταπόδομα τοῖσ ἔθνεσι καὶ προσέχετε εἰσ τὰ προστάγματα τοῦ νόμου. καὶ εὐλόγησεν αὐτούσ, καὶ προσετέθη πρὸσ τοὺσ πατέρασ αὐτοῦ. καὶ ἀπέθανεν ἐν τῷ ἕκτῳ καὶ τεσσαρακοστῷ καὶ ἑκατοστῷ ἔτει, καὶ ἔθαψαν αὐτὸν οἱ υἱοὶ αὐτοῦ ἐν τάφοισ πατέρων αὐτῶν ἐν Μωδεί̈ν, καὶ ἐκόψαντο αὐτὸν πᾶσ Ἰσραὴλ κοπετὸν μέγαν. ΚΑΙ ἀνέστη Ἰούδασ ὁ καλούμενοσ Μακκαβαῖοσ υἱὸσ αὐτοῦ ἀντ̓ αὐτοῦ.

καὶ ἐβοήθουν αὐτῷ πάντεσ οἱ ἀδελφοὶ αὐτοῦ καὶ πάντεσ, ὅσοι ἐκολλήθησαν τῷ πατρὶ αὐτοῦ, καὶ ἐπολέμουν τὸν πόλεμον Ἰσραὴλ μετ̓ εὐφροσύνησ. καὶ ἐπλάτυνε δόξαν τῷ λαῷ αὐτοῦ καὶ ἐνεδύσατο θώρακα ὡσ γίγασ καὶ συνεζώσατο τὰ σκεύη αὐτοῦ τὰ πολεμικὰ καὶ συνεστήσατο πολέμουσ σκεπάζων παρεμβολὴν ἐν ρομφαίᾳ. καὶ ὡμοιώθη λέοντι ἐν τοῖσ ἔργοισ αὐτοῦ καὶ ὡσ σκύμνοσ ἐρευγόμενοσ εἰσ θήραν. καὶ ἐδίωξεν ἀνόμουσ ἐξερευνῶν καὶτοὺσ ταράσσοντασ τὸν λαὸν αὐτοῦ ἐφλόγισε. καὶ συνεστάλησαν οἱ ἄνομοι ἀπὸ τοῦ φόβου αὐτοῦ, καὶ πάντεσ οἱ ἐργάτεσ τῆσ ἀνομίασ συνεταράχθησαν, καὶ εὐωδώθη σωτηρία ἐν χειρὶ αὐτοῦ. καὶ ἐπίκρανε βασιλεῖσ πολλοὺσ καὶ εὔφρανε τὸν Ἰακὼβ ἐν τοῖσ ἔργοισ αὐτοῦ, καὶ ἕωσ τοῦ αἰῶνοσ τὸ μνημόσυνον αὐτοῦ εἰσ εὐλογίαν. καὶ διῆλθεν ἐν πόλεσιν Ἰούδα καὶ ἐξωλόθρευσεν ἀσεβεῖσ ἐξ αὐτῆσ καὶ ἀπέστρεψεν ὀργὴν ἀπὸ Ἰσραὴλ καὶ ὠνομάσθη ἕωσ ἐσχάτου τῆσ γῆσ καὶ συνήγαγεν ἀπολλυμένουσ. Καὶ συνήγαγεν Ἀπολλώνιοσ ἔθνη καὶ ἀπὸ Σαμαρείασ δύναμιν μεγάλην τοῦ πολεμῆσαι πρὸσ Ἰσραήλ. καὶ ἔγνω Ἰούδασ καὶ ἐξῆλθεν εἰσ συνάντησιν αὐτῷ καὶ ἐπάταξεν αὐτὸν καὶ ἀπέκτεινεν αὐτόν. καὶ ἔπεσον τραυματίαι πολλοί, καὶ οἱ ἐπίλοιποι ἔφυγον. καὶ ἔλαβον τὰ σκῦλα αὐτῶν, καὶ τὴν μάχαιραν Ἀπολλωνίου ἔλαβεν Ἰούδασ καὶ ἦν πολεμῶν ἐν αὐτῇ πάσασ τὰσ ἡμέρασ. καὶ ἤκουσε Σήρων ὁ ἄρχων τῆσ δυνάμεωσ Συρίασ ὅτι ἤθροισεν Ἰούδασ ἄθροισμα καὶ ἐκκλησίαν πιστῶν μετ̓ αὐτοῦ ἐκπορευομένων εἰσ πόλεμον, καὶ εἶπε. ποιήσω ἐμαυτῷ ὄνομα καὶ δοξασθήσομαι ἐν τῇ βασιλείᾳ καὶ πολεμήσω τὸν Ἰούδαν καὶ τοὺσ σὺν αὐτῷ τοὺσ ἐξουδενοῦντασ τὸν λόγον τοῦ βασιλέωσ. καὶ προσέθετο τοῦ ἀναβῆναι. καὶ ἀνέβη μετ̓ αὐτοῦ παρεμβολὴ ἀσεβῶν ἰσχυρὰ βοηθῆσαι αὐτῷ καὶ ποιῆσαι τὴν ἐκδίκησιν ἐν υἱοῖσ Ἰσραήλ. καὶ ἤγγισαν ἕωσ ἀναβάσεωσ Βαιθωρών, καὶ ἐξῆλθεν Ἰούδασ εἰσ συνάντησιν αὐτῶν ὀλιγοστόσ. ὡσ δὲ εἶδον τὴν παρεμβολὴν ἐρχομένην εἰσ συνάντησιν αὐτοῖσ, εἶπον τῷ Ἰούδᾳ. πῶσ δυνησόμεθα ὀλιγοστοὶ ὄντεσ πολεμῆσαι πρὸσ πλῆθοσ τοσοῦτον ἰσχυρόν̣ καὶ ἡμεῖσ ἐκλελύμεθα ἀσιτοῦντεσ σήμερον. καὶ εἶπεν Ἰούδασ. εὔκοπόν ἐστι συγκλεισθῆναι πολλοὺσ ἐν χερσὶν ὀλίγων, καὶ οὐκ ἔστι διαφορὰ ἐναντίον τοῦ Θεοῦ τοῦ οὐρανοῦ σῴζειν ἐν πολλοῖσ ἢ ἐν ὀλίγοισ. ὅτι οὐκ ἐν πλήθει δυνάμεωσ νίκη πολέμου ἐστίν, ἀλλ̓ ἢ ἐκ τοῦ οὐρανοῦ ἡ ἰσχύσ. αὐτοὶ ἔρχονται πρὸσ ἡμᾶσ ἐν πλήθει ὕβρεωσ καὶ ἀνομίασ τοῦ ἐξᾶραι ἡμᾶσ καὶ τὰσ γυναῖκασ ἡμῶν καὶ τὰ τέκνα ἡμῶν, τοῦ σκυλεῦσαι ἡμᾶσ, ἡμεῖσ δὲ πολεμοῦμεν περὶ τῶν ψυχῶν ἡμῶν καὶ τῶν νομίμων ἡμῶν. καὶ αὐτὸσ συντρίψει αὐτοὺσ πρὸ προσώπου ἡμῶν. ὑμεῖσ δὲ μὴ φοβηθῆτε ἀπ̓ αὐτῶν. ὡσ δὲ ἐπαύσατο λαλῶν, ἐνήλατο εἰσ αὐτοὺσ ἄφνω, καὶ συνετρίβη Σήρων καὶ ἡ παρεμβολὴ αὐτοῦ ἐνώπιον αὐτοῦ. καὶ ἐδίωκον αὐτὸν ἐν τῇ καταβάσει Βαιθωρὼν ἕωσ τοῦ πεδίου. καὶ ἔπεσον ἀπ̓ αὐτῶν εἰσ ἄνδρασ ὀκτακοσίουσ, οἱ δὲ λοιποὶ ἔφυγον εἰσ γῆν Φυλιστιείμ. καὶ ἤρξατο ὁ φόβοσ Ἰούδα καὶ τῶν ἀδελφῶν αὐτοῦ καὶ ἡ πτόησισ ἐπιπίπτειν ἐπὶ τὰ ἔθνη τὰ κύκλῳ αὐτῶν. καὶ ἤγγισεν ἕωσ τοῦ βασιλέωσ τὸ ὄνομα αὐτοῦ, καὶ ὑπὲρ τῶν παρατάξεων Ἰούδα ἐξηγεῖτο πᾶν ἔθνοσ. Ὡσ δὲ ἤκουσεν Ἀντίοχοσ ὁ βασιλεὺσ τοὺσ λόγουσ τούτουσ, ὠργίσθη θυμῷ καὶ ἀπέστειλε καὶ συνήγαγε τὰσ δυνάμεισ πάσασ τῆσ βασιλείασ αὐτοῦ, παρεμβολὴν ἰσχυρὰν σφόδρα. καὶ ἤνοιξε τὸ γαζοφυλάκιον αὐτοῦ καὶ ἔδωκεν ὀψώνια ταῖσ δυνάμεσιν αὐτοῦ εἰσ ἐνιαυτὸν καὶ ἐνετείλατο εἶναι αὐτοὺσ ἑτοίμουσ εἰσ πᾶσαν χρείαν. καὶ εἶδεν ὅτι ἐξέλιπε τὸ ἀργύριον ἀπὸ τῶν θησαυρῶν καὶ οἱ φόροι τῆσ χώρασ ὀλίγοι, χάριν τῆσ διχοστασίασ καὶ πληγῆσ, ἧσ κατεσκεύασεν ἐν τῇ γῇ τοῦ ἆραι τὰ νόμιμα, ἃ ἦσαν ἀφ̓ ἡμερῶν τῶν πρώτων. καὶ εὐλαβήθη μὴ οὐκ ἔχῃ ὡσ ἅπαξ καὶ δὶσ εἰσ τὰσ δαπάνασ καὶ τὰ δόματα, ἃ ἐδίδου ἔμπροσθεν δαψιλεῖ χειρὶ καὶ ἐπερίσσευσεν ὑπὲρ τοὺσ βασιλεῖσ τοὺσ ἔμπροσθεν, καὶ ἠπορεῖτο τῇ ψυχῇ αὐτοῦ σφόδρα καὶ ἐβουλεύσατο τοῦ πορευθῆναι εἰσ τὴν Περσίδα καὶ λαβεῖν τοὺσ φόρουσ τῶν χωρῶν καὶ συναγαγεῖν ἀργύριον πολύ. καὶ κατέλιπε Λυσίαν ἄνθρωπον ἔνδοξον καὶ ἀπὸ γένουσ τῆσ βασιλείασ ἐπὶ τῶν πραγμάτων τοῦ βασιλέωσ ἀπὸ τοῦ ποταμοῦ Εὐφράτου ἕωσ τῶν ὁρίων Αἰγύπτου καὶ τρέφει Ἀντίοχον τὸν υἱὸν αὐτοῦ ἕωσ τοῦ ἐπιστρέψαι αὐτόν. καὶ παρέδωκεν αὐτῷ τὰσ ἡμίσεισ τῶν δυνάμεων καὶ τοὺσ ἐλέφαντασ καὶ ἐνετείλατο αὐτῷ περὶ πάντων, ὦν ἐβούλετο, καὶ περὶ τῶν κατοικούντων τὴν Ἰουδαίαν καὶ Ἱερουσαλὴμ ἀποστεῖλαι ἐπ̓ αὐτοὺσ δύναμιν τοῦ ἐκτρίψαι καὶ ἐξᾶραι τὴν ἰσχὺν Ἰσραὴλ καὶ τὸ κατάλειμμα Ἱερουσαλὴμ καὶ ἆραι τὸ μνημόσυνον αὐτῶν ἀπὸ τοῦ τόπου καὶ κατοικίσαι υἱοὺσ ἀλλογενεῖσ ἐν πᾶσι τοῖσ ὁρίοισ αὐτῶν καὶ κατακληροδοτῆσαι τὴν γῆν αὐτῶν. καὶ ὁ βασιλεὺσ παρέλαβε τὰσ ἡμίσεισ τῶν δυνάμεων τὰσ καταλειφθείσασ καὶ ἀπῇρεν ἀπὸ Ἀντιοχείασ ἀπὸ πόλεωσ βασιλείασ αὐτοῦ, ἔτουσ ἑβδόμου καὶ τεσσαρακοστοῦ καὶ ἑκατοστοῦ, καὶ διεπέρασε τὸν Εὐφράτην ποταμὸν καὶ διεπορεύετο τὰσ ἐπάνω χώρασ. Καὶ ἐπέλεξε Λυσίασ Πτολεμαῖον τὸν Δορυμένουσ καὶ Νικάνορα καὶ Γοργίαν ἄνδρασ δυνατοὺσ τῶν φίλων τοῦ βασιλέωσ, καὶ ἀπέστειλε μετ̓ αὐτῶν τεσσαράκοντα χιλιάδασ ἀνδρῶν καὶ ἑπτακισχιλίαν ἵππον τοῦ ἐξελθεῖν εἰσ γῆν Ἰούδα καὶ καταφθεῖραι αὐτὴν κατὰ τὸν λόγον τοῦ βασιλέωσ. καὶ ἀπῇραν σὺν πάσῃ τῇ δυνάμει αὐτῶν, καὶ ἦλθον καὶ παρενέβαλον πλησίον Ἐμμανοὺμ ἐν τῇ γῇ τῇ πεδινῇ. καὶ ἤκουσαν οἱ ἔμποροι τῆσ χώρασ τὸ ὄνομα αὐτῶν καὶ ἔλαβον ἀργύριον καὶ χρυσίον πολὺ σφόδρα καὶ πέδασ καὶ ἦλθον εἰσ τὴν παρεμβολὴν τοῦ λαβεῖν τοὺσ υἱοὺσ Ἰσραὴλ εἰσ παῖδασ. καὶ προσετέθησαν πρὸσ αὐτοὺσ δύναμισ Συρίασ καὶ γῆσ ἀλλοφύλων. καὶ εἶδεν Ἰούδασ καὶ οἱ ἀδελφοὶ αὐτοῦ, ὅτι ἐπληθύνθη τὰ κακὰ καὶ αἱ δυνάμεισ παρεμβάλλουσιν ἐν τοῖσ ὁρίοισ αὐτῶν, καὶ ἐπέγνωσαν τοὺσ λόγουσ τοῦ βασιλέωσ, οὓσ ἐνετείλατο ποιῆσαι τῷ λαῷ εἰσ ἀπώλειαν καὶ συντέλειαν. καὶ εἶπεν ἕκαστοσ πρὸσ τὸν πλησίον αὐτοῦ. ἀναστήσωμεν τὴν καθαίρεσιν τοῦ λαοῦ ἡμῶν καὶ πολεμήσωμεν περὶ τοῦ λαοῦ ἡμῶν καὶ τῶν ἁγίων. καὶ συνηθροίσθη ἡ συναγωγὴ τοῦ εἶναι ἑτοίμουσ εἰσ πόλεμον καὶ τοῦ προσεύξασθαι καὶ αἰτῆσαι ἔλεον καὶ οἰκτιρμούσ. καὶ Ἱερουσαλὴμ ἦν ἀοίκητοσ ὡσ ἔρημοσ. οὐκ ἦν ὁ εἰσπορευόμενοσ καὶ ἐκπορευόμενοσ ἐκ τῶν γενημάτων αὐτῆσ, καὶ τὸ ἁγίασμα καταπατούμενον, καὶ υἱοὶ ἀλλογενῶν ἐν τῇ ἄκρᾳ, κατάλυμα τοῖσ ἔθνεσι. καὶ ἐξῄρθη τέρψισ ἐξ Ἰακώβ, καὶ ἐξέλιπεν αὐλὸσ καὶ κινύρα. καὶ συνήχθησαν καὶ ἤλθοσαν εἰσ Μασσηφὰ κατέναντι Ἱερουσαλήμ, ὅτι τόποσ προσευχῆσ εἰσ Μασσηφὰ τὸ πρότερον τῷ Ἰσραήλ. καὶ ἐνήστευσαν τῇ ἡμέρᾳ ἐκείνῃ καὶ περιεβάλοντο σάκκουσ καὶ σποδὸν ἐπὶ τὰσ κεφαλὰσ αὐτῶν καὶ διέρρηξαν τὰ ἱμάτια αὐτῶν. καὶ ἐξεπέτασαν τὸ βιβλίον τοῦ νόμου, περὶ ὧν ἐξηρεύνων τὰ ἔθνη τὰ ὁμοιώματα τῶν εἰδώλων αὐτῶν. καὶ ἤνεγκαν τὰ ἱμάτια τῆσ ἱερωσύνησ καὶ τὰ πρωτογενήματα καὶ τὰσ δεκάτασ καὶ ἤγειραν τοὺσ ναζιραίουσ, οἳ ἐπλήρωσαν τὰσ ἡμέρασ, καὶ ἐβόησαν φωνῇ εἰσ τὸν οὐρανὸν λέγοντεσ. τί ποιήσωμεν τούτοισ καὶ ποῦ αὐτοὺσ ἀπαγάγωμεν̣ καὶ τὰ ἅγιά σου καταπεπάτηται καὶ βεβήλωται καὶ οἱ ἱερεῖσ σου ἐν πένθει καὶ ταπεινώσει. καὶ ἰδοὺ τὰ ἔθνη συνῆκται ἐφ̓ ἡμᾶσ τοῦ ἐξᾶραι ἡμᾶσ. σὺ οἶδασ ἃ λογίζονται ἐφ̓ ἡμᾶσ. πῶσ δυνησόμεθα ὑποστῆναι κατὰ πρόσωπον αὐτῶν, ἐὰν μὴ σὺ βοηθήσῃσ ἡμῖν̣ καὶ ἐσάλπισαν ταῖσ σάλπιγξι καὶ ἐβόησαν φωνῇ μεγάλῃ. καὶ μετὰ τοῦτο κατέστησεν Ἰούδασ ἡγούμενοσ τοῦ λαοῦ χιλιάρχουσ καὶ ἑκατοντάρχουσ καὶ πεντηκοντάρχουσ καὶ δεκάρχουσ. καὶ εἶπον τοῖσ οἰκοδομοῦσιν οἰκίασ καὶ μνηστευομένοισ γυναῖκασ καὶ φυτεύουσιν ἀμπελῶνασ καὶ δειλοῖσ ἀποστρέφειν ἕκαστον εἰσ τὸν οἶκον αὐτοῦ κατὰ τὸν νόμον. καὶ ἀπῇρεν ἡ παρεμβολή, καὶ παρενέβαλε κατὰ νότον Ἀμμαούσ. καὶ εἶπεν Ἰούδασ. περιζώσασθε καὶ γίνεσθε εἰσ υἱοὺσ δυνατοὺσ καὶ γίνεσθε ἕτοιμοι εἰσ τὸ πρωί̈ τοῦ πολεμῆσαι ἐν τοῖσ ἔθνεσι τούτοισ τοῖσ ἐπισυνηγμένοισ ἐφ̓ ἡμᾶσ ἐξᾶραι ἡμᾶσ καὶ τὰ ἅγια ἡμῶν. ὅτι κρεῖσσον ἡμᾶσ ἀποθανεῖν ἐν τῷ πολέμῳ ἢ ἐπιδεῖν ἐπὶ τὰ κακὰ τοῦ ἔθνουσ ἡμῶν καὶ τῶν ἁγίων. ὡσ δ̓ ἂν ᾖ θέλημα ἐν οὐρανῷ, οὕτω ποιήσει. ΚΑΙ παρέλαβε Γοργίασ πεντακισχιλίουσ ἄνδρασ καὶ χιλίαν ἵππον ἐκλεκτήν, καὶ ἀπῇρεν ἡ παρεμβολὴ νυκτόσ,

ὥστε ἐπιβαλεῖν ἐπὶ τὴν παρεμβολὴν τῶν Ἰουδαίων καὶ πατάξαι αὐτοὺσ ἄφνω. καὶ οἱ υἱοὶ τῆσ ἄκρασ ἦσαν αὐτῷ ὁδηγοί. καὶ ἤκουσεν Ἰούδασ καὶ ἀπῇρεν αὐτὸσ καὶ οἱ δυνατοὶ πατάξαι τὴν δύναμιν τοῦ βασιλέωσ τὴν ἐν Ἀμμαούσ, ἕωσ ἔτι αἱ δυνάμεισ ἐσκορπισμέναι ἦσαν ἀπὸ τῆσ παρεμβολῆσ. καὶ ἦλθε Γοργίασ εἰσ τὴν παρεμβολὴν Ἰούδα νυκτὸσ καὶ οὐδένα εὗρε. καὶ ἐζήτει αὐτοὺσ ἐν τοῖσ ὄρεσιν, ὅτι εἶπε. φεύγουσιν οὗτοι ἀφ̓ ἡμῶν. καὶ ἅμα τῇ ἡμέρᾳ ὤφθη Ἰούδασ ἐν τῷ πεδίῳ ἐν τρισχιλίοισ ἀνδράσι. πλὴν καλύμματα καὶ μαχαίρασ οὐκ εἶχον καθὼσ ἠβούλοντο. καὶ εἶδον παρεμβολὴν ἐθνῶν ἰσχυρὰν τεθωρακισμένην καὶ ἵππον κυκλοῦσαν αὐτήν, καὶ οὗτοι διδακτοὶ πολέμου. καὶ εἶπεν Ἰούδασ τοῖσ ἀνδράσι τοῖσ μετ̓ αὐτοῦ. μὴ φοβεῖσθε τὸ πλῆθοσ αὐτῶν καὶ τὸ ὅρμημα αὐτῶν μὴ δειλωθῆτε. μνήσθητε πῶσ ἐσώθησαν οἱ πατέρεσ ἡμῶν ἐν θαλάσσῃ ἐρυθρᾷ, ὅτι ἐδίωξεν αὐτοὺσ Φαραὼ ἐν δυνάμει. καὶ νῦν βοήσωμεν εἰσ τὸν οὐρανόν, εἴ πωσ ἐλεήσει ἡμᾶσ καὶ μνησθήσεται διαθήκησ πατέρων ἡμῶν καὶ συντρίψει τὴν παρεμβολὴν ταύτην κατὰ πρόσωπον ἡμῶν σήμερον, καὶ γνώσεται πάντα τὰ ἔθνη ὅτι ἐστὶν ὁ λυτρούμενοσ καὶ σῴζων τὸν Ἰσραήλ. καὶ ᾖραν οἱ ἀλλόφυλοι τοὺσ ὀφθαλμοὺσ αὐτῶν καὶ εἶδον αὐτοὺσ ἐρχομένουσ ἐξεναντίας καὶ ἐξῆλθον ἐκ τῆσ παρεμβολῆσ εἰσ πόλεμον. καὶ ἐσάλπισαν οἱ μετὰ Ἰούδα καὶ συνῆψαν καὶ συνετρίβησαν τὰ ἔθνη καὶ ἔφυγον εἰσ τὸ πεδίον, οἱ δὲ ἔσχατοι πάντεσ ἔπεσον ἐν ρομφαίᾳ. καὶ ἐδίωξαν αὐτοὺσ ἕωσ Γαζηρὼν καὶ ἕωσ τῶν πεδίων τῆσ Ἰδουμαίασ καὶ Ἀζώτου καὶ Ἰαμνείασ, καὶ ἔπεσον ἐξ αὐτῶν εἰσ ἄνδρασ τρισχιλίουσ. καὶ ἐπέστρεψεν Ἰούδασ καὶ ἡ δύναμισ ἀπὸ τοῦ διώκειν ὄπισθεν αὐτῶν καὶ εἶπε πρὸσ τὸν λαόν. μὴ ἐπιθυμήσητε τῶν σκύλων, ὅτι πόλεμοσ ἐξεναντίασ ἡμῶν, καὶ Γοργίασ καὶ ἡ δύναμισ ἐν τῷ ὄρει ἐγγὺσ ἡμῶν. ἀλλὰ στῆτε νῦν ἐναντίον τῶν ἐχθρῶν ἡμῶν καὶ πολεμήσατε αὐτούσ, καὶ μετὰ ταῦτα λάβετε τὰ σκῦλα μετὰ παρρησίασ. ἔτι λαλοῦντοσ Ἰούδα ταῦτα, ὤφθη μέροσ τι ἐκκύπτον ἐκ τοῦ ὄρουσ. καὶ εἶδεν ὅτι τετρόπωνται, καὶ ἐμπυρίζουσι τὴν παρεμβολήν. ὁ γὰρ καπνὸσ ὁ θεωρούμενοσ ἐνεφάνιζε τὸ γεγονόσ. οἱ δὲ ταῦτα συνιδόντεσ ἐδειλώθησαν σφόδρα. συνιδόντεσ δὲ καὶ τὴν Ἰούδα παρεμβολὴν ἐν τῷ πεδίῳ ἑτοίμην εἰσ παράταξιν, ἔφυγον πάντεσ εἰσ γῆν ἀλλοφύλων. καὶ ἀνέστρεψεν Ἰούδασ ἐπὶ τὴν σκυλείαν τῆσ παρεμβολῆσ, καὶ ἔλαβον χρυσίον πολὺ καὶ ἀργύριον καὶ ὑάκινθον καὶ πορφύραν θαλασσίαν καὶ πλοῦτον μέγαν. καὶ ἐπιστραφέντεσ ὕμνουν καὶ εὐλόγουν εἰσ οὐρανὸν ὅτι καλόν, ὅτι εἰσ τὸν αἰῶνα τὸ ἔλεοσ αὐτοῦ. καὶ ἐγένετο σωτηρία μεγάλη τῷ Ἰσραὴλ ἐν τῇ ἡμέρᾳ ἐκείνῃ. Ὅσοι δὲ τῶν ἀλλοφύλων διεσώθησαν, παραγενηθέντεσ ἀπήγγειλαν τῷ Λυσίᾳ πάντα τὰ συμβεβηκότα. ὁ δὲ ἀκούσασ συνεχύθη καὶ ἠθύμει, ὅτι οὐχ οἷα ἤθελε, τοιαῦτα γεγόνει τῷ Ἰσραήλ, καὶ οὐχ οἷα ἐνετείλατο αὐτῷ ὁ βασιλεύσ, τοιαῦτα ἐξέβη. καὶ ἐν τῷ ἐχομένῳ ἐνιαυτῷ συνελόχισεν ὁ Λυσίασ ἀνδρῶν ἐπιλέκτων ἑξήκοντα χιλιάδασ καὶ πεντακισχιλίαν ἵππον, ὥστε ἐκπολεμῆσαι αὐτούσ. καὶ ἦλθον εἰσ τὴν Ἰδουμαίαν καὶ παρενέβαλον ἐν Βαιθσούροισ, καὶ συνήντησεν αὐτοῖσ Ἰούδασ ἐν δέκα χιλιάσιν ἀνδρῶν. καὶ εἶδε τὴν παρεμβολὴν ἰσχυρὰν καὶ προσηύξατο καὶ εἶπεν. εὐλογητὸσ εἶ ὁ σωτὴρ τοῦ Ἰσραὴλ ὁ συντρίψασ τὸ ὅρμημα τοῦ δυνατοῦ ἐν χειρὶ τοῦ δούλου σου Δαυὶδ καὶ παρέδωκασ τὴν παρεμβολὴν τῶν ἀλλοφύλων εἰσ χεῖρασ Ἰωνάθαν υἱοῦ Σαοὺλ καὶ τοῦ αἴροντοσ τὰ σκεύη αὐτοῦ. οὕτω σύγκλεισον τὴν παρεμβολὴν ταύτην ἐν χειρὶ λαοῦ σου Ἰσραήλ, καὶ αἰσχυνθήτωσαν ἐπὶ τῇ δυνάμει καὶ τῇ ἵππῳ αὐτῶν. δὸσ αὐτοῖσ δειλίαν καὶ τῆξον θράσοσ ἰσχύοσ αὐτῶν, καὶ σαλευθήτωσαν τῇ συντριβῇ αὐτῶν. κατάβαλε αὐτοὺσ ρομφαίᾳ ἀγαπώντων σε, καὶ αἰνεσάτωσάν σε πάντεσ οἱ εἰδότεσ τὸ ὄνομά σου ἐν ὕμνοισ. καὶ συνέβαλον ἀλλήλοισ, καὶ ἔπεσον ἐκ τῆσ παρεμβολῆσ Λυσίου εἰσ πεντακισχιλίουσ ἄνδρασ καὶ ἔπεσον ἐξ ἐναντίασ αὐτῶν. ἰδὼν δὲ Λυσίασ τὴν γενομένην τροπὴν τῆσ αὐτοῦ συντάξεωσ, τῆσ δὲ Ἰούδα τὸ γεγενημένον θάρσοσ καὶ ὡσ ἕτοιμοί εἰσιν ἢ ζῆν ἢ τεθνάναι γενναίωσ, ἀπῇρεν εἰσ Ἀντιόχειαν καὶ ἐξενολόγει, καὶ πλεονάσασ τὸν γενηθέντα στρατὸν ἐλογίζετο πάλιν παραγενέσθαι εἰσ τὴν Ἰουδαίαν. Εἶπε δὲ Ἰούδασ καὶ οἱ ἀδελφοὶ αὐτοῦ. ἰδοὺ συνετρίβησαν οἱ ἐχθροὶ ἡμῶν, ἀναβῶμεν καθαρίσαι τὰ ἅγια καὶ ἐγκαινίσαι. καὶ συνήχθη ἡ παρεμβολὴ πᾶσα καὶ ἀνέβησαν εἰσ ὄροσ Σιών. καὶ εἶδον τὸ ἁγίασμα ἠρημωμένον καὶ τὸ θυσιαστήριον βεβηλωμένον καὶ τὰσ πύλασ κατακεκαυμένασ καὶ ἐν ταῖσ αὐλαῖσ φυτὰ πεφυκότα ὡσ ἐν δρυμῷ ἢ ὡσ ἑνὶ τῶν ὀρέων καὶ τὰ παστοφόρια καθῃρημένα. καὶ διέρρηξαν τὰ ἱμάτια αὐτῶν καὶ ἐκόψαντο κοπετὸν μέγαν καὶ ἐπέθεντο σποδὸν ἐπὶ τὴν κεφαλὴν αὐτῶν καὶ ἔπεσον ἐπὶ πρόσωπον ἐπὶ τὴν γῆν καὶ ἐσάλπισαν ταῖσ σάλπιγξι τῶν σημασιῶν καὶ ἐβόησαν εἰσ τὸν οὐρανόν. τότε ἐπέταξεν Ἰούδασ ἄνδρασ πολεμεῖν τοὺσ ἐν τῇ ἄκρᾳ, ἕωσ ἂν καθαρίσῃ τὰ ἅγια. καὶ ἐπέλεξεν ἱερεῖσ ἀμώμουσ θελητὰσ νόμου, καὶ ἐκαθάρισαν τὰ ἅγια καὶ ᾖραν τοὺσ λίθουσ τοῦ μιασμοῦ εἰσ τόπον ἀκάθαρτον. καὶ ἐβουλεύσαντο περὶ τοῦ θυσιαστηρίου τῆσ ὁλοκαυτώσεωσ τοῦ βεβηλωμένου, τί αὐτῷ ποιήσωσι. καὶ ἐπέπεσεν αὐτοῖσ βουλὴ ἀγαθὴ καθελεῖν αὐτό, μήποτε γένηται αὐτοῖσ εἰσ ὄνειδοσ, ὅτι ἐμίαναν τὰ ἔθνη αὐτό. καὶ καθεῖλον τὸ θυσιαστήριον. καὶ ἀπέθεντο τοὺσ λίθουσ ἐν τῷ ὄρει τοῦ οἴκου ἐν τόπῳ ἐπιτηδείῳ μέχρι τοῦ παραγενηθῆναι προφήτην τοῦ ἀποκριθῆναι περὶ αὐτῶν. καὶ ἔλαβον λίθουσ ὁλοκλήρουσ κατὰ τὸν νόμον καὶ ᾠκοδόμησαν τὸ θυσιαστήριον καινὸν κατὰ τὸ πρότερον. καὶ ᾠκοδόμησαν τὰ ἅγια καὶ τὰ ἐντὸσ τοῦ οἴκου καὶ τὰσ αὐλὰσ ἡγίασαν. καὶ ἐποίησαν σκεύη ἅγια καινὰ καὶ εἰσήνεγκαν τὴν λυχνίαν καὶ τὸ θυσιαστήριον τῶν θυμιαμάτων καὶ τὴν τράπεζαν εἰσ τὸν ναόν. καὶ ἐθυμίασαν ἐπὶ τὸ θυσιαστήριον καὶ ἐξῆψαν τοὺσ λύχνουσ τοὺσ ἐπὶ τῆσ λυχνίασ, καὶ ἐφαίνοσαν ἐν τῶ ναῷ. καὶ ἐπέθηκαν ἐπὶ τὴν τράπεζαν ἄρτουσ καὶ ἐξεπέτασαν τὰ καταπετάσματα καὶ ἐτέλεσαν πάντα τὰ ἔργα, ἃ ἐποίησαν. καὶ ὤρθρισαν τὸ πρωί̈ τῇ πέμπτῃ καὶ εἰκάδι τοῦ μηνὸσ τοῦ ἐνάτου τοῦ ὀγδόου καὶ τεσσαρακοστοῦ καὶ ἑκατοστοῦ ἔτους καὶ ἀνήνεγκαν θυσίαν κατὰ τὸν νόμον ἐπὶ τὸ θυσιαστήριον τῶν ὁλοκαυτωμάτων τὸ καινόν, ὃ ἐποίησαν. κατὰ τὸν καιρὸν καὶ κατὰ τὴν ἡμέραν, ἐν ᾗ ἐβεβήλωσαν αὐτὸ τὰ ἔθνη, ἐν ἐκείνῃ ἐνεκαινίσθη ἐν ᾠδαῖσ καὶ κιθάραισ καὶ κινύραισ καὶ ἐν κυμβάλοισ. καὶ ἔπεσον πᾶσ ὁ λαὸσ ἐπὶ πρόσωπον καὶ προσεκύνησαν καὶ εὐλόγησαν εἰσ οὐρανὸν τὸν εὐοδώσαντα αὐτοῖσ. καὶ ἐποίησαν τὸν ἐγκαινισμὸν τοῦ θυσιαστηρίου ἡμέρασ ὀκτὼ καὶ προσήνεγκαν ὁλοκαυτώματα μετ̓ εὐφροσύνησ καὶ ἔθυσαν θυσίαν σωτηρίου καὶ αἰνέσεωσ. καὶ κατεκόσμησαν τὸ κατὰ πρόσωπον τοῦ ναοῦ στεφάνοισ χρυσοῖσ καὶ ἀσπιδίσκαισ καὶ ἐνεκαίνισαν τὰσ πύλασ καὶ τὰ παστοφόρια καὶ ἐθύρωσαν αὐτά. καὶ ἐγενήθη εὐφροσύνη μεγάλη ἐν τῷ λαῷ σφόδρα, καὶ ἀπεστράφη ὄνειδοσ ἐθνῶν. καὶ ἔστησεν Ἰούδασ καὶ οἱ ἀδελφοὶ αὐτοῦ καὶ πᾶσα ἡ ἐκκλησία Ἰσραήλ, ἵνα ἄγωνται αἱ ἡμέραι ἐγκαινισμοῦ τοῦ θυσιαστηρίου ἐν τοῖσ καιροῖσ αὐτῶν ἐνιαυτὸν κατ̓ ἐνιαυτὸν ἡμέρασ ὀκτώ, ἀπὸ τῆσ πέμπτησ καὶ εἰκάδοσ τοῦ μηνὸσ Χασελεῦ, μετ̓ εὐφροσύνησ καὶ χαρᾶσ. καὶ ᾠκοδόμησαν ἐν τῷ καιρῷ ἐκείνῳ τὸ ὄροσ Σιών, κυκλόθεν τείχη ὑψηλὰ καὶ πύργουσ ὀχυρούσ, μή ποτε παραγενηθέντα τὰ ἔθνη καταπατήσωσιν αὐτά, ὡσ ἐποίησαν τὸ πρότερον. καὶ ἐπέταξεν ἐκεῖ δύναμιν τηρεῖν αὐτὸ καὶ ὠχύρωσαν αὐτὸ τηρεῖν τὴν Βαιθσούραν τοῦ ἔχειν τὸν λαὸν ὀχύρωμα κατὰ πρόσωπον τῆσ Ἰδουμαίασ. ΚΑΙ ἐγένετο ὅτε ἤκουσαν τὰ ἔθνη κυκλόθεν ὅτι ᾠκοδομήθη τὸ θυσιαστήριον καὶ ἐνεκαινίσθη τὸ ἁγίασμα ὡσ τὸ πρότερον, καὶ ὠργίσθησαν σφόδρα

καὶ ἐβουλεύσαντο τοῦ ἆραι τὸ γένοσ Ἰακώβ τοὺσ ὄντασ ἐν μέσῳ αὐτῶν καὶ ἤρξαντο τοῦ θανατοῦν ἐν τῷ λαῷ καὶ ἐξαίρειν. καὶ ἐπολέμει Ἰούδασ πρὸσ τοὺσ υἱοὺσ Ἡσαῦ ἐν τῇ Ἰδουμαίᾳ, τὴν Ἀκραβαττήνην, ὅτι περιεκάθηντο τὸν Ἰσραήλ, καὶ ἐπάταξεν αὐτοὺσ πληγὴν μεγάλην καὶ συνέστειλεν αὐτοὺσ καὶ ἔλαβε τὰ σκῦλα αὐτῶν. καὶ ἐμνήσθη τῆσ κακίασ υἱῶν Βαιάν, οἳ ἦσαν τῷ λαῷ εἰσ παγίδα καὶ εἰσ σκάνδαλον ἐν τῷ ἐνεδρεύειν αὐτοὺσ ἐν ταῖσ ὁδοῖσ. καὶ συνεκλείσθησαν ὑπ̓ αὐτοῦ ἐν τοῖσ πύργοισ, καὶ παρενέβαλεν ἐπ̓ αὐτοὺσ καὶ ἀνεθεμάτισεν αὐτοὺσ καὶ ἐνεπύρισε τοὺσ πύργουσ αὐτῆσ ἐν πυρὶ σὺν πᾶσι τοῖσ ἐνοῦσι. καὶ διεπέρασεν ἐπὶ τοὺσ υἱοὺσ Ἀμμὼν καὶ εὗρε χεῖρα κραταιὰν καὶ λαὸν πολὺν καὶ Τιμόθεον ἡγούμενον αὐτῶν. καὶ συνῆψε πρὸσ αὐτοὺσ πολέμουσ πολλούσ, καὶ συνετρίβησαν πρὸ προσώπου αὐτοῦ, καὶ ἐπάταξεν αὐτούσ. καὶ προκατελάβετο τὴν Ἰαζὴρ καὶ τὰσ θυγατέρασ αὐτῆσ καὶ ἀνέστρεψεν εἰσ τὴν Ἰουδαίαν. Καὶ ἐπισυνήχθησαν τὰ ἔθνη τὰ ἐν τῇ Γαδαὰδ ἐπὶ τὸν Ἰσραὴλ τοὺσ ὄντασ ἐπὶ τοῖσ ὁρίοισ αὐτῶν τοῦ ἐξᾶραι αὐτούσ, καὶ ἔφυγον εἰσ Δάθεμα τὸ ὀχύρωμα. καὶ ἀπέστειλαν γράμματα πρὸσ Ἰούδαν καὶ τοὺσ ἀδελφοὺσ αὐτοῦ λέγοντεσ. ἐπισυνηγμένα ἐστὶν ἐφ̓ ἡμᾶσ τὰ ἔθνη τὰ κύκλῳ ἡμῶν τοῦ ἐξᾶραι ἡμᾶς καὶ ἑτοιμάζονται ἐλθεῖν καὶ προκαταλαβέσθαι τὸ ὀχύρωμα, εἰσ ὃ κατεφύγομεν, καὶ Τιμόθεοσ ἡγεῖται τῆσ δυνάμεωσ αὐτῶν. νῦν οὖν ἐλθὼν ἐξελοῦ ἡμᾶσ ἐκ χειρὸσ αὐτῶν, ὅτι πέπτωκεν ἐξ ἡμῶν πλῆθοσ, καὶ πάντεσ οἱ ἀδελφοὶ ἡμῶν οἱ ὄντεσ ἐν τοῖσ Τωβίου τεθανάτωνται, καὶ ᾐχμαλωτίκασι τὰσ γυναῖκασ αὐτῶν καὶ τὰ τέκνα καὶ τὴν ἀποσκευήν, καὶ ἀπώλεσαν ἐκεῖ ὡσεὶ μίαν χιλιαρχίαν ἀνδρῶν. ἔτι αἱ ἐπιστολαὶ ἀνεγινώσκοντο, καὶ ἰδοὺ ἄγγελοι ἕτεροι παρεγένοντο ἐκ τῆσ Γαλιλαίασ διερρηχότεσ τὰ ἱμάτια ἀπαγγέλλοντεσ κατὰ τὰ ρήματα ταῦτα λέγοντες ἐπισυνῆχθαι ἐπ̓ αὐτοὺσ ἐκ Πτολεμαί̈δοσ καὶ Τύρου καὶ Σιδῶνοσ καὶ πάσησ Γαλιλαίασ ἀλλοφύλων τοῦ ἐξαναλῶσαι ἡμᾶσ. ὡσ δὲ ἤκουσεν Ἰούδασ καὶ ὁ λαὸσ τοὺσ λόγουσ τούτουσ, ἐπισυνήχθη ἐκκλησία μεγάλη βουλεύσασθαι τί ποιήσωσι τοῖσ ἀδελφοῖσ αὐτῶν, τοῖσ οὖσιν ἐν θλίψει καὶ πολεμουμένοισ ὑπ̓ αὐτῶν. καὶ εἶπεν Ἰούδασ Σίμωνι τῷ ἀδελφῷ αὐτοῦ. ἐπίλεξον σεαυτῷ ἄνδρασ καὶ πορεύου καὶ ρῦσαι τοὺσ ἀδελφούσ σου τοὺσ ἐν τῇ Γαλιλαίᾳ. ἐγὼ δὲ καὶ Ἰωνάθαν ὁ ἀδελφόσ μου πορευσόμεθα εἰσ τὴν Γαλααδῖτιν. καὶ κατέλιπεν Ἰώσηφον τὸν τοῦ Ζαχαρίου καὶ Ἀζαρίαν ἡγουμένουσ τοῦ λαοῦ μετὰ τῶν ἐπιλοίπων τῆσ δυνάμεωσ ἐν τῇ Ἰουδαίᾳ εἰσ τήρησιν καὶ ἐνετείλατο αὐτοῖσ λέγων. πρόστητε τοῦ λαοῦ τούτου καὶ μὴ συνάψητε πόλεμον πρὸσ τὰ ἔθνη ἕωσ τοῦ ἐπιστρέψαι ἡμᾶσ. καὶ ἐμερίσθησαν Σίμωνι ἄνδρεσ τρισχίλιοι τοῦ πορευθῆναι εἰσ τὴν Γαλιλαίαν, Ἰούδᾳ δὲ ἄνδρεσ ὀκτακισχίλιοι εἰσ τὴν Γαλααδῖτιν. καὶ ἐπορεύθη Σίμων εἰσ τὴν Γαλιλαίαν καὶ συνῆψε πολέμουσ πολλοὺσ πρὸσ τὰ ἔθνη, καὶ συνετρίβη τὰ ἔθνη ἀπὸ προσώπου αὐτοῦ, καὶ ἐδίωξεν αὐτοὺσ ἕωσ τῆσ πύλησ Πτολεμαί̈δοσ. καὶ ἔπεσον ἐκ τῶν ἐθνῶν εἰσ τρισχιλίουσ ἄνδρασ, καὶ ἔλαβε τὰ σκῦλα αὐτῶν. καὶ παρέλαβε τοὺσ ἐν τῇ Γαλιλαίᾳ καὶ ἐν Ἀρβάττοισ σὺν ταῖσ γυναιξὶ καὶ τοῖσ τέκνοισ καὶ πάντα, ὅσα ἦν αὐτοῖσ, καὶ ἤγαγεν εἰσ τὴν Ἰουδαίαν μετ̓ εὐφροσύνησ μεγάλησ. καὶ Ἰούδασ ὁ Μακκαβαῖοσ καὶ Ἰωνάθαν ὁ ἀδελφὸσ αὐτοῦ διέβησαν τὸν Ἰορδάνην καὶ ἐπορεύθησαν ὁδὸν τριῶν ἡμερῶν ἐν τῇ ἐρήμῳ. καὶ συνήντησαν τοῖσ Ναβαταίοισ, καὶ ἀπήντησαν αὐτοῖσ εἰρηνικῶσ καὶ διηγήσαντο αὐτοῖσ ἅπαντα τὰ συμβάντα τοῖσ ἀδελφοῖσ αὐτῶν ἐν τῇ Γαλααδίτιδι. καὶ ὅτι πολλοὶ ἐξ αὐτῶν συνειλημμένοι εἰσὶν εἰσ Βόσορρα καὶ Βοσόρ, ἐν Ἀλέμοισ, Χασφώρ, Μακὲδ καὶ Καρναί̈ν, πᾶσαι αἱ πόλεισ αὗται ὀχυραὶ καὶ μεγάλαι. καὶ ἐν ταῖσ λοιπαῖσ πόλεσι τῆσ Γαλααδίτιδόσ εἰσι συνειλημμένοι καὶ εἰσ αὔριον τάσσονται παρεμβάλλειν ἐπὶ τὰ ὀχυρώματα καὶ καταλαβέσθαι καὶ ἐξᾶραι πάντασ τούτουσ ἐν ἡμέρᾳ μιᾷ. καὶ ἀπέστρεψεν Ἰούδασ καὶ ἡ παρεμβολὴ αὐτοῦ ὁδὸν εἰσ τὴν ἔρημον Βόσορρα ἄφνω. καὶ κατελάβετο τὴν πόλιν καὶ ἀπέκτεινε πᾶν ἀρσενικὸν ἐν στόματι ρομφαίασ καὶ ἔλαβε πάντα τὰ σκῦλα αὐτῶν καὶ ἐνέπρησεν αὐτὴν πυρί. καὶ ἀπῇρεν ἐκεῖθεν νυκτόσ, καὶ ἐπορεύετο ἕωσ ἐπὶ τὸ ὀχύρωμα. καὶ ἐγένετο ἑωθινῇ ᾖραν τοὺσ ὀφθαλμοὺσ αὐτῶν καὶ ἰδοὺ λαὸσ πολύσ, οὗ οὐκ ἦν ἀριθμόσ, αἴροντεσ κλίμακασ καὶ μηχανὰσ καταλαβέσθαι τὸ ὀχύρωμα καὶ ἐπολέμουν αὐτούσ. καὶ εἶδεν Ἰούδασ ὅτι ἦρκται ὁ πόλεμοσ καὶ ἡ κραυγὴ τῆσ πόλεωσ ἀνέβη εἰσ τὸν οὐρανὸν σάλπιγξι καὶ φωνῇ μεγάλῃ, καὶ εἶπε τοῖσ ἀνδράσι τῆσ δυνάμεωσ. πολεμήσατε σήμερον ὑπὲρ τῶν ἀδελφῶν ὑμῶν. καὶ ἐξῆλθεν ἐν τρισὶν ἀρχαῖσ ἐξόπισθεν αὐτῶν, καὶ ἐσάλπισαν ταῖσ σάλπιγξι καὶ ἐβόησαν ἐν προσευχῇ. καὶ ἐπέγνω ἡ παρεμβολὴ Τιμοθέου ὅτι Μακκαβαῖόσ ἐστι, καὶ ἔφυγον ἀπὸ προσώπου αὐτοῦ, καὶ ἐπάταξεν αὐτοὺσ πληγὴν μεγάλην, καὶ ἔπεσον ἐξ αὐτῶν ἐν ἐκείνῃ τῇ ἡμέρᾳ εἰσ ὀκτακισχιλίουσ ἄνδρασ. καὶ ἀπέκλινεν εἰσ Μααφὰ καὶ ἐπολέμησεν αὐτὴν καὶ προκατελάβετο αὐτὴν καὶ ἀπέκτεινε πᾶν ἀρσενικὸν αὐτῆσ καὶ ἔλαβε τὰ σκῦλα αὐτῆσ καὶ ἐνέπρησεν αὐτὴν πυρί. ἐκεῖθεν ἀπῇρε καὶ προκατελάβετο τὴν Χασφών, Μακέδ, Βοσὸρ καὶ τὰσ λοιπὰσ πόλεισ τῆσ Γαλααδίτιδοσ. μετὰ δὲ τὰ ρήματα ταῦτα συνήγαγε Τιμόθεοσ παρεμβολὴν ἄλλην καὶ παρενέβαλε κατὰ πρόσωπον Ραφὼν ἐκ πέραν τοῦ χειμάρρου. καὶ ἀπέστειλεν Ἰούδασ κατασκοπεῦσαι τὴν παρεμβολήν, καὶ ἀπήγγειλαν αὐτῷ λέγοντεσ. ἐπισυνηγμένα εἰσὶ πρὸσ αὐτοὺσ πάντα τὰ ἔθνη τὰ κύκλῳ ἡμῶν, δύναμισ πολλὴ σφόδρα. καὶ Ἄραβασ μεμίσθωνται εἰσ βοήθειαν αὐτοῖσ καὶ παρενέβαλον πέραν τοῦ χειμάρρου ἕτοιμοι τοῦ ἐλθεῖν ἐπὶ σὲ εἰσ πόλεμον. καὶ ἐπορεύθη Ἰούδασ εἰσ συνάντησιν αὐτῶν. καὶ εἶπε Τιμόθεοσ τοῖσ ἄρχουσι τῆσ δυνάμεωσ αὐτοῦ ἐν τῷ ἐγγίζειν Ἰούδαν καὶ τὴν παρεμβολὴν αὐτοῦ ἐπὶ τὸν χειμάρρουν τοῦ ὕδατοσ. ἐὰν διαβῇ πρὸσ ἡμᾶσ πρότεροσ, οὐ δυνησόμεθα ὑποστῆναι αὐτόν, ὅτι δυνάμενοσ δυνήσεται πρὸσ ἡμᾶσ. ἐὰν δὲ δειλωθῇ καὶ παρεμβάλῃ πέραν τοῦ ποταμοῦ, διαπεράσομεν πρὸσ αὐτὸν καὶ δυνησόμεθα πρὸσ αὐτόν. ὡσ δὲ ἤγγισεν Ἰούδασ ἐπὶ τὸν χειμάρρουν τοῦ ὕδατοσ, ἔστησε τοὺσ γραμματεῖσ τοῦ λαοῦ ἐπὶ τοῦ χειμάρρου καὶ ἐνετείλατο αὐτοῖσ λέγων. μὴ ἀφῆτε πάντα ἄνθρωπον παρεμβαλεῖν, ἀλλ̓ ἐρχέσθωσαν πάντεσ εἰσ τὸν πόλεμον. καὶ διεπέρασεν ἐπ̓ αὐτοὺσ πρότεροσ καὶ πᾶσ ὁ λαὸσ ὄπισθεν αὐτοῦ, καὶ συνετρίβησαν πρὸ προσώπου αὐτοῦ πάντα τὰ ἔθνη καὶ ἔρριψαν τὰ ὅπλα αὐτῶν καὶ ἔφυγον εἰσ τὸ τέμενοσ ἐν Καρναί̈ν. καὶ προκατελάβοντο τὴν πόλιν καὶ τὸ τέμενοσ ἐνεπύρισαν ἐν πυρὶ σὺν πᾶσι τοῖσ ἐν αὐτῷ. καὶ ἐτροπώθη ἡ Καρναί̈ν, καὶ οὐκ ἐδύναντο ἔτι ὑποστῆναι κατὰ πρόσωπον Ἰούδα. καὶ συνήγαγεν Ἰούδασ πάντα Ἰσραὴλ τοὺσ ἐν τῇ Γαλααδίτιδι ἀπὸ μικροῦ ἕωσ μεγάλου καὶ τὰσ γυναῖκασ αὐτῶν καὶ τὰ τέκνα αὐτῶν καὶ τὴν ἀποσκευήν, παρεμβολὴν μεγάλην σφόδρα, ἐλθεῖν εἰσ γῆν Ἰούδα. καὶ ἦλθον ἕωσ Ἐφρών, καὶ αὕτη ἡ πόλισ μεγάλη ἐπὶ τῆσ εἰσόδου ὀχυρὰ σφόδρα, οὐκ ἦν ἐκκλῖναι ἀπ̓ αὐτῆσ δεξιὰν ἢ ἀριστεράν, ἀλλ̓ ἢ διὰ μέσου αὐτῆσ πορεύεσθαι. καὶ ἀπέκλεισαν αὐτοὺσ οἱ ἐκ τῆσ πόλεωσ καὶ ἐνέφραξαν τὰσ πύλασ λίθοισ. καὶ ἀπέστειλε πρὸσ αὐτοὺσ Ἰούδασ λόγοισ εἰρηνικοῖσ λέγων. διελευσόμεθα διὰ τῆσ γῆσ σου τοῦ ἀπελθεῖν εἰσ τὴν γῆν ἡμῶν, καὶ οὐδεὶσ κακοποιήσει ὑμᾶσ, πλὴν τοῖσ ποσὶ παρελευσόμεθα. καὶ οὐκ ἠβούλοντο ἀνοῖξαι αὐτῷ. καὶ ἐπέταξεν Ἰούδασ κηρῦξαι ἐν τῇ παρεμβολῇ τοῦ παρεμβαλεῖν ἕκαστον ἐν ᾧ ἐστι τόπῳ. καὶ παρενέβαλον οἱ ἄνδρεσ τῆσ δυνάμεωσ, καὶ ἐπολέμησαν τὴν πόλιν ὅλην τὴν ἡμέραν ἐκείνην καὶ ὅλην τὴν νύκτα, καὶ παρεδόθη ἡ πόλισ ἐν χερσὶν αὐτοῦ. καὶ ἀπώλεσε πᾶν ἀρσενικὸν ἐν στόματι ρομφαίασ καὶ ἐξερρίζωσεν αὐτὴν καὶ ἔλαβε τὰ σκῦλα αὐτῆσ καὶ διῆλθε διὰ τῆσ πόλεωσ ἐπάνω τῶν ἀπεκταμμένων. καὶ διέβησαν τὸν Ἰορδάνην εἰσ τὸ πεδίον τὸ μέγα κατὰ πρόσωπον Βαιθσάν. καὶ ἦν Ἰούδασ ἐπισυνάγων τοὺσ ἐσχατίζοντασ καὶ παρακαλῶν τὸν λαὸν κατὰ πᾶσαν τὴν ὁδόν, ἕωσ οὗ ἦλθον εἰσ γῆν Ἰούδα. καὶ ἀνέβησαν εἰσ τὸ ὄροσ Σιὼν ἐν εὐφροσύνῃ καὶ χαρᾷ καὶ προσήγαγον ὁλοκαυτώματα, ὅτι οὐκ ἔπεσεν ἐξ αὐτῶν οὐθεὶσ ἕωσ τοῦ ἐπιστρέψαι ἐν εἰρήνῃ. Καὶ ἐν ταῖσ ἡμέραισ, αἷσ ἦν Ἰούδασ καὶ Ἰωνάθαν ἐν τῇ Γαλαὰδ καὶ Σίμων ὁ ἀδελφὸσ αὐτοῦ ἐν τῇ Γαλιλαίᾳ κατὰ πρόσωπον Πτολεμαί̈δοσ, ἤκουσεν Ἰωσὴφ ὁ τοῦ Ζαχαρίου καὶ Ἀζαρίασ ἄρχοντεσ τῆσ δυνάμεωσ τῶν ἀνδραγαθιῶν καὶ τοῦ πολέμου, οἷα ἐποίησαν, καὶ εἶπε. ποιήσωμεν καὶ αὐτοὶ ἑαυτοῖσ ὄνομα καὶ πορευθῶμεν πολεμῆσαι πρὸσ τὰ ἔθνη τὰ κύκλῳ ἡμῶν. καὶ παρήγγειλαν τοῖσ ἀπὸ τῆσ δυνάμεωσ τῆσ μετ̓ αὐτῶν, καὶ ἐπορεύθησαν ἐπὶ Ἰάμνειαν. καὶ ἐξῆλθε Γοργίασ ἐκ τῆσ πόλεωσ καὶ οἱ ἄνδρεσ αὐτοῦ εἰσ συνάντησιν αὐτοῖσ εἰσ πόλεμον. καὶ ἐτροπώθη Ἰώσηφοσ καὶ Ἀζαρίασ, καὶ ἐδιώχθησαν ἕωσ τῶν ὁρίων τῆσ Ἰουδαίασ, καὶ ἔπεσον ἐν τῇ ἡμέρᾳ ἐκείνῃ ἐκ τοῦ λαοῦ τοῦ Ἰσραὴλ εἰσ δισχιλίουσ ἄνδρασ. καὶ ἐγενήθη τροπὴ μεγάλη ἐν τῷ λαῷ Ἰσραήλ, ὅτι οὐκ ἤκουσαν Ἰούδα καὶ τῶν ἀδελφῶν αὐτοῦ, οἰόμενοι ἀνδραγαθῆσαι. αὐτοὶ δὲ οὐκ ἦσαν ἐκ τοῦ σπέρματοσ τῶν ἀνδρῶν ἐκείνων, οἷσ ἐδόθη σωτηρία Ἰσραὴλ διὰ χειρὸσ αὐτῶν. καὶ ὁ ἀνὴρ Ἰούδασ καὶ οἱ ἀδελφοὶ αὐτοῦ ἐδοξάσθησαν σφόδρα ἐναντίον παντὸσ Ἰσραὴλ καὶ τῶν ἐθνῶν πάντων, οὗ ἠκούετο τὸ ὄνομα αὐτῶν. καὶ ἐπισυνήγοντο πρὸσ αὐτοὺσ εὐφημοῦντεσ. καὶ ἐξῆλθεν Ἰούδασ καὶ οἱ ἀδελφοὶ αὐτοῦ καὶ ἐπολέμουν τοὺσ υἱοὺσ Ἡσαῦ ἐν τῇ γῇ πρὸσ νότον καὶ ἐπάταξε τὴν Χεβρὼν καὶ τὰσ θυγατέρασ αὐτῆσ καὶ καθεῖλε τὸ ὀχύρωμα αὐτῆσ καὶ τοὺσ πύργουσ αὐτῆσ ἐνέπρησε κυκλόθεν. καὶ ἀπῇρε τοῦ πορευθῆναι εἰσ γῆν ἀλλοφύλων. καὶ διεπορεύετο τὴν Σαμάρειαν. ἐν τῇ ἡμέρᾳ ἐκείνῃ ἔπεσον ἱερεῖσ ἐν πολέμῳ βουλόμενοι ἀνδραγαθῆσαι ἐν τῷ αὐτοὺσ ἐξελθεῖν εἰσ πόλεμον ἀβουλεύτωσ. καὶ ἐξέκλινεν Ἰούδασ εἰσ Ἄζωτον γῆν ἀλλοφύλων, καὶ καθεῖλε τοὺσ βωμοὺσ αὐτῶν καὶ τὰ γλυπτὰ τῶν θεῶν αὐτῶν κατέκαυσε πυρὶ καὶ ἐσκύλευσε τὰ σκῦλα τῶν πόλεων καὶ ἐπέστρεψεν εἰσ τὴν γῆν Ἰούδα. ΚΑΙ ὁ βασιλεὺσ Ἀντίοχοσ διεπορεύετο τὰσ ἐπάνω χώρασ καὶ ἤκουσεν ὅτι ἐστὶν Ἐλυμαί̈σ ἐν τῇ Περσίδι πόλισ ἔνδοξοσ πλούτῳ ἀργυρίῳ τε καὶ χρυσίῳ.

καὶ τὸ ἱερὸν τὸ ἐν αὐτῇ πλούσιον σφόδρα, καὶ ἐκεῖ καλύμματα χρυσᾶ καὶ θώρακεσ καὶ ὅπλα, ἃ κατέλιπεν ἐκεῖ Ἀλέξανδροσ ὁ Φιλίππου βασιλεὺσ ὁ Μακεδών, ὃσ ἐβασίλευσε πρῶτοσ ἐν τοῖσ Ἕλλησι. καὶ ἦλθε καὶ ἐζήτει καταλαβέσθαι τὴν πόλιν καὶ προνομεῦσαι αὐτήν, καὶ οὐκ ἠδυνάσθη, ὅτι ἐγνώσθη ὁ λόγοσ τοῖσ ἐκ τῆσ πόλεωσ, καὶ ἀντέστησαν αὐτῷ εἰσ πόλεμον, καὶ ἔφυγε καὶ ἀπῇρεν ἐκεῖθεν μετὰ λύπησ μεγάλησ ἀποστρέψαι εἰσ Βαβυλῶνα. καὶ ἦλθεν ἀπαγγέλλων τισ αὐτῷ εἰσ τὴν Περσίδα ὅτι τετρόπωνται αἱ παρεμβολαὶ αἱ πορευθεῖσαι εἰσ γῆν Ἰούδα, καὶ ἐπορεύθη Λυσίασ δυνάμει ἰσχυρᾷ ἐν πρώτοισ καὶ ἐνετράπη ἀπὸ προσώπου αὐτῶν, καὶ ἐπίσχυσαν ὅπλοισ καὶ δυνάμει καὶ σκύλοισ πολλοῖσ, οἷσ ἔλαβον ἀπὸ τῶν παρεμβολῶν, ὧν ἐξέκοψαν, καὶ κα θεῖλον τὸ βδέλυγμα, ὃ ᾠκοδόμησεν ἐπὶ τὸ θυσιαστήριον τὸ ἐν Ἱερουσαλήμ, καὶ τὸ ἁγίασμα καθὼσ τὸ πρότερον ἐκύκλωσαν τείχεσιν ὑψηλοῖσ καὶ τὴν Βαιθσούραν πόλιν αὐτοῦ. καὶ ἐγένετο ὡσ ἤκουσεν ὁ βασιλεὺσ τοὺσ λόγουσ τούτουσ, ἐθαμβήθη καὶ ἐσαλεύθη σφόδρα καὶ ἔπεσεν ἐπὶ τὴν κοίτην καὶ ἐνέπεσεν εἰσ ἀρρωστίαν ἀπὸ τῆσ λύπησ, ὅτι οὐκ ἐγένετο αὐτῷ καθὼσ ἐνεθυμεῖτο. καὶ ἦν ἐκεῖ ἡμέρασ πλείουσ, ὅτι ἀνεκαινίσθη ἐπ̓ αὐτὸν λύπη μεγάλη, καὶ ἐλογίσατο ὅτι ἀποθνήσκει. καὶ ἐκάλεσε πάντασ τοὺσ φίλουσ αὐτοῦ καὶ εἶπε πρὸσ αὐτούσ. ἀφίσταται ὁ ὕπνοσ ἀπὸ τῶν ὀφθαλμῶν μου, καὶ συμπέπτωκα τῇ καρδίᾳ ἀπὸ τῆσ μερίμνησ, καὶ εἶπα τῇ καρδίᾳ μου. ἕωσ τίνοσ θλίψεωσ ἦλθον καὶ κλύδωνοσ μεγάλου, ἐν ᾧ νῦν εἰμι̣ ὅτι χρηστὸσ καὶ ἀγαπώμενοσ ἤμην ἐν τῇ ἐξουσίᾳ μου, νῦν δὲ μιμνήσκομαι τῶν κακῶν, ὧν ἐποίησα ἐν Ἱερουσαλὴμ καὶ ἔλαβον πάντα τὰ σκεύη τὰ χρυσᾶ καὶ τὰ ἀργυρᾶ τὰ ἐν αὐτῇ καὶ ἐξαπέστειλα ἐξᾶραι τοὺσ κατοικοῦντασ Ἰούδα διακενῆσ. ἔγνων οὖν ὅτι χάριν τούτων εὗρόν με τὰ κακὰ ταῦτα. καὶ ἰδοὺ ἀπόλλυμαι λύπῃ μεγάλῃ ἐν γῇ ἀλλοτρίᾳ. καὶ ἐκάλεσε Φίλιππον ἕνα τῶν φίλων αὐτοῦ καὶ κατέστησεν αὐτὸν ἐπὶ πάσησ τῆσ βασιλείασ αὐτοῦ. καὶ ἔδωκεν αὐτῷ τὸ διάδημα καὶ τὴν στολὴν αὐτοῦ καὶ τὸν δακτύλιον τοῦ ἀγαγεῖν Ἀντίοχον τὸν υἱὸν αὐτοῦ καὶ ἐκθρέψαι αὐτὸν τοῦ βασιλεύειν. καὶ ἀπέθανεν ἐκεῖ Ἀντίοχοσ ὁ βασιλεὺσ ἔτουσ ἐνάτου καὶ τεσσαρακοστοῦ καὶ ἑκατοστοῦ. καὶ ἐπέγνω Λυσίασ ὅτι τέθνηκεν ὁ βασιλεύσ, καὶ κατέστησε βασιλεύειν Ἀντίοχον τὸν υἱὸν αὐτοῦ ἀντ̓ αὐτοῦ, ὃν ἐξέθρεψε νεώτερον, καὶ ἐκάλεσε τὸ ὄνομα αὐτοῦ Εὐπάτορα. Καὶ οἱ ἐκ τῆσ ἄκρασ ἦσαν συγκλείοντεσ τὸν Ἰσραὴλ κύκλῳ τῶν ἁγίων καὶ ζητοῦντεσ τὰ κακὰ δἰ ὅλου καὶ στήριγμα τοῖσ ἔθνεσι. καὶ ἐλογίσατο Ἰούδασ ἐξᾶραι αὐτοὺσ καὶ ἐξεκκλησίασε πάντα τὸν λαὸν τοῦ περικαθίσαι ἐπ̓ αὐτούσ. καὶ συνήχθησαν ἅμα καὶ περιεκάθισαν ἐπ̓ αὐτοὺσ ἔτουσ πεντηκοστοῦ καὶ ἑκατοστοῦ, καὶ ἐποίησεν ἐπ̓ αὐτοὺσ βελοστάσεισ καὶ μηχανάσ. καὶ ἐξῆλθον ἐξ αὐτῶν ἐκ τοῦ συγκλεισμοῦ, καὶ ἐκολλήθησαν αὐτοῖσ τινεσ τῶν ἀσεβῶν ἐξ Ἰσραήλ, καὶ ἐπορεύθησαν πρὸσ τὸν βασιλέα καὶ εἶπον. ἕωσ πότε οὐ ποιήσῃ κρίσιν καὶ ἐκδικήσεισ τοὺσ ἀδελφοὺσ ἡμῶν̣ ἡμεῖσ εὐδοκοῦμεν δουλεύειν τῷ πατρί σου καὶ πορεύεσθαι τοῖσ ὑπ̓ αὐτοῦ λεγομένοισ καὶ κατακολουθεῖν τοῖσ προστάγμασιν αὐτοῦ. καὶ περικάθηνται εἰσ τὴν ἄκραν υἱοὶ τοῦ λαοῦ ἡμῶν χάριν τούτου καὶ ἀλλοτριοῦνται ἀφ̓ ἡμῶν. πλὴν ὅσοι εὑρίσκοντο ἀφ̓ ἡμῶν ἐθανατοῦντο καὶ αἱ κληρονομίαι ἡμῶν διηρπάζοντο. καὶ οὐκ ἐφ̓ ἡμᾶσ μόνον ἐξέτειναν χεῖρα, ἀλλὰ καὶ ἐπὶ πάντα τὰ ὅρια αὐτῶν. καὶ ἰδοὺ παρεμβεβλήκασι σήμερον ἐπὶ τὴν ἄκραν ἐν Ἱερουσαλὴμ τοῦ καταλαβέσθαι αὐτήν. καὶ τὸ ἁγίασμα καὶ τὴν Βαιθσούραν ὠχύρωσαν, καὶ ἐὰν μὴ προκαταλάβῃ αὐτοὺσ διὰ τάχουσ, μείζονα τούτων ποιήσουσι, καὶ ἰδοὺ δυνήσῃ τοῦ κατασχεῖν αὐτῶν. Καὶ ὠργίσθη ὁ βασιλεὺσ ὅτε ἤκουσε, καὶ συνήγαγε πάντασ τοὺσ φίλουσ αὐτοῦ καὶ τοὺσ ἄρχοντασ τῆσ δυνάμεωσ αὐτοῦ καὶ τοὺσ ἐπὶ τῶν ἡνιῶν. καὶ ἀπὸ βασιλειῶν ἑτέρων καὶ ἀπὸ νήσων θαλασσῶν ἦλθον πρὸσ αὐτὸν δυνάμεισ μισθωταί. καὶ ἦν ὁ ἀριθμὸσ τῶν δυνάμεων αὐτοῦ ἑκατὸν χιλιάδεσ τῶν πεζῶν καὶ εἴκοσι χιλιάδεσ ἵππων καὶ ἐλέφαντεσ δύο καὶ τριάκοντα εἰδότεσ πόλεμον. καὶ ἤλθοσαν διὰ τῆσ Ἰδουμαίασ καὶ παρενεβάλοσαν ἐπὶ Βαιθσούραν καὶ ἐπολέμησαν ἡμέρασ πολλὰσ καὶ ἐποίησαν μηχανάσ. καὶ ἐξῆλθον καὶ ἐνεπύρισαν αὐτὰσ ἐν πυρὶ καὶ ἐπολέμησαν ἀνδρωδῶσ. καὶ ἀπῇρεν Ἰούδασ ἀπὸ τῆσ ἄκρασ καὶ παρενέβαλεν εἰσ Βαιθζαχαρία ἀπέναντι τῆσ παρεμβολῆσ τοῦ βασιλέωσ. καὶ ὤρθρισεν ὁ βασιλεὺσ τὸ πρωί̈ καὶ ἀπῇρε τὴν παρεμβολὴν ἐν ὁρμήματι αὐτῆσ κατὰ τὴν ὁδὸν Βαιθζαχαρία, καὶ διεσκευάσθησαν αἱ δυνάμεισ εἰσ τὸν πόλεμον καὶ ἐσάλπισαν ταῖσ σάλπιγξι. καὶ τοῖσ ἐλέφασιν ἔδειξαν αἷμα σταφυλῆσ καὶ μόρων τοῦ παραστῆσαι αὐτοὺσ εἰσ τὸν πόλεμον. καὶ διεῖλον τὰ θηρία εἰσ τὰσ φάλαγγασ καὶ παρέστησαν ἑκάστῳ ἐλέφαντι χιλίουσ ἄνδρασ τεθωρακισμένουσ ἐν ἁλυσιδωτοῖσ, καὶ περικεφαλαῖαι χαλκαῖ ἐπὶ τῶν κεφαλῶν αὐτῶν, καὶ πεντακόσιοι ἵπποι διατεταγμένοι ἑκάστῳ θηρίῳ ἐκλελεγμένοι. οὗτοι πρὸ καιροῦ, οὗ ἐὰν ἦν τὸ θηρίον ἦσαν καὶ οὗ ἐὰν ἐπορεύετο ἐπορεύοντο ἅμα, οὐκ ἀφίσταντο ἀπ̓ αὐτοῦ. καὶ πύργοι ξύλινοι ἐπ̓ αὐτοὺσ ὀχυροὶ σκεπαζόμενοι ἐφ̓ ἑκάστου θηρίου ἐζωσμένοι ἐπ̓ αὐτοῦ μηχαναῖσ, καὶ ἐφ̓ ἑκάστου ἄνδρεσ δυνάμεωσ δύο καὶ τριάκοντα οἱ πολεμοῦντεσ ἐπ̓ αὐτοῖσ καὶ ὁ Ἰνδὸσ αὐτοῦ. καὶ τὴν ἐπίλοιπον ἵππον ἔνθεν καὶ ἔνθεν ἔστησαν ἐπὶ τὰ δύο μέρη τῆσ παρεμβολῆσ κατασείοντεσ καὶ καταφρασσόμενοι ἐν ταῖσ φάραγξιν. ὡσ δὲ ἔστιλβεν ὁ ἥλιοσ ἐπὶ τὰσ χρυσᾶσ καὶ χαλκᾶσ ἀσπίδασ, ἔστιλβε τὰ ὄρη ἀπ̓ αὐτῶν καὶ κατηύγαζεν ὡσ λαμπάδεσ πυρόσ. καὶ ἐξετάθη μέροσ τι τῆσ παρεμβολῆσ τοῦ βασιλέωσ ἐπὶ τὰ ὑψηλὰ ὄρη καί τινεσ ἐπὶ τὰ ταπεινά. καὶ ἤρχοντο ἀσφαλῶσ καὶ τεταγμένωσ. καὶ ἐσαλεύοντο πάντεσ οἱ ἀκούοντεσ φωνῆσ πλήθουσ αὐτῶν καὶ ὁδοιπορίασ τοῦ πλήθουσ καὶ συγκρουσμοῦ τῶν ὅπλων. ἦν γὰρ ἡ παρεμβολὴ μεγάλη σφόδρα καὶ ἰσχυρά. καὶ ἤγγισεν Ἰούδασ καὶ ἡ παρεμβολὴ αὐτοῦ εἰσ παράταξιν, καὶ ἔπεσον ἀπὸ τῆσ παρεμβολῆσ τοῦ βασιλέωσ ἑξακόσιοι ἄνδρεσ. καὶ εἶδεν Ἐλεάζαρ ὁ Αὐαρὰν ἓν τῶν θηρίων τεθωρακισμένον θώρακι βασιλικῷ, καὶ ἦν ὑπεράγον πάντα τὰ θηρία, καὶ ᾠήθη ὅτι ἐν αὐτῷ ἐστιν ὁ βασιλεύσ. καὶ ἔδωκεν ἑαυτὸν τοῦ σῶσαι τὸν λαὸν αὐτοῦ καὶ περιποιῆσαι ἑαυτῷ ὄνομα αἰώνιον. καὶ ἐπέδραμεν αὐτῷ θράσει εἰσ μέσον τῆσ φάλαγγοσ καὶ ἐθανάτου δεξιὰ καὶ εὐώνυμα, καὶ ἐσχίζοντο ἀπ̓ αὐτοῦ ἔνθα καὶ ἔνθα. καὶ εἰσέδυ ὑπὸ τὸν ἐλέφαντα καὶ ὑπέθεκεν αὐτῷ καὶ ἀνεῖλεν αὐτόν, καὶ ἔπεσεν ἐπὶ τὴν γῆν ἐπάνω αὐτοῦ, καὶ ἀπέθανεν ἐκεῖ. καὶ εἶδον τὴν ἰσχὺν τῆσ βασιλείασ καὶ τὸ ὅρμημα τῶν δυνάμεων, καὶ ἐξέκλιναν ἀπ̓ αὐτῶν. οἱ δὲ ἐκ τῆσ παρεμβολῆσ τοῦ βασιλέωσ ἀνέβαινον εἰσ συνάντησιν αὐτῶν εἰσ Ἱερουσαλήμ, καὶ παρενέβαλεν ὁ βασιλεὺσ εἰσ τὴν Ἰουδαίαν καὶ εἰσ τὸ ὄροσ Σιών. καὶ ἐποίησεν εἰρήνην μετὰ τῶν ἐκ Βαιθσούρων, καὶ ἐξῆλθον ἐκ τῆσ πόλεωσ, ὅτι οὐκ ἦν αὐτοῖσ ἐκεῖ διατροφὴ τοῦ συγκεκλεῖσθαι ἐν αὐτῇ, ὅτι σάββατον ἦν τῇ γῇ. καὶ κατελάβετο βασιλεὺσ τὴν Βαιθσούραν, καὶ ἀπέταξεν ἐκεῖ φρουρὰν τηρεῖν αὐτήν. καὶ παρενέβαλεν ἐπὶ τὸ ἁγίασμα ἡμέρασ πολλὰσ καὶ ἔστησεν ἐκεῖ βελοστάσεισ καὶ μηχανὰσ καὶ πυροβόλα καὶ λιθόβολα καὶ σκορπίδια εἰσ τὸ βάλλεσθαι βέλη καὶ σφενδόνασ. καὶ ἐποίησαν καὶ αὐτοὶ μηχανὰσ πρὸσ τὰσ μηχανὰσ αὐτῶν καὶ ἐπολέμησαν ἡμέρασ πολλάσ. βρώματα δὲ οὐκ ἦν ἐν τοῖσ ἀγγείοισ διὰ τὸ ἕβδομον ἔτοσ εἶναι, καὶ οἱ ἀνασῳζόμενοι εἰσ τὴν Ἰουδαίαν ἀπὸ τῶν ἐθνῶν κατέφαγον τὸ ὑπόλειμμα τῆσ παραθέσεωσ. καὶ ὑπελείφθησαν ἐν τοῖσ ἁγίοισ ἄνδρεσ ὀλίγοι, ὅτι κατεκράτησεν αὐτῶν ὁ λιμόσ, καὶ ἐσκορπίσθησαν ἕκαστοσ εἰσ τὸν τόπον αὐτοῦ. Καὶ ἤκουσε Λυσίασ ὅτι Φίλιπποσ, ὃν κατέστησεν ὁ βασιλεὺσ Ἀντίοχοσ ἔτι ζῶν ἐκθρέψαι Ἀντίοχον τὸν υἱὸν αὐτοῦ εἰσ τὸ βασιλεῦσαι αὐτόν, ἀπέστρεψεν ἀπὸ τῆσ Περσίδοσ καὶ Μηδίασ καὶ αἱ δυνάμεισ αἱ πορευθεῖσαι τοῦ βασιλέωσ μετ̓ αὐτοῦ, καὶ ὅτι ζητεῖ παραλαβεῖν τὰ πράγματα. καὶ κατέσπευδε τοῦ ἀπελθεῖν καὶ εἰπεῖν πρὸσ τὸν βασιλέα καὶ τοὺσ ἡγεμόνασ τῆσ δυνάμεωσ καὶ τοὺσ ἄνδρασ. ἐκλείπομεν καθ̓ ἡμέραν, καὶ ἡ τροφὴ ἡμῖν ὀλίγη, καὶ ὁ τόποσ οὗ παρεμβάλλομέν ἐστιν ὀχυρόσ, καὶ ἐπίκειται ἡμῖν τὰ τῆσ βασιλείασ. νῦν οὖν δῶμεν δεξιὰν τοῖσ ἀνθρώποισ τούτοισ καὶ ποιήσωμεν μετ̓ αὐτῶν εἰρήνην καὶ μετὰ παντὸσ ἔθνουσ αὐτῶν καὶ στήσωμεν αὐτοῖσ τοῦ πορεύεσθαι τοῖσ νομίμοισ αὐτῶν, ὡσ τὸ πρότερον. χάριν γὰρ τῶν νομίμων αὐτῶν, ὧν διεσκεδάσαμεν, ὠργίσθησαν καὶ ἐποίησαν ταῦτα πάντα. καὶ ἤρεσεν ὁ λόγοσ ἐναντίον τοῦ βασιλέωσ καὶ τῶν ἀρχόντων, καὶ ἀπέστειλε πρὸσ αὐτοὺσ εἰρηνεῦσαι, καὶ ἐπεδέξαντο. καὶ ὤμοσεν αὐτοῖσ ὁ βασιλεὺσ καὶ οἱ ἄρχοντεσ. ἐπὶ τούτοισ ἐξῆλθον ἐκ τοῦ ὀχυρώματοσ. καὶ εἰσῆλθεν ὁ βασιλεὺσ εἰσ τὸ ὄροσ Σιὼν καὶ εἶδε τὸ ὀχύρωμα τοῦ τόπου καὶ ἠθέτησε τὸν ὁρκισμόν, ὃν ὤμοσε, καὶ ἐνετείλατο καθελεῖν τὸ τεῖχοσ κυκλόθεν. καὶ ἀπῇρε κατὰ σπουδὴν καὶ ἀπέστρεψεν εἰσ Ἀντιόχειαν καὶ εὗρε Φίλιππον κυριεύοντα τῆσ πόλεωσ καὶ ἐπολέμησε πρὸσ αὐτόν, καὶ κατελάβετο τὴν πόλιν βίᾳ. ΕΤΟΥΣ ἑνὸσ καὶ πεντηκοστοῦ καὶ ἑκατοστοῦ ἐξῆλθε Δημήτριοσ ὁ τοῦ Σελεύκου ἐκ Ρώμησ καὶ ἀνέβη σὺν ἀνδράσιν ὀλίγοισ εἰσ πόλιν παραθαλασσίαν καὶ ἐβασίλευσεν ἐκεῖ.

καὶ ἐγένετο ὡσ εἰσεπορεύετο εἰσ οἶκον βασιλείασ πατέρων αὐτοῦ, καὶ συνέλαβον αἱ δυνάμεισ τὸν Ἀντίοχον καὶ τὸν Λυσίαν ἀγαγεῖν αὐτοὺσ αὐτῷ. καὶ ἐγνώσθη αὐτῷ τὸ πρᾶγμα καὶ εἶπε. μή μοι δείξητε τὰ πρόσωπα αὐτῶν. καὶ ἀπέκτειναν αὐτοὺσ αἱ δυνάμεισ, καὶ ἐκάθισε Δημήτριοσ ἐπὶ θρόνου βασιλείασ αὐτοῦ. καὶ ἦλθον πρὸσ αὐτὸν πάντεσ ἄνδρεσ ἄνομοι καὶ ἀσεβεῖσ ἐξ Ἰσραήλ, καὶ Ἄλκιμοσ ἡγεῖτο αὐτῶν, βουλόμενοσ ἱερατεύειν. καὶ κατηγόρησαν τοῦ λαοῦ πρὸσ τὸν βασιλέα λέγοντεσ. ἀπώλεσεν Ἰούδασ καὶ οἱ ἀδελφοὶ αὐτοῦ τοὺσ φίλουσ σου, καὶ ἡμᾶσ ἐσκόρπισαν ἀπὸ τῆσ γῆσ ἡμῶν. νῦν οὖν ἀπόστειλον ἄνδρα, ᾧ πιστεύεισ, καὶ πορευθεὶσ ἰδέτω τὴν ἐξολόθρευσιν πᾶσαν, ἣν ἐποίησεν ἡμῖν καὶ τῇ χώρᾳ τοῦ βασιλέωσ, καὶ κολασάτω αὐτοὺσ καὶ πάντασ τοὺσ ἐπιβοηθοῦντασ αὐτοῖσ. καὶ ἐπέλεξεν ὁ βασιλεὺσ τὸν Βακχίδην τῶν φίλων τοῦ βασιλέωσ κυριεύοντα ἐν τῷ πέραν τοῦ ποταμοῦ καὶ μέγαν ἐν τῇ βασιλείᾳ καὶ πιστὸν τῷ βασιλεῖ καὶ ἀπέστειλεν αὐτὸν καὶ Ἄλκιμον τὸν ἀσεβῆ, καὶ ἔστησεν αὐτῷ τὴν ἱερωσύνην καὶ ἐνετείλατο αὐτῷ ποιῆσαι τὴν ἐκδίκησιν ἐν τοῖσ υἱοῖσ Ἰσραήλ. καὶ ἀπῇραν καὶ ἦλθον μετὰ δυνάμεωσ πολλῆσ εἰσ γῆν Ἰούδα. καὶ ἀπέστειλεν ἀγγέλουσ πρὸσ Ἰούδαν καὶ τοὺσ ἀδελφοὺσ αὐτοῦ λόγοισ εἰρηνικοῖσ μετὰ δόλου. καὶ οὐ προσέσχον τοῖσ λόγοισ αὐτῶν. εἶδον γὰρ ὅτι ἦλθον μετὰ δυνάμεωσ πολλῆσ. καὶ ἐπισυνήχθησαν πρὸσ Ἄλκιμον καὶ Βακχίδην συναγωγὴ γραμματέων ἐκζητῆσαι δίκαια, καὶ πρῶτοι οἱ Ἁσιδαῖοι ἦσαν ἐν υἱοῖσ Ἰσραὴλ καὶ ἐπεζήτουν παῤ αὐτῶν εἰρήνην. εἶπαν γάρ. ἄνθρωποσ ἱερεὺσ ἐκ τοῦ σπέρματοσ Ἀαρὼν ἦλθεν ἐν ταῖσ δυνάμεσι καὶ οὐκ ἀδικήσει ἡμᾶσ. καὶ ἐλάλησε μετ̓ αὐτῶν λόγουσ εἰρηνικοὺσ καὶ ὤμοσεν αὐτοῖσ λέγων. οὐκ ἐκζητήσομεν ὑμῖν κακὸν καὶ τοῖσ φίλοισ ὑμῶν. καὶ ἐνεπίστευσαν αὐτῷ, καὶ συνέλαβεν ἐξ αὐτῶν ἑξήκοντα ἄνδρασ καὶ ἀπέκτεινεν αὐτοὺσ ἐν ἡμέρᾳ μιᾷ κατὰ τὸν λόγον, ὃν ἔγραψε. σάρκασ ὁσίων σου καὶ αἵματα αὐτῶν ἐξέχεαν κύκλῳ Ἱερουσαλήμ, καὶ οὐκ ἦν αὐτοῖσ ὁ θάπτων. καὶ ἐπέπεσεν αὐτῶν ὁ φόβοσ καὶ ὁ τρόμοσ ἐπὶ πάντα τὸν λαόν, ὅτι εἶπαν. οὐκ ἔστιν ἐν αὐτοῖσ ἀλήθεια καὶ κρίσισ, παρέβησαν γὰρ τὴν στάσιν καὶ τὸν ὅρκον, ὃν ὤμοσαν. καὶ ἀπῇρε Βακχίδησ ἀπὸ Ἱερουσαλὴμ καὶ παρενέβαλεν ἐν Βηθζαὶθ καὶ ἀπέστειλε καὶ συνέλαβε πολλοὺσ ἀπὸ τῶν ἀπ̓ αὐτοῦ αὐτομολησάντων ἀνδρῶν καί τινασ τοῦ λαοῦ καὶ ἔθυσεν αὐτοὺσ εἰσ τὸ φρέαρ τὸ μέγα. καὶ κατέστησε τὴν χώραν τῷ Ἀλκίμῳ καὶ ἀφῆκε μετ̓ αὐτοῦ δύναμιν τοῦ βοηθεῖν αὐτῷ. καὶ ἀπῆλθε Βακχίδησ πρὸσ τὸν βασιλέα. καὶ ἠγωνίσατο Ἄλκιμοσ περὶ τῆσ ἀρχιερωσύνησ, καὶ συνήχθησαν πρὸσ αὐτὸν πάντεσ οἱ ταράσσοντεσ τὸν λαὸν αὐτῶν καὶ κατεκράτησαν γῆν Ἰούδα καὶ ἐποίησαν πληγὴν μεγάλην ἐν Ἰσραήλ. καὶ εἶδεν Ἰούδασ πᾶσαν τὴν κακίαν, ἣν ἐποίησεν Ἄλκιμοσ καὶ οἱ μετ̓ αὐτοῦ ἐν υἱοῖσ Ἰσραὴλ ὑπὲρ τὰ ἔθνη, καὶ ἐξῆλθεν εἰσ πάντα τὰ ὅρια τῆσ Ἰουδαίασ κυκλόθεν καὶ ἐποίησεν ἐκδίκησιν ἐν τοῖσ ἀνδράσι τοῖσ αὐτομολήσασι, καὶ ἀνεστάλησαν τοῦ πορεύεσθαι εἰσ τὴν χώραν. ὡσ δὲ εἶδεν Ἄλκιμοσ ὅτι ἐνίσχυσεν Ἰούδασ καὶ οἱ μετ̓ αὐτοῦ, καὶ ἔγνω ὅτι οὐ δύναται ὑποστῆναι αὐτούσ, καὶ ἐπέστρεψε πρὸσ τὸν βασιλέα καὶ κατηγόρησεν αὐτῶν πονηρά. Καὶ ἀπέστειλεν ὁ βασιλεὺσ Νικάνορα ἕνα τῶν ἀρχόντων αὐτοῦ τῶν ἐνδόξων καὶ μισοῦντα καὶ ἐχθραίνοντα τῷ Ἰσραὴλ καὶ ἐνετείλατο αὐτῷ ἐξᾶραι τὸν λαόν. καὶ ἦλθε Νικάνωρ εἰσ Ἱερουσαλὴμ δυνάμει πολλῇ, καὶ ἀπέστειλε πρὸσ Ἰούδαν καὶ τοὺσ ἀδελφοὺσ αὐτοῦ μετὰ δόλου λόγοισ εἰρηνικοῖσ λέγων. μὴ ἔστω μάχην ἀναμέσον ἐμοῦ καὶ ὑμῶν. ἥξω ἐν ἀνδράσιν ὀλίγοισ, ἵνα ὑμῶν ἴδω τὰ πρόσωπα μετ̓ εἰρήνησ. καὶ ἦλθε πρὸσ Ἰούδαν, καὶ ἠσπάσαντο ἀλλήλουσ εἰρηνικῶσ. καὶ οἱ πολέμιοι ἦσαν ἕτοιμοι ἐξαρπᾶσαι τὸν Ἰούδαν. καὶ ἐγνώσθη ὁ λόγοσ τῷ Ἰούδᾳ ὅτι μετὰ δόλου ἦλθεν ἐπ̓ αὐτόν, καὶ ἐπτοήθη ἀπ̓ αὐτοῦ καὶ οὐκ ἐβουλήθη ἔτι ἰδεῖν τὸ πρόσωπον αὐτοῦ. καὶ ἔγνω Νικάνωρ, ὅτι ἀπεκαλύφθη ἡ βουλὴ αὐτοῦ, καὶ ἐξῆλθεν εἰσ συνάντησιν τῷ Ἰούδᾳ ἐν πολέμῳ κατὰ Χαφαρσαλαμά. καὶ ἔπεσον τῶν παρὰ Νικάνοροσ ὡσεὶ πεντακισχίλοι ἄνδρεσ, καὶ ἔφυγον εἰσ τὴν πόλιν Δαυίδ. Καὶ μετὰ τοὺσ λόγουσ τούτουσ ἀνέβη Νικάνωρ εἰσ τὸ ὄροσ Σιών. καὶ ἐξῆλθον ἀπὸ τῶν ἱερέων ἐκ τῶν ἁγίων καὶ ἀπὸ τῶν πρεσβυτέρων τοῦ λαοῦ ἀσπάσασθαι αὐτὸν εἰρηνικῶσ καὶ δεῖξαι αὐτῷ τὴν ὁλοκαύτωσιν τὴν προσφερομένην ὑπὲρ τοῦ βασιλέωσ. καὶ ἐμυκτήρισεν αὐτοὺσ καὶ κατεγέλασεν αὐτῶν καὶ ἐμίανεν αὐτοὺσ καὶ ἐλάλησεν ὑπερηφάνωσ. καὶ ὤμοσε μετὰ θυμοῦ λέγων. ἐὰν μὴ παραδοθῇ Ἰούδασ καὶ ἡ παρεμβολὴ αὐτοῦ εἰσ χεῖράσ μου τὸ νῦν, καὶ ἔσται ἐὰν ἐπιστρέψω ἐν εἰρήνῃ, ἐμπυριῶ τὸν οἶκον τοῦτον. καὶ ἐξῆλθε μετὰ θυμοῦ μεγάλου. καὶ εἰσῆλθον οἱ ἱερεῖσ καὶ ἔστησαν κατὰ πρόσωπον τοῦ θυσιαστηρίου καὶ τοῦ ναοῦ καὶ ἔκλαυσαν καὶ εἶπον. σύ, Κύριε, ἐξελέξω τὸν οἶκον τοῦτον ἐπικληθῆναι τὸ ὄνομά σου ἐπ̓ αὐτῷ εἶναι οἶκον προσευχῆσ καὶ δεήσεωσ τῷ λαῷ σου. ποίησον ἐκδίκησιν ἐν τῷ ἀνθρώπῳ τούτῳ καὶ ἐν τῇ παρεμβολῇ αὐτοῦ, καὶ πεσέτωσαν ἐν ρομφαίᾳ. μνήσθητι τῶν δυσφηριῶν αὐτῶν καὶ μὴ δῷσ αὐτοῖσ μονήν. καὶ ἐξῆλθε Νικάνωρ ἐξ Ἱερουσαλὴμ καὶ παρενέβαλεν ἐν Βαιθωρών, καὶ συνήντησεν αὐτῷ δύναμισ Συρίασ. καὶ Ἰούδασ παρενέβαλεν ἐν Ἀδασὰ ἐν τρισχιλίοισ ἀνδράσι. καὶ προσηύξατο Ἰούδασ καὶ εἶπεν. οἱ παρὰ τοῦ βασιλέωσ Ἀσσυρίων ὅτε ἐδυσφήμησαν, ἐξῆλθεν ἄγγελόσ σου, Κύριε, καὶ ἐπάταξεν ἐν αὐτοῖσ ἑκατὸν ὀγδοηκονταπέντε χιλιάδασ. οὕτω σύντριψον τὴν παρεμβολὴν ταύτην ἐνώπιον ἡμῶν σήμερον, καὶ γνώτωσαν οἱ ἐπίλοιποι, ὅτι κακῶσ ἐλάλησαν ἐπὶ τὰ ἅγιά σου, καὶ κρῖνον αὐτὸν κατὰ τὴν κακίαν αὐτοῦ. καὶ συνῆψαν αἱ παρεμβολαὶ εἰσ πόλεμον τῇ τρισκαιδεκάτῃ τοῦ μηνὸσ Ἄδαρ, καὶ συνετρίβη ἡ παρεμβολὴ Νικάνοροσ, καὶ ἔπεσεν αὐτὸσ πρῶτοσ ἐν τῷ πολέμῳ. ὡσ δὲ εἶδεν ἡ παρεμβολὴ αὐτοῦ ὅτι ἔπεσε Νικάνωρ, ρίψαντεσ τὰ ὅπλα αὐτῶν ἔφυγον. καὶ κατεδίωκον αὐτοὺσ ὁδὸν ἡμέρασ μιᾶσ ἀπὸ Ἀδασὰ ἕωσ τοῦ ἐλθεῖν εἰσ Γάζηρα καὶ ἐσάλπισαν ὀπίσω αὐτῶν ταῖσ σάλπιγξι τῶν σημασιῶν. καὶ ἐξῆλθον ἐκ πασῶν τῶν κωμῶν τῆσ Ἰουδαίασ κυκλόθεν καὶ ὑπερεκέρων αὐτούσ, καὶ ἀνέστρεφον οὗτοι πρὸσ τούτουσ, καὶ ἔπεσον πάντεσ ρομφαίᾳ, καὶ οὐ κατελείφθη ἐξ αὐτῶν οὐδὲ εἷσ. καὶ ἔλαβον τὰ σκῦλα καὶ τὴν προνομήν, καὶ τὴν κεφαλὴν Νικάνοροσ ἀφεῖλον καὶ τὴν δεξιὰν αὐτοῦ, ἣν ἐξέτεινεν ὑπερηφάνωσ, καὶ ἤνεγκαν καὶ ἐξέτειναν παρὰ τὴν Ἱερουσαλήμ. καὶ εὐφράνθη ὁ λαὸσ σφόδρα καὶ ἤγαγον τὴν ἡμέραν ἐκείνην ἡμέραν εὐφροσύνησ μεγάλησ. καὶ ἔστησαν τοῦ ἄγειν κατὰ ἐνιαυτὸν τὴν ἡμέραν ταύτην τὴν τρισκαιδεκάτην τοῦ Ἄδαρ. καὶ ἠσύχασεν ἡ γῆ Ἰούδα ἡμέρασ ὀλίγασ. ΚΑΙ ἤκουσεν Ἰούδασ τὸ ὄνομα τῶν Ρωμαίων, ὅτι εἰσὶ δυνατοὶ ἰσχύϊ καὶ αὐτοὶ εὐδοκοῦσιν ἐν πᾶσι τοῖσ προστιθεμένοισ αὐτοῖσ, καὶ ὅσοι ἂν προσέλθωσιν αὐτοῖσ, ἱστῶσιν αὐτοῖσ φιλίαν,

καὶ ὅτι εἰσὶ δυνατοὶ ἰσχύϊ. καὶ διηγήσαντο αὐτῷ τοὺσ πολέμουσ αὐτῶν καὶ τὰσ ἀνδραγαθίασ, ἃσ ποιοῦσιν ἐν τοῖσ Γαλάταισ, καὶ ὅτι κατεκράτησαν αὐτῶν καὶ ἤγαγον αὐτοὺσ ὑπὸ φόρον, καὶ ὅσα ἐποίησαν ἐν χώρᾳ Ἱσπανίασ τοῦ κατακρατῆσαι τῶν μετάλλων τοῦ ἀργυρίου καὶ τοῦ χρυσίου τοῦ ἐκεῖ. καὶ κατεκράτησαν τοῦ τόπου παντὸσ τῇ βουλῇ αὐτῶν καὶ τῇ μακροθυμίᾳ, καὶ ὁ τόποσ ἦν μακρὰν ἀπέχων ἀπ̓ αὐτῶν σφόδρα, καὶ τῶν βασιλέων τῶν ἐπελθόντων ἐπ̓ αὐτοὺσ ἀπ̓ ἄκρου τῆσ γῆσ ἕωσ συνέτριψαν αὐτοὺσ καὶ ἐπάταξαν ἐν αὐτοῖσ πληγὴν μεγάλην, καὶ οἱ ἐπίλοιποι διδόασιν αὐτοῖσ φόρον κατ̓ ἐνιαυτόν. καὶ τὸν Φίλιππον καὶ τὸν Περσέα Κιτιέων βασιλέα καὶ τοὺσ ἐπῃρμένουσ ἐπ̓ αὐτοὺσ συνέτριψαν αὐτοὺσ ἐν πολέμῳ καὶ κατεκράτησαν αὐτῶν. καὶ Ἀντίοχον τὸν μέγαν βασιλέα τῆσ Ἀσίασ τὸν πορευθέντα ἐπ̓ αὐτοὺσ εἰσ πόλεμον ἔχοντα ἑκατὸν εἴκοσιν ἐλέφαντασ καὶ ἵππον καὶ ἅρματα καὶ δύναμιν πολλὴν σφόδρα, καὶ συνετρίβη ὑπ̓ αὐτῶν, καὶ ἔλαβον αὐτὸν ζῶντα καὶ ἔστησαν αὐτοῖσ διδόναι αὐτόν τε καὶ τοὺσ βασιλεύοντασ μετ̓ αὐτὸν φόρον μέγαν καὶ διδόναι ὅμηρα καὶ διαστολὴν καὶ χώραν τὴν Ἰνδικὴν καὶ Μηδίαν καὶ Λυδίαν καὶ ἀπὸ τῶν καλλίστων χωρῶν αὐτῶν, καὶ λαβόντεσ αὐτὰσ παῤ αὐτοῦ ἔδωκαν αὐτὰσ Εὐμένει τῷ βασιλεῖ. καὶ ὅτι οἱ ἐκ τῆσ Ἑλλάδοσ ἐβουλεύσαντο ἐλθεῖν καὶ ἐξᾶραι αὐτούσ, καὶ ἐγνώσθη ὁ λόγοσ αὐτοῖσ, καὶ ἀπέστειλαν ἐπ̓ αὐτοὺσ στρατηγὸν ἕνα καὶ ἐπολέμησαν πρὸσ αὐτούσ, καὶ ἔπεσον ἐξ αὐτῶν τραυματίαι πολλοί, καὶ ᾐχμαλώτευσαν τὰσ γυναῖκασ αὐτῶν καὶ τὰ τέκνα αὐτῶν καὶ ἐπρονόμευσαν αὐτοὺσ καὶ κατεκράτησαν τῆσ γῆσ αὐτῶν καὶ καθεῖλον τὰ ὀχυρώματα αὐτῶν καὶ κατεδουλώσαντο αὐτοὺσ ἕωσ τῆσ ἡμέρασ ταύτησ. καὶ τὰσ ἐπιλοίπουσ βασιλείασ καὶ τὰσ νήσουσ, ὅσοι ποτὲ ἀντέστησαν αὐτοῖσ, κατέφθειραν καὶ ἐδούλωσαν αὐτούσ, μετὰ δὲ τῶν φίλων αὐτῶν καὶ τῶν ἐπαναπαυομένων αὐτοῖσ συνετήρησαν φιλίαν. καὶ κατεκράτησαν τῶν βασιλειῶν τῶν ἐγγὺσ καὶ τῶν μακράν, καὶ ὅσοι ἤκουον τὸ ὄνομα αὐτῶν, ἐφοβοῦντο ἀπ̓ αὐτῶν. ὅσοισ δ̓ ἂν βούλωνται βοηθεῖν καὶ βασιλεύειν, βασιλεύουσιν. οὓσ δ̓ ἂν βούλωνται, μεθιστῶσι. καὶ ὑψώθησαν σφόδρα. καὶ ἐν πᾶσι τούτοισ οὐκ ἐπέθετο οὐδεὶσ αὐτῶν διάδημα καὶ οὐ περιεβάλοντο πορφύραν ὥστε ἁδρυνθῆναι ἐν αὐτῇ. καὶ βουλευτήριον ἐποίησαν ἑαυτοῖσ, καὶ καθ̓ ἡμέραν ἐβουλεύοντο τριακόσιοι καὶ εἴκοσι βουλευόμενοι διαπαντὸσ περὶ τοῦ πλήθουσ τοῦ εὐκοσμεῖν αὐτούσ. καὶ πιστεύουσιν ἑνὶ ἀνθρώπῳ τὴν ἀρχὴν αὐτῶν κατ̓ ἐνιαυτὸν καὶ κυριεύειν πάσησ τῆσ γῆσ αὐτῶν, καὶ πάντεσ ἀκούουσι τοῦ ἑνόσ, καὶ οὐκ ἔστι φθόνοσ οὐδὲ ζῆλοσ ἐν αὐτοῖσ. καὶ ἐπέλεξεν Ἰούδασ τὸν Εὐπόλεμον υἱὸν Ἰωάννου τοῦ Ἀκκὼσ καὶ Ἰάσονα υἱὸν Ἐλεαζάρου καὶ ἀπέστειλεν αὐτοὺσ εἰσ Ρώμην στῆσαι αὐτοῖσ φιλίαν καὶ συμμαχίαν καὶ τοῦ ἆραι τὸν ζυγὸν ἀπ̓ αὐτῶν, ὅτι εἶδον τὴν βασιλείαν τῶν Ἑλλήνων καταδουλουμένουσ τὸν Ἰσραὴλ δουλείᾳ. καὶ ἐπορεύθησαν εἰσ Ρώμην, καὶ ἡ ὁδὸσ πολλὴ σφόδρα, καὶ εἰσῆλθον εἰσ τὸ βουλευτήριον καὶ ἀπεκρίθησαν καὶ εἶπον. Ἰούδασ ὁ Μακκαβαῖοσ καὶ οἱ ἀδελφοὶ αὐτοῦ καὶ τὸ πλῆθοσ τῶν Ἰουδαίων ἀπέστειλαν ἡμᾶσ πρὸσ ὑμᾶσ στῆσαι μεθ̓ ὑμῶν συμμαχίαν καὶ εἰρήνην καὶ γραφῆναι ἡμᾶσ συμμάχουσ καὶ φίλουσ ὑμῶν. καὶ ἤρεσεν ὁ λόγοσ ἐνώπιον αὐτῶν. καὶ τοῦτο τὸ ἀντίγραφον τῆσ ἐπιστολῆσ, ἧσ ἀντέγραψεν ἐπὶ δέλτοισ χαλκαῖσ καὶ ἀπέστειλεν εἰσ Ἱερουσαλὴμ εἶναι παῤ αὐτοῖσ ἐκεῖ μνημόσυνον εἰρήνησ καὶ συμμαχίασ. «Καλῶσ γένοιτο Ρωμαίοισ καὶ τῷ ἔθνει Ἰουδαίων ἐν τῇ θαλάσσῃ καὶ ἐπὶ τῆσ ξηρᾶσ εἰσ τὸν αἰῶνα, καὶ ρομφαία καὶ ἐχθρὸσ μακρυνθείη ἀπ̓ αὐτῶν. ἐὰν δὲ ἐνστῇ πόλεμοσ ἐν Ρώμῃ προτέρᾳ ἢ πᾶσι τοῖσ συμμάχοισ αὐτῶν ἐν πάσῃ κυρείᾳ αὐτῶν, συμμαχήσει τὸ ἔθνοσ τῶν Ἰουδαίων, ὡσ ἂν ὁ καιρὸσ ὑπογραφῇ αὐτοῖσ καρδίᾳ πλήρει. καὶ τοῖσ πολεμοῦσιν οὐ δώσουσιν οὐδὲ ἐπαρκέσουσι σῖτον, ὅπλα, ἀργύριον, πλοῖα, ὡσ ἔδοξε Ρωμαίοισ. καὶ φυλάξονται τὰ φυλάγματα αὐτῶν οὐθὲν λαβόντεσ. κατὰ τὰ αὐτὰ δὲ ἐὰν ἔθνει Ἰουδαίων συμβῇ προτέροισ πόλεμοσ, συμμαχήσουσιν οἱ Ρωμαῖοι ἐκ ψυχῆσ, ὡσ ἂν αὐτοῖσ ὁ καιρὸσ ὑπογράφῃ. καὶ τοῖσ συμμαχοῦσιν οὐ δοθήσεται σῖτοσ, ὅπλα, ἀργύριον, πλοῖα, ὡσ ἔδοξε Ρώμῃ. καὶ φυλάξονται τὰ φυλάγματα αὐτῶν καὶ οὐ μετὰ δόλου. ‐ κατὰ τοὺσ λόγουσ τούτουσ ἔστησαν Ρωμαῖοι τῷ δήμῳ τῶν Ἰουδαίων. ἐὰν δὲ μετὰ τοὺσ λόγουσ τούτουσ βουλεύσωνται οὗτοι καὶ οὗτοι προσθεῖναι ἢ ἀφελεῖν, ποιήσονται ἐξ αἱρέσεωσ αὐτῶν, καὶ ὃ ἐὰν προσθῶσιν ἢ ἀφέλωσιν, ἔσται κύρια. καὶ περὶ τῶν κακῶν, ὧν ὁ βασιλεὺσ Δημήτριοσ συντελεῖται εἰσ αὐτούσ, ἐγράψαμεν αὐτῷ λέγοντεσ. διατί ἐβάρυνασ τὸν ζυγόν σου ἐπὶ τοὺσ φίλουσ ἡμῶν τοὺσ συμμάχουσ Ἰουδαίουσ̣ ἐὰν οὖν ἔτι ἐντύχωσι κατὰ σοῦ, ποιήσομεν αὐτοῖσ τὴν κρίσιν καὶ πολεμήσομέν σε διὰ τῆσ θαλάσσησ καὶ διὰ τῆσ ξηρᾶσ». ΚΑΙ ἤκουσε Δημήτριοσ ὅτι ἔπεσε Νικάνωρ καὶ αἱ δυνάμεισ αὐτοῦ ἐν πολέμῳ, καὶ προσέθετο τὸν Βακχίδην καὶ τὸν Ἄλκιμον ἐκ δευτέρου ἀποστεῖλαι εἰσ γῆν Ἰούδα καὶ τὸ δεξιὸν κέρασ μετ̓ αὐτῶν.

καὶ ἐπορεύθησαν ὁδὸν τὴν εἰσ Γάλγαλα καὶ παρενέβαλον ἐπὶ Μαισαλὼθ τὴν ἐν Ἀρβήλοισ καὶ προκατελάβοντο αὐτὴν καὶ ἀπώλεσαν ψυχὰσ ἀνθρώπων πολλάσ. καὶ τοῦ μηνὸσ τοῦ πρώτου ἔτουσ τοῦ δευτέρου καὶ πεντηκοστοῦ καὶ ἑκατοστοῦ παρενέβαλον ἐπὶ Ἱερουσαλήμ. καὶ ἀπῇραν καὶ ἐπορεύθησαν εἰσ Βερέαν ἐν εἴκοσι χιλιάσιν ἀνδρῶν καὶ δισχιλίᾳ ἵππῳ. καὶ Ἰούδασ ἦν παρεμβεβληκὼσ ἐν Ἐλασά, καὶ τρισχίλιοι ἄνδρεσ ἐκλεκτοὶ μετ̓ αὐτοῦ. καὶ εἶδον τὸ πλῆθοσ τῶν δυνάμεων ὅτι πολλοί εἰσι, καὶ ἐφοβήθησαν σφόδρα. καὶ ἐξερρύησαν πολλοὶ ἀπὸ τῆσ παρεμβολῆσ, οὐ κατελείφθησαν ἐξ αὐτῶν ἀλλ̓ ἢ ὀκτακόσιοι ἄνδρεσ. καὶ εἶδεν Ἰούδασ ὅτι ἀπερρύη ἡ παρεμβολὴ αὐτοῦ καὶ ὁ πόλεμοσ ἔθλιβεν αὐτόν, καὶ συνετρίβη τῇ καρδίᾳ, ὅτι οὐκ εἶχε καιρὸν συναγαγεῖν αὐτούσ, καὶ ἐξελύθη καὶ εἶπε τοῖσ καταλειφθεῖσιν. ἀναστῶμεν καὶ ἀναβῶμεν ἐπὶ τοὺσ ὑπεναντίουσ ἡμῶν, ἐὰν ἄρα δυνώμεθα πολεμῆσαι αὐτούσ. καὶ ἀπέστρεφον αὐτὸν λέγοντεσ. οὐ μὴ δυνώμεθα, ἀλλ̓ ἢ σῴζωμεν τὰσ ἑαυτῶν ψυχὰσ τὸ νῦν καὶ ἐπιστρέψωμεν μετὰ τῶν ἀδελφῶν ἡμῶν καὶ πολεμήσωμεν πρὸσ αὐτούσ, ἡμεῖσ δὲ ὀλίγοι. καὶ εἶπεν Ἰούδασ. μή μοι γένοιτο ποιῆσαι τὸ πρᾶγμα τοῦτο, φυγεῖν ἀπ̓ αὐτῶν, καὶ εἰ ἤγγικεν ὁ καιρὸσ ἡμῶν, καὶ ἀποθάνωμεν ἐν ἀνδρείᾳ χάριν τῶν ἀδελφῶν ἡμῶν καὶ μὴ καταλίπωμεν αἰτίαν τῇ δόξῃ ἡμῶν. καὶ ἀπῇρεν ἡ δύναμισ ἀπὸ τῆσ παρεμβολῆσ καὶ ἔστησαν εἰσ συνάντησιν αὐτοῖσ, καὶ ἐμερίσθη ἡ ἵπποσ εἰσ δύο μέρη, καὶ οἱ σφενδονῆται καὶ οἱ τοξόται προεπορεύοντο τῆσ δυνάμεωσ, καὶ οἱ πρωταγωνισταὶ πάντεσ οἱ δυνατοί. Βακχίδησ δὲ ἦν ἐν τῷ δεξιῷ κέρατι. καὶ ἤγγισεν ἡ φάλαγξ ἐκ τῶν δύο μερῶν καὶ ἐφώνουν ταῖσ σάλπιγξι, καὶ ἐσάλπισαν οἱ παρὰ Ἰούδᾳ καὶ αὐτοὶ ταῖσ σάλπιγξι. καὶ ἐσαλεύθη ἡ γῆ ἀπὸ τῆσ φωνῆσ τῶν παρεμβολῶν, καὶ ἐγένετο ὁ πόλεμοσ συνημμένοσ ἀπὸ πρωί̈θεν ἕωσ ἑσπέρασ. καὶ εἶδεν Ἰούδασ ὅτι Βακχίδησ καὶ τὸ στερέωμα τῆσ παρεμβολῆσ ἐν τοῖσ δεξιοῖσ, καὶ συνῆλθον αὐτῷ πάντεσ οἱ εὔψυχοι τῇ καρδίᾳ, καὶ συνετρίβη τὸ δεξιὸν κέρασ ἀπ̓ αὐτῶν, καὶ ἐδίωκεν ὀπίσω αὐτῶν ἕωσ Ἀζώτου ὄρουσ. καὶ εἰσ τὸ ἀριστερὸν κέρασ εἶδον ὅτι συνετρίβη τὸ δεξιὸν κέρασ, καὶ ἐπέστρεψαν κατὰ πόδασ Ἰούδα καὶ τῶν μετ̓ αὐτοῦ ἐκ τῶν ὄπισθεν. καὶ ἐβαρύνθη ὁ πόλεμοσ, καὶ ἔπεσον τραυματίαι πολλοὶ ἐκ τούτων καὶ ἐκ τούτων. καὶ Ἰούδασ ἔπεσε, καὶ οἱ λοιποὶ ἔφυγον. καὶ ᾖραν Ἰωνάθαν καὶ Σίμων Ἰούδαν τὸν ἀδελφὸν αὐτῶν καὶ ἔθαψαν αὐτὸν ἐν τῷ τάφῳ τῶν πατέρων αὐτοῦ ἐν Μωδεί̈ν. καὶ ἔκλαυσαν αὐτὸν καὶ ἐκόψαντο αὐτὸν πᾶσ Ἰσραὴλ κοπετὸν μέγαν καὶ ἐπένθουν ἡμέρασ πολλὰσ καὶ εἶπον. πῶσ ἔπεσε δυνατὸσ σῴζων τὸν Ἰσραήλ̣ καὶ τὰ περισσὰ τῶν λόγων Ἰούδα καὶ τῶν πολέμων καὶ τῶν ἀνδραγαθιῶν, ὧν ἐποίησε, καὶ τῆσ μεγαλωσύνησ αὐτῶν οὐ κατεγράφη, πολλὰ γὰρ ἦν σφόδρα. Καὶ ἐγένετο, μετὰ τὴν τελευτὴν Ἰούδα ἐξέκυψαν οἱ ἄνομοι ἐν πᾶσι τοῖσ ὁρίοισ Ἰσραήλ, καὶ ἀνέτειλαν πάντεσ οἱ ἐργαζόμενοι τὴν ἀδικίαν. ἐν ταῖσ ἡμέραισ ἐκείναισ ἐγενήθη λιμὸσ μέγασ σφόδρα, καὶ ηὐτομόλησεν ἡ χώρα μετ̓ αὐτῶν. καὶ ἐξέλεξε Βακχίδησ τοὺσ ἀσεβεῖσ ἄνδρασ καὶ κατέστησεν αὐτοὺσ κυρίουσ τῆσ χώρασ. καὶ ἐξεζήτουν καὶ ἐξηρεύνων τοὺσ φίλουσ Ἰούδα καὶ ἦγον αὐτοὺσ πρὸσ Βακχίδην, καὶ ἐξεδίκει ἐν αὐτοῖσ καὶ ἐνέπαιζεν αὐτοῖσ. καὶ ἐγένετο θλῖψισ μεγάλη ἐν τῷ Ἰσραήλ, ἥτισ οὐκ ἐγένετο ἀφ̓ ἧσ ἡμέρασ οὐκ ὤφθη προφήτησ ἐν αὐτοῖσ. καὶ ἠθροίσθησαν πάντεσ οἱ φίλοι Ἰούδα καὶ εἶπον τῷ Ἰωνάθαν. ἀφ̓ οὗ ὁ ἀδελφόσ σου Ἰούδασ τετελεύτηκε, καὶ ἀνὴρ ὅμοιοσ αὐτῷ οὐκ ἔστιν ἐξελθεῖν πρὸσ τοὺσ ἐχθροὺσ καὶ Βακχίδην, καὶ ἐν τοῖσ ἐχθραίνουσιν τοῦ ἔθνουσ ἡμῶν. νῦν οὖν σε ᾑρετισάμεθα σήμερον τοῦ εἶναι ἀντ̓ αὐτοῦ ἡμῖν εἰσ ἄρχοντα καὶ ἡγούμενον τοῦ πολεμῆσαι τὸν πόλεμον ἡμῶν. καὶ ἐπεδέξατο Ἰωνάθαν ἐν τῷ καιρῷ ἐκείνῳ τὴν ἥγησιν καὶ ἀνέστη ἀντὶ Ἰούδα τοῦ ἀδελφοῦ αὐτοῦ. Καὶ ἔγνω Βακχίδησ καὶ ἐζήτει αὐτὸν ἀποκτεῖναι. καὶ ἔγνω Ἰωνάθαν καὶ Σίμων ὁ ἀδελφὸσ αὐτοῦ. καὶ πάντεσ οἱ μετ̓ αὐτοῦ καὶ ἔφυγον εἰσ τὴν ἔρημον Θεκωὲ καὶ παρενέβαλον ἐπὶ τὸ ὕδωρ λάκκου Ἀσφάρ. καὶ ἔγνω Βακχίδησ τῇ ἡμέρᾳ τῶν σαββάτων καὶ ἦλθεν αὐτὸσ καὶ πᾶν τὸ στράτευμα αὐτοῦ πέραν τοῦ Ἰορδάνου. καὶ ἀπέστειλεν Ἰωνάθαν τὸν ἀδελφὸν αὐτοῦ ἡγούμενον τοῦ ὄχλου καὶ παρεκάλεσε τοὺσ Ναβαταίουσ φίλουσ αὐτοῦ παραθέσθαι αὐτοῖσ τὴν ἀποσκευὴν αὐτῶν τὴν πολλήν. καὶ ἐξῆλθον υἱοὶ Ἰαμβρὶ ἐκ Μηδαβὰ καὶ συνέλαβον Ἰωάννην καὶ πάντα, ὅσα εἶχε, καὶ ἀπῆλθον ἔχοντεσ. μετὰ δὲ τοὺσ λόγουσ τούτουσ ἀπήγγειλαν τῷ Ἰωνάθαν καὶ Σίμωνι τῷ ἀδελφῷ αὐτοῦ ὅτι οἱ υἱοὶ Ἰαμβρὶ ποιοῦσι γάμον μέγαν καὶ ἄγουσι τὴν νύμφην ἀπὸ Ναδαβάθ, θυγατέρα ἑνὸσ τῶν μεγάλων μεγιστάνων Χαναὰν μετὰ παραπομπῆσ μεγάλησ. καὶ ἐμνήσθησαν Ἰωάννου τοῦ ἀδελφοῦ αὐτῶν καὶ ἀνέβησαν καὶ ἐκρύβησαν ὑπὸ τὴν σκέπην τοῦ ὄρουσ. καὶ ᾖραν τοὺσ ὀφθαλμοὺσ αὐτῶν καὶ εἶδον καὶ ἰδοὺ θροῦσ καὶ ἀποσκευὴ πολλή, καὶ ὁ νυμφίοσ ἐξῆλθε καὶ οἱ φίλοι αὐτοῦ καὶ οἱ ἀδελφοὶ αὐτοῦ εἰσ συνάντησιν αὐτῶν μετὰ τυμπάνων καὶ μουσικῶν καὶ ὅπλων πολλῶν. καὶ ἐξανέστησαν ἐπ̓ αὐτοὺσ ἀπὸ τοῦ ἐνέδρου οἱ περὶ τὸν Ἰωνάθαν καὶ ἀπέκτειναν αὐτούσ, καὶ ἔπεσον τραυματίαι πολλοί, καὶ οἱ ἐπίλοιποι ἔφυγον εἰσ τὸ ὄροσ. καὶ ἔλαβον πάντα τὰ σκῦλα αὐτῶν. καὶ μετεστράφη ὁ γάμοσ εἰσ πένθοσ καὶ ἡ φωνὴ μουσικῶν αὐτῶν εἰσ θρῆνον. καὶ ἐξεδίκησαν τὴν ἐκδίκησιν αἵματοσ ἀδελφοῦ αὐτῶν καὶ ἀπέστρεψαν εἰσ τὸ ἕλοσ τοῦ Ἰορδάνου. καὶ ἤκουσε Βακχίδησ καὶ ἦλθε τῇ ἡμέρᾳ τῶν σαββάτων ἕωσ τῶν κρηπίδων τοῦ Ἰορδάνου ἐν δυνάμει πολλῇ. καὶ εἶπεν Ἰωνάθαν τοῖσ παῤ αὐτοῦ. ἀναστῶμεν νῦν καὶ πολεμήσωμεν ὑπὲρ τῶν ψυχῶν ἡμῶν, οὐ γάρ ἐστι σήμερον ὡσ ἐχθὲσ καὶ τρίτην ἡμέραν. ἰδοὺ γὰρ ὁ πόλεμοσ ἐξεναντίασ ἡμῶν καὶ ἐξόπισθεν ἡμῶν, τὸ δὲ ὕδωρ τοῦ Ἰορδάνου ἔνθεν καὶ ἔνθεν καὶ ἕλοσ καὶ δρυμόσ, οὐκ ἔστι τόποσ τοῦ ἐκκλῖναι. νῦν οὖν κεκράξατε εἰσ οὐρανόν, ὅπωσ διασωθῆτε ἐκ χειρὸσ ἐχθρῶν ὑμῶν. καὶ συνῆψεν ὁ πόλεμοσ. καὶ ἐξέτεινεν Ἰωνάθαν τὴν χεῖρα αὐτοῦ πατάξαι τὸν Βακχίδην, καὶ ἐξέκλινεν ἀπ̓ αὐτοῦ εἰσ τὰ ὀπίσω. καὶ ἐνεπήδησεν Ἰωνάθαν καὶ οἱ μετ̓ αὐτοῦ εἰσ τὸν Ἰορδάνην καὶ διεκολύμβησαν εἰσ τὸ πέραν, καὶ οὐ διέβησαν ἐπ̓ αὐτοὺσ τὸν Ἰορδάνην. καὶ διέπεσον παρὰ Βακχίδου τῇ ἡμέρᾳ ἐκείνῃ εἰσ χιλίουσ ἄνδρασ. καὶ ἐπέστρεψεν εἰσ Ἱερουσαλήμ, καὶ ᾠκοδόμησαν πόλεισ ὀχυρὰσ ἐν τῇ Ἰουδαίᾳ, τὸ ὀχύρωμα τὸ ἐν Ἱεριχὼ καὶ τὴν Ἀμμαοὺσ καὶ τὴν Βαιθωρὼν καὶ τὴν Βαιθὴλ καὶ τὴν Θαμναθὰ Φαραθωνὶ καὶ τὴν Τεφὼν ἐν τείχεσιν ὑψηλοῖσ καὶ πύλαισ καὶ μοχλοῖσ. καὶ ἔθετο φρουρὰν ἐν αὐτοῖσ τοῦ ἐχθραίνειν τῷ Ἰσραήλ. καὶ ὠχύρωσε τὴν πόλιν τὴν ἐν Βαιθσούρᾳ καὶ τὴν Γάζαρα καὶ τὴν ἄκραν καὶ ἔθετο ἐν αὐταῖσ δυνάμεισ καὶ παραθέσεισ βρωμάτων. καὶ ἔλαβε τοὺσ υἱοὺσ τῶν ἡγουμένων τῆσ χώρασ ὅμηρα καὶ ἔθετο αὐτοὺσ ἐν τῇ ἄκρᾳ ἐν Ἱερουσαλὴμ ἐν φυλακῇ. Καὶ ἐν ἔτει τρίτῳ καὶ πεντηκοστῷ καὶ ἑκατοστῷ μηνὶ τῷ δευτέρῳ ἐπέταξεν Ἄλκιμοσ καθαιρεῖν τὸ τεῖχοσ τῆσ αὐλῆσ τῶν ἁγίων τῆσ ἐσωτέρασ. καὶ καθεῖλε τὰ ἔργα τῶν προφητῶν καὶ ἐνήρξατο τοῦ καθαιρεῖν. ἐν τῷ καιρῷ ἐκείνῳ ἐπλήγη Ἄλκιμοσ καὶ ἐνεποδίσθη τὰ ἔργα αὐτοῦ, καὶ ἀπεφράγη τὸ στόμα αὐτοῦ, καὶ παρελύθη καὶ οὐκ ἐδύνατο ἔτι λαλῆσαι λόγον καὶ ἐντείλασθαι περὶ τοῦ οἴκου αὐτοῦ. καὶ ἀπέθανεν Ἄλκιμοσ ἐν τῷ καιρῷ ἐκείνῳ μετὰ βασάνου μεγάλησ. καὶ εἶδε Βακχίδησ ὅτι ἀπέθανεν Ἄλκιμοσ, καὶ ἀπέστρεψε πρὸσ τὸν βασιλέα. καὶ ἡσύχασεν ἡ γῆ Ἰούδα ἔτη δύο. Καὶ ἐβουλεύσαντο πάντεσ οἱ ἄνομοι λέγοντεσ. ἰδοὺ Ἰωνάθαν καὶ οἱ παῤ αὐτοῦ ἐν ἡσυχίᾳ κατοικοῦσι πεποιθότεσ. νῦν οὖν ἄξομεν τὸν Βακχίδην, καὶ συλλήψεται αὐτοὺσ πάντασ ἐν νυκτὶ μιᾷ. καὶ πορευθέντεσ συνεβουλεύσαντο αὐτῷ. καὶ ἀπῇρε τοῦ ἐλθεῖν μετὰ δυνάμεωσ πολλῆσ καὶ ἀπέστειλεν ἐπιστολὰσ λάθρᾳ πᾶσι τοῖσ συμμάχοισ αὐτοῦ τοῖσ ἐν τῇ Ἰουδαίᾳ, ὅπωσ συλλάβωσι τὸν Ἰωνάθαν καὶ τοὺσ μετ̓ αὐτοῦ. καὶ οὐκ ἐδύναντο, ὅτι ἐγνώσθη αὐτοῖσ ἡ βουλὴ αὐτῶν. καὶ συνέλαβον ἀπὸ τῶν ἀνδρῶν τῆσ χώρασ τῶν ἀρχηγῶν τῆσ κακίασ εἰσ πεντήκοντα ἄνδρασ καὶ ἀπέκτειναν αὐτούσ. καὶ ἐξεχώρησεν Ἰωνάθαν καὶ Σίμων καὶ οἱ μετ̓ αὐτοῦ εἰσ Βαιθβασὶ τὴν ἐν τῇ ἐρήμῳ καὶ ᾠκοδόμησε τὰ καθῃρημένα αὐτῆσ, καὶ ἐστερέωσαν αὐτήν. καὶ ἔγνω Βακχίδησ καὶ συνήγαγε πᾶν τὸ πλῆθοσ αὐτοῦ καὶ τοῖσ ἐκ τῆσ Ἰουδαίασ παρήγγειλε. καὶ ἐλθὼν παρενέβαλεν ἐπὶ Βαιθβασὶ καὶ ἐπολέμησεν αὐτὴν ἡμέρασ πολλὰσ καὶ ἐποίησε μηχανάσ. καὶ ἀπέλιπεν Ἰωνάθαν Σίμωνα τὸν ἀδελφὸν αὐτοῦ ἐν τῇ πόλει καὶ ἐξῆλθεν εἰσ τὴν χώραν καὶ ἐξῆλθεν ἐν ἀριθμῷ. καὶ ἐπάταξεν Ὁδομηρὰ καὶ τοὺσ ἀδελφοὺσ αὐτοῦ καὶ τοὺσ υἱοὺσ Φασιρὼν ἐν τῷ σκηνώματι αὐτῶν, καὶ ἐξήρξατο τύπτειν καὶ ἀναβαίνειν ἐν ταῖσ δυνάμεσι. καὶ Σίμων καὶ οἱ μετ̓ αὐτοῦ ἐξῆλθον ἐκ τῆσ πόλεωσ καὶ ἐνεπύρισαν τὰσ μηχανάσ. καὶ ἐπολέμησαν πρὸσ τὸν Βακχίδην, καὶ συνετρίβη ὑπ̓ αὐτῶν. καὶ ἔθλιβον αὐτὸν σφόδρα, ὅτι ἦν ἡ βουλὴ αὐτοῦ καὶ ἡ ἔφοδοσ αὐτοῦ κενή. καὶ ὠργίσθη θυμῷ τοῖσ ἀνδράσι τοῖσ ἀνόμοισ τοῖσ συμβουλεύσασιν αὐτῷ ἐλθεῖν εἰσ τὴν χώραν καὶ ἀπέκτειναν ἐξ αὐτῶν πολλοὺσ καὶ ἐβουλεύσατο τοῦ ἀπελθεῖν εἰσ τὴν γῆν αὐτοῦ. καὶ ἐπέγνω Ἰωνάθαν καὶ ἀπέστειλε πρὸσ αὐτὸν πρέσβεισ τοῦ συνθέσθαι πρὸσ αὐτὸν εἰρήνην καὶ ἀποδοῦναι αὐτοῖσ τὴν αἰχμαλωσίαν. καὶ ἀπεδέξατο καὶ ἐποίησε κατὰ τοὺσ λόγουσ αὐτοῦ καὶ ὤμοσεν αὐτῷ μὴ ἐκζητῆσαι αὐτῷ κακὸν πάσασ τὰσ ἡμέρασ τῆσ ζωῆσ αὐτοῦ. καὶ ἀπέδωκεν αὐτῷ τὴν αἰχμαλωσίαν, ἣν ᾐχμαλώτευσε τὸ πρότερον ἐκ γῆσ Ἰούδα, καὶ ἀποστρέψασ ἀπῆλθεν εἰσ τὴν γῆν αὐτοῦ καὶ οὐ προσέθετο ἔτι ἐλθεῖν εἰσ τὰ ὅρια αὐτῶν. καὶ κατέπαυσε ρομφαία ἐξ Ἰσραήλ. καὶ ᾤκησεν Ἰωνάθαν ἐν Μαχμάσ. καὶ ἤρξατο Ἰωνάθαν κρίνειν τὸν λαὸν καὶ ἠφάνισε τοὺσ ἀσεβεῖσ ἐξ Ἰσραήλ. ΚΑΙ ἐν ἔτει ἑξηκοστῷ καὶ ἑκατοστῷ ἀνέβη Ἀλέξανδροσ ὁ τοῦ Ἀντιόχου ὁ Ἐπιφανὴσ καὶ κατελάβετο Πτολεμαί̈δα, καὶ ἐπεδέξαντο αὐτόν, καὶ ἐβασίλευσεν ἐκεῖ.

