헬라어 문장 검색 - Σεπτύ015́

(70인역 성경, 에즈라기)

ΚΑΙ ἤγαγεν Ἰωσίασ τὸ πάσχα ἐν Ἱερουσαλὴμ τῷ Κυρίῳ αὐτοῦ καὶ ἔθυσε τὸ πάσχα τῇ τεσσαρεσκαιδεκάτῃ ἡμέρᾳ τοῦ μηνὸσ τοῦ πρώτου στήσασ τοὺσ ἱερεῖσ κατ̓ ἐφημερίασ ἐστολισμένουσ ἐν τῷ ἱερῷ τοῦ Κυρίου. καὶ εἶπε τοῖσ Λευίταισ, ἱεροδούλοισ τοῦ Ἰσραήλ, ἁγιάσαι ἑαυτοὺσ τῷ Κυρίῳ ἐν τῇ θέσει τῆσ ἁγίασ κιβωτοῦ τοῦ Κυρίου ἐν τῷ οἴκῳ, ᾧ ᾠκοδόμησε Σαλωμὼν ὁ τοῦ Δαυὶδ ὁ βασιλεύσ. οὐκ ἔσται ὑμῖν ἆραι ἐπ̓ ὤμων αὐτήν. καὶ νῦν λατρεύετε τῷ Κυρίῳ Θεῷ ὑμῶν καὶ θεραπεύετε τὸ ἔθνοσ αὐτοῦ Ἰσραὴλ καὶ ἑτοιμάσατε κατὰ τὰσ πατριὰσ καὶ τὰσ φυλὰσ ὑμῶν κατὰ τὴν γραφὴν Δαυὶδ βασιλέωσ Ἰσραὴλ καὶ κατὰ τὴν μεγαλειότητα Σαλωμὼν τοῦ υἱοῦ αὐτοῦ. καὶ στάντεσ ἐν τῷ ἁγίῳ κατὰ τὴν μεριδαρχίαν τὴν πατρικὴν ὑμῶν τῶν Λευιτῶν, τῶν ἔμπροσθεν τῶν ἀδελφῶν ὑμῶν υἱῶν Ἰσραήλ, ἐν τάξει θύσατε τὸ πάσχα καὶ τὰσ θυσίασ ἑτοιμάσατε τοῖσ ἀδελφοῖσ ὑμῶν καὶ ποιήσατε τὸ πάσχα κατὰ τὸ πρόσταγμα τοῦ Κυρίου τὸ δοθὲν τῷ Μωυσῇ. καὶ ἐδωρήσατο Ἰωσίασ τῷ λαῷ τῷ εὑρεθέντι ἀρνῶν καὶ ἐρίφων τριάκοντα χιλιάδασ, μόσχουσ τρισχιλίουσ. ταῦτα ἐκ τῶν βασιλικῶν ἐδόθη κατ̓ ἐπαγγελίαν τῷ λαῷ καὶ τοῖσ ἱερεῦσι καὶ Λευίταισ. καὶ ἔδωκε Χελκίασ καὶ Ζαχαρίασ καὶ Ἡσκῆλοσ οἱ ἐπιστάται τοῦ ἱεροῦ τοῖσ ἱερεῦσιν εἰσ πάσχα πρόβατα δισχίλια ἑξακόσια, μόσχουσ τριακοσίουσ. καὶ Ἰεχονίασ καὶ Σαμαίασ καὶ Ναθαναὴλ ὁ ἀδελφὸσ καὶ Ἀσαβίασ καὶ Ὀχιῆλοσ καὶ Ἰωρὰμ χιλίαρχοι ἔδωκαν τοῖσ Λευίταισ εἰσ πάσχα πρόβατα πεντακιχίλια, μόσχουσ ἑπτακοσίουσ. καὶ ταῦτα τὰ γενόμενα. εὐπρεπῶσ ἔστησαν οἱ ἱερεῖσ καὶ οἱ Λευῖται ἔχοντεσ τὰ ἄζυμα κατὰ τὰσ φυλὰσ καὶ κατὰ τὰσ μεριδαρχίασ τῶν πατέρων ἔμπροσθεν τοῦ λαοῦ προσενεγκεῖν τῷ Κυρίῳ κατὰ τὰ γεγραμμένα ἐν βιβλίῳ Μωυσῆ, καὶ οὕτω τὸ πρωϊνόν. καὶ ὤπτησαν τὸ πάσχα πυρὶ ὡσ καθήκει, καὶ τὰσ θυσίασ ἥψησαν ἐν τοῖσ χαλκείοισ καὶ λέβησι μετ̓ εὐωδίασ καὶ ἀπήνεγκαν πᾶσι τοῖσ ἐκ τοῦ λαοῦ. μετὰ δὲ ταῦτα ἡτοίμασαν ἑαυτοῖσ τε καὶ τοῖσ ἱερεῦσιν ἀδελφοῖσ αὐτῶν υἱοῖσ Ἀαρών. οἱ γὰρ ἱερεῖσ ἀνέφερον τὰ στέατα ἕωσ ἀωρίασ, καὶ οἱ Λευῖται ἡτοίμασαν ἑαυτοῖσ καὶ τοῖσ ἱερεῦσιν ἀδελφοῖσ αὐτῶν υἱοῖσ Ἀαρών. καὶ οἱ ἱεροψάλται υἱοὶ Ἀσὰφ ἦσαν ἐπὶ τῆσ τάξεωσ αὐτῶν, κατὰ τὰ ὑπὸ Δαυὶδ τεταγμένα καὶ Ἀσὰφ καὶ Ζαχαρίασ καὶ Ἐδδινοῦσ ὁ παρά τοῦ βασιλέωσ, καὶ οἱ θυρωροὶ ἐφ̓ ἑκάστου πυλῶνοσ. οὐκ ἔστι παραβῆναι ἕκαστον τὴν ἑαυτοῦ ἐφημερίαν, οἱ γὰρ ἀδελφοὶ αὐτῶν οἱ Λευῖται ἡτοίμασαν αὐτοῖσ. καὶ συνετελέσθη τὰ τῆσ θυσίασ τοῦ Κυρίου ἐν ἐκείνῃ τῇ ἡμέρᾳ, ἀχθῆναι τὸ πάσχα καὶ προσαχθῆναι τὰσ θυσίασ ἐπὶ τὸ τοῦ Κυρίου θυσιαστήριον κατὰ τὴν ἐπιταγὴν τοῦ βασιλέωσ Ἰωσίου. καὶ ἠγάγοσαν οἱ υἱοὶ Ἰσραὴλ οἱ εὑρεθέντεσ ἐν τῷ καιρῷ τούτῳ τὸ πάσχα καὶ τὴν ἑορτὴν τῶν ἀζύμων ἡμέρασ ἑπτά. καὶ οὐκ ἤχθη τὸ πάσχα τοιοῦτον ἐν τῷ Ἰσραὴλ ἀπὸ τῶν χρόνων Σαμουὴλ τοῦ προφήτου, καὶ πάντεσ οἱ βασιλεῖσ τοῦ Ἰσραὴλ οὐκ ἠγάγοσαν πάσχα τοιοῦτον, οἷον ἤγαγεν Ἰωσίασ καὶ οἱ ἱερεῖσ καὶ οἱ Λευῖται καὶ οἱ Ἰουδαῖοι καὶ πᾶσ Ἰσραὴλ ὁ εὑρεθεὶσ ἐν τῇ κατοικήσει αὐτῶν ἐν Ἱερουσαλήμ. ὀκτωκαιδεκάτῳ ἔτει βασιλεύοντοσ Ἰωσίου ἤχθη τὸ πάσχα τοῦτο. καὶ ὠρθώθη τὰ ἔργα Ἰωσίου ἐνώπιον τοῦ Κυρίου αὐτοῦ ἐν καρδίᾳ πλήρει εὐσεβείασ. καὶ τὰ κατ̓ αὐτὸν δέ ἀναγέγραπται ἐν τοῖσ ἔμπροσθεν χρόνοισ, περὶ τῶν ἡμαρτηκότων καὶ ἠσεβηκότων εἰσ τὸν Κύριον παρὰ πᾶν ἔθνοσ καὶ βασιλείαν, καὶ ἃ ἐλύπησαν αὐτὸν ἐν αἰσθήσει, καὶ οἱ λόγοι τοῦ Κυρίου ἀνέστησαν ἐπὶ Ἰσραήλ. Καὶ μετὰ πᾶσαν τὴν πρᾶξιν ταύτην Ἰωσίου συνέβη Φαραὼ βασιλέα Αἰγύπτου ἐλθόντα πόλεμον ἐγεῖραι ἐν Χαρκαμὺσ ἐπὶ τοῦ Εὐφράτου, καὶ ἐξῆλθεν εἰσ ἀπάντησιν αὐτῷ Ἰωσίασ. καὶ διεπέμψατο πρὸσ αὐτὸν βασιλεὺσ Αἰγύπτου λέγων. τί ἐμοὶ καὶ σοί ἐστι, βασιλεῦ τῆσ Ἰουδαίασ̣ οὐχὶ πρόσ σε ἐξαπέσταλμαι ὑπὸ Κυρίου τοῦ Θεοῦ. ἐπὶ γὰρ τοῦ Εὐφράτου ὁ πόλεμόσ μου ἐστί. καὶ νῦν Κύριοσ μετ̓ ἐμοῦ ἐστι, καὶ Κύριοσ μετ̓ ἐμοῦ ἐπισπεύδων ἐστίν. ἀπόστηθι καὶ μὴ ἐναντιοῦ τῷ Κυρίῳ. καὶ οὐκ ἀπέστρεψεν ἑαυτὸν Ἰωσίασ ἐπὶ τὸ ἅρμα αὐτοῦ, ἀλλὰ πολεμεῖν αὐτὸν ἐπεχείρει, οὐ προσέχων ρήμασιν Ἱερεμίου προφήτου ἐκ στόματοσ Κυρίου. ἀλλὰ συνεστήσατο πρὸσ αὐτὸν πόλεμον ἐν τῷ πεδίῳ Μαγεδδώ, καὶ κατέβησαν οἱ ἄρχοντεσ πρὸσ τὸν βασιλέα Ἰωσίαν. καὶ εἶπεν ὁ βασιλεὺσ τοῖσ παισὶν ἑαυτοῦ. ἀποστήσατέ με ἀπὸ τῆσ μάχησ, ἠσθένησα γὰρ λίαν. καὶ εὐθέωσ ἀπέστησαν αὐτὸν οἱ παῖδεσ αὐτοῦ ἀπὸ τῆσ παρατάξεωσ, καὶ ἀνέβη ἐπὶ τὸ ἅρμα τὸ δευτέριον αὐτοῦ. καὶ ἀποκατασταθεὶσ εἰσ Ἱερουσαλήμ, μετήλλαξε τὸν βίον αὐτοῦ καὶ ἐτάφη ἐν τῷ πατρικῷ τάφῳ. καὶ ἐν ὅλῃ τῇ Ἰουδαίᾳ ἐπένθησαν τὸν Ἰωσίαν, καὶ ἐθρήνησεν Ἱερεμίασ ὁ προφήτησ ὑπὲρ Ἰωσίου, καὶ οἱ προκαθήμενοι σὺν γυναιξὶν ἐθρηνοῦσαν αὐτὸν ἕωσ τῆσ ἡμέρασ ταύτησ. καὶ ἐξεδόθη τοῦτο γίνεσθαι ἀεὶ εἰσ ἅπαν τὸ γένοσ Ἰσραήλ. ταῦτα δὲ ἀναγέγραπται ἐν τῇ βίβλῳ τῶν ἱστορουμένων περὶ τῶν βασιλέων τῆσ Ἰουδαίασ. καὶ τὸ καθ̓ ἓν πραχθὲν τῆσ πράξεωσ Ἰωσίου καὶ τῆσ δόξησ αὐτοῦ καὶ τῆσ συνέσεωσ αὐτοῦ ἐν τῷ νόμῳ Κυρίου, τά τε προπραχθέντα ὑπ̓ αὐτοῦ καὶ τὰ νῦν, ἱστόρηται ἐν τῷ βιβλίῳ τῶν βασιλέων Ἰσραὴλ καὶ Ἰούδα. Καὶ ἀναλαβόντεσ οἱ ἐκ τοῦ ἔθνουσ τὸν Ἰεχονίαν υἱὸν Ἰωσίου ἀνέδειξαν βασιλέα ἀντὶ Ἰωσίου τοῦ πατρὸσ αὐτοῦ ὄντα ἐτῶν εἴκοσι τριῶν. καὶ ἐβασίλευσεν ἐν Ἰσραὴλ καὶ Ἱερουσαλὴμ μῆνασ τρεῖσ. καὶ ἀπέστησεν αὐτὸν βασιλεὺσ Αἰγύπτου τοῦ μὴ βασιλεύειν ἐν Ἱερουσαλὴμ καὶ ἐζημίωσε τὸ ἔθνοσ ἀργυρίου ταλάντοισ ἑκατὸν καὶ χρυσίου ταλάντῳ ἑνί. καὶ ἀνέδειξε βασιλεὺσ Αἰγύπτου βασιλέα Ἰωακὶμ τὸν ἀδελφὸν αὐτοῦ βασιλέα τῆσ Ἰουδαίασ καὶ Ἱερουσαλήμ. καὶ ἔδησεν Ἰωακὶμ τοὺσ μεγιστᾶνασ, Ζαράκην δὲ τὸν ἀδελφὸν αὐτοῦ συλλαβὼν ἀνήγαγεν ἐξ Αἰγύπτου. Ἐτῶν δὲ ἦν εἰκοσιπέντε Ἰωακίμ, ὅτε ἐβασίλευσε τῆσ Ἰουδαίασ καὶ Ἱερουσαλήμ, καὶ ἐποίησε τὸ πονηρὸν ἐνώπιον Κυρίου. μετ̓ αὐτὸν δὲ ἀνέβη Ναβουχοδονόσορ ὁ βασιλεὺσ Βαβυλῶνοσ καὶ δήσασ αὐτὸν ἐν χαλκείῳ δεσμῷ καὶ ἀπήγαγεν εἰσ Βαβυλῶνα. καὶ ἀπὸ τῶν ἱερῶν σκευῶν τοῦ Κυρίου λαβὼν Ναβουχοδονόσορ καὶ ἀπενέγκασ ἀπηρείσατο ἐν τῷ ναῷ αὐτοῦ ἐν Βαβυλῶνι. τὰ δὲ ἱστορηθέντα περὶ αὐτοῦ καὶ τῆσ ἀκαθαρσίασ αὐτοῦ καὶ δυσσεβείασ ἀναγέγραπται ἐν τῇ βίβλῳ τῶν χρόνων τῶν βασιλέων. Καὶ ἐβασίλευσεν ἀντ̓ αὐτοῦ Ἰωακὶμ ὁ υἱὸσ αὐτοῦ. ὅτε γὰρ ἀνεδείχθη, ἦν ἐτῶν ὀκτώ. βασιλεύει δὲ μῆνασ τρεῖσ καὶ ἡμέρασ δέκα ἐν Ἱερουσαλὴμ καὶ ἐποίησε τὸ πονηρὸν ἔναντι Κυρίου. Καὶ μετ̓ ἐνιαυτὸν ἀποστείλασ Ναβουχοδονόσορ μετήγαγεν αὐτὸν εἰσ Βαβυλῶνα ἅμα τοῖσ ἱεροῖσ σκεύεσι τοῦ Κυρίου καὶ ἀνέδειξε Σεδεκίαν βασιλέα τῆσ Ἰουδαίασ καὶ Ἱερουσαλὴμ ὄντα ἐτῶν εἴκοσιν ἑνόσ, βασιλεύει δὲ ἔτη ἕνδεκα, καὶ ἐποίησε τὸ πονηρὸν ἐνώπιον Κυρίου καὶ οὐκ ἐνετράπη ἀπὸ τῶν ρηθέντων λόγων ὑπὸ Ἱερεμίου τοῦ προφήτου ἐκ στόματοσ τοῦ Κυρίου. καὶ ὁρκισθεὶσ ἀπὸ τοῦ βασιλέωσ Ναβουχοδονόσορ τῷ ὀνόματι Κυρίου, ἐπιορκήσασ ἀπέστη. καὶ σκληρύνασ αὐτοῦ τὸν τράχηλον καὶ τὴν καρδίαν αὐτοῦ παρέβη τὰ νόμιμα Κυρίου Θεοῦ Ἰσραήλ. καὶ οἱ ἡγούμενοι δὲ τοῦ λαοῦ καὶ τῶν ἱερέων πολλὰ ἠσέβησαν καὶ ὑπὲρ πάσασ τὰσ ἀκαθαρσίασ πάντων τῶν ἐθνῶν καὶ ἐμίαναν τὸ ἱερὸν τοῦ Κυρίου τὸ ἁγιαζόμενον ἐν Ἱερουσαλήμ. καὶ ἀπέστειλεν ὁ Θεὸσ τῶν πατέρων αὐτῶν διὰ τοῦ ἀγγέλου αὐτοῦ μετακαλέσαι αὐτούσ, καθότι ἐφείδετο αὐτῶν καὶ τοῦ σκηνώματοσ αὐτοῦ. αὐτοὶ δὲ ἐμυκτήρισαν ἐν τοῖσ ἀγγέλοισ αὐτοῦ καὶ ᾗ ἡμέρᾳ ἐλάλησε Κύριοσ ἦσαν ἐκπαίζοντεσ τοὺσ προφήτασ αὐτοῦ, ἕωσ οὗ θυμωθέντα αὐτὸν ἐπὶ τῷ ἔθνει αὐτοῦ διὰ τὰ δυσσεβήματα προστάξαι ἀναβιβάσαι ἐπ̓ αὐτοὺσ τοὺσ βασιλεῖσ τῶν Χαλδαίων. οὗτοι ἀπέκτειναν τοὺσ νεανίσκουσ αὐτῶν ἐν ρομφαίᾳ περικύκλῳ τοῦ ἁγίου αὐτῶν ἱεροῦ καὶ οὐκ ἐφείσαντο νεανίσκου καὶ παρθένου καὶ πρεσβύτου καὶ νεωτέρου, ἀλλὰ πάντασ παρέδωκαν εἰσ τὰσ χεῖρασ αὐτῶν. καὶ πάντα τὰ ἱερὰ σκεύη τοῦ Κυρίου τὰ μεγάλα καὶ τὰ μικρὰ καὶ τὰσ κιβωτοὺσ τοῦ Κυρίου καὶ τὰσ βασιλικὰσ ἀποθήκασ ἀναλαβόντεσ ἀπήνεγκαν εἰσ Βαβυλῶνα. καὶ ἐνεπύρισαν τὸν οἶκον τοῦ Κυρίου καί ἔλυσαν τὰ τείχη Ἱερουσαλὴμ καὶ τοὺσ πύργουσ αὐτῆσ ἐνεπύρισαν ἐν πυρὶ καὶ συνετέλεσαν πάντα τὰ ἔνδοξα αὐτῆσ ἀχρειῶσαι, καὶ τοὺσ ἐπιλοίπουσ ἀπήγαγε μετὰ ρομφαίασ εἰσ Βαβυλῶνα. καὶ ἦσαν παῖδεσ αὐτῷ καὶ τοῖσ υἱοῖσ αὐτοῦ μέχρι τοῦ βασιλεῦσαι Πέρσασ εἰσ ἀναπλήρωσιν ρήματοσ τοῦ Κυρίου ἐν στόματι Ἱερεμίου. ἕωσ τοῦ εὐδοκῆσαι τὴν γῆν τὰ σάββατα αὐτῆσ, πάντα τὸν χρόνον τῆσ ἐρημώσεωσ αὐτῆσ, σαββατιεῖ εἰσ συμπλήρωσιν ἐτῶν ἑβδομήκοντα. ΒΑΣΙΛΕΥΟΝΤΟΣ Κύρου Περσῶν ἔτουσ πρώτου εἰσ συντέλειαν ρήματοσ Κυρίου ἐν στόματι Ἱερεμίου,

ἤγειρε Κύριοσ τὸ πνεῦμα Κύρου βασιλέωσΠερσῶν, καὶ ἐκήρυξεν ἐν ὅλῃ τῇ βασιλείᾳ αὐτοῦ καὶ ἅμα διά γραπτῶν λέγων. τάδε λέγει ὁ βασιλεὺσ Περσῶν Κῦροσ. ἐμὲ ἀνέδειξε βασιλέα τῆσ οἰκουμένησ ὁ Κύριοσ τοῦ Ἰσραήλ, Κύριοσ ὁ Ὕψιστοσ. καὶ ἐσήμηνέ μοι οἰκοδομῆσαι αὐτῷ οἶκον ἐν Ἱερουσαλήμ, τῇ ἐν τῇ Ἰουδαίᾳ. εἴ τισ ἐστὶν οὖν ὑμῶν ἐκ τοῦ ἔθνουσ αὐτοῦ, ἔστω ὁ Κύριοσ αὐτοῦ μετ̓ αὐτοῦ, καὶ ἀναβὰσ εἰσ τὴν Ἱερουσαλὴμ τὴν ἐν τῇ Ἰουδαίᾳ οἰκοδομείτω τὸν οἶκον τοῦ Κυρίου τοῦ Ἰσραήλ . ὅσοι οὖν κατὰ τοὺσ τόπουσ οἰκοῦσι, βοηθείτωσαν αὐτῷ οἱ ἐν τῷ τόπῳ αὐτοῦ ἐν χρυσίῳ καὶ ἐν ἀργυρίῳ, ἐν δόσεσι μεθ̓ ἵππων καὶ κτηνῶν σὺν τοῖσ ἄλλοισ τοῖσ κατ̓ εὐχὰσ προστεθειμένοισ εἰσ τὸ ἱερὸν τοῦ Κυρίου τὸ ἐν Ἱερουσαλήμ. καὶ καταστήσαντεσ οἱ ἀρχίφυλοι τῶν πατριῶν τῆσ Ἰούδα καὶ Βενιαμὶν φυλῆσ καὶ οἱ ἱερεῖσ καὶ οἱ Λευῖται καὶ πάντων, ὧν ἤγειρε Κύριοσ τὸ πνεῦμα ἀναβῆναι οἰκοδομῆσαι οἶκον τῷ Κυρίῳ τὸ ἐν Ἱερουσαλήμ, καὶ οἱ περικύκλῳ αὐτῶν ἐβοήθησαν ἐν πᾶσιν ἐν ἀργυρίῳ καὶ χρυσίῳ, ἵπποισ, κτήνεσι καὶ εὐχαῖσ ὡσ πλείσταισ πολλῶν, ὧν ὁ νοῦσ ἠγέρθη. καὶ ὁ βασιλεὺσ Κῦροσ ἐξήνεγκε τὰ ἱερὰ σκεύη τοῦ Κυρίου, ἃ μετήνεγκε Ναβουχοδονόσορ ἐξ Ἱερουσαλήμ, καὶ ἀπηρείσατο αὐτὰ ἐν τῷ εἰδωλείῳ αὐτοῦ. ἐξενέγκασ δὲ αὐτὰ Κῦροσ ὁ βασιλεὺσ Περσῶν παρέδωκεν αὐτὰ Μιθραδάτῃ τῷ ἑαυτοῦ γαζοφύλακι. διά δὲ τούτου παρεδόθησαν Σαμανασσάρῳ προστάτῃ τῆσ Ἰουδαίασ. ὁ δὲ τούτων ἀριθμὸσ ἦν. σπονδεῖα χρυσᾶ χίλια, σπονδεῖα ἀργυρᾶ χίλια, θυί̈σκαι ἀργυραῖ εἰκοσιεννέα, φιάλαι χρυσαῖ τριάκοντα, ἀργυραῖ δισχίλιαι τετρακόσιαι δέκα καὶ ἄλλα σκεύη χίλια. τὰ δὲ πάντα σκεύη διεκομίσθη, χρυσᾶ καὶ ἀργυρᾶ, πεντακισχίλια τετρακόσια ἑξηκονταεννέα. ἀνηνέχθη δὲ ὑπὸ Σαμανασσάρου ἅμα τοῖσ ἐκ τῆσ αἰχμαλωσίασ ἐκ Βαβυλῶνοσ εἰσ Ἱερουσαλήμ. Ἐν δὲ τοῖσ ἐπὶ Ἀρταξέρξου τῶν Περσῶν βασιλέωσ χρόνοισ κατέγραψαν αὐτῷ κατὰ τῶν κατοικούντων ἐν τῇ Ἰουδαίᾳ καὶ Ἱερουσαλὴμ Βήλεμοσ καὶ Μιθραδάτησ καὶ Ταβέλλιοσ καὶ Ράθυμοσ καὶ Βεέλτεθμοσ καὶ Σαμέλλιοσ ὁ γραμματεὺσ καὶ οἱ λοιποὶ οἱ τούτοισ συντασσόμενοι, οἰκοῦντεσ δὲ ἐν Σαμαρείᾳ καὶ τοῖσ ἄλλοισ τόποισ, τὴν ὑπογεγραμμένην ἐπιστολήν. «Βασιλεῖ Ἀρταξέρξῃ κυρίῳ οἱ παῖδέσ σου Ράθυμοσ ὁ τὰ προσπίπτοντα καὶ Σαμέλλιοσ ὁ γραμματεὺσ καὶ ἐπίλοιποι τῆσ βουλῆσ αὐτῶν καὶ κριταὶ οἱ ἐν Κοίλῃ Συρίᾳ καὶ Φοινίκῃ. καὶ νῦν γνωστὸν ἔστω τῷ κυρίῳ βασιλεῖ, ὅτι οἱ Ἰουδαῖοι ἀναβάντεσ παῤ ὑμῶν πρὸσ ἡμᾶσ ἐλθόντεσ εἰσ Ἱερουσαλήμ, τὴν πόλιν τὴν ἀποστάτιν καὶ πονηρὰν οἰκοδομοῦσι, τάσ τε ἀγορὰσ αὐτῆσ καὶ τὰ τείχη θεραπεύουσι καὶ ναὸν ὑποβάλλονται. ἐὰν οὖν ἡ πόλισ αὕτη οἰκοδομηθῇ καὶ τὰ τείχη συντελεσθῇ, φορολογίαν οὐ μὴ ὑπομείνωσι δοῦναι, ἀλλὰ καὶ βασιλεῦσιν ἀντιστήσονται. καὶ ἐπεὶ ἐνεργεῖται τὰ κατὰ τὸν ναόν, καλῶσ ἔχειν ὑπολαμβάνομεν μὴ ὑπεριδεῖν τὸ τοιοῦτον, ἀλλὰ προσφωνῆσαι τῷ κυρίῳ βασιλεῖ, ὅπωσ, ἂν φαίνηταί σοι, ἐπισκεφθῇ ἐν τοῖσ ἀπὸ τῶν πατέρων σου βιβλίοισ. καὶ εὑρήσεισ ἐν τοῖσ ὑπομνηματισμοῖσ γεγραμμένα περὶ τούτων καὶ γνώσῃ ὅτι ἡ πόλισ ἐκείνη ἦν ἀποστάτισ καὶ βασιλεῖσ καὶ πόλεισ ἐνοχλοῦσα καὶ οἱ Ἰουδαῖοι ἀποστάται καὶ πολιορκίασ συνιστάμενοι ἐν αὐτῇ ἔτι ἐξ αἰῶνοσ, δἰ ἣν αἰτίαν καὶ ἡ πόλισ αὕτη ἠρημώθη. νῦν οὖν ὑποδεικνύομέν σοι, κύριε βασιλεῦ, ὅτι ἐὰν ἡ πόλισ αὕτη οἰκοδομηθῇ καὶ τὰ ταύτησ τείχη ἀνασταθῇ, κάθοδοσ οὐκ ἔτι σοι ἔσται εἰσ Κοίλην Συρίαν καὶ Φοινίκην». τότε ἀντέγραψεν ὁ βασιλεὺσ Ραθύμῳ τῷ γράφοντι τὰ προσπίπτοντα καὶ Βεελτέθμῳ καὶ Σαμελλίῳ γραμματεῖ καὶ τοῖσ λοιποῖσ τοῖσ συντασσομένοισ καὶ οἰκοῦσιν ἐν τῇ Σαμαρείᾳ καὶ Συρίᾳ καὶ Φοινίκῃ τὰ ὑπογεγραμμένα. «̓Ανέγνων τὴν ἐπιστολήν, ἣν πεπόμφατε πρόσ με. ἐπέταξα οὖν ἐπισκέψασθαι, καὶ εὑρέθη ὅτι ἡ πόλισ ἐκείνη ἐστὶν ἐξ αἰῶνοσ βασιλεῦσιν ἀντιπαρατάσσουσα καὶ οἱ ἄνθρωποι ἀποστάσεισ καὶ πολέμουσ ἐν αὐτῇ συντελοῦντεσ καὶ βασιλεῖσ ἰσχυροὶ καὶ σκληροὶ ἦσαν ἐν Ἱερουσαλὴμ κυριεύοντεσ καὶ φορολογοῦντεσ Κοίλην Συρίαν καὶ Φοινίκην. νῦν οὖν ἐπέταξα ἀποκωλῦσαι τοὺσ ἀνθρώπουσ ἐκείνουσ τοῦ οἰκοδομῆσαι τὴν πόλιν καὶ προνοηθῆναι ὅπωσ μηδὲν παρὰ ταῦτα γένηται καὶ μὴ προβῇ ἐπὶ πλεῖον τὰ τῆσ κακίασ εἰσ τὸ βασιλεῖσ ἐνοχλῆσαι». τότε ἀναγνωσθέντων τῶν παρὰ τοῦ βασιλέωσ Ἀρταξέρξου γραφέντων, Ράθυμοσ καὶ Σαμέλλιοσ ὁ γραμματεὺσ καὶ οἱ τούτοισ συντασσόμενοι ἀναζεύξαντεσ εἰσ Ἱερουσαλὴμ κατὰ σπουδὴν μεθ̓ ἵππου καὶ ὄχλου παρατάξεωσ, ἤρξαντο κωλύειν τοὺσ οἰκοδομοῦντασ. καὶ ἤργει ἡ οἰκοδομὴ τοῦ ἱεροῦ τοῦ ἐν Ἱερουσαλὴμ μέχρι τοῦ δευτέρου ἔτουσ τῆσ βασιλείασ Δαρείου τοῦ Περσῶν βασιλέωσ. ΚΑΙ βασιλεὺσ Δαρεῖοσ ἐποίησε δοχὴν μεγάλην πᾶσι τοῖσ ὑπ̓ αὐτὸν καὶ πᾶσι τοῖσ οἰκογενέσιν αὐτοῦ καὶ πᾶσι τοῖσ μεγιστᾶσι τῆσ Μηδίασ καὶ τῆσ Περσίδος