καὶ ἤκουσε Δημήτριοσ ὁ βασιλεὺσ καὶ συνήγαγε δυνάμεισ πολλὰσ σφόδρα καὶ ἐξῆλθεν εἰσ συνάντησιν αὐτῷ εἰσ πόλεμον. καὶ ἀπέστειλε Δημήτριοσ πρὸσ Ἰωνάθαν ἐπιστολὰσ λόγοισ εἰρηνικοῖσ ὥστε μεγαλῦναι αὐτόν. εἶπε γάρ. προφθάσωμεν τοῦ εἰρήνην θεῖναι μετ̓ αὐτοῦ, πρὶν ἢ θεῖναι αὐτὸν μετὰ Ἀλεξάνδρου καθ̓ ἡμῶν. μνησθήσεται γὰρ πάντων τῶν κακῶν, ὧν συνετελέσαμεν πρὸσ αὐτὸν καὶ εἰσ τοὺσ ἀδελφοὺσ αὐτοῦ καὶ εἰσ τὸ ἔθνοσ αὐτοῦ. καὶ ἔδωκεν αὐτῷ ἐξουσίαν συναγαγεῖν δυνάμεισ καὶ κατασκευάζειν ὅπλα καὶ εἶναι αὐτὸν σύμμαχον αὐτοῦ, καὶ τὰ ὅμηρα τὰ ἐν τῇ ἄκρᾳ εἶπε παραδοῦναι αὐτῷ. καὶ ἦλθεν Ἰωνάθαν εἰσ Ἱερουσαλὴμ καὶ ἀνέγνω τὰσ ἐπιστολὰσ εἰσ τὰ ὦτα παντὸσ τοῦ λαοῦ καὶ τῶν ἐκ τῆσ ἄκρασ. καὶ ἐφοβήθησαν φόβον μέγαν, ὅτι ἤκουσαν ὅτι ἔδωκεν ὁ βασιλεὺσ ἐξουσίαν συναγαγεῖν δυνάμεισ. καὶ παρέδωκαν οἱ ἐκ τῆσ ἄκρασ Ἰωνάθαν τὰ ὅμηρα, καὶ ἀπέδωκεν αὐτοὺσ τοῖσ γονεῦσιν αὐτῶν. καὶ ᾤκησεν Ἰωνάθαν ἐν Ἱερουσαλὴμ καὶ ἤρξατο οἰκοδομεῖν καὶ καινίζειν τὴν πόλιν. καὶ εἶπε πρὸσ τοὺσ ποιοῦντασ τὰ ἔργα οἰκοδομεῖν τὰ τείχη καὶ τὸ ὄροσ Σιὼν κυκλόθεν ἐκ λίθων τετραγώνων εἰσ ὀχύρωσιν. καὶ ἐποίησαν οὕτωσ. καὶ ἔφυγον οἱ ἀλλογενεῖσ οἱ ὄντεσ ἐν τοῖσ ὀχυρώμασιν, οἷσ ᾠκοδόμησε Βακχίδησ. καὶ κατέλιπεν ἕκαστοσ τὸν τόπον αὐτοῦ καὶ ἀπῆλθεν εἰσ τὴν γῆν αὐτοῦ. πλὴν ἐν Βαιθσούρᾳ ὑπελείφθησάν τινεσ τῶν καταλιπόντων τὸν νόμον καὶ τὰ προστάγματα, ἦν γὰρ αὐτοῖσ φυγαδευτήριον. Καὶ ἤκουσεν Ἀλέξανδροσ ὁ βασιλεὺσ τὰσ ἐπαγγελίασ, ὅσασ ἀπέστειλε Δημήτριοσ τῷ Ἰωνάθαν, καὶ διηγήσαντο αὐτῷ τοὺσ πολέμουσ καὶ τὰσ ἀνδραγαθίασ, ἃσ ἐποίησεν αὐτὸσ καὶ οἱ ἀδελφοὶ αὐτοῦ, καὶ τοὺσ κόπουσ, οὓσ ἔσχον, καὶ εἶπε. μὴ εὑρήσομεν ἄνδρα τοιοῦτον ἕνα̣ καὶ νῦν ποιήσομεν αὐτὸν φίλον καὶ σύμμαχον ἡμῶν. καὶ ἔγραψεν ἐπιστολὰσ καὶ ἀπέστειλεν αὐτῷ κατὰ τοὺσ λόγουσ τούτουσ λέγων. «Βασιλεὺσ Ἀλέξανδροσ τῷ ἀδελφῷ Ἰωνάθαν χαίρειν. ἀκηκόαμεν περὶ σοῦ, ὅτι ἀνὴρ δυνατὸσ ἰσχύϊ καὶ ἐπιτήδειοσ εἶ τοῦ εἶναι ἡμῖν φίλοσ. καὶ νῦν καθεστάκαμέν σε σήμερον ἀρχιερέα τοῦ ἔθνουσ σου καὶ φίλον βασιλέωσ καλεῖσθαί σε καὶ φρονεῖν τὰ ἡμῶν καὶ συντηρεῖν φιλίαν πρὸσ ἡμᾶσ». καὶ ἐνεδύσατο Ἰωνάθαν τὴν ἁγίαν στολὴν τῷ ἑβδόμῳ μηνὶ ἔτουσ ἑξηκοστοῦ καὶ ἑκατοστοῦ ἐν ἑορτῇ σκηνοπηγίασ καὶ συνήγαγε δυνάμεισ καὶ κατεσκεύασεν ὅπλα πολλά. Καὶ ἤκουσε Δημήτριοσ τοὺσ λόγουσ τούτουσ καὶ ἐλυπήθη καὶ εἶπε. τί τοῦτο ἐποιήσαμεν ὅτι προέφθακεν ἡμᾶσ ὁ Ἀλέξανδροσ τοῦ φιλίαν καταθέσθαι τοῖσ Ἰουδαίοισ εἰσ στήριγμα̣ γράψω αὐτοῖσ κἀγὼ λόγουσ παρακλήσεωσ καὶ ὕψουσ καὶ δογμάτων, ὅπωσ ὦσι σὺν ἐμοὶ εἰσ βοήθειαν. καὶ ἀπέστειλεν αὐτοῖσ κατὰ τοὺσ λόγουσ τούτουσ. «Βασιλεὺσ Δημήτριοσ τῷ ἔθνει τῶν Ἰουδαίων χαίρειν. ἐπεὶ συνετηρήσατε τὰσ πρὸσ ἡμᾶσ συνθήκασ καὶ ἐνεμείνατε τῇ φιλίᾳ ἡμῶν καὶ οὐ προσεχωρήσατε τοῖσ ἐχθροῖσ ἡμῶν, ἠκούσαμεν καὶ ἐχάρημεν. καὶ νῦν ἐμμείνατε ἔτι τοῦ συντηρῆσαι πρὸσ ἡμᾶσ πίστιν, καὶ ἀνταποδώσομεν ὑμῖν ἀγαθὰ ἀνθ̓ ὧν ποιεῖτε μεθ̓ ἡμῶν. καὶ ἀφήσομεν ὑμῖν ἀφέματα πολλὰ καὶ δώσομεν ὑμῖν δόματα. καὶ νῦν ἀπολύω ὑμᾶσ καὶ ἀφίημι πάντασ τοὺσ Ἰουδαίουσ ἀπὸ τῶν φόρων καὶ τῆσ τιμῆσ τοῦ ἁλὸσ καὶ ἀπὸ τῶν στεφάνων, καὶ ἀντὶ τοῦ τρίτου τῆσ σπορᾶσ καὶ ἀντὶ τοῦ ἡμίσουσ τοῦ καρποῦ τοῦ ξυλίνου τοῦ ἐπιβάλλοντόσ μοι λαβεῖν, ἀφίημι ἀπὸ τῆσ σήμερον καὶ ἐπέκεινα τοῦ λαβεῖν ἀπὸ τῆσ γῆσ Ἰούδα καὶ ἀπὸ τῶν τριῶν νομῶν τῶν προστιθεμένων αὐτῇ ἀπὸ τῆσ Σαμαρείτιδοσ καὶ Γαλιλαίασ, καὶ ἀπὸ τῆσ σήμερον ἡμέρασ καὶ εἰσ τὸν αἰῶνα χρόνον. καὶ Ἱερουσαλὴμ ἤτω ἁγία καὶ ἀφειμένη καὶ τὰ ὅρια αὐτῆσ, αἱ δεκάται καὶ τὰ τέλη. ἀφίημι καὶ τὴν ἐξουσίαν τῆσ ἄκρασ τῆσ ἐν Ἱερουσαλὴμ καὶ δίδωμι τῷ ἀρχιερεῖ, ὅπωσ ἂν καταστήσῃ ἐν αὐτῇ ἄνδρασ, οὓσ ἂν ἐκλέξηται αὐτὸσ τοῦ φυλάσσειν αὐτήν. καὶ πᾶσαν ψυχὴν Ἰουδαίων τὴν αἰχμαλωτισθεῖσαν ἀπὸ γῆσ Ἰούδα εἰσ πᾶσαν βασιλείαν μου ἀφίημι ἐλευθέραν δωρεάν. καὶ πάντεσ ἀφιέτωσαν τοὺσ φόρουσ καὶ τῶν κτηνῶν αὐτῶν. καὶ πᾶσαι αἱ ἑορταὶ καὶ τὰ σάββατα καὶ νουμηνίαι καὶ ἡμέραι ἀποδεδειγμέναι καὶ τρεῖσ ἡμέραι πρὸ ἑορτῆσ καὶ τρεῖσ ἡμέραι μετὰ ἑορτὴν ἔστωσαν πᾶσαι αἱ ἡμέραι ἀτελείασ καὶ ἀφέσεωσ πᾶσι τοῖσ Ἰουδαίοισ τοῖσ οὖσιν ἐν τῇ βασιλείᾳ μου. καὶ οὐχ ἕξει ἐξουσίαν οὐδεὶσ πράσσειν καὶ παρενοχλεῖν τινα αὐτῶν περὶ παντὸσ πράγματοσ. καὶ προγραφήτωσαν τῶν Ἰουδαίων εἰσ τὰσ δυνάμεισ τοῦ βασιλέωσ εἰσ τριάκοντα χιλιάδασ ἀνδρῶν, καὶ δοθήσεται αὐτοῖσ ξένια ὡσ καθήκει πάσαισ ταῖσ δυνάμεσι τοῦ βασιλέωσ. καὶ κατασταθήσεται ἐξ αὐτῶν ἐν τοῖσ ὀχυρώμασι τοῦ βασιλέωσ τοῖσ μεγάλοισ, καὶ ἐκ τούτων κατασταθήσεται ἐπὶ χρειῶν τῆσ βασιλείασ τῶν οὐσῶν εἰσ πίστιν. καὶ οἱ ἐπ̓ αὐτῶν καὶ οἱ ἄρχοντεσ ἔστωσαν ἐξ αὐτῶν καὶ πορευέσθωσαν τοῖσ νόμοισ αὐτῶν. καθὰ καὶ προσέταξεν ὁ βασιλεὺσ ἐν γῇ Ἰούδα. καὶ τοὺσ τρεῖσ νομοὺσ τοὺσ προστεθέντασ τῇ Ἰουδαίᾳ ἀπὸ τῆσ χώρασ Σαμαρείασ προστεθήτω τῇ Ἰουδαίᾳ πρὸσ τὸ λογισθῆναι τοῦ γενέσθαι ὑφ̓ ἕνα, τοῦ μὴ ὑπακοῦσαι ἄλλησ ἐξουσίασ ἀλλ̓ ἢ τοῦ ἀρχιερέωσ. Πτολεμαί̈δα καὶ τὴν προσκυροῦσαν αὐτῇ δέδωκα δόμα τοῖσ ἁγίοισ τοῖσ ἐν Ἱερουσαλὴμ εἰσ τὴν προσήκουσαν δαπάνην τοῖσ ἁγίοισ. κἀγὼ δίδωμι κατ̓ ἐνιαυτὸν δεκαπέντε χιλιάδασ σίκλων ἀργυρίου ἀπὸ τῶν λόγων τοῦ βασιλέωσ ἀπὸ τῶν τόπων τῶν ἀνηκόντων. καὶ πᾶν τὸ πλεονάζον, ὃ οὐκ ἀπεδίδοσαν οἱ ἀπὸ τῶν χρειῶν, ὡσ ἐν τοῖσ πρώτοισ ἔτεσιν, ἀπὸ τοῦ νῦν δώσουσιν εἰσ τὰ ἔργα τοῦ οἴκου. καὶ ἐπὶ τούτοισ πεντακισχιλίουσ σίκλουσ ἀργυρίου, οὓσ ἐλάμβανον ἀπὸ τῶν χρειῶν τοῦ ἁγίου ἀπὸ τοῦ λόγου κατ̓ ἐνιαυτόν, καὶ ταῦτα ἀφίεται διὰ τὸ ἀνήκειν αὐτὰ τοῖσ ἱερεῦσι τοῖσ λειτουργοῦσι. καὶ ὅσοι ἐὰν φύγωσιν εἰσ τὸ ἱερὸν τὸ ἐν Ἱεροσολύμοισ καὶ ἐν πᾶσι τοῖσ ὁρίοισ αὐτοῦ ὀφείλοντεσ βασιλικὰ καὶ πᾶν πρᾶγμα, ἀπολελύσθωσαν καὶ πάντα, ὅσα ἐστὶν αὐτοῖσ ἐν τῇ βασιλείᾳ μου. καὶ τοῦ οἰκοδομηθῆναι καὶ τοῦ ἐπικαινισθῆναι τὰ ἔργα τῶν ἁγίων, καὶ ἡ δαπάνη δοθήσεται ἐκ τοῦ λόγου τοῦ βασιλέωσ. καὶ τοῦ οἰκοδομηθῆναι τὰ τείχη Ἱερουσαλὴμ καὶ ὀχυρῶσαι κυκλόθεν, καὶ ἡ δαπάνη δοθήσεται ἐκ τοῦ λόγου τοῦ βασιλέωσ, καὶ τοῦ οἰκοδομηθῆναι τὰ τείχη τὰ ἐν τῇ Ἰουδαίᾳ». Ὡσ δὲ ἤκουσεν Ἰωνάθαν καὶ ὁ λαὸσ τοὺσ λόγουσ τούτουσ, οὐκ ἐπίστευσαν αὐτοῖσ οὐδὲ ἐπεδέξαντο, ὅτι ἐπεμνήσθησαν τῆσ κακίασ τῆσ μεγάλησ, ἧσ ἐποίησεν ἐν Ἰσραὴλ καὶ ἔθλιψεν αὐτοὺσ σφόδρα. καὶ εὐδόκησαν ἐν Ἀλεξάνδρῳ, ὅτι αὐτὸσ ἐγένετο αὐτοῖσ ἀρχηγὸσ λόγων εἰρηνικῶν, καὶ συνεμάχουν αὐτῷ πάσασ τὰσ ἡμέρασ. Καὶ συνήγαγεν Ἀλέξανδροσ ὁ βασιλεὺσ δυνάμεισ μεγάλασ καὶ παρενέβαλεν ἐξεναντίασ Δημητρίου. καὶ συνῆψαν πόλεμον οἱ δύο βασιλεῖσ, καὶ ἔφυγεν ἡ παρεμβολὴ Δημητρίου, καὶ ἐδίωξεν αὐτὸν ὁ Ἀλέξανδροσ καὶ ἴσχυσεν ἐπ̓ αὐτούσ. καὶ ἐστερέωσε τὸν πόλεμον σφόδρα, ἕωσ ἔδυ ὁ ἥλιοσ, καὶ ἔπεσεν ὁ Δημήτριοσ ἐν τῇ ἡμέρᾳ ἐκείνῃ. καὶ ἀπέστειλεν Ἀλέξανδροσ πρὸσ Πτολεμαῖον βασιλέα Αἰγύπτου πρέσβεισ κατὰ τοὺσ λόγουσ τούτουσ λέγων. «̓Επεὶ ἀνέστρεψα εἰσ γῆν βασιλείασ μου καὶ ἐκάθισα ἐπὶ θρόνου πατέρων μου καὶ ἐκράτησα τῆσ ἀρχῆσ, καὶ συνέτριψα τὸν Δημήτριον καὶ ἐπεκράτησα τῆσ χώρασ ἡμῶν καὶ συνῆψα πρὸσ αὐτὸν μάχην, καὶ συνετρίβη αὐτὸσ καὶ ἡ παρεμβολὴ αὐτοῦ ὑφ̓ ἡμῶν, καὶ ἐκαθίσαμεν ἐπὶ θρόνου βασιλείασ αὐτοῦ. καὶ νῦν στήσωμεν πρὸσ ἑαυτοὺσ φιλίαν, καὶ νῦν δόσ μοι τὴν θυγατέρα σου εἰσ γυναῖκα, καὶ ἐπιγαμβρεύσω σοι καὶ δώσω σοι δόματα καὶ αὐτῇ ἄξιά σου». Καὶ ἀπεκρίθη Πτολεμαῖοσ ὁ βασιλεὺσ λέγων. «̓Αγαθὴ ἡμέρα, ἐν ᾗ ἀνέστρεψασ εἰσ γῆν πατέρων σου καὶ ἐκάθισασ ἐπὶ θρόνου βασιλείασ αὐτῶν. καὶ νῦν ποιήσω σοι ἃ ἔγραψασ, ἀλλ̓ ἀπάντησον εἰσ Πτολεμαί̈δα, ὅπωσ ἴδωμεν ἀλλήλουσ, καὶ ἐπιγαμβρεύσω σοι, καθὼσ εἴρηκασ». Καὶ ἐξῆλθε Πτολεμαῖοσ ἐξ Αἰγύπτου, αὐτὸσ καὶ Κλεοπάτρα ἡ θυγάτηρ αὐτοῦ, καὶ εἰσῆλθον εἰσ Πτολεμαί̈δα ἔτουσ δευτέρου καὶ ἑξηκοστοῦ καὶ ἑκατοστοῦ. καὶ ἀπήντησεν αὐτῷ Ἀλέξανδροσ ὁ βασιλεύσ, καὶ ἐξέδοτο αὐτῷ Κλεοπάτραν τὴν θυγατέρα αὐτοῦ καὶ ἐποίησε τὸν γάμον αὐτῆσ ἐν Πτολεμαί̈δι καθὼσ οἱ βασιλεὶσ ἐν δόξῃ μεγάλῃ. καὶ ἔγραψεν Ἀλέξανδροσ ὁ βασιλεὺσ τῷ Ἰωνάθαν ἐλθεῖν εἰσ συνάντησιν αὐτῷ. καὶ ἐπορεύθη μετὰ δόξησ εἰσ Πτολεμαί̈δα καὶ ἀπήντησε τοῖσ δυσὶ βασιλεῦσι. καὶ ἔδωκεν αὐτοῖσ ἀργύριον καὶ χρυσίον καὶ τοῖσ φίλοισ αὐτῶν καὶ δόματα πολλὰ καὶ εὗρε χάριν ἐναντίον αὐτῶν. καὶ ἐπισυνήχθησαν πρὸσ αὐτὸν ἄνδρεσ λοιμοὶ ἐξ Ἰσραήλ, ἄνδρεσ παράνομοι, ἐντυχεῖν κατ̓ αὐτοῦ, καὶ οὐ προσέσχεν αὐτοῖσ ὁ βασιλεύσ. καὶ προσέταξεν ὁ βασιλεὺσ καὶ ἐξέδυσαν Ἰωνάθαν τὰ ἱμάτια αὐτοῦ καὶ ἐνέδυσαν αὐτὸν πορφύραν, καὶ ἐποίησαν οὕτωσ. καὶ ἐκάθισεν αὐτὸν ὁ βασιλεὺσ μετ̓ αὐτοῦ καὶ εἶπε τοῖσ ἄρχουσιν αὐτοῦ. ἐξέλθετε μετ̓ αὐτοῦ εἰσ μέσον τῆσ πόλεωσ καὶ κηρύξατε τοῦ μηδένα ἐντυγχάνειν κατ̓ αὐτοῦ περὶ μηδενὸσ πράγματοσ, καὶ μηδεὶσ αὐτῷ παρενοχλείτω περὶ παντὸσ λόγου. καὶ ἐγένετο ὡσ εἶδον οἱ ἐντυγχάνοντεσ τὴν δόξαν αὐτοῦ, καθὼσ ἐκήρυξε, καὶ περιβεβλημένον αὐτὸν πορφύραν, καὶ ἔφυγον πάντεσ. καὶ ἐδόξασεν αὐτὸν ὁ βασιλεὺσ καὶ ἔγραψεν αὐτὸν τῶν πρώτων φίλων καὶ ἔθετο αὐτὸν στρατηγὸν καὶ μεριδάρχην. καὶ ἐπέστρεψεν Ἰωνάθαν εἰσ Ἱερουσαλὴμ μετ̓ εἰρήνησ καὶ εὐφροσύνησ. Καὶ ἐν ἔτει πέμπτῳ καὶ ἑξηκοστῷ καὶ ἑκατοστῷ ἦλθε Δημήτριοσ υἱὸσ Δημητρίου ἐκ Κρήτησ εἰσ τὴν γῆν τῶν πατέρων αὐτοῦ. καὶ ἤκουσεν Ἀλέξανδροσ βασιλεὺσ καὶ ἐλυπήθη σφόδρα καὶ ὑπέστρεψεν εἰσ Ἀντιόχειαν. καὶ κατέστησε Δημήτριοσ Ἀπολλώνιον τὸν ὄντα ἐπὶ Κοίλησ Συρίασ, καὶ συνήγαγε δύναμιν μεγάλην καὶ παρενέβαλεν ἐν Ἰαμνείᾳ. καὶ ἀπέστειλε πρὸσ Ἰωνάθαν τὸν ἀρχιερέα λέγων. «Σὺ μονώτατοσ ἐπαίρῃ ἐφ̓ ἡμᾶσ, ἐγὼ δὲ ἐγενήθην εἰσ καταγέλωτα καὶ εἰσ ὀνειδισμὸν διὰ σέ. καὶ διατί σὺ ἐξουσιάζῃ ἐφ̓ ἡμᾶσ ἐν τοῖσ ὄρεσι̣ νῦν οὖν εἰ πέποιθασ ἐπὶ ταῖσ δυνάμεσί σου, κατάβηθι πρὸσ ἡμᾶσ εἰσ τὸ πεδίον, καὶ συγκριθῶμεν ἑαυτοῖσ ἐκεῖ, ὅτι μετ̓ ἐμοῦ ἐστι δύναμισ τῶν πόλεων. ἐρώτησον καὶ μάθε τίσ εἰμι καὶ οἱ λοιποὶ οἱ βοηθοῦντεσ ἡμῖν, καὶ λέγουσιν. οὐκ ἔστιν ὑμῖν στάσισ ποδὸσ κατὰ πρόσωπον ἡμῶν, ὅτι δὶσ ἐτροπώθησαν οἱ πατέρεσ σου ἐν γῇ αὐτῶν. καὶ νῦν οὐ δυνήσῃ ὑποστῇναι τὴν ἵππον καὶ δύναμιν τοιαύτην ἐν τῷ πεδίῳ, ὅπου οὐκ ἔστι λίθοσ οὐδὲ κόχλαξ οὐδὲ τόποσ τοῦ φυγεῖν». Ὡσ δὲ ἤκουσεν Ἰωνάθαν τῶν λόγων Ἀπολλωνίου, ἐκινήθη τῇ διανοίᾳ καὶ ἐπέλεξε δέκα χιλιάδασ ἀνδρῶν καὶ ἐξῆλθεν ἐξ Ἱερουσαλήμ, καὶ συνήντησεν αὐτῷ Σίμων ὁ ἀδελφὸσ αὐτοῦ ἐπὶ βοήθειαν αὐτοῦ. καὶ παρενέβαλεν ἐπὶ Ἰόππην, καὶ ἀπέκλεισαν αὐτὸν ἐκ τῆσ πόλεωσ, ὅτι φρουρὰ Ἀπολλωνίου ἐν Ἰόππῃ, καὶ ἐπολέμησαν αὐτήν. καὶ φοβηθέντεσ ἤνοιξαν οἱ ἐκ τῆσ πόλεωσ, καὶ ἐκυρίευσεν Ἰωνάθαν Ἰόππησ. καὶ ἤκουσεν Ἀπολλώνιοσ, καὶ παρενέβαλε τρισχιλίαν ἵππον καὶ δύναμιν πολλὴν καὶ ἐπορεύθη εἰσ Ἄζωτον ὡσ διοδεύων καὶ ἅμα προῆγεν εἰσ τὸ πεδίον διὰ τὸ ἔχειν αὐτὸν πλῆθοσ ἵππου καὶ πεποιθέναι ἐπ̓ αὐτῇ. καὶ κατεδίωξεν Ἰωνάθαν ὀπίσω αὐτοῦ εἰσ Ἄζωτον, καὶ συνῆψαν αἱ παρεμβολαὶ εἰσ πόλεμον. καὶ ἀπέλιπεν Ἀπολλώνιοσ χιλίαν ἵππον ἐν κρυπτῷ κατόπισθεν αὐτῶν. καὶ ἔγνω Ἰωνάθαν ὅτι ἔστιν ἔνεδρον κατόπισθεν αὐτοῦ, καὶ ἐκύκλωσαν αὐτοῦ τὴν παρεμβολὴν καὶ ἐξετίναξαν τὰσ σχίζασ εἰσ τὸν λαὸν ἐκ πρωί̈θεν ἕωσ ἑσπέρασ. ὁ δὲ λαὸσ εἱστήκει καθὼσ ἐπέταξεν Ἰωνάθαν, καὶ ἐκοπίασαν οἱ ἵπποι αὐτῶν. καὶ εἵλκυσε Σίμων τὴν δύναμιν αὐτοῦ καὶ συνῆψε πρὸσ τὴν φάραγγα, ἡ γὰρ ἵπποσ ἐξελύθη, καὶ συνετρίβησαν ὑπ̓ αὐτοῦ καὶ ἔφυγον. καὶ ἡ ἵπποσ ἐσκορπίσθη ἐν τῷ πεδίῳ, καὶ ἔφυγον εἰσ Ἄζωτον καὶ εἰσῆλθον εἰσ Βηθδαγὼν τὸ εἰδωλεῖον αὐτῶν τοῦ σωθῆναι. καὶ ἐνεπύρισεν Ἰωνάθαν τὴν Ἄζωτον καὶ τὰσ πόλεισ τὰσ κύκλῳ αὐτῆσ καὶ ἔλαβε τὰ σκῦλα αὐτῶν καὶ τὸ ἱερὸν Δαγὼν καὶ τοὺσ συμφυγόντασ εἰσ αὐτὸ ἐνεπύρισε πυρί. καὶ ἐγένοντο οἱ πεπτωκότεσ μαχαίρᾳ σὺν τοῖσ ἐμπυρισθεῖσιν εἰσ ἄνδρασ ὀκτακισχιλίουσ. καὶ ἀπῇρεν ἐκεῖθεν Ἰωνάθαν καὶ παρενέβαλεν ἐπὶ Ἀσκάλωνα, καὶ ἐξῆλθον οἱ ἐκ τῆσ πόλεωσ εἰσ συνάντησιν αὐτῷ ἐν δόξῃ μεγάλῃ. καὶ ἐπέστρεψεν Ἰωνάθαν εἰσ Ἱερουσαλὴμ σὺν τοῖσ παῤ αὐτοῦ ἔχοντεσ σκῦλα πολλά. καὶ ἐγένετο ὡσ ἤκουσεν Ἀλέξανδροσ ὁ βασιλεὺσ τοὺσ λόγουσ τούτουσ, καὶ προσέθετο δοξάσαι τὸν Ἰωνάθαν. καὶ ἀπέστειλεν αὐτῷ πόρπην χρυσῆν, ὡσ ἔθοσ ἐστὶ δίδοσθαι τοῖσ συγγενέσι τῶν βασιλέων, καὶ ἔδωκεν αὐτῷ τὴν Ἀκκαρὼν καὶ πάντα τὰ ὅρια αὐτῆσ εἰσ κληροδοσίαν. ΚΑΙ ὁ βασιλεὺσ Αἰγύπτου ἤθροισε δυνάμεισ πολλὰσ ὡσ τὴν ἄμμον τὴν περὶ τὸ χεῖλοσ τῆσ θαλάσσησ καὶ πλοῖα πολλὰ καὶ ἐζήτησε κατακρατῆσαι τῆσ βασιλείασ Ἀλεξάνδρου δόλῳ καὶ προσθεῖναι αὐτὴν τῇ βασιλείᾳ αὐτοῦ.

καὶ ἐξῆλθεν εἰσ Συρίαν λόγοισ εἰρηνικοῖσ, καὶ ἤνοιγον αὐτῷ οἱ ἀπὸ τῶν πόλεων καὶ συνήντων αὐτῷ, ὅτι ἐντολὴ ἦν Ἀλεξάνδρου τοῦ βασιλέωσ συναντᾶν αὐτῷ διὰ τὸ πενθερὸν αὐτοῦ εἶναι. ὡσ δὲ εἰσεπορεύετο εἰσ τὰσ πόλεισ ὁ Πτολεμαῖοσ, ἀπέτασσε τὰσ δυνάμεισ φρουρὰν ἐν ἑκάστῃ πόλει. ὡσ δὲ ἤγγισεν Ἀζώτου, ἔδειξαν αὐτῷ τὸ ἱερὸν Δαγὼν ἐμπεπυρισμένον καὶ Ἄζωτον καὶ τὰ περιπόλια αὐτῆσ καθῃρημένα καὶ τὰ σώματα ἐρριμμένα καὶ τοὺσ ἐμπεπυρισμένουσ, οὓσ ἐνεπύρισεν ἐν τῷ πολέμῳ. ἐποίησαν γὰρ θημωνίασ αὐτῶν ἐν τῇ ὁδῷ αὐτοῦ. καὶ διηγήσαντο τῷ βασιλεῖ ἃ ἐποίησεν Ἰωνάθαν εἰσ τὸ ψογίσαι αὐτόν. καὶ ἐσίγησεν ὁ βασιλεύσ. καὶ συνήντησεν Ἰωνάθαν τῷ βασιλεῖ εἰσ Ἰόππην μετὰ δόξησ, καὶ ἠσπάσαντο ἀλλήλουσ καὶ ἐκοιμήθησαν ἐκεῖ. καὶ ἐπορεύθη Ἰωνάθαν μετὰ τοῦ βασιλέωσ ἕωσ τοῦ ποταμοῦ τοῦ καλουμένου Ἐλευθέρου καὶ ἐπέστρεψεν εἰσ Ἱερουσαλήμ. ὁ δὲ βασιλεὺσ Πτολεμαῖοσ ἐκυρίευσε τῶν πόλεων τῆσ παραλίασ ἕωσ Σελευκείασ τῆσ παραθαλασσίασ καὶ διελογίζετο περὶ Ἀλεξάνδρου λογισμοὺσ πονηρούσ. καὶ ἀπέστειλε πρέσβεισ πρὸσ Δημήτριον τὸν βασιλέα λέγων. δεῦρο συνθώμεθα πρὸσ ἑαυτοὺσ διαθήκην, καὶ δώσω σοι τὴν θυγατέρα μου, ἣν ἔχει Ἀλέξανδροσ, καὶ βασιλεύσεισ τῆσ βασιλείασ τοῦ πατρόσ σου. μεταμεμέλημαι γὰρ δοὺσ αὐτῷ τὴν θυγατέρα μου, ἐζήτησε γὰρ ἀποκτεῖναί με. καὶ ἐψόγισεν αὐτὸν χάριν τοῦ ἐπιθυμῆσαι αὐτὸν τῆσ βασιλείασ αὐτοῦ. καὶ ἀφελόμενοσ αὐτοῦ τὴν θυγατέρα ἔδωκεν αὐτὴν τῷ Δημητρίῳ καὶ ἠλλοτριώθη τῷ Ἀλεξάνδρῳ καὶ ἐφάνη ἡ ἔχθρα αὐτῶν. καὶ εἰσῆλθε Πτολεμαῖοσ εἰσ Ἀντιόχειαν καὶ περιέθετο τὸ διάδημα τῆσ Ἀσίασ. καὶ περιέθετο δύο διαδήματα περὶ τὴν κεφαλὴν αὐτοῦ, τὸ τῆσ Ἀσίασ καὶ Αἰγύπτου. Ἀλέξανδροσ δὲ ὁ βασιλεὺσ ἦν ἐν Κιλικίᾳ κατὰ τοὺσ καιροὺσ ἐκείνουσ, ὅτι ἀπεστάτουν οἱ ἀπὸ τῶν τόπων ἐκείνων. καὶ ἤκουσεν Ἀλέξανδροσ καὶ ἦλθεν ἐπ̓ αὐτὸν πολέμῳ. καὶ ἐξήγαγε Πτολεμαῖοσ τὴν δύναμιν καὶ ἀπήντησεν αὐτῷ ἐν χειρὶ ἰσχυρᾷ καὶ ἐτροπώσατο αὐτόν. καὶ ἔφυγεν Ἀλέξανδροσ εἰσ τὴν Ἀραβίαν τοῦ σκεπασθῆναι αὐτὸν ἐκεῖ. ὁ δὲ βασιλεὺσ Πτολεμαῖοσ ὑψώθη. καὶ ἀφεῖλε Ζαβδιὴλ ὁ Ἄραψ τὴν κεφαλὴν Ἀλεξάνδρου καὶ ἀπέστειλε τῷ Πτολεμαίῳ. καὶ ὁ βασιλεὺσ Πτολεμαῖοσ ἀπέθανεν ἐν τῇ ἡμέρᾳ τῇ τρίτῃ, καὶ οἱ ὄντεσ ἐν τοῖσ ὀχυρώμασιν ἀπώλοντο ὑπὸ τῶν ἐν τοῖσ ὀχυρώμασι. καὶ ἐβασίλευσε Δημήτριοσ ἔτουσ ἑβδόμου καὶ ἑξηκοστοῦ καὶ ἑκατοστοῦ. Ἐν ταῖσ ἡμέραισ ἐκείναισ συνήγαγεν Ἰωνάθαν τοὺσ ἐκ τῆσ Ἰουδαίασ τοῦ ἐκπολεμῆσαι τὴν ἄκραν τὴν ἐν Ἱερουσαλὴμ καὶ ἐποίησεν ἐπ̓ αὐτὴν μηχανὰσ πολλάσ. καὶ ἐπορεύθησάν τινεσ μισοῦντεσ τὸ ἔθνοσ αὐτῶν ἄνδρεσ παράνομοι πρὸσ τὸν βασιλέα καὶ ἀπήγγειλαν αὐτῷ ὅτι Ἰωνάθαν περικάθηται τὴν ἄκραν. καὶ ἀκούσασ ὠργίσθη. ὡσ δὲ ἤκουσεν, εὐθέωσ ἀναζεύξασ ἦλθεν εἰσ Πτολεμαί̈δα καὶ ἔγραψεν Ἰωνάθαν τοῦ μὴ περικαθῆσθαι τῇ ἄκρᾳ καὶ τοῦ ἀπαντῆσαι αὐτὸν αὐτῷ συμμίσγειν εἰσ Πτολεμαί̈δα τὴν ταχίστην. ὡσ δὲ ἤκουσεν Ἰωνάθαν, ἐκέλευσε περικαθῆσθαι καὶ ἐπέλεξε τῶν πρεσβυτέρων Ἰσραὴλ καὶ τῶν ἱερέων καὶ ἔδωκεν ἑαυτὸν τῷ κινδύνῳ. καὶ λαβὼν ἀργύριον καὶ χρυσίον καὶ ἱματισμὸν καὶ ἕτερα ξένια πλείονα ἐπορεύθη πρὸσ τὸν βασιλέα εἰσ Πτολεμαί̈δα καὶ εὗρε χάριν ἐνώπιον αὐτοῦ. καὶ ἐνετύγχανον κατ̓ αὐτοῦ τινεσ ἄνομοι τῶν ἐκ τοῦ ἔθνουσ. καὶ ἐποίησεν αὐτῷ ὁ βασιλεὺσ καθὼσ ἐποίησαν αὐτῷ οἱ πρὸ αὐτοῦ, καὶ ὕψωσεν αὐτὸν ἐναντίον πάντων τῶν φίλων αὐτοῦ, καὶ ἔστησεν αὐτῷ τὴν ἀρχιερωσύνην καὶ ὅσα ἄλλα εἶχε τίμια τὸ πρότερον καὶ ἐποίησεν αὐτὸν τῶν πρώτων φίλων ἡγεῖσθαι. καὶ ἠξίωσεν Ἰωνάθαν τὸν βασιλέα ποιῆσαι τὴν Ἰουδαίαν ἀφορολόγητον καὶ τὰσ τρεῖσ τοπαρχίασ καὶ τὴν Σαμαρεῖτιν καὶ ἐπηγγείλατο αὐτῷ τάλαντα τριακόσια. καὶ εὐδόκησεν ὁ βασιλεὺσ καὶ ἔγραψε τῷ Ἰωνάθαν ἐπιστολὰσ περὶ πάντων τούτων ἐχούσασ τὸν τρόπον τοῦτον. «Βασιλεὺσ Δημήτριοσ Ἰωνάθαν τῷ ἀδελφῷ χαίρειν, καὶ ἔθνει Ἰουδαίων. τὸ ἀντίγραφον τῆσ ἐπιστολῆσ, ἧσ ἐγράψαμεν Λασθένει τῷ συγγενεῖ ἡμῶν περὶ ὑμῶν, γεγράφαμεν καὶ πρὸσ ὑμᾶσ ὅπωσ εἰδῆτε. βασιλεὺσ Δημήτριοσ Λασθένει τῷ πατρὶ χαίρειν. τῷ ἔθνει τῶν Ἰουδαίων φίλοισ ἡμῶν καὶ συντηροῦσι τὰ πρὸσ ἡμᾶσ δίκαια ἐκρίναμεν ἀγαθοποιῆσαι χάριν τῆσ ἐξ αὐτῶν εὐνοίασ πρὸσ ἡμᾶσ. ἑστάκαμεν οὖν αὐτοῖσ τά τε ὅρια τῆσ Ἰουδαίασ καὶ τοὺσ τρεῖσ νομούσ, Ἀφαίρεμα καὶ Λύδδαν καὶ Ραμαθέμ, οἵτινεσ προσετέθησαν τῇ Ἰουδαίᾳ ἀπὸ τῆσ Σαμαρείτιδοσ, καὶ πάντα τὰ συγκυροῦντα αὐτοῖσ πᾶσι τοῖσ θυσιάζουσιν εἰσ Ἱεροσόλυμα, ἀντὶ τῶν βασιλικῶν, ὧν ἐλάμβανεν ὁ βασιλεὺσ παῤ αὐτῶν τὸ πρότερον κατ̓ ἐνιαυτὸν ἀπὸ τῶν γεννημάτων τῆσ γῆσ καὶ ἀπὸ τῶν ἀκροδρύων. καὶ τὰ ἄλλα τὰ ἀνήκοντα ἡμῖν ἀπὸ τοῦ νῦν τῶν δεκατῶν καὶ τῶν τελῶν τῶν ἀνηκόντων ἡμῖν καὶ τὰσ τοῦ ἁλὸσ λίμνασ καὶ τοὺσ ἀνήκοντασ ἡμῖν στεφάνουσ, πάντα ἐπαρκῶσ παρίεμεν αὐτοῖσ. καὶ οὐκ ἀθετηθήσεται οὐδὲ ἓν τούτων ἀπὸ τοῦ νῦν καὶ εἰσ τὸν ἅπαντα χρόνον. νῦν οὖν ἐπιμέλεσθε τοῦ ποιῆσαι τούτων ἀντίγραφον καὶ δοθήτω Ἰωνάθαν καὶ τεθήτω ἐν τῷ ὄρει τῷ ἁγίῳ ἐν τόπῳ ἐπισήμῳ». Καὶ εἶδε Δημήτριοσ ὁ βασιλεὺσ ὅτι ἡσύχασεν ἡ γῆ ἐνώπιον αὐτοῦ καὶ οὐδὲν αὐτῷ ἀνθειστήκει, καὶ ἀπέλυσε πάσασ τὰσ δυνάμεισ αὐτοῦ ἕκαστον εἰσ τὸν ἴδιον τόπον, πλὴν τῶν ξένων δυνάμεων, ὧν ἐξενολόγησεν ἀπὸ τῶν νήσων τῶν ἐθνῶν. καὶ ἤχθραναν αὐτῷ πᾶσαι αἱ δυνάμεισ τῶν πατέρων αὐτοῦ. Τρύφων δὲ ἦν τῶν παρὰ Ἀλέξάνδρου τὸ πρότερον καὶ εἶδεν ὅτι πᾶσαι αἱ δυνάμεισ καταγογγύζουσι τοῦ Δημητρίου, καὶ ἐπορεύθη πρὸσ Εἰμαλκουαὶ τὸν Ἄραβα, ὃσ ἔτρεφε τὸν Ἀντίοχον τὸ παιδάριον τὸ τοῦ Ἀλεξάνδρου. καὶ προσήδρευεν αὐτῷ, ὅπωσ παραδοῖ αὐτὸν αὐτῷ, ὅπωσ βασιλεύσῃ ἀντὶ τοῦ πατρὸσ αὐτοῦ. καὶ ἀπήγγειλεν αὐτῷ ὅσα συνετέλεσε Δημήτριοσ καὶ τὴν ἔχθραν, ἣν ἐχθραίνουσιν αὐτῷ αἱ δυνάμεισ αὐτοῦ, καὶ ἔμεινεν ἐκεῖ ἡμέρασ πολλάσ. καὶ ἀπέστειλεν Ἰωνάθαν πρὸσ Δημήτριον τὸν βασιλέα, ἵνα ἐκβάλῃ τοὺσ ἐκ τῆσ ἄκρασ ἐξ Ἱερουσαλὴμ καὶ τοὺσ ἐν τοῖσ ὀχυρώμασιν. ἦσαν γὰρ πολεμοῦντεσ τὸν Ἰσραήλ. καὶ ἀπέστειλε Δημήτριοσ πρὸσ Ἰωνάθαν λέγων. οὐ μόνον ταῦτα ποιήσω σοι καὶ τῷ ἔθνει σου, ἀλλὰ δόξῃ δοξάσω σε καὶ τὸ ἔθνοσ σου, ἐὰν εὐκαιρίασ τύχω. νῦν οὖν ὀρθῶσ ποιήσεισ ἀποστείλασ μοι ἄνδρασ, οἳ συμμαχήσουσιν, ὅτι ἀπέστησαν πᾶσαι αἱ δυνάμεισ μου. καὶ ἀπέστειλεν Ἰωνάθαν ἄνδρασ τρισχιλίουσ δυνατοὺσ ἰσχύϊ αὐτῷ εἰσ Ἀντιόχειαν, καὶ ἤλθοσαν πρὸσ τὸν βασιλέα, καὶ ηὐφράνθη ὁ βασιλεὺσ ἐπὶ τῇ ἐφόδῳ αὐτῶν. καὶ ἐπισυνήχθησαν οἱ ἐκ τῆσ πόλεωσ εἰσ μέσον τῆσ πόλεωσ εἰσ ἀνδρῶν δώδεκα μυριάδασ ἀνδρῶν καὶ ἠβούλοντο ἀνελεῖν τὸν βασιλέα. καὶ ἔφυγεν ὁ βασιλεὺσ εἰσ τὴν αὐλήν, καὶ κατελάβοντο οἱ ἐκ τῆσ πόλεωσ τὰσ διόδουσ τῆσ πόλεωσ καὶ ἤρξαντο πολεμεῖν. καὶ ἐκάλεσεν ὁ βασιλεὺσ τοὺσ Ἰουδαίουσ ἐπὶ βοήθειαν, καὶ ἐπισυνήχθησαν πρὸσ αὐτὸν πάντεσ ἅμα καὶ διεσπάρησαν ἐν τῇ πόλει πάντεσ ἅμα καὶ ἀπέκτειναν ἐν τῇ πόλει ἐν τῇ ἡμέρᾳ ἐκείνῃ εἰσ μυριάδασ δέκα. καὶ ἐνεπύρισαν τὴν πόλιν καὶ ἐλάβοσαν σκῦλα πολλὰ ἐν ἐκείνῃ τῇ ἡμέρᾳ καὶ ἔσωσαν τὸν βασιλέα. καὶ εἶδον οἱ ἀπὸ τῆσ πόλεωσ ὅτι κατεκράτησαν οἱ Ἰουδαῖοι τῆσ πόλεωσ ὡσ ἠβούλοντο, καὶ ἠσθένησαν ταῖσ διανοίαισ αὐτῶν καὶ ἐκέκραξαν πρὸσ τὸν βασιλέα μετὰ δεήσεωσ λέγοντεσ. δὸσ ἡμῖν δεξιὰσ καὶ παυσάσθωσαν οἱ Ἰουδαῖοι πολεμοῦντεσ ἡμᾶσ καὶ τὴν πόλιν. καὶ ἔρριψαν τὰ ὅπλα καὶ ἐποίησαν εἰρήνην καὶ ἐδοξάσθησαν οἱ Ἰουδαῖοι ἐναντίον τοῦ βασιλέωσ καὶ ἐνώπιον πάντων τῶν ἐν τῇ βασιλείᾳ αὐτοῦ καὶ ἐπέστρεψαν εἰσ Ἱερουσαλὴμ ἔχοντεσ σκῦλα πολλά. καὶ ἐκάθησε Δημήτριοσ ὁ βασιλεὺσ ἐπὶ θρόνου τῆσ βασιλείασ αὐτοῦ, καὶ ἡσύχασεν ἡ γῆ ἐνώπιον αὐτοῦ. καὶ ἐψεύσατο πάντα, ὅσα εἶπε, καὶ ἠλλοτριώθη τῷ Ἰωνάθαν καὶ οὐκ ἀνταπέδωκε κατὰ τὰσ εὐνοίασ, ἃσ ἀνταπέδωκεν αὐτῷ, καὶ ἔθλιβεν αὐτὸν σφόδρα. Μετὰ δὲ ταῦτα ἀπέστρεψε Τρύφων καὶ Ἀντίοχοσ μετ̓ αὐτοῦ παιδάριον νεώτερον. καὶ ἐβασίλευσε καὶ ἐπέθετο διάδημα. καὶ ἐπισυνήχθησαν πρὸσ αὐτὸν πᾶσαι αἱ δυνάμεισ, ἃσ ἀπεσκόρπισε Δημήτριοσ, καὶ ἐπολέμησαν πρὸσ αὐτόν, καὶ ἔφυγε καὶ ἐτροπώθη. καὶ ἔλαβε Τρύφων τὰ θηρία καὶ κατεκράτησεν Ἀντιοχείασ. καὶ ἔγραψεν Ἀντίοχοσ ὁ νεώτεροσ τῷ Ἰωνάθαν λέγων. ἵστημί σοι τὴν ἀρχιερωσύνην καὶ καθίστημί σε ἐπὶ τῶν τεσσάρων νομῶν καὶ εἶναί σε τῶν φίλων τοῦ βασιλέωσ. καὶ ἀπέστειλεν αὐτῷ χρυσώματα καὶ διακονίαν καὶ ἔδωκεν αὐτῷ ἐξουσίαν πίνειν ἐν χρυσώμασι καὶ εἶναι ἐν πορφύρᾳ καὶ ἔχειν πόρπην χρυσῆν. καὶ Σίμωνα τὸν ἀδελφὸν αὐτοῦ κατέστησε στρατηγὸν ἀπὸ τῆσ κλίμακοσ Τύρου ἕωσ τῶν ὁρίων Αἰγύπτου. καὶ ἐξῆλθεν Ἰωνάθαν καὶ διεπορεύετο πέραν τοῦ ποταμοῦ καὶ ἐν ταῖσ πόλεσι, καὶ ἠθροίσθησαν πρὸσ αὐτὸν πᾶσαι αἱ δυνάμεισ Συρίασ εἰσ συμμαχίαν, καὶ ἦλθεν εἰσ Ἀσκάλωνα, καὶ ἀπήντησαν αὐτῷ οἱ ἐκ τῆσ πόλεωσ ἐνδόξωσ. καὶ ἀπῆλθεν ἐκεῖθεν εἰσ Γάζαν, καὶ ἀπέκλεισαν οἱ ἀπὸ Γάζησ, καὶ περιεκάθισε περὶ αὐτὴν καὶ ἐνεπύρισε τὰ περιπόλια αὐτῆσ πυρὶ καὶ ἐσκύλευσεν αὐτά. καὶ ἠξίωσαν οἱ ἀπὸ Γάζησ τὸν Ἰωνάθαν, καὶ ἔδωκεν αὐτοῖσ δεξιὰσ καὶ ἔλαβε τοὺσ υἱοὺσ ἀρχόντων αὐτῶν εἰσ ὅμηρα καὶ ἐξαπέστειλεν αὐτοὺσ εἰσ Ἱερουσαλήμ. καὶ διῆλθε τὴν χώραν ἕωσ Δαμασκοῦ. καὶ ἤκουσεν Ἰωνάθαν ὅτι παρῆσαν οἱ ἄρχοντεσ Δημητρίου εἰσ Κάδησ τὴν ἐν τῇ Γαλιλαίᾳ μετὰ δυνάμεωσ πολλῆσ βουλόμενοι μεταστῆσαι αὐτὸν τῆσ χρείασ. καὶ συνήντησεν αὐτοῖσ, τὸν δὲ ἀδελφὸν αὐτοῦ Σίμωνα κατέλιπεν ἐν τῇ χώρᾳ. καὶ παρενέβαλε Σίμων ἐπὶ Βαιθσούρᾳ καὶ ἐπολέμει αὐτὴν ἡμέρασ πολλὰσ καὶ συνέκλεισεν αὐτήν. καὶ ἠξίωσαν αὐτὸν τοῦ δεξιὰσ λαβεῖν, καὶ ἔδωκεν αὐτοῖσ. καὶ ἐξέβαλεν αὐτοὺσ ἐκεῖθεν καὶ κατελάβετο τὴν πόλιν καὶ ἔθετο ἐπ̓ αὐτῇ φρουράν. καὶ Ἰωνάθαν καὶ ἡ παρεμβολὴ αὐτοῦ παρενέβαλον ἐπὶ τὸ ὕδωρ Γεννησάρ, καὶ ὤρθρισαν τὸ πρωί̈ εἰσ τὸ πεδίον Νασώρ. καὶ ἰδοὺ παρεμβολὴ ἀλλοφύλων ἀπήντα αὐτῷ ἐν τῷ πεδίῳ καὶ ἐξέβαλον ἔνεδρον ἐπ̓ αὐτὸν ἐν τοῖσ ὄρεσιν, αὐτοὶ δὲ ἀπήντησαν ἐξεναντίασ. τὰ δὲ ἔνεδρα ἐξανέστησαν ἐκ τῶν τόπων αὐτῶν καὶ συνῆψαν πόλεμον. καὶ ἔφυγον οἱ παρὰ Ἰωνάθαν πάντεσ, οὐδὲ εἷσ κατελείφθη ἀπ̓ αὐτῶν, πλὴν Ματταθίασ ὁ τοῦ Ἀβεσσαλώμου καὶ Ἰούδασ ὁ τοῦ Χαλφὶ ἄρχοντεσ τῆσ στρατιᾶσ τῶν δυνάμεων. καὶ διέρρηξεν Ἰωνάθαν τὰ ἱμάτια αὐτοῦ καὶ ἐπέθετο γῆν ἐπὶ τὴν κεφαλὴν αὐτοῦ καὶ προσηύξατο. καὶ ὑπέστρεψε πρὸσ αὐτοὺσ πολέμῳ καὶ ἐτροπώσατο αὐτούσ, καὶ ἔφυγον. καὶ εἶδον οἱ φεύγοντεσ οἱ παῤ αὐτοῦ καὶ ἐπέστρεψαν πρὸσ αὐτὸν καὶ ἐδίωκον μετ̓ αὐτοῦ ἕωσ Κάδησ ἕωσ τῆσ παρεμβολῆσ αὐτῶν καὶ παρενέβαλον ἐκεῖ. καὶ ἔπεσον ἐκ τῶν ἀλλοφύλων ἐν τῇ ἡμέρᾳ ἐκείνῃ εἰσ ἄνδρασ τρισχιλίουσ. καὶ ἐπέστρεψεν Ἰωνάθαν εἰσ Ἱερουσαλήμ. ΚΑΙ εἶδεν Ἰωνάθαν ὅτι ὁ καιρὸσ αὐτῷ συνεργεῖ, καὶ ἐπέλεξεν ἄνδρασ καὶ ἀπέστειλεν εἰσ Ρώμην στῆσαι καὶ ἀνανεώσασθαι τὴν πρὸσ αὐτοὺσ φιλίαν.

καὶ πρὸσ Σπαρτιάτασ καὶ τόπουσ ἑτέρουσ ἀπέστειλεν ἐπιστολὰσ κατὰ τὰ αὐτά. καὶ ἐπορεύθησαν εἰσ Ρώμην καὶ εἰσῆλθον εἰσ τὸ βουλευτήριον καὶ εἶπον. Ἰωνάθαν ὁ ἀρχιερεὺσ καὶ τὸ ἔθνοσ τῶν Ἰουδαίων ἀπέστειλεν ἡμᾶσ ἀνανεώσασθαι τὴν φιλίαν αὐτοῖσ καὶ τὴν συμμαχίαν κατὰ τὸ πρότερον. καὶ ἔδωκαν ἐπιστολὰσ αὐτοῖσ πρὸσ αὐτοὺσ κατὰ τόπον, ὅπωσ προπέμπωσιν αὐτοὺσ εἰσ γῆν Ἰούδα μετ̓ εἰρήνησ. Καὶ τοῦτο τὸ ἀντίγραφον τῶν ἐπιστολῶν ὧν ἔγραψεν Ἰωνάθαν τοῖσ Σπαρτιάταισ. «̓Ιωνάθαν ἀρχιερεὺσ καὶ ἡ γερουσία τοῦ ἔθνουσ καὶ οἱ ἱερεῖσ καὶ ὁ λοιπὸσ δῆμοσ τῶν Ἰουδαίων Σπαρτιάταισ τοῖσ ἀδελφοῖσ χαίρειν. ἔτι πρότερον ἀπεστάλησαν ἐπιστολαὶ πρὸσ Ὀνίαν τὸν ἀρχιερέα παρὰ Δαρείου τοῦ βασιλεύοντοσ ἐν ὑμῖν ὅτι ἐστὲ ἀδελφοὶ ἡμῶν, ὡσ τὸ ἀντίγραφον ὑπόκειται. καὶ ἐπεδέξατο Ὀνίασ τὸν ἄνδρα τὸν ἀπεσταλμένον ἐνδόξωσ καὶ ἔλαβε τὰσ ἐπιστολάσ, ἐν αἷσ διεσαφεῖτο περὶ συμμαχίασ καὶ φιλίασ. καὶ ἡμεῖσ οὖν ἀπροσδεεῖσ τούτων ὄντεσ, παράκλησιν ἔχοντεσ τὰ βιβλία τὰ ἅγια τὰ ἐν ταῖσ χερσὶν ἡμῶν, ἐπειράθημεν ἀποστεῖλαι τὴν πρὸσ ὑμᾶσ ἀδελφότητα καὶ φιλίαν ἀνανεώσασθαι πρὸσ τὸ μὴ ἐξαλλοτριωθῆναι ὑμῶν. πολλοὶ γὰρ καιροὶ διῆλθον ἀφ̓ οὗ ἀπεστείλατε πρὸσ ἡμᾶσ. ἡμεῖσ οὖν ἐν παντὶ καιρῷ ἀδιαλείπτωσ ἔν τε ταῖσ ἑορταῖσ καὶ ταῖσ λοιπαῖσ καθηκούσαισ ἡμέραισ μιμνησκόμεθα ὑμῶν ἐφ̓ ὧν προσφέρομεν θυσιῶν καὶ ἐν ταῖσ προσευχαῖσ, ὡσ δέον ἐστὶ καὶ πρέπον μνημονεύειν ἀδελφῶν. εὐφραινόμεθα δὲ ἐπὶ τῇ δόξῃ ὑμῶν. ἡμᾶσ δὲ ἐκύκλωσαν πολλαὶ θλίψεισ καὶ πόλεμοι πολλοί, καὶ ἐπολέμησαν ἡμᾶσ οἱ βασιλεῖσ οἱ κύκλῳ ἡμῶν. καὶ οὐκ ἠβουλόμεθα οὖν παρενοχλεῖν ὑμῖν καὶ τοῖσ λοιποῖσ συμμάχοισ καὶ φίλοισ ἡμῶν ἐν τοῖσ πολέμοισ τούτοισ. ἔχομεν γὰρ τὴν ἐξ οὐρανοῦ βοήθειαν βοηθοῦσαν ἡμῖν καὶ ἐρρύσθημεν ἀπὸ τῶν ἐχθρῶν ἡμῶν, καὶ ἐταπεινώθησαν οἱ ἐχθροὶ ἡμῶν. ἐπελέξαμεν οὖν Νουμήνιον Ἀντιόχου καὶ Ἀντίπατρον Ἰάσωνοσ καὶ ἀπεστάλκαμεν πρὸσ Ρωμαίουσ ἀνανεώσασθαι τὴν πρὸσ αὐτοὺσ φιλίαν καὶ συμμαχίαν τὴν προτέραν. ἐνετειλάμεθα οὖν αὐτοῖσ καὶ πρὸσ ὑμᾶσ πορευθῆναι καὶ ἀσπάσασθαι ὑμᾶσ καὶ ἀποδοῦναι ὑμῖν τὰσ παῤ ἡμῶν ἐπιστολὰσ περὶ τῆσ ἀνανεώσεωσ καὶ τῆσ ἀδελφότητοσ ἡμῶν. καὶ νῦν καλῶσ ποιήσετε ἀντιφωνήσοντεσ ἡμῖν πρὸσ ταῦτα». Καὶ τοῦτο τὸ ἀντίγραφον τῶν ἐπιστολῶν, ὧν ἀπέστειλαν Ὀνίᾳ. «Ἄρειοσ βασιλεὺσ Σπαρτιατῶν Ὀνίᾳ ἱερεῖ μεγάλῳ χαίρειν. εὑρέθη ἐν γραφῇ περί τε τῶν Σπαρτιατῶν καὶ Ἰουδαίων, ὅτι εἰσὶν ἀδελφοὶ καὶ ὅτι εἰσὶν ἐκ γένουσ Ἁβραάμ. καὶ νῦν ἀφ̓ οὗ ἔγνωμεν ταῦτα, καλῶσ ποιήσετε γράφοντεσ ἡμῖν περὶ τῆσ εἰρήνησ ὑμῶν, καὶ ἡμεῖσ δὲ ἀντιγράφομεν ὑμῖν τὰ κτήνη ὑμῶν καὶ ἡ ὕπαρξισ ὑμῶν ἡμῖν ἐστι, καὶ τὰ ἡμῶν ὑμῖν ἐστιν. ἐντελλόμεθα οὖν ὅπωσ ἀπαγγείλωσιν ὑμῖν κατὰ ταῦτα». Καὶ ἤκουσεν Ἰωνάθαν ὅτι ἐπέστρεψαν οἱ ἄρχοντεσ Δημητρίου μετὰ δυνάμεωσ πολλῆσ ὑπὲρ τὸ πρότερον τοῦ πολεμῆσαι πρὸσ αὐτόν. καὶ ἀπῇρεν ἐξ Ἱερουσαλὴμ καὶ ἀπήντησεν αὐτοῖσ εἰσ τὴν Ἀμαθῖτιν χώραν. οὐ γὰρ ἔδωκεν αὐτοῖσ ἀνοχὴν ἐμβατεῦσαι εἰσ τὴν χώραν αὐτοῦ. καὶ ἀπέστειλε κατασκόπουσ εἰσ τὴν παρεμβολὴν αὐτῶν, καὶ ἐπέστρεψαν καὶ ἀπήγγειλαν αὐτῷ, ὅτι οὕτω τάσσονται ἐπιπεσεῖν ἐπ̓ αὐτοὺσ τὴν νύκτα. ὡσ δὲ ἔδυ ὁ ἥλιοσ, ἐπέταξεν Ἰωνάθαν τοῖσ παῤ αὐτοῦ γρηγορεῖν καὶ εἶναι ἐπὶ τοῖσ ὅπλοισ καὶ ἑτοιμάζεσθαι εἰσ πόλεμον δἰ ὅλησ τῆσ νυκτὸσ καὶ ἐξέβαλε προφύλακασ κύκλῳ τῆσ παρεμβολῆσ. καὶ ἤκουσαν οἱ ὑπεναντίοι ὅτι ἡτοίμασται Ἰωνάθαν καὶ οἱ παῤ αὐτοῦ εἰσ πόλεμον, καὶ ἐφοβήθησαν καὶ ἔπτηξαν τῇ καρδίᾳ αὐτῶν καὶ ἀνέκαυσαν πυρὰσ ἐν τῇ παρεμβολῇ αὐτῶν. Ἰωνάθαν δὲ καὶ οἱ παῤ αὐτοῦ οὐκ ἔγνωσαν ἕωσ πρωί̈, ἔβλεπον γὰρ τὰ φῶτα καιόμενα. καὶ κατεδίωξεν Ἰωνάθαν ὀπίσω αὐτῶν καὶ οὐ κατέλαβεν αὐτούσ, διέβησαν γὰρ τὸν Ἐλεύθερον ποταμόν. καὶ ἐξέκλινεν Ἰωνάθαν ἐπὶ τοὺσ Ἄραβασ τοὺσ καλουμένουσ Ζαβαδαίουσ καὶ ἐπάταξεν αὐτοὺσ καὶ ἔλαβε τὰ σκῦλα αὐτῶν. καὶ ἀναζεύξασ ἦλθεν εἰσ Δαμασκὸν καὶ διώδευσεν ἐν πάσῃ τῇ χώρᾳ. καὶ Σίμων ἐξῆλθε καὶ διώδευσεν ἕωσ Ἀσκάλωνοσ καὶ τῶν πλησίον ὀχυρωμάτων, καὶ ἐξέκλινεν εἰσ Ἰόππην καὶ προκατελάβετο αὐτήν. ἤκουσεν γὰρ ὅτι βούλονται τὸ ὀχύρωμα παραδοῦναι τοῖσ παρὰ Δημητρίου. καὶ ἔθετο ἐκεῖ φρουράν, ὅπωσ φυλάσσωσιν αὐτήν. καὶ ἐπέστρεψεν Ἰωνάθαν καὶ ἐξεκκλησίασε τοὺσ πρεσβυτέρουσ τοῦ λαοῦ καὶ ἐβουλεύσατο μετ̓ αὐτῶν τοῦ οἰκοδομῆσαι ὀχυρώματα ἐν τῇ Ἰουδαίᾳ καὶ προσυψῶσαι τὰ τείχη Ἱερουσαλὴμ καὶ ὑψῶσαι ὕψοσ μέγα ἀνὰ μέσον τῆσ ἄκρασ καὶ τῆσ πόλεωσ εἰσ τὸ διαχωρίζειν αὐτὴν τῆσ πόλεωσ, ἵνα ᾖ αὕτη κατὰ μόνασ, ὅπωσ μήτε ἀγοράζωσι μήτε πωλῶσι. καὶ συνήχθησαν τοῦ οἰκοδομεῖν τὴν πόλιν καὶ ἤγγισε τοῦ τείχουσ τοῦ χειμάρρου τοῦ ἐξ ἀπηλιώτου, καὶ ἐπεσκεύασαν τὸ καλούμενον Χαφεναθά. καὶ Σίμων ᾠκοδόμησε τὴν Ἀδιδὰ ἐν τῇ Σεφήλᾳ καὶ ὠχύρωσεν αὐτὴν καὶ ἐπέστησε θύρασ καὶ μοχλούσ. Καὶ ἐζήτησε Τρύφων βασιλεῦσαι τῆσ Ἀσίασ καὶ περιθέσθαι τὸ διάδημα καὶ ἐκτεῖναι χεῖρα ἐπὶ Ἀντίοχον τὸν βασιλέα. καὶ ἐφοβήθη μήποτε οὐκ ἐάσῃ αὐτὸν Ἰωνάθαν καὶ μήποτε πολεμήσῃ πρὸσ αὐτόν, καὶ ἐζήτει πόρον τοῦ συλλαβεῖν τὸν Ἰωνάθαν τοῦ ἀπολέσαι αὐτόν, καὶ ἀπάρασ ἦλθεν εἰσ Βαιθσάν. καὶ ἐξῆλθεν Ἰωνάθαν εἰσ ἀπάντησιν αὐτῷ ἐν τεσσαράκοντα χιλιάσιν ἀνδρῶν ἐπιλελεγμέναισ εἰσ παράταξιν καὶ ἦλθεν εἰσ Βαιθσάν. καὶ εἶδε Τρύφων ὅτι πάρεστιν Ἰωνάθαν μετὰ δυνάμεωσ πολλῆσ, καὶ ἐκτεῖναι χεῖρασ ἐπ̓ αὐτὸν εὐλαβήθη, καὶ ἐπεδέξατο αὐτὸν ἐνδόξωσ καὶ συνέστησεν αὐτὸν πᾶσι τοῖσ φίλοισ αὐτοῦ καὶ ἔδωκεν αὐτῷ δόματα καὶ ἐπέταξε ταῖσ δυνάμεσιν αὐτοῦ ὑπακούειν αὐτῷ ὡσ ἑαυτῷ. καὶ εἶπε τῷ Ἰωνάθαν. ἱνατί ἔκοψασ πάντα τὸν λαὸν τοῦτον, πολέμου μὴ ἐνεστηκότοσ ἡμῖν̣ καὶ νῦν ἀπόστειλον αὐτοὺσ εἰσ τοὺσ οἴκουσ αὐτῶν, ἐπίλεξαι δὲ σεαυτῷ ἄνδρασ ὀλίγουσ, οἵτινεσ ἔσονται μετὰ σοῦ, καὶ δεῦρο μετ̓ ἐμοῦ εἰσ Πτολεμαί̈δα, καὶ παραδώσω σοι αὐτὴν καὶ τὰ λοιπὰ ὀχυρώματα καὶ τὰσ δυνάμεισ τὰσ λοιπὰσ καὶ πάντασ τοὺσ ἐπὶ τῶν χρειῶν, καὶ ἐπιστρέψασ ἀπελεύσομαι. τούτου γὰρ χάριν πάρειμι. καὶ ἐμπιστεύσασ αὐτῷ ἐποίησε καθὼσ εἶπε, καὶ ἐξαπέστειλε τὰσ δυνάμεισ, καὶ ἀπῆλθον εἰσ γῆν Ἰούδα. κατέλιπε δὲ μεθ̓ ἑαυτοῦ ἄνδρασ τρισχιλίουσ, ὧν δισχιλίουσ ἀφῆκεν ἐν τῇ Γαλιλαίᾳ, χίλιοι δὲ συνῆλθον αὐτῷ. ὡσ δὲ εἰσῆλθεν Ἰωνάθαν εἰσ Πτολεμαί̈δα, ἀπέκλεισαν οἱ Πτολεμαεῖσ τὰσ πύλασ καὶ συνέλαβον αὐτόν, καὶ πάντασ τοὺσ εἰσελθόντασ μετ̓ αὐτοῦ ἀπέκτειναν ἐν ρομφαίᾳ. καὶ ἀπέστειλε Τρύφων δυνάμεισ καὶ ἵππον εἰσ τὴν Γαλιλαίαν καὶ τὸ πεδίον τὸ μέγα τοῦ ἀπολέσαι πάντασ τοὺσ παρὰ Ἰωνάθαν. καὶ ἐπέγνωσαν ὅτι συνελήφθη Ἰωνάθαν καὶ ἀπόλωλε καὶ οἱ μετ̓ αὐτοῦ, καὶ παρεκάλεσαν ἑαυτοὺσ καὶ ἐπορεύοντο συνεστραμμένοι ἕτοιμοι εἰσ πόλεμον. καὶ εἶδον οἱ διώκοντεσ ὅτι περὶ ψυχῆσ αὐτοῖσ ἐστι, καὶ ἐπέστρεψαν. καὶ ἦλθον πάντεσ μετ̓ εἰρήνησ εἰσ γῆν Ἰούδα καὶ ἐπένθησαν τὸν Ἰωνάθαν καὶ τοὺσ μετ̓ αὐτοῦ καὶ ἐφοβήθησαν σφόδρα. καὶ ἐπένθησε πᾶσ Ἰσραὴλ πένθοσ μέγα. καὶ ἐζήτησαν πάντα τὰ ἔθνη τὰ κύκλῳ αὐτῶν ἐκτρίψαι αὐτούσ. εἶπαν γάρ. οὐκ ἔχουσιν ἄρχοντα καὶ βοηθοῦντα. νῦν οὖν πολεμήσωμεν αὐτοὺσ καὶ ἐξάρωμεν ἐξ ἀνθρώπων τὸ μνημόσυνον αὐτῶν. ΚΑΙ ἤκουσε Σίμων ὅτι συνήγαγε Τρύφων δύναμιν πολλὴν τοῦ ἐλθεῖν εἰσ γῆν Ἰούδα καὶ ἐκτρῖψαι αὐτήν.