καὶ πᾶσι τοῖσ σατράπαισ καὶ στρατηγοῖσ καὶ τοπάρχαισ τοῖσ ὑπ̓ αὐτόν, ἀπὸ τῆσ Ἰνδικῆσ μέχρισ Αἰθιοπίασ ἐν ταῖσ ἑκατὸν εἰκοσιεπτὰ σατραπείαισ. καὶ ἐφάγοσαν καὶ ἐπίοσαν καὶ ἐμπλησθέντεσ ἀνέλυσαν. ὁ δὲ Δαρεῖοσ ὁ βασιλεὺσ ἀνέλυσεν εἰσ τὸν κοιτῶνα ἑαυτοῦ καὶ ἐκοιμήθη καὶ ἔξυπνοσ ἐγένετο. τότε οἱ τρεῖσ νεανίσκοι οἱ σωματοφύλακεσ οἱ φυλάσσοντεσ τὸ σῶμα τοῦ βασιλέωσ εἶπαν ἕτεροσ πρὸσ τὸν ἕτερον. εἴπωμεν ἕκαστοσ ἡμῶν ἕνα λόγον, ὃσ ὑπερισχύσει. καὶ οὗ ἐὰν φανῇ τὸ ρῆμα αὐτοῦ σοφώτερον τοῦ ἑτέρου, δώσει αὐτῷ Δαρεῖοσ ὁ βασιλεὺσ δωρεὰσ μεγάλασ καὶ ἐπινίκια μεγάλα καὶ πορφύραν περιβαλέσθαι καὶ ἐν χρυσώμασι πίνειν καὶ ἐπὶ χρυσῷ καθεύδεν καὶ ἅρμα χρυσοχάλινον καὶ κίδαριν βυσσίνην καὶ μανιάκην περὶ τὸν τράχηλον, καὶ δεύτεροσ καθιεῖται Δαρείου διὰ τὴν σοφίαν αὐτοῦ καὶ συγγενὴσ Δαρείου κληθήσεται. καὶ τότε γράψαντεσ ἕκαστοσ τὸν ἑαυτοῦ λόγον ἐσφραγίσαντο καὶ ἔθηκαν ὑπὸ τὸ προσκεφάλαιον Δαρείου τοῦ βασιλέωσ καὶ εἶπαν. ὅταν ἐγερθῇ ὁ βασιλεύσ, δώσουσιν αὐτῷ τὸ γράμμα, καὶ ὃν ἂν κρίνῃ ὁ βασιλεὺσ καὶ οἱ τρεῖσ μεγιστᾶνεσ τῆσ Περσίδοσ ὅτι οὗ ὁ λόγοσ αὐτοῦ σοφώτεροσ, αὐτῷ δοθήσεται τὸ νῖκοσ καθὼσ γέγραπται. ὁ εἷσ ἔγραψεν, ὑπερισχύει ὁ οἶνοσ. ὁ ἕτεροσ ἔγραψεν, ὑπερισχύει ὁ βασιλεύσ. ὁ τρίτοσ ἔγραψεν, ὑπερισχύουσιν αἱ γυναῖκεσ, ὑπὲρ δὲ πάντα νικᾷ ἡ ἀλήθεια. καὶ ὅτε ἐξηγέρθη ὁ βασιλεύσ, λαβόντεσ τὸ γράμμα ἔδωκαν αὐτῷ, καὶ ἀνέγνω. καὶ ἐξαποστείλασ ἐκάλεσε πάντασ τοὺσ μεγιστᾶνασ τῆσ Περσίδοσ καὶ τῆσ Μηδείασ καὶ τοὺσ σατράπασ καὶ στρατηγοὺσ καὶ τοπάρχασ καὶ ὑπάτουσ καὶ ἐκάθισεν ἐν τῷ χρηματιστηρίῳ, καὶ ἀνεγνώσθη τὸ γράμμα ἐνώπιον αὐτῶν. καὶ εἶπε. καλέσατε τοὺσ νεανίσκουσ, καὶ αὐτοὶ δηλώσουσι τοὺσ λόγουσ ἑαυτῶν. καὶ ἐκλήθησαν καὶ εἰσήλθοσαν. καὶ εἶπαν αὐτοῖσ. ἀπαγγείλατε ἡμῖν περὶ τῶν γεγραμμένων. Καὶ ἤρξατο ὁ πρῶτοσ ὁ εἴπασ περὶ τῆσ ἰσχύοσ τοῦ οἴνου καὶ ἔφη οὕτωσ. ἄνδρεσ, πῶσ ὑπερισχύει ὁ οἶνοσ̣ πάντασ τοὺσ ἀνθρώπουσ τοὺσ πιόντασ αὐτὸν πλανᾷ τὴν διάνοιαν. τοῦ τε βασιλέωσ καὶ τοῦ ὀρφανοῦ ποιεῖ τὴν διάνοιαν μίαν, τήν τε τοῦ οἰκέτου καὶ τὴν τοῦ ἐλευθέρου, τήν τε τοῦ πένητοσ καὶ τὴν τοῦ πλουσίου. καὶ πᾶσαν διάνοιαν μεταστρέφει εἰσ εὐωχίαν καὶ εὐφροσύνην καὶ οὐ μέμνηται πᾶσαν λύπην καὶ πᾶν ὀφείλημα. καὶ πάσασ καρδίασ ποιεῖ πλουσίασ καὶ οὐ μέμνηται βασιλέα οὐδὲ σατράπην καὶ πάντα διὰ ταλάντων ποιεῖ λαλεῖν. καὶ οὐ μέμνηται, ὅταν πίνωσι, φιλιάζειν φίλοισ καὶ ἀδελφοῖσ, καὶ μετ̓ οὐ πολὺ σπῶνται τὰσ μαχαίρασ. καὶ ὅταν ἀπὸ τοῦ οἴνου ἐγερθῶσιν, οὐ μέμνηνται ἃ ἔπραξαν. ὦ ἄνδρεσ, οὐχ ὑπερισχύει ὁ οἶνοσ, ὅτι οὕτωσ ἀναγκάζει ποιεῖν̣ καὶ ἐσίγησεν οὕτωσ εἴπασ. ΚΑΙ ἤρξατο ὁ δεύτεροσ λαλεῖν, ὁ εἴπασ περὶ τῆσ ἰσχύοσ τοῦ βασιλέωσ.