καὶ εἶδε τὸν λαὸν ὅτι ἐστὶν ἔντρομοσ καὶ ἔμφοβοσ, καὶ ἀνέβη εἰσ Ἱερουσαλὴμ καὶ ἤθροισε τὸν λαὸν καὶ παρεκάλεσεν αὐτοὺσ καὶ εἶπεν αὐτοῖσ. αὐτοὶ οἴδατε ὅσα ἐγὼ καὶ οἱ ἀδελφοί μου καὶ ὁ οἶκοσ τοῦ πατρόσ μου ἐποιήσαμεν περὶ τῶν νόμων καὶ τῶν ἁγίων, καὶ τοὺσ πολέμουσ καὶ τὰσ στενοχωρίασ, ἃσ εἴδομεν. τούτου χάριν ἀπώλοντο οἱ ἀδελφοί μου πάντεσ χάριν τοῦ Ἰσραήλ, καὶ κατελείφθην ἐγὼ μόνοσ. καὶ νῦν μή μοι γένοιτο φείσασθαί μου τῆσ ψυχῆσ ἐν παντὶ καιρῷ θλίψεωσ, οὐ γάρ εἰμι κρείσσων τῶν ἀδελφῶν μου. πλὴν ἐκδικήσω περὶ τοῦ ἔθνουσ μου καὶ περὶ τῶν ἁγίων καὶ περὶ τῶν γυναικῶν καὶ τῶν τέκνων ἡμῶν, ὅτι συνήχθησαν πάντα τὰ ἔθνη ἐκτρῖψαι ἡμᾶσ ἔχθρασ χάριν. καὶ ἀνεζωοπύρησε τὸ πνεῦμα τοῦ λαοῦ ἅμα τῷ ἀκοῦσαι τῶν λόγων τούτων, καὶ ἀπεκρίθησαν φωνῇ μεγάλῃ λέγοντεσ. σὺ εἶ ἡμῶν ἡγούμενοσ ἀντὶ Ἰούδα καὶ Ἰωνάθαν τοῦ ἀδελφοῦ σου. πολέμησον τὸν πόλεμον ἡμῶν, καὶ πάντα, ὅσα ἂν εἴπῃσ ἡμῖν, ποιήσομεν. καὶ συνήγαγε πάντασ τοὺσ ἄνδρασ τοὺσ πολεμιστὰσ καὶ ἐτάχυνε τοῦ τελέσαι τὰ τείχη Ἱερουσαλὴμ καὶ ὠχύρωσεν αὐτὴν κυκλόθεν. καὶ ἀπέστειλεν Ἰωνάθαν τὸν τοῦ Ἀβεσσαλώμου καὶ μετ̓ αὐτοῦ δύναμιν ἱκανὴν εἰσ Ἰόππην, καὶ ἐξέβαλε τοὺσ ὄντασ ἐν αὐτῇ καὶ ἔμεινεν ἐκεῖ ἐν αὐτῇ. Καὶ ἀπῇρε Τρύφων ἀπὸ Πτολεμαί̈δοσ μετὰ δυνάμεωσ πολλῆσ εἰσελθεῖν εἰσ γῆν Ἰούδα, καὶ Ἰωνάθαν μετ̓ αὐτοῦ ἐν φυλακῇ. Σίμων δὲ παρενέβαλεν ἐν Ἀδιδὰ κατὰ πρόσωπον τοῦ πεδίου. καὶ ἐπέγνω Τρύφων ὅτι ἀνέστη Σίμων ἀντὶ Ἰωνάθαν τοῦ ἀδελφοῦ αὐτοῦ καὶ ὅτι συνάπτειν αὐτῷ μέλλει πόλεμον, καὶ ἀπέστειλε πρὸσ αὐτὸν πρέσβεισ λέγων. περὶ ἀργυρίου, οὗ ὤφειλεν Ἰωνάθαν ὁ ἀδελφόσ σου εἰσ τὸ βασιλικὸν δἰ ἃσ εἶχε χρείασ, συνέχομεν αὐτόν. καὶ νῦν ἀπόστειλον ἀργυρίου τάλαντα ἑκατὸν καὶ δύο τῶν υἱῶν αὐτοῦ ὅμηρα, ὅπωσ μὴ ἀφεθεὶσ ἀποστατήσῃ ἀφ̓ ἡμῶν, καὶ ἀφήσομεν αὐτόν. καὶ ἔγνω Σίμων ὅτι δόλῳ λαλοῦσι πρὸσ αὐτόν, καὶ πέμπει τοῦ λαβεῖν τὸ ἀργύριον καὶ τὰ παιδάρια, μήποτε ἔχθραν ἄρῃ μεγάλην πρὸσ τὸν λαὸν λέγων. ὅτι οὐκ ἀπέστειλα αὐτῷ τὸ ἀργύριον καὶ τὰ παιδάρια, καὶ ἀπώλετο. καὶ ἀπέστειλε τὰ παιδάρια καὶ τὰ ἑκατὸν τάλαντα, καὶ διεψεύσατο καὶ οὐκ ἀφῆκε τὸν Ἰωνάθαν. καὶ μετὰ ταῦτα ἦλθε Τρύφων τοῦ ἐμβατεῦσαι εἰσ τὴν χώραν καὶ ἐκτρῖψαι αὐτήν, καὶ ἐκύκλωσεν ὁδὸν τὴν εἰσ Ἄδωρα. καὶ Σίμων καὶ ἡ παρεμβολὴ αὐτοῦ ἀντιπαρῆγεν αὐτῷ εἰσ πάντα τόπον, οὗ ἂν ἐπορεύετο. οἱ δὲ ἐκ τῆσ ἄκρασ ἀπέστελλον πρὸσ Τρύφωνα πρεσβευτὰσ κατασπεύδοντασ αὐτὸν τοῦ ἐλθεῖν πρὸσ αὐτοὺσ διὰ τῆσ ἐρήμου καὶ ἀποστεῖλαι αὐτοῖσ τροφάσ. καὶ ἡτοίμασε Τρύφων πᾶσαν τὴν ἵππον αὐτοῦ ἐλθεῖν ἐν τῇ νυκτὶ ἐκείνῃ, καὶ ἦν χιὼν πολλὴ σφόδρα, καὶ οὐκ ἦλθε διὰ τὴν χιόνα. καὶ ἀπῇρε καὶ ἦλθεν εἰσ τὴν Γαλααδῖτιν. ὡσ δὲ ἤγγισε τῆσ Βασκαμᾶ, ἀπέκτεινε τὸν Ἰωνάθαν, καὶ ἐτάφη ἐκεῖ. καὶ ἐπέστρεψε Τρύφων καὶ ἀπῆλθεν εἰσ τὴν γῆν αὐτοῦ. Καὶ ἀπέστειλε Σίμων καὶ ἔλαβε τὰ ὀστᾶ Ἰωνάθαν τοῦ ἀδελφοῦ αὐτοῦ καὶ ἔθαψεν αὐτὰ ἐν Μωδεί̈ν πόλει τῶν πατέρων αὐτοῦ. καὶ ἐκόψαντο αὐτὸν πᾶσ Ἰσραὴλ κοπετὸν μέγαν καὶ ἐπένθησαν αὐτὸν ἡμέρασ πολλάσ. καὶ ᾠκοδόμησε Σίμων ἐπὶ τὸν τάφον τοῦ πατρὸσ αὐτοῦ καὶ τῶν ἀδελφῶν αὐτοῦ καὶ ὕψωσεν αὐτὸν τῇ ὁράσει λίθῳ ξεστῷ ἐκ τῶν ὄπισθεν καὶ ἐκ τῶν ἔμπροσθεν. καὶ ἔστησεν ἐπ̓ αὐτὰ ἑπτὰ πυραμίδασ, μίαν κατέναντι τῆσ μιᾶσ τῷ πατρὶ καὶ τῇ μητρὶ καὶ τοῖσ τέσσαρσιν ἀδελφοῖσ. καὶ ταύταισ ἐποίησε μηχανήματα περιθεὶσ στύλουσ μεγάλουσ καὶ ἐποίησεν ἐπὶ τοῖσ στύλοισ πανοπλίασ εἰσ ὄνομα αἰώνιον καὶ παρὰ ταῖσ πανοπλίαισ πλοῖα ἐπιγεγλυμμένα εἰσ τὸ θεωρεῖσθαι ὑπὸ πάντων τῶν πλεόντων τὴν θάλασσαν. οὗτοσ ὁ τάφοσ ὃν ἐποίησεν ἐν Μωδεί̈ν, ἕωσ τῆσ ἡμέρασ ταύτησ. Ὁ δὲ Τρύφων ἐπορεύετο δόλῳ μετὰ Ἀντιόχου τοῦ βασιλέωσ τοῦ νεωτέρου καὶ ἀπέκτεινεν αὐτὸν καὶ ἐβασίλευσεν ἀντ̓ αὐτοῦ καὶ περιέθετο διάδημα τῆσ Ἀσίασ καὶ ἐποίησε πληγὴν μεγάλην ἐπὶ τῆσ γῆσ. καὶ ᾠκοδόμησε Σίμων τὰ ὀχυρώματα τῆσ Ἰουδαίασ, καὶ περιετείχισε πύργοισ ὑψηλοῖσ καὶ τείχεσι μεγάλοισ καὶ πύλαισ καὶ μοχλοῖσ καὶ ἔθετο βρώματα ἐν τοῖσ ὀχυρώμασι. καὶ ἐπέλεξε Σίμων ἄνδρασ καὶ ἀπέστειλε πρὸσ Δημήτριον τὸν βασιλέα τοῦ ποιῆσαι ἄφεσιν τῇ χώρᾳ, ὅτι πᾶσαι αἱ πράξεισ Τρύφωνοσ ἦσαν ἁρπαγαί. καὶ ἀπέστειλεν αὐτῷ Δημήτριοσ ὁ βασιλεὺσ κατὰ τοὺσ λόγουσ τούτουσ καὶ ἀπεκρίθη αὐτῷ καὶ ἔγραψεν αὐτῷ ἐπιστολὴν ̀ρ̀ν̀ρ̀ν̀ρ̀ν̀ρ̀ντοιαύτην. «Βασιλεὺσ Δημήτριοσ Σίμωνι ἀρχιερεῖ καὶ φίλῳ βασιλέων καὶ πρεσβυτέροισ καὶ ἔθνει Ἰουδαίων χαίρειν. τὸν στέφανον τὸν χρυσοῦν καὶ τὴν βαί̈νην, ἣν ἀπεστείλατε, κεκομίσμεθα καὶ ἕτοιμοί ἐσμεν τοῦ ποιεῖν ὑμῖν εἰρήνην μεγάλην καὶ γράφειν τοῖσ ἐπὶ τῶν χρειῶν τοῦ ἀφιέναι ὑμῖν ἀφέματα. καὶ ὅσα ἑστήκαμεν πρὸσ ὑμᾶσ, ἕστηκε, καὶ τὰ ὀχυρώματα, ἃ ᾠκοδομήκατε, ὑπαρχέτω ὑμῖν. ἀφίεμεν δὲ ἀγνοήματα καὶ τὰ ἁμαρτήματα ἕωσ τῆσ σήμερον ἡμέρασ καὶ τὸν στέφανον, ὃν ὠφείλετε, καὶ εἴ τι ἄλλο ἐτελωνεῖτο ἐν Ἱερουσαλήμ, μηκέτι τελωνείσθω. καὶ εἴ τινεσ ἐπιτήδειοι ὑμῶν γραφῆναι εἰσ τοὺσ περὶ ἡμᾶσ, ἐγγραφέσθωσαν, καὶ γινέσθω ἀναμέσον ἡμῶν εἰρήνη». ἔτουσ ἑβδομηκοστοῦ καὶ ἑκατοστοῦ ᾔρθη ὁ ζυγὸσ τῶν ἐθνῶν ἀπὸ τοῦ Ἰσραήλ, καὶ ἤρξατο ὁ λαὸσ Ἰσραὴλ γράφειν ἐν ταῖσ συγγραφαῖσ καὶ συναλλάγμασιν ἔτουσ πρώτου ἐπὶ Σίμωνοσ ἀρχιερέωσ μεγάλου καὶ στρατηγοῦ καὶ ἡγουμένου Ἰουδαίων. Ἐν ταῖσ ἡμέραισ ἐκείναισ παρενέβαλε Σίμων ἐπὶ Γάζαρα καὶ ἐκύκλωσεν αὐτὴν παρεμβολαῖσ καὶ ἐποίησεν ἑλεπόλεισ καὶ προσήγαγε τῇ πόλει καὶ ἐπάταξε πύργον ἕνα καὶ κατελάβετο. καὶ ἐξήλλοντο οἱ ἐν τῇ ἑλεπόλει εἰσ τὴν πόλιν, καὶ ἐγένετο κίνημα μέγα ἐν τῇ πόλει. καὶ ἀνέβησαν οἱ ἐν τῇ πόλει σὺν ταῖσ γυναιξὶ καὶ τοῖσ τέκνοισ ἐπὶ τὸ τεῖχοσ διερρηχότεσ τὰ ἱμάτια αὐτῶν καὶ ἐβόησαν φωνῇ μεγάλῃ ἀξιοῦντεσ Σίμωνα δεξιὰσ αὐτοῖσ δοῦναι καὶ εἶπαν. μὴ ἡμῖν χρήσῃ κατὰ τὰσ πονηρίασ ἡμῶν, ἀλλὰ κατὰ τὸ ἔλεόσ σου. καὶ συνελύθη Σίμων αὐτοῖσ καὶ οὐκ ἐπολέμησεν αὐτούσ. καὶ ἐξέβαλεν αὐτοὺσ ἐκ τῆσ πόλεωσ, καὶ ἐκαθάρισε τὰσ οἰκίασ, ἐν αἷσ ἦν τὰ εἴδωλα, καὶ οὕτωσ εἰσῆλθεν εἰσ αὐτὴν ὑμνῶν καὶ εὐλογῶν. καὶ ἐξέβαλεν ἐξ αὐτῆσ πᾶσαν ἀκαθαρσίαν καὶ κατῴκισεν ἐκεῖ ἄνδρασ, οἵτινεσ τὸν νόμον ποιοῦσι, καὶ προσωχύρωσεν αὐτὴν καὶ ᾠκοδόμησεν ἑαυτῷ ἐν αὐτῇ οἴκησιν. οἱ δὲ ἐκ τῆσ ἄκρασ ἐν Ἱερουσαλὴμ ἐκωλύοντο ἐκπορεύεσθαι καὶ εἰσπορεύεσθαι εἰσ τὴν χώραν καὶ ἀγοράζειν καὶ πωλεῖν καὶ ἐπείνασαν σφόδρα, καὶ ἀπώλοντο ἐξ αὐτῶν ἱκανοὶ τῇ λιμῷ. καὶ ἐβόησαν πρὸσ Σίμωνα δεξιὰσ λαβεῖν, καὶ ἔδωκεν αὐτοῖσ. καὶ ἐξέβαλεν αὐτοὺσ ἐκεῖθεν καὶ ἐκαθάρισε τὴν ἄκραν ἀπὸ τῶν μιασμάτων. καὶ εἰσῆλθον εἰσ αὐτὴν τῇ τρίτῃ καὶ εἰκάδι τοῦ δευτέρου μηνὸσ ἔτουσ ἑνὸσ καὶ ἑβδομηκοστοῦ καὶ ἑκατοστοῦ μετὰ αἰνέσεωσ καὶ βαί̈ων καὶ ἐν κινύραισ καὶ ἐν κυμβάλοισ καὶ ἐν νάβλαισ καὶ ἐν ὕμνοισ καὶ ἐν ᾠδαῖσ, ὅτι συνετρίβη ἐχθρὸσ μέγασ ἐξ Ἰσραήλ. καὶ ἔστησε κατ̓ ἐνιαυτὸν τοῦ ἄγειν τὴν ἡμέραν ταύτην μετ̓ εὐφροσύνησ. καὶ προσωχύρωσε τὸ ὄροσ τοῦ ἱεροῦ τὸ παρὰ τὴν ἄκραν. καὶ ᾤκει ἐκεῖ αὐτὸσ καὶ οἱ παῤ αὐτοῦ. καὶ εἶδε Σίμων τὸν Ἰωάννην υἱὸν αὐτοῦ, ὅτι ἀνήρ ἐστι, καὶ ἔθετο αὐτὸν ἡγούμενον τῶν δυνάμεων πασῶν. καὶ ᾤκει ἐν Γαζάροισ. ΚΑΙ ἐν ἔτει δευτέρῳ καὶ ἑβδομηκοστῷ καὶ ἑκατοστῷ συνήγαγε Δημήτριοσ ὁ βασιλεὺσ τὰσ δυνάμεισ αὐτοῦ καὶ ἐπορεύθη εἰσ Μηδίαν τοῦ ἐπισπάσασθαι βοήθειαν αὐτῷ, ὅπωσ πολεμήσῃ τὸν Τρύφωνα.

καὶ ἤκουσεν Ἀρσάκησ ὁ βασιλεὺσ τῆσ Περσίδοσ καὶ Μηδίασ ὅτι ἦλθε Δημήτριοσ εἰσ τὰ ὅρια αὐτοῦ, καὶ ἀπέστειλεν ἕνα τῶν ἀρχόντων αὐτοῦ συλλαβεῖν αὐτὸν ζῶντα. καὶ ἐπορεύθη καὶ ἐπάταξε τὴν παρεμβολὴν Δημητρίου καὶ συνέλαβεν αὐτὸν καὶ ἤγαγεν αὐτὸν πρὸσ Ἀρσάκην, καὶ ἔθετο αὐτὸν ἐν φυλακῇ. Καὶ ἡσύχασεν ἡ γῆ Ἰούδα πάσασ τὰσ ἡμέρασ Σίμωνοσ, καὶ ἐζήτησαν ἀγαθὰ τῷ ἔθνει αὐτοῦ, καὶ ἤρεσεν αὐτοῖσ ἡ ἐξουσία αὐτοῦ καὶ ἡ δόξα αὐτοῦ πάσασ τὰσ ἡμέρασ. καὶ μετὰ πάσησ τῆσ δόξησ αὐτοῦ ἔλαβε τὴν Ἰόππην εἰσ λιμένα καὶ ἐποίησεν εἴσοδον ταῖσ νήσοισ τῆσ θαλάσσησ. καὶ ἐπλάτυνε τὰ ὅρια τῷ ἔθνει αὐτοῦ καὶ ἐκράτησε τῆσ χώρασ. καὶ συνήγαγεν αἰχμαλωσίαν πολλὴν καὶ ἐκυρίευσε Γαζάρων καὶ Βαιθσούρων καὶ τῆσ ἄκρασ. καὶ ἐξῇρε τὰσ ἀκαθαρσίασ ἐξ αὐτῆσ, καὶ οὐκ ἦν ὁ ἀντικείμενοσ αὐτῷ. καὶ ἦσαν γεωργοῦντεσ τὴν γῆν αὐτῶν μετ̓ εἰρήνησ, καὶ ἡ γῆ ἐδίδου τὰ γεννήματα αὐτῆσ καὶ τὰ ξύλα τῶν πεδίων τὸν καρπὸν αὐτῶν. πρεσβύτεροι ἐν ταῖσ πλατείαισ ἐκάθηντο, πάντεσ περὶ ἀγαθῶν ἐκοινολογοῦντο, καὶ οἱ νεανίσκοι ἐνεδύσαντο δόξασ καὶ στολὰσ πολέμου. ταῖσ πόλεσιν ἐχορήγησε βρώματα καὶ ἔταξεν αὐτὰσ ἐν σκεύεσιν ὀχυρώσεωσ, ἕωσ ὅτου ὠνομάσθη τὸ ὄνομα τῆσ δόξησ αὐτοῦ ἕωσ ἄκρου τῆσ γῆσ. ἐποίησε τὴν εἰρήνην ἐπὶ τῆσ γῆσ, καὶ εὐφράνθη Ἰσραὴλ εὐφροσύνην μεγάλην. καὶ ἐκάθισεν ἕκαστοσ ὑπὸ τὴν ἄμπελον αὐτοῦ καὶ τὴν συκῆν αὐτοῦ, καὶ οὐκ ἦν ὁ ἐκφοβῶν αὐτούσ. καὶ ἐξέλιπεν ὁ πολεμῶν αὐτοὺσ ἐπὶ τῆσ γῆσ, καὶ οἱ βασιλεῖσ συνετρίβησαν ἐν ταῖσ ἡμέραισ ἐκείναισ. καὶ ἐστήρισε πάντασ τοὺσ ταπεινοὺσ τοῦ λαοῦ αὐτοῦ. τὸν νόμον ἐξεζήτησε καὶ ἐξῇρε πάντα ἄνομον καὶ πονηρόν. τὰ ἅγια ἐδόξασε, καὶ ἐπλήθυνε τὰ σκεύη τῶν ἁγίων. Καὶ ἠκούσθη ἐν Ρώμῃ, ὅτι ἀπέθανεν Ἰωνάθαν, καὶ ἕωσ Σπάρτησ, καὶ ἐλυπήθησαν σφόδρα. ὡσ δὲ ἤκουσαν, ὅτι Σίμων ὁ ἀδελφὸσ αὐτοῦ γέγονεν ἀντ̓ αὐτοῦ ἀρχιερεὺσ καὶ ἐπικρατεῖ τῆσ χώρασ καὶ τῶν πόλεων τῶν ἐν αὐτῇ, ἔγραψαν πρὸσ αὐτὸν δέλτοισ χαλκαῖσ τοῦ ἀνανεώσασθαι πρὸσ αὐτὸν φιλίαν καὶ τὴν συμμαχίαν, ἣν ἔστησαν πρὸσ Ἰούδαν καὶ Ἰωνάθαν τοὺσ ἀδελφοὺσ αὐτοῦ. καὶ ἀνεγνώσθησαν ἐνώπιον τῆσ ἐκκλησίασ ἐν Ἱερουσαλήμ. καὶ τοῦτο τὸ ἀντίγραφον τῶν ἐπιστολῶν, ὧν ἀπέστειλαν οἱ Σπαρτιάται. «Σπαρτιατῶν ἄρχοντεσ καὶ ἡ πόλισ Σίμωνι ἱερεῖ μεγάλῳ καὶ τοῖσ πρεσβυτέροισ καὶ τοῖσ ἱερεῦσι καὶ τῷ λοιπῷ δήμῳ τῶν Ἰουδαίων ἀδελφοῖσ χαίρειν. οἱ πρεσβευταὶ οἱ ἀποσταλέντεσ πρὸσ τὸν δῆμον ἡμῶν ἀπήγγειλαν ἡμῖν περὶ τῆσ δόξησ ὑμῶν καὶ τιμῆσ, καὶ ηὐφράνθημεν ἐπὶ τῇ ἐφόδῳ αὐτῶν. καὶ ἀνεγράψαμεν τὰ ὑπ̓ αὐτῶν εἰρημένα ἐν ταῖσ βουλαῖσ τοῦ δήμου οὕτωσ. Νουμήνιοσ Ἀντιόχου καὶ Ἀντίπατροσ Ἰάσωνοσ πρεσβευταὶ Ἰουδαίων ἤλθοσαν πρὸσ ἡμᾶσ ἀνανεούμενοι τὴν πρὸσ ἡμᾶσ φιλίαν. καὶ ἤρεσε τῷ δήμῳ ἐπιδέξασθαι τοὺσ ἄνδρασ ἐνδόξωσ καὶ τοῦ θέσθαι τὸ ἀντίγραφον τῶν λόγων αὐτῶν ἐν τοῖσ ἀποδεδειγμένοισ τῶ δήμῳ βιβλίοισ τοῦ ἔχειν μνημόσυνον τὸν δῆμον τῶν Σπαρτιατῶν. τὸ δὲ ἀντίγραφον τούτων ἐγράψαμεν Σίμωνι τῷ ἀρχιερεῖ». ‐ Μετὰ δὲ ταῦτα ἀπέστειλε Σίμων τὸν Νουμήνιον εἰσ Ρώμην ἔχοντα ἀσπίδα χρυσῆν μεγάλην ὁλκῆσ μνῶν χιλίων εἰσ τὸ στῆσαι πρὸσ αὐτοὺσ τὴν συμμαχίαν. Ὡσ δὲ ἤκουσεν ὁ δῆμοσ τῶν λόγων τούτων, εἶπαν. τίνα χάριν ἀποδώσομεν Σίμωνι καὶ τοῖσ υἱοῖσ αὐτοῦ̣ ἐστήρισε γὰρ αὐτὸσ καὶ οἱ ἀδελφοὶ αὐτοῦ καὶ ὁ οἶκοσ τοῦ πατρὸσ αὐτοῦ καὶ ἐπολέμησαν τοὺσ ἐχθροὺσ Ἰσραὴλ ἀπ̓ αὐτῶν καὶ ἔστησαν αὐτῷ ἐλευθερίαν. καὶ κατέγραψαν ἐν δέλτοισ χαλκαῖσ καὶ ἔθεντο ἐν στήλαισ ἐν ὄρει Σιών. καὶ τοῦτο τὸ ἀντίγραφον τῆσ γραφῆσ. «̓Οκτωκαιδεκάτῃ Ἐλούλ, ἔτουσ δευτέρου καὶ ἑβδομηκοστοῦ καὶ ἑκατοστοῦ ‐ καὶ τοῦτο τρίτον ἔτοσ ἐπὶ Σίμωνοσ ἀρχιερέως ἐν ἀσαραμὲλ ‐ ἐπὶ συναγωγῆσ μεγάλησ ἱερέων καὶ λαοῦ καὶ ἀρχόντων ἔθνουσ καὶ τῶν πρεσβυτέρων τῆσ χώρασ ἐγνώρισεν ἡμῖν. ἐπεὶ πολλάκισ ἐγενήθησαν πόλεμοι ἐν τῇ χώρᾳ, Σίμων δὲ ὁ υἱὸσ Ματταθίου ὁ υἱὸσ τῶν υἱῶν Ἰωαρὶβ καὶ οἱ ἀδελφοὶ αὐτοῦ ἔδωκαν ἑαυτοὺσ τῷ κινδύνῳ καὶ ἀντέστησαν τοῖσ ὑπεναντίοισ τοῦ ἔθνουσ αὐτῶν, ὅπωσ σταθῇ τὰ ἅγια αὐτῶν καὶ ὁ νόμοσ, καὶ δόξῃ μεγάλῃ ἐδόξασαν τὸ ἔθνοσ αὐτῶν. καὶ ἤθροισεν Ἰωνάθαν τὸ ἔθνοσ αὐτῶν καὶ ἐγενήθη αὐτοῖσ ἀρχιερεὺσ καὶ προσετέθη πρὸσ τὸν λαὸν αὐτοῦ, καὶ ἐβουλήθησαν οἱ ἐχθροὶ αὐτῶν ἐμβατεῦσαι εἰσ τὴν χώραν αὐτῶν τοῦ ἐκτρῖψαι τὴν χώραν αὐτῶν καὶ ἐκτεῖναι χεῖρασ ἐπὶ τὰ ἅγια αὐτῶν. τότε ἀνέστη Σίμων, καὶ ἐπολέμησε περὶ τοῦ ἔθνουσ αὐτοῦ καὶ ἐδαπάνησε χρήματα πολλὰ τῶν ἑαυτοῦ καὶ ὡπλοδότησε τοὺσ ἄνδρασ τῆσ δυνάμεωσ τοῦ ἔθνουσ αὐτοῦ καὶ ἔδωκεν αὐτοῖσ ὀψώνια καὶ ὠχύρωσε τὰσ πόλεισ τῆσ Ἰουδαίασ καὶ τὴν Βαιθσούραν τὴν ἐπὶ τῶν ὁρίων τῆσ Ἰουδαίασ, οὗ ἦν τὰ ὅπλα τῶν πολεμίων τὸ πρότερον, καὶ ἔθετο ἐκεῖ φρουρὰν ἄνδρασ Ἰουδαίουσ. καὶ Ἰόππην ὠχύρωσε τὴν ἐπὶ τῆσ θαλάσσησ καὶ τὴν Γάζαρα τὴν ἐπὶ τῶν ὁρίων Ἀζώτου, ἐν ᾗ ᾤκουν οἱ πολέμιοι τὸ πρότερον ἐκεῖ, καὶ κατῴκισεν ἐκεῖ Ἰουδαίουσ, καὶ ὅσα ἐπιτήδεια ἦν πρὸσ τὴν τούτων ἐπανόρθωσιν, ἔθετο ἐν αὐτοῖσ. καὶ εἶδεν ὁ λαὸσ τὴν πρᾶξιν τοῦ Σίμωνοσ καὶ τὴν δόξαν, ἣν ἐβουλεύσατο ποιῆσαι τῷ ἔθνει αὐτοῦ, καὶ ἔθεντο αὐτὸν ἡγούμενον αὐτῶν καὶ ἀρχιερέα διὰ τὸ αὐτὸν πεποιηκέναι πάντα ταῦτα καὶ τὴν δικαιοσύνην καὶ τὴν πίστιν, ἣν συνετήρησε τῷ ἔθνει αὐτοῦ, καὶ ἐζήτησε παντὶ τρόπῳ ὑψῶσαι τὸν λαὸν αὐτοῦ. καὶ ἐν ταῖσ ἡμέραισ αὐτοῦ εὐωδώθη ἐν ταῖσ χερσὶν αὐτοῦ τοῦ ἐξαρθῆναι τὰ ἔθνη ἐκ τῆσ χώρασ αὐτῶν καὶ τοὺσ ἐν τῇ πόλει Δαυὶδ τοὺσ ἐν Ἱερουσαλήμ, οἳ ἐποίησαν ἑαυτοῖσ ἄκραν, ἐξ ἧσ ἐξεπορεύοντο καὶ ἐμίαινον κύκλῳ τῶν ἁγίων καὶ ἐποίουν πληγὴν μεγάλην ἐν τῇ ἁγνείᾳ. καὶ κατῴκισεν ἐν αὐτῇ ἄνδρασ Ἰουδαίουσ καὶ ὠχύρωσεν αὐτὴν πρὸσ ἀσφάλειαν τῆσ χώρασ καὶ τῆσ πόλεωσ καὶ ὕψωσε τὰ τείχη Ἱερουσαλήμ, καὶ ὁ βασιλεὺσ Δημήτριοσ ἔστησεν αὐτῷ τὴν ἀρχιερωσύνην κατὰ ταῦτα καὶ ἐποίησεν αὐτὸν τῶν φίλων αὐτοῦ καὶ ἐδόξασεν αὐτὸν δόξῃ μεγάλῃ. ἤκουσε γὰρ ὅτι προσηγόρευνται οἱ Ἰουδαῖοι ὑπὸ Ρωμαίων φίλοι καὶ σύμμαχοι καὶ ἀδελφοί, καὶ ὅτι ἀπήντησαν τοῖσ πρεσβευταῖσ Σίμωνοσ ἐνδόξωσ, καὶ ὅτι εὐδόκησαν οἱ Ἰουδαῖοι καὶ οἱ ἱερεῖσ τοῦ εἶναι Σίμωνα ἡγούμενον καὶ ἀρχιερέα εἰσ τὸν αἰῶνα ἕωσ τοῦ ἀναστῆναι προφήτην πιστὸν καὶ τοῦ εἶναι ἐπ̓ αὐτῶν στρατηγὸν καὶ ὅπωσ μέλῃ αὐτῷ περὶ τῶν ἁγίων καθιστάναι αὐτοὺσ ἐπὶ τῶν ἔργων αὐτῶν καὶ ἐπὶ τῆσ χώρασ καὶ ἐπὶ τῶν ὅπλων καὶ ἐπὶ τῶν ὀχυρωμάτων, καὶ ὅπωσ μέλῃ αὐτῷ περὶ τῶν ἁγίων, καὶ ὅπωσ ἀκούηται ὑπὸ πάντων, καὶ ὅπωσ γράφωνται ἐπὶ τῷ ὀνόματι αὐτοῦ πᾶσαι συγγραφαὶ ἐν τῇ χώρᾳ, καὶ ὅπωσ περιβάλληται πορφύραν καὶ χρυσοφορῇ. καὶ οὐκ ἐξέσται οὐδενὶ τοῦ λαοῦ καὶ τῶν ἱερέων ἀθετῆσαί τι τούτων καὶ ἀντειπεῖν τοῖσ ὑπ̓ αὐτοῦ ρηθησομένοισ καὶ ἐπισυστρέψαι συστροφὴν ἐν τῇ χώρᾳ ἄνευ αὐτοῦ καὶ περιβάλλεσθαι πορφύραν καὶ ἐμπορποῦσθαι πόρπην χρυσῆν. ὃσ δ̓ ἂν παρὰ ταῦτα ποιήσῃ ἢ ἀθετήσῃ τι τούτων, ἔνοχοσ ἔσται». ‐ καὶ εὐδόκησε πᾶσ ὁ λαὸσ θέσθαι Σίμωνι καὶ ποιῆσαι κατὰ τοὺσ λόγουσ τούτουσ. καὶ ἐπεδέξατο Σίμων καὶ εὐδόκησεν ἀρχιερατεύειν καὶ εἶναι στρατηγὸσ καὶ ἐθνάρχησ τῶν Ἰουδαίων καὶ ἱερέων καὶ τοῦ προστατῆσαι πάντων. καὶ τὴν γραφὴν ταύτην εἶπον θέσθαι ἐν δέλτοισ χαλκαῖσ καὶ στῆσαι αὐτὰσ ἐν περιβόλῳ τῶν ἁγίων ἐν τόπῳ ἐπισήμῳ, τὰ δὲ ἀντίγραφα αὐτῶν θέσθαι ἐν τῷ γαζοφυλακίῳ, ὅπωσ ἔχῃ Σίμων καὶ οἱ υἱοὶ αὐτοῦ. ΚΑΙ ἀπέστειλεν ὁ Ἀντίοχοσ υἱὸσ Δημητρίου τοῦ βασιλέωσ ἐπιστολὰσ ἀπὸ τῶν νήσων τῆσ θαλάσσησ Σίμωνι ἱερεῖ καὶ ἐθνάρχῃ τῶν Ἰουδαίων καὶ παντὶ τῷ ἔθνει.

καὶ ἦσαν περιέχουσαι τὸν τρόπον τοῦτον. «Βασιλεὺσ Ἀντίοχοσ Σίμωνι ἱερεῖ μεγάλῳ καὶ ἐθνάρχῃ καὶ ἔθνει Ἰουδαίων χαίρειν, ἐπειδὴ ἄνδρεσ λοιμοὶ κατεκράτησαν τῆσ βασιλείασ τῶν πατέρων ἡμῶν, βούλομαι δὲ ἀντιποιήσασθαι τῆσ βασιλείασ, ὅπωσ ἀποκαταστήσω αὐτὴν ὡσ ἦν τὸ πρότερον, ἐξενολόγησα δὲ πλῆθοσ δυνάμεων καὶ κατεσκεύασα πλοῖα πολεμικά, βούλομαι δὲ ἐκβῆναι κατὰ τὴν χώραν, ὅπωσ μετέλθω τοὺσ κατεφθαρκότασ τὴν χώραν ἡμῶν καὶ τοὺσ ἠρημωκότασ πόλεισ πολλὰσ ἐν τῇ βασιλείᾳ. νῦν οὖν ἵστημί σοι πάντα τὰ ἀφαιρέματα, ἃ ἀφῆκάν σοι οἱ πρὸ ἐμοῦ βασιλεῖσ καὶ ὅσα ἄλλα δόματα ἀφῆκάν σοι. καὶ ἐπέτρεψά σοι ποιῆσαι κόμμα ἴδιον νόμισμα τῇ χώρᾳ σου, Ἱερουσαλὴμ δὲ καὶ τὰ ἅγια εἶναι ἐλεύθερα. καὶ πάντα τὰ ὅπλα ὅσα κατεσκεύασασ, καὶ τὰ ὀχυρώματα, ἃ ᾠκοδόμησασ ὧν κρατεῖσ, μενέτω σοι. καὶ πᾶν ὀφείλημα βασιλικὸν καὶ τὰ ἐσόμενα βασιλικά, ἀπὸ τοῦ νῦν καὶ εἰσ τὸν ἅπαντα χρόνον ἀφιέσθω σοι. ὡσ δ̓ ἂν κρατήσωμεν τῆσ βασιλείασ ἡμῶν, δοξάσομέν σε καὶ τὸ ἔθνοσ σου καὶ τὸ ἱερὸν δόξῃ μεγάλῃ, ὥστε φανερὰν γενέσθαι τὴν δόξαν ὑμῶν ἐν πάσῃ τῇ γῇ». ‐ Ἔτουσ τετάρτου καὶ ἑβδομηκοστοῦ καὶ ἑκατοστοῦ ἐξῆλθεν Ἀντίοχοσ εἰσ τὴν γῆν πατέρων αὐτοῦ, καὶ συνῆλθον πρὸσ αὐτὸν πᾶσαι αἱ δυνάμεισ, ὥστε ὀλίγουσ εἶναι τοὺσ καταλειφθέντασ σὺν Τρύφωνι. καὶ ἐδίωξεν αὐτὸν Ἀντίοχοσ ὁ βασιλεύσ, καὶ ἦλθε φεύγων εἰσ Δωρᾶ τὴν ἐπὶ τῆσ θαλάσσησ. εἶδε γὰρ ὅτι συνῆκται ἐπ̓ αὐτὸν τὰ κακά, καὶ ἀφῆκαν αὐτὸν αἱ δυνάμεισ. καὶ παρενέβαλεν Ἀντίοχοσ ἐπὶ Δωρᾶ καὶ σὺν αὐτῷ δώδεκα μυριάδεσ ἀνδρῶν πολεμιστῶν καὶ ὀκτακισχιλία ἵπποσ. καὶ ἐκύκλωσε τὴν πόλιν, καὶ τὰ πλοῖα ἀπὸ θαλάσσησ συνῆψαν, καὶ ἔθλιβε τὴν πόλιν ἀπὸ τῆσ γῆσ καὶ τῆσ θαλάσσησ, καὶ οὐκ εἴασεν οὐδένα ἐκπορεύεσθαι καὶ εἰσπορεύεσθαι. Καὶ ἦλθε Νουμήνιοσ καὶ οἱ παῤ αὐτοῦ ἐκ Ρώμησ ἔχοντεσ ἐπιστολὰσ τοῖσ βασιλεῦσι καὶ ταῖσ χώραισ, ἐν αἷσ ἐγέγραπτο τάδε. «Λεύκιοσ ὕπατοσ Ρωμαίων Πτολεμαίῳ βασιλεῖ χαίρειν. οἱ πρεσβευταὶ τῶν Ἰουδαίων ἦλθον πρὸσ ἡμᾶσ, φίλοι ἡμῶν καὶ σύμμαχοι, ἀνανεούμενοι τὴν ἐξ ἀρχῆσ φιλίαν καὶ συμμαχίαν, ἀπεσταλμένοι ἀπὸ Σίμωνοσ τοῦ ἀρχιερέωσ καὶ τοῦ δήμου τῶν Ἰουδαίων. ἤνεγκαν δὲ ἀσπίδα χρυσῆν ἀπὸ μνῶν χιλίων. ἤρεσεν οὖν ἡμῖν γράψαι τοῖσ βασιλεῦσι καὶ ταῖσ χώραισ ὅπωσ μὴ ἐκζητήσωσιν αὐτοῖσ κακὰ καὶ μὴ πολεμήσωσιν αὐτοὺσ καὶ τὰσ πόλεισ αὐτῶν καὶ τὴν χώραν αὐτῶν καὶ ἵνα μὴ συμμαχήσωσι τοῖσ πολεμοῦσιν αὐτούσ. ἔδοξε δὲ ἡμῖν δέξασθαι τὴν ἀσπίδα παῤ αὐτῶν. εἴ τινεσ οὖν λοιμοὶ διαπεφεύγασιν ἐκ τῆσ χώρασ αὐτῶν πρὸσ ἡμᾶσ, παράδοτε αὐτοὺσ Σίμωνι τῷ ἀρχιερεῖ, ὅπωσ ἐκδικήσῃ ἐν αὐτοῖσ κατὰ τὸν νόμον αὐτῶν». ‐ Καὶ τὰ αὐτὰ ἔγραψε Δημητρίῳ τῷ βασιλεῖ καὶ Ἀττάλῳ, Ἀριαράθῃ καὶ Ἀρσάκῃ καὶ εἰσ πάσασ τὰσ χώρασ καὶ Σαμψάμῃ καὶ Σπαρτιάταισ καὶ εἰσ Δῆλον καὶ Μύνδον καὶ Σικυῶνα καὶ εἰσ τὴν Καρίαν καὶ εἰσ Σάμον καὶ εἰσ τὴν Παμφυλίαν καὶ εἰσ τὴν Λυκίαν καὶ εἰσ Ἁλικαρνασσὸν καὶ εἰσ Ρόδον καὶ εἰσ Φασηλίδα καὶ εἰσ Κῶ καὶ εἰσ Σίδην καὶ εἰσ Ἄραδον καὶ εἰσ Γόρτυναν καὶ Κνίδον καὶ Κύπρον καὶ Κυρήνην. τὸ δὲ ἀντίγραφον αὐτῶν ἔγραψαν Σίμωνι τῷ ἀρχιερεῖ. Ἀντίοχοσ δὲ ὁ βασιλεὺσ παρενέβαλεν ἐπὶ Δωρᾶ ἐν τῇ δευτέρᾳ, προσάγων διὰ παντὸσ αὐτῇ τὰσ χεῖρασ καὶ μηχανὰσ ποιούμενοσ καὶ συνέκλεισε τὸν Τρύφωνα τοῦ μὴ εἰσπορεύεσθαι καὶ ἐκπορεύεσθαι. καὶ ἀπέστειλεν αὐτῷ Σίμων δισχιλίουσ ἄνδρασ ἐκλεκτοὺσ συμμαχῆσαι αὐτῷ καὶ ἀργύριον καὶ χρυσίον καὶ σκεύη ἱκανά. καὶ οὐκ ἠβούλετο αὐτὰ δέξασθαι, ἀλλ̓ ἠθέτησε πάντα, ὅσα συνέθετο αὐτῷ τὸ πρότερον, καὶ ἠλλοτριοῦντο αὐτῷ. καὶ ἀπέστειλε πρὸσ αὐτὸν Ἀθηνόβιον ἕνα τῶν φίλων αὐτοῦ κοινολογησάμενον αὐτῷ λέγων. ὑμεῖσ κατακρατεῖτε τῆσ Ἰόππησ καὶ Γαζάρων καὶ τῆσ ἄκρασ τῆσ ἐν Ἱερουσαλήμ, πόλεισ τῆσ βασιλείασ μου. τὰ ὅρια αὐτῶν ἠρημώσατε καὶ ἐποιήσατε πληγὴν μεγάλην ἐπὶ τῆσ γῆσ καὶ ἐκυριεύσατε τόπων πολλῶν ἐν τῇ βασιλείᾳ μου. νῦν οὖν παράδοτε τὰσ πόλεισ, ἃσ κατελάβεσθε, καὶ τοὺσ φόρουσ τῶν τόπων, ὧν κατεκυριεύσατε ἐκτὸσ τῶν ὁρίων τῆσ Ἰουδαίασ. εἰ δὲ μή, δότε ἀντ̓ αὐτῶν πεντακόσια τάλαντα ἀργυρίου καὶ τῆσ καταφθορᾶσ, ἧσ κατεφθάρκατε, καὶ τῶν φόρων τῶν πόλεων ἄλλα τάλαντα πεντακόσια. εἰ δὲ μή, παραγενόμενοι ἐκπολεμήσομεν ὑμᾶσ. καὶ ἦλθεν Ἀθηνόβιοσ φίλοσ τοῦ βασιλέωσ εἰσ Ἱερουσαλὴμ καὶ εἶδε τὴν δόξαν Σίμωνοσ καὶ κυλικεῖον μετὰ χρυσωμάτων καὶ ἀργυρωμάτων καὶ παράστασιν ἱκανὴν καὶ ἐξίστατο καὶ ἀπήγγειλεν αὐτῶ τοὺσ λόγουσ τοῦ βασιλέωσ. καὶ ἀποκριθεὶσ Σίμων εἶπεν αὐτῷ. οὔτε γῆν ἀλλοτρίαν εἰλήφαμεν οὔτε ἀλλοτρίων κεκρατήκαμεν, ἀλλὰ τῆσ κληρονομίασ τῶν πατέρων ἡμῶν, ὑπὸ δὲ ἐχθρῶν ἡμῶν ἔν τινι καιρῷ ἀκρίτωσ κατεκρατήθη. ἡμεῖσ δὲ καιρὸν ἔχοντεσ ἀντεχόμεθα τῆσ κληρονομίασ τῶν πατέρων ἡμῶν. περὶ δὲ Ἰόππησ καὶ Γαζάρων, ὧν αἰτεῖσ, αὗται ἐποίουν ἐν τῷ λαῷ πληγὴν μεγάλην κατὰ τὴν χώραν ἡμῶν, τούτων δώσομεν τάλαντα ἑκατόν. καὶ οὐκ ἀπεκρίθη αὐτῷ Ἀθηνόβιοσ λόγον, ἀπέστρεψε δὲ μετὰ θυμοῦ πρὸσ τὸν βασιλέα καὶ ἀπήγγειλεν αὐτῷ τοὺσ λόγουσ τούτουσ καὶ τὴν δόξαν Σίμωνοσ καὶ πάντα, ὅσα εἶδε, καὶ ὠργίσθη ὁ βασιλεὺσ ὀργὴν μεγάλην. Τρύφων δὲ ἐμβὰσ εἰσ πλοῖον ἔφυγεν εἰσ Ὀρθωσιάδα. καὶ κατέστησεν ὁ βασιλεὺσ τὸν Κενδεβαῖον στρατηγὸν τῆσ παραλίασ καὶ δυνάμεισ πεζικὰσ καὶ ἱππικὰσ ἔδωκεν αὐτῷ. καὶ ἐνετείλατο αὐτῷ παρεμβαλεῖν κατὰ πρόσωπον τῆσ Ἰουδαίασ καὶ ἐνετείλατο αὐτῷ οἰκοδομῆσαι τὴν Κεδρὼν καὶ ὀχυρῶσαι τὰσ πύλασ καὶ ὅπωσ πολεμήσῃ τὸν λαόν. ὁ δὲ βασιλεὺσ ἐδίωκε τὸν Τρύφωνα. καὶ παρεγενήθη Κενδεβαῖοσ εἰσ Ἰάμνειαν καὶ ἤρξατο τοῦ ἐρεθίζειν τὸν λαὸν καὶ ἐμβατεύειν εἰσ τὴν Ἰουδαίαν καὶ αἰχμαλωτίζειν τὸν λαὸν καὶ φονεύειν, καὶ ᾠκοδόμησε τὴν Κεδρὼν καὶ ἔταξεν ἐκεῖ ἱππεῖσ καὶ δυνάμεισ, ὅπωσ ἐκπορευόμενοι ἐξοδεύωσι τὰσ ὁδοὺσ τῆσ Ἰουδαίασ, καθὰ συνέταξεν αὐτῷ ὁ βασιλεύσ. ΚΑΙ ἀνέβη Ἰωάννησ ἐκ Γαζάρων καὶ ἀπήγγειλε Σίμωνι τῷ πατρὶ αὐτοῦ ἃ συνετέλει Κενδεβαῖοσ.

καὶ ἐκάλεσε Σίμων τοὺσ δύο υἱοὺσ αὐτοῦ τοὺσ πρεσβυτέρουσ Ἰούδαν καὶ Ἰωάννην καὶ εἶπεν αὐτοῖσ. ἐγὼ καὶ οἱ ἀδελφοί μου καὶ ὁ οἶκοσ τοῦ πατρόσ μου ἐπολεμήσαμεν τοὺσ πολεμίουσ Ἰσραὴλ ἀπὸ νεότητοσ ἕωσ τῆσ σήμερον ἡμέρασ, καὶ εὐωδώθη ἐν ταῖσ χερσὶν ἡμῶν ρύσασθαι τὸν Ἰσραὴλ πλεονάκισ. νῦν δὲ γεγήρακα, καὶ ὑμεῖσ δὲ ἐν τῶ ἐλέει ἱκανοί ἐστε ἐν τοῖσ ἔτεσι. γίνεσθε ἀντ̓ ἐμοῦ καὶ τοῦ ἀδελφοῦ μου καὶ ἐξελθόντεσ ὑπερμαχεῖτε ὑπὲρ τοῦ ἔθνουσ ἡμῶν, ἡ δὲ ἐκ τοῦ οὐρανοῦ βοήθεια ἔστω μεθ̓ ὑμῶν. καὶ ἐπέλεξεν ἐκ τῆσ χώρασ εἴκοσι χιλιάδασ ἀνδρῶν πολεμιστῶν καὶ ἱππεῖσ, καὶ ἐπορεύθησαν ἐπὶ τὸν Κενδεβαῖον καὶ ἐκοιμήθησαν ἐν Μωδεί̈ν. καὶ ἀναστάντεσ τὸ πρωί̈ ἐπορεύοντο εἰσ τὸ πεδίον, καὶ ἰδοὺ δύναμισ πολλὴ εἰσ συνάντησιν αὐτοῖσ, πεζικὴ καὶ ἱππεῖσ, καὶ ἦν χειμάρρουσ ἀναμέσον αὐτῶν. καὶ παρενέβαλε κατὰ πρόσωπον αὐτῶν αὐτὸσ καὶ ὁ λαὸσ αὐτοῦ. καὶ εἶδε τὸν λαὸν δειλούμενον διαπερᾶσαι τὸν χειμάρρουν καὶ διεπέρασε πρῶτοσ. καὶ εἶδον αὐτὸν οἱ ἄνδρεσ καὶ διεπέρασαν κατόπισθεν αὐτοῦ. καὶ διεῖλε τὸν λαὸν καὶ τοὺσ ἱππεῖσ ἐν μέσῳ τῶν πεζῶν. ἡ δὲ ἵπποσ τῶν ὑπεναντίων πολλὴ σφόδρα. καὶ ἐσάλπισαν ταῖσ ἱεραῖσ σάλπιγξι, καὶ ἐτροπώθη Κενδεβαῖοσ καὶ ἡ παρεμβολὴ αὐτοῦ, καὶ ἔπεσον ἐξ αὐτῶν τραυματίαι πολλοί. οἱ δὲ καταλειφθέντεσ ἔφυγον εἰσ τὸ ὀχύρωμα. τότε ἐτραυματίσθη Ἰούδασ ὁ ἀδελφὸσ Ἰωάννου. Ἰωάννησ δὲ κατεδίωξεν αὐτοὺσ ἕωσ ἦλθεν εἰσ Κεδρών, ἣν ᾠκοδόμησε. καὶ ἔφυγον ἕωσ εἰσ τοὺσ πύργουσ τοὺσ ἐν τοῖσ ἀγροῖσ Ἀζώτου, καὶ ἐνεπύρισεν αὐτὴν ἐν πυρί, καὶ ἔπεσον ἐξ αὐτῶν εἰσ ἄνδρασ δισχιλίουσ καὶ ἀπέστρεψεν εἰσ γῆν Ἰούδα μετ̓ εἰρήνησ. Καὶ Πτολεμαῖοσ ὁ τοῦ Ἀβούβου ἦν καθεσταμένοσ στρατηγὸσ εἰσ τὸ πεδίον Ἱεριχὼ καὶ ἔσχεν ἀργύριον καὶ χρυσίον πολύ. ἦν γὰρ γαμβρὸσ τοῦ ἀρχιερέωσ. καὶ ὑψώθη ἡ καρδία αὐτοῦ, καὶ ἠβουλήθη κατακρατῆσαι τῆσ χώρασ καὶ ἐβουλεύετο δόλῳ κατὰ Σίμωνοσ καὶ τῶν υἱῶν αὐτοῦ ἆραι αὐτούσ. Σίμων δὲ ἦν ἐφοδεύων τὰσ πόλεισ τὰσ ἐν τῇ χώρᾳ καὶ φροντίζων τῆσ ἐπιμελείασ αὐτῶν. καὶ κατέβη εἰσ Ἱεριχὼ αὐτὸσ καὶ Ματταθίασ καὶ Ἰούδασ οἱ υἱοὶ αὐτοῦ ἔτουσ ἑβδόμου καὶ ἑβδομηκοστοῦ καὶ ἑκατοστοῦ ἐν μηνὶ ἑνδεκάτῳ . καὶ ὑπεδέξατο αὐτοὺσ ὁ τοῦ Ἀβούβου εἰσ τὸ ὀχυρωμάτιον τὸ καλούμενον Δὼκ μετὰ δόλου, ὃ ᾠκοδόμησε, καὶ ἐποίησεν αὐτοῖσ πότον μέγαν καὶ ἐνέκρυψεν ἐκεῖ ἄνδρασ. καὶ ὅτε ἐμεθύσθη Σίμων καὶ οἱ υἱοὶ αὐτοῦ, ἐξανέστη Πτολεμαῖοσ καὶ οἱ παῤ αὐτοῦ καὶ ἐλάβοσαν τὰ ὅπλα αὐτῶν καὶ ἐπεισήλθοσαν τῷ Σίμωνι εἰσ τὸ συμπόσιον καὶ ἀπέκτειναν αὐτὸν καὶ τοὺσ δύο υἱοὺσ αὐτοῦ καί τινασ τῶν παιδαρίων αὐτοῦ. καὶ ἐποίησεν ἀθεσίαν μεγάλην, καὶ ἀπέδωκε κακὰ ἀντὶ ἀγαθῶν. καὶ ἔγραψε ταῦτα Πτολεμαῖοσ καὶ ἀπέστειλε τῷ βασιλεῖ, ὅπωσ ἀποστείλῃ αὐτῷ δυνάμεισ εἰσ βοήθειαν καὶ παραδῷ αὐτῷ τὴν χώραν αὐτῶν καὶ τὰσ πόλεισ. καὶ ἀπέστειλεν ἑτέρουσ εἰσ Γάζαρα ἆραι τὸν Ἰωάννην, καὶ τοῖσ χιλιάρχοισ ἀπέστειλεν ἐπιστολὰσ παραγενέσθαι πρὸσ αὐτόν, ὅπωσ δῷ αὐτοῖσ ἀργύριον καὶ χρυσίον καὶ δόματα, καὶ ἑτέρουσ ἀπέστειλε καταλαβέσθαι τὴν Ἱερουσαλὴμ καὶ τὸ ὄροσ τοῦ ἱεροῦ. καὶ προδραμών τισ ἀπήγγειλεν Ἰωάννῃ εἰσ Γάζαρα ὅτι ἀπώλετο ὁ πατὴρ αὐτοῦ καὶ οἱ ἀδελφοὶ αὐτοῦ καὶ ὅτι ἀπέσταλκε καὶ σὲ ἀποκτεῖναι. καὶ ἀκούσασ ἐξέστη σφόδρα καὶ συνέλαβε τοὺσ ἄνδρασ τοὺσ ἐλθόντασ ἀπολέσαι αὐτὸν καὶ ἀπέκτεινεν αὐτούσ, ἐπέγνω γὰρ ὅτι ἐζήτουν αὐτὸν ἀπολέσαι. Καὶ τὰ λοιπὰ τῶν λόγων Ἰωάννου καὶ τῶν πολέμων αὐτοῦ καὶ τῶν ἀνδραγαθιῶν αὐτοῦ, ὧν ἠνδραγάθησε, καὶ τῆσ οἰκοδομῆσ τῶν τειχέων, ὧν ᾠκοδόμησε, καὶ τῶν πράξεων αὐτοῦ, ἰδοὺ ταῦτα γέγραπται ἐπὶ βιβλίῳ ἡμερῶν ἀρχιερωσύνησ αὐτοῦ, ἀφ̓ οὗ ἐγενήθη ἀρχιερεὺσ μετὰ τὸν πατέρα αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Septuagint, Liber Maccabees I

(70인역 성경, Liber Maccabees I)

목록

SEARCH

MENU NAVIGATION