ὦ ἄνδρεσ, οὐχ ὑπερισχύουσιν οἱ ἄνθρωποι, τὴν γῆν καὶ τὴν θάλασσαν κατακρατοῦντεσ καὶ πάντα τὰ ἐν αὐτοῖσ̣ ὁ δὲ βασιλεὺσ ὑπερισχύει καὶ κυριεύει αὐτῶν καὶ δεσπόζει αὐτῶν, καὶ πᾶν ὃ ἐὰν εἴπῃ αὐτοῖσ, ἐνακούουσιν. ἐὰν εἴπῃ αὐτοῖσ ποιῆσαι πόλεμον ἕτεροσ πρὸσ τὸν ἕτερον, ποιοῦσιν. ἐὰν δὲ ἐξαποστείλῃ αὐτοὺσ πρὸσ τοὺσ πολεμίουσ, βαδίζουσι καὶ κατεργάζονται τὰ ὄρη καὶ τὰ τείχη καὶ τοὺσ πύργουσ, φονεύουσι καὶ φονεύονται, καὶ τὸν λόγον τοῦ βασιλέωσ οὐ παραβαίνουσιν. ἐὰν δὲ νικήσωσι, τῷ βασιλεῖ κομίζουσι πάντα, καὶ ὅσα ἐὰν προνομεύσωσι καὶ τὰ ἄλλα πάντα. καὶ ὅσοι οὐ στρατεύονται οὐδὲ πολεμοῦσιν, ἀλλὰ γεωργοῦσι τὴν γῆν, πάλιν ὅταν σπείρωσι, θερίσαντεσ ἀναφέρουσι τῷ βασιλεῖ. καὶ ἕτεροσ τὸν ἕτερον ἀναγκάζοντεσ ἀναφέρουσι τοὺσ φόρουσ τῷ βασιλεῖ. καὶ αὐτὸσ εἷσ μόνοσ ἐστίν. ἐὰν εἴπῃ ἀποκτεῖναι, ἀποκτέννουσιν. ἐὰν εἴπῃ ἀφεῖναι, ἀφιοῦσιν. εἶπε πατάξαι, τύπτουσιν. εἶπεν ἐρημῶσαι, ἐρημοῦσιν. εἶπεν οἰκοδομῆσαι, οἰκοδομοῦσιν. εἶπεν ἐκκόψαι, ἐκκόπτουσιν. εἶπε φυτεῦσαι, φυτεύουσι. καὶ πᾶσ ὁ λαὸσ αὐτοῦ καὶ αἱ δυνάμεισ αὐτοῦ ἐνακούουσι. πρὸσ δὲ τούτοισ, αὐτὸσ ἀνάκειται, ἐσθίει καὶ πίνει καὶ καθεύδει, αὐτοὶ δὲ τηροῦσι κύκλῳ περὶ αὐτὸν καὶ οὐ δύνανται ἕκαστοσ ἀπελθεῖν καὶ ποιεῖν τὰ ἔργα αὐτοῦ, οὐδὲ παρακούουσιν αὐτοῦ. ὦ ἄνδρεσ, πῶσ οὐχ ὑπερισχύει ὁ βασιλεύσ, ὅτι οὕτωσ ἐπάκουστόσ ἐστι̣ καὶ ἐσίγησεν. Ὁ δὲ τρίτοσ ὁ εἴπασ περὶ τῶν γυναικῶν καὶ τῆσ ἀληθείασ ‐οὗτόσ ἐστι Ζοροβάβελ‐ ἤρξατο λαλεῖν. ἄνδρεσ, οὐ μέγασ ὁ βασιλεὺσ καὶ πολλοὶ οἱ ἄνθρωποι καὶ ὁ οἶνοσ ἰσχύει̣ τίσ οὖν ὁ δεσπόζων αὐτῶν ἢ τίσ ὁ κυριεύων αὐτῶν̣ οὐχ αἱ γυναῖκεσ̣ αἱ γυναῖκεσ ἐγέννησαν τὸν βασιλέα καὶ πάντα τὸν λαόν, ὃσ κυριεύει τῆσ θαλάσσησ καὶ τῆσ γῆσ. καὶ ἐξ αὐτῶν ἐγένοντο, καὶ αὗται ἐξέθρεψαν αὐτοὺσ τοὺσ φυτεύσαντασ τοὺσ ἀμπελῶνασ, ἐξ ὧν ὁ οἶνοσ γίνεται. καὶ αὗται ποιοῦσι τὰσ στολὰσ τῶν ἀνθρώπων, καὶ αὗται ποιοῦσι δόξαν τοῖσ ἀνθρώποισ, καὶ οὐ δύνανται οἱ ἄνθρωποι χωρὶσ τῶν γυναικῶν εἶναι. ἐὰν δὲ συναγάγωσι χρυσίον καὶ ἀργύριον καὶ πᾶν πρᾶγμα ὡραῖον καὶ ἴδωσι γυναῖκα μίαν καλὴν τῷ εἴδει καὶ τῷ κάλλει, ταῦτα πάντα ἀφέντεσ, εἰσ αὐτὴν ἐκκέχηναν καὶ χάσκοντεσ τὸ στόμα θεωροῦσιν αὐτήν, καὶ πάντεσ αὐτὴν αἱρετίζουσι μᾶλλον ἢ τὸ χρυσίον καὶ τὸ ἀργύριον καὶ πᾶν πρᾶγμα ὡραῖον. ἄνθρωποσ τὸν ἑαυτοῦ πατέρα ἐγκαταλείπει, ὃσ ἐξέθρεψεν αὐτόν, καὶ τὴν ἰδίαν χώραν καὶ πρὸσ τὴν ἰδίαν γυναῖκα κολλᾶται καὶ μετὰ τῆσ γυναικὸσ ἀφίησι τὴν ψυχὴν καὶ οὔτε τὸν πατέρα μέμνηται οὔτε τὴν μητέρα οὔτε τὴν χώραν. καὶ ἐντεῦθεν δεῖ ὑμᾶσ γνῶναι ὅτι αἱ γυναῖκεσ κυριεύουσιν ὑμῶν. οὐχὶ πονεῖτε καὶ μοχθεῖτε, καὶ πάντα ταῖσ γυναιξὶ δίδοτε καὶ φέρετε̣ καὶ λαμβάνει ὁ ἄνθρωποσ τὴν ρομφαίαν αὐτοῦ καὶ ἐκπορεύεται ἐξοδεύειν καὶ λῃστεύειν καὶ κλέπτειν καὶ εἰσ τὴν θάλασσαν πλεῖν καὶ ποταμούσ. καὶ τὸν λέοντα θεωρεῖ καὶ ἐν σκότει βαδίζει, καὶ ὅταν κλέψῃ καὶ ἁρπάσῃ καὶ λωποδυτήσῃ, τῇ ἐρωμένῃ ἀποφέρει. καὶ πλεῖον ἀγαπᾷ ἄνθρωποσ τὴν ἰδίαν γυναῖκα μᾶλλον ἢ τὸν πατέρα καὶ τὴν μητέρα. καὶ πολλοὶ ἀπενοήθησαν. ταῖσ ἰδίαισ διανοίαισ διὰ τὰσ γυναῖκασ καὶ δοῦλοι ἐγένοντο δἰ αὐτάσ, καὶ πολλοὶ ἀπώλοντο καὶ ἐσφάλησαν καὶ ἡμάρτοσαν διὰ τὰσ γυναῖκασ. καὶ νῦν οὐ πιστεύετέ μοι̣ οὐχὶ μέγασ ὁ βασιλεὺσ τῇ ἐξουσίᾳ αὐτοῦ̣ οὐχὶ πᾶσαι αἱ χῶραι εὐλαβοῦνται ἅψασθαι αὐτοῦ̣ ἐθεώρουν αὐτὸν καὶ Ἀπάμην τὴν θυγατέρα Βαρτάκου τοῦ θαυμαστοῦ, τὴν παλλακὴν τοῦ βασιλέωσ, καθημένην ἐν δεξιᾷ τοῦ βασιλέως καὶ ἀφαιροῦσαν τὸ διάδημα ἀπὸ τῆσ κεφαλῆσ τοῦ βασιλέωσ καὶ ἐπιτιθοῦσαν ἑαυτῇ καὶ ἐρράπιζε τὸν βασιλέα τῇ ἀριστερᾷ. καὶ πρὸσ τούτοισ ὁ βασιλεὺσ χάσκων τὸ στόμα ἐθεώρει αὐτήν. καὶ ἐὰν προσγελάσῃ αὐτῷ, γελᾷ. ἐὰν δὲ πικρανθῇ ἐπ̓ αὐτόν, κολακεύει αὐτήν, ὅπωσ διαλλαγῇ αὐτῷ. ὦ ἄνδρεσ, πῶσ οὐχὶ ἰσχυραὶ αἱ γυναῖκεσ, ὅτι οὕτωσ πράσσουσι̣ καὶ τότε ὁ βασιλεὺσ καὶ οἱ μεγιστᾶνεσ ἔβλεπον εἷσ τὸν ἕτερον. καὶ ἤρξατο λαλεῖν περὶ τῆσ ἀληθείασ. ἄνδρεσ, οὐχὶ ἰσχυραὶ αἱ γυναῖκεσ̣ μεγάλη ἡ γῆ καὶ ὑψηλὸσ ὁ οὐρανὸσ καὶ ταχὺσ τῷ δρόμῳ ὁ ἥλιοσ, ὅτι στρέφεται ἐν τῷ κύκλῳ τοῦ οὐρανοῦ καὶ πάλιν ἀποτρέχει εἰσ τὸν ἑαυτοῦ τόπον ἐν μιᾷ ἡμέρᾳ. οὐχὶ μέγασ ὃσ ταῦτα ποιεῖ̣ καὶ ἡ ἀλήθεια μεγάλη καὶ ἰσχυροτέρα παρὰ πάντα. πᾶσα ἡ γῆ τὴν ἀλήθειαν καλεῖ, καὶ ὁ οὐρανὸσ αὐτὴν εὐλογεῖ, καὶ πάντα τὰ ἔργα σείεται καὶ τρέμει, καὶ οὐκ ἔστι μετ̓ αὐτῆσ ἄδικον οὐδέν. ἄδικοσ ὁ οἶνοσ, ἄδικοσ ὁ βασιλεύσ, ἄδικοι αἱ γυναῖκεσ, ἄδικοι πάντεσ οἱ υἱοὶ τῶν ἀνθρώπων, καὶ ἄδικα πάντα τὰ ἔργα αὐτῶν τὰ τοιαῦτα. καὶ οὐκ ἔστιν ἐν αὐτοῖσ ἀλήθεια, καὶ ἐν τῇ ἀδικίᾳ αὐτῶν ἀπολοῦνται. ἡ δὲ ἀλήθεια μένει καὶ ἰσχύει εἰσ τὸν αἰῶνα καὶ ζῇ καὶ κρατεῖ εἰσ τὸν αἰῶνα τοῦ αἰῶνοσ. καὶ οὐκ ἔστι παῤ αὐτὴν λαμβάνειν πρόσωπα, οὐδὲ διάφορα, ἀλλὰ τὰ δίκαια ποιεῖ ἀπὸ πάντων τῶν ἀδίκων καὶ πονηρῶν. καὶ πάντεσ εὐδοκοῦσι τοῖσ ἔργοισ αὐτῆσ, καὶ οὐκ ἔστιν ἐν τῇ κρίσει αὐτῆσ οὐδὲν ἄδικον. καὶ αὐτῇ ἡ ἰσχὺσ καὶ τὸ βασίλειον καὶ ἡ ἐξουσία καὶ ἡ μεγαλειότησ τῶν πάντων αἰώνων. εὐλογητὸσ ὁ Θεὸσ τῆσ ἀληθείασ. καὶ ἐσιώπησε τοῦ λαλεῖν. καὶ πᾶσ ὁ λαὸσ τότε ἐφώνησε, καὶ τότε εἶπον. μεγάλη ἡ ἀλήθεια καὶ ὑπερισχύει. Τότε ὁ βασιλεὺσ εἶπεν αὐτῷ. αἴτησαι ὃ θέλεισ πλείω τῶν γεγραμμένων, καὶ δώσομέν σοι ὃν τρόπον εὑρέθησ σοφώτεροσ, καὶ ἐχόμενόσ μου καθήσῃ, καὶ συγγενήσ μου κληθήσῃ. τότε εἶπε τῷ βασιλεῖ. μνήσθητι τὴν εὐχήν, ἣν ηὔξω, οἰκοδομῆσαι τὴν Ἱερουσαλὴμ ἐν τῇ ἡμέρᾳ, ᾗ τὸ βασίλειόν σου παρέλαβεσ, καὶ πάντα τὰ σκεύη τὰ ληφθέντα ἐξ Ἱερουσαλὴμ καὶ ἐκπέμψαι, ἃ ἐχώρισε Κῦροσ, ὅτε ηὔξατο ἐκκόψαι Βαβυλῶνα, καὶ ηὔξατο ἐξαποστεῖλαι ἐκεῖ. καὶ σὺ ηὔξω οἰκοδομῆσαι τὸν ναόν, ὃν ἐνεπύρισαν οἱ Ἰδουμαῖοι, ὅτε ἠρημώθη ἡ Ἰουδαία ὑπὸ τῶν Χαλδαίων. καὶ νῦν τοῦτό ἐστιν, ὅ σε ἀξιῶ, κύριε βασιλεῦ, καὶ ὃ αἰτοῦμαί σε, καὶ αὕτη ἐστὶν ἡ μεγαλωσύνη ἡ παρὰ σοῦ. δέομαι οὖν ἵνα ποιήσῃσ τὴν εὐχήν, ἣν ηὔξω τῷ βασιλεῖ τοῦ οὐρανοῦ ποιῆσαι ἐκ στόματόσ σου. τότε ἀναστὰσ Δαρεῖοσ ὁ βασιλεὺσ κατεφίλησεν αὐτὸν καὶ ἔγραψεν αὐτῷ τὰσ ἐπιστολὰσ πρὸσ πάντασ τοὺσ οἰκονόμουσ καὶ τοπάρχασ καὶ στρατηγοὺσ καὶ σατράπασ, ἵνα προπέμψωσιν αὐτὸν καὶ τοὺσ μετ̓ αὐτοῦ πάντασ ἀναβαίνοντασ οἰκοδομῆσαι τὴν Ἱερουσαλήμ. καὶ πᾶσι τοῖσ τοπάρχαισ ἐν κοίλῃ Συρίᾳ καὶ Φοινίκῃ καὶ τοῖσ ἐν τῷ Λιβάνῳ ἔγραψεν ἐπιστολὰσ μεταφέρειν ξύλα κέδρινα ἀπὸ τοῦ Λιβάνου εἰσ Ἱερουσαλὴμ καὶ ὅπωσ οἰκοδομήσωσι μετ̓ αὐτοῦ τὴν πόλιν. καὶ ἔγραψε πᾶσι τοῖσ Ἰουδαίοισ τοῖσ ἀναβαίνουσιν ἀπὸ τῆσ βασιλείασ εἰσ τὴν Ἰουδαίαν ὑπὲρ τῆσ ἐλευθερίασ, πάντα δυνατὸν καὶ τοπάρχην καὶ σατράπην καὶ οἰκονόμον μὴ ἀπελεύσεσθαι ἐπὶ τὰσ θύρασ αὐτῶν, καὶ πᾶσαν τὴν χώραν, ἣν κρατοῦσιν, ἀφορολόγητον αὐτοῖσ ὑπάρχειν, καὶ ἵνα οἱ Ἰδουμαῖοι ἀφίωσι τὰσ κώμασ, ἃσ διακρατοῦσι τῶν Ἰουδαίων, καὶ εἰσ τὴν οἰκοδομὴν τοῦ ἱεροῦ δοθῆναι κατ̓ ἐνιαυτὸν τάλαντα εἴκοσι μέχρι τοῦ οἰκοδομηθῆναι, καὶ ἐπὶ τὸ θυσιαστήριον ὁλοκαυτώματα καρποῦσθαι καθ̓ ἡμέραν, καθὰ ἔχουσιν ἐντολὴν ἑπτακαίδεκα προσφέρειν, ἄλλα τάλαντα, δέκα κατ̓ ἐνιαυτόν, καὶ πᾶσι τοῖσ προσβαίνουσιν ἀπὸ τῆσ Βαβυλωνίασ κτίσαι τὴν πόλιν, ὑπάρχειν τὴν ἐλευθερίαν, αὐτοῖσ τε καὶ τοῖσ ἐκγόνοισ αὐτῶν, καὶ πᾶσι τοῖσ ἱερεῦσι τοῖσ προσβαίνουσιν. ἔγραψε δὲ καὶ τὴν χορηγίαν καὶ τὴν ἱερατικὴν στολήν, ἐν τίνι λατρεύουσιν ἐν αὐτῇ. καὶ τοῖσ Λευίταισ ἔγραψε δοῦναι τὴν χορηγίαν ἕωσ τῆσ ἡμέρασ, ἧσ ἐπιτελεσθῇ ὁ οἶκοσ καὶ Ἱερουσαλὴμ οἰκοδομηθῆναι, καὶ πᾶσι τοῖσ φρουροῦσι τὴν πόλιν ἔγραψε δοῦναι αὐτοῖσ κλήρουσ καὶ ὀψώνια. καὶ ἐξαπέστειλε πάντα τὰ σκεύη, ἃ ἐχώρισε Κῦροσ ἀπὸ Βαβυλῶνοσ. καὶ πάντα, ὅσα εἶπε Κῦροσ ποιῆσαι, καὶ αὐτὸσ ἐπέταξε ποιῆσαι καὶ ἐξαποστεῖλαι εἰσ Ἱερουσαλήμ. Καὶ ὅτε ἐξῆλθεν ὁ νεανίσκοσ, ἄρασ τὸ πρόσωπον εἰσ τὸν οὐρανὸν ἐναντίον Ἱερουσαλὴμ εὐλόγησε τῷ βασιλεῖ τοῦ οὐρανοῦ λέγων. παρὰ σοῦ νίκη, καὶ παρὰ σοῦ ἡ σοφία, καὶ σὴ ἡ δόξα καὶ ἐγὼ σὸσ οἰκέτησ. εὐλογητὸσ εἶ, ὃσ ἔδωκάσ μοι σοφίαν, καὶ σοὶ ὁμολογῶ, δέσποτα τῶν πατέρων. καὶ ἔλαβε τὰσ ἐπιστολὰσ καὶ ἐξῆλθε καὶ ἦλθεν εἰσ Βαβυλῶνα καὶ ἀπήγγειλε τοῖσ ἀδελφοῖσ αὐτοῦ πᾶσι. καὶ εὐλόγησαν τὸν Θεὸν τῶν πατέρων αὐτῶν, ὅτι ἔδωκεν αὐτοῖσ ἄνεσιν καὶ ἄφεσιν ἀναβῆναι καὶ οἰκοδομῆσαι τὴν Ἱερουσαλὴμ καὶ τὸ ἱερόν, οὗ ὠνομάσθη τὸ ὄνομα αὐτοῦ ἐπ̓ αὐτῷ. καὶ ἐκωθωνίζοντο μετὰ μουσικῶν καὶ χαρᾶσ ἡμέρασ ἑπτά. ΜΕΤΑ δὲ ταῦτα ἐξελέγησαν ἀναβῆναι ἀρχηγοὶ οἴκου πατριῶν κατὰ φυλὰσ αὐτῶν καὶ αἱ γυναῖκεσ αὐτῶν καὶ οἱ υἱοὶ αὐτῶν καὶ αἱ θυγατέρεσ καὶ οἱ παῖδεσ αὐτῶν καὶ αἱ παιδίσκαι καὶ τὰ κτήνη αὐτῶν.

καὶ Δαρεῖοσ συναπέστειλε μετ̓ αὐτῶν ἱππεῖσ χιλίουσ ἕωσ τοῦ ἀποκαταστῆσαι αὐτούσ εἰσ Ἱερουσαλὴμ μετ̓ εἰρήνησ καὶ μετὰ μουσικῶν τυμπάνων καὶ αὐλῶν. καὶ πάντεσ οἱ ἀδελφοὶ αὐτῶν παίζοντεσ, καὶ ἐποίησεν αὐτοῖσ συναναβῆναι μετ̓ ἐκείνων. Καὶ ταῦτα τὰ ὀνόματα τῶν ἀνδρῶν τῶν ἀναβαινόντων κατὰ πατριὰσ αὐτῶν εἰσ τὰσ φυλὰσ ἐπὶ τὴν μεριδαρχίαν αὐτῶν. οἱ ἱερεῖσ υἱοὶ Φινεὲσ υἱοῦ Ἀαρών. Ἰησοῦσ ὁ τοῦ Ἰωσεδὲκ τοῦ Σαραίου καὶ Ἰωακὶμ ὁ τοῦ Ζοροβάβελ τοῦ Σαλαθιὴλ ἐκ τοῦ οἴκου τοῦ Δαυίδ, ἐκ τῆσ γενεᾶσ Φαρέσ, φυλῆσ δὲ Ἰούδα, ὃσ ἐλάλησεν ἐπὶ Δαρείου τοῦ βασιλέωσ Περσῶν λόγουσ σοφοὺσ ἐν τῷ δευτέρῳ ἔτει τῆσ βασιλείασ αὐτοῦ μηνὶ Νισὰν τοῦ πρώτου μηνόσ. εἰσὶ δὲ οὗτοι οἱ ἐκ τῆσ Ἰουδαίασ ἀναβάντεσ ἐκ τῆσ αἰχμαλωσίασ τῆσ παροικίασ, οὓσ μετῴκισε Ναβουχοδονόσορ βασιλεὺσ Βαβυλῶνοσ εἰσ Βαβυλῶνα καὶ ἐπέστρεψεν εἰσ Ἱερουσαλὴμ καὶ τὴν λοιπὴν Ἰουδαίαν ἕκαστοσ εἰσ τὴν ἰδίαν πόλιν, οἱ ἐλθόντεσ μετὰ Ζοροβάβελ καὶ Ἰησοῦ, Νεεμίου, Ζαραίου, Ρησαίου, Ἐνηνέοσ, Μαρδοχαίου, Βεελσάρου, Ἀσφαράσου, Ρεελίου, Ροί̈μου, Βαανά, τῶν προηγουμένων αὐτῶν. ἀριθμὸσ τῶν ἀπὸ τοῦ ἔθνουσ καὶ οἱ προηγούμενοι αὐτῶν. υἱοὶ Φόροσ δύο χιλιάδεσ καὶ ἑκατὸν ἑβδομηκονταδύο. υἱοὶ Σαφὰτ τετρακόσιοι ἑβδομηκονταδύο. υἱοὶ Ἀρὲσ ἑπτακόσιοι πεντηκονταέξ. υἱοὶ Φαὰθ Μωὰβ εἰσ τοὺσ υἱοὺσ Ἰησοῦ καὶ Ἰωὰβ δισχίλιοι ὀκτακόσιοι δεκαδύο. υἱοὶ Ἠλὰμ χίλιοι διακόσιοι πεντηκοντατέσσαρεσ. υἱοὶ Ζαθουί̈ ἐνακόσιοι ἑβδομηκονταπέντε. υἱοὶ Χορβὲ ἑπτακόσιοι πέντε. υἱοὶ Βανὶ ἑξακόσιοι τεσσαρακονταοκτώ. υἱοὶ Βηβαὶ ἑξακόσιοι τριακοντατρεῖσ. υἱοὶ Ἀργαὶ χίλιοι τριακόσιοι εἰκοσιδύο. υἱοὶ Ἀδωνικὰν ἑξακόσιοι τριακονταεπτά. υἱοὶ Βαγοί̈ δισχίλιοι ἑξακόσιοι ἕξ. υἱοὶ Ἀδινοὺ τετρακόσιοι πεντηκοντατέσσαρεσ. υἱοὶ Ἀτὴρ Ἐζεκίου ἐνενηκονταδύο. υἱοὶ Κιλὰν καὶ Ἀζηνὰν ἑξηκονταεπτά. υἱοὶ Ἀζαροὺ τετρακόσιοι τριακονταδύο. υἱοὶ Ἀννὶσ ἑκατὸν εἷσ. υἱοὶ Ἀρὸμ τριακονταδύο. υἱοὶ Βασαὶ τριακόσιοι εἰκοσιτρεῖσ. υἱοὶ Ἀρσιφουρὶθ ἑκατὸν δύο. υἱοὶ Βαιτηροὺσ τρισχίλιοι πέντε. υἱοὶ ἐκ Βαιθλωμῶν ἑκατὸν εἰκοσιτρεῖσ. οἱ ἐκ Νετωφὰσ πεντηκονταπέντε. οἱ ἐξ Ἀναθὼθ ἑκατὸν πεντηκονταοκτώ. οἱ ἐκ Βαιθασμὼν τεσσαρακονταδύο. οἱ ἐκ Καριαθιρὶ εἰκοσιπέντε. οἱ ἐκ Καφείρασ καὶ Βηρὼγ ἑπτακόσιοι τεσσαρακοντατρεῖσ. οἱ Χαδιασαὶ καὶ Ἀμμίδιοι τετρακόσιοι εἰκοσιδύο. οἱ ἐκ Κιραμᾶσ καὶ Γαββῆσ ἑξακόσιοι εἴκοσιν εἷσ. οἱ ἐκ Μακαλὼν ἑκατὸν εἰκοσιδύο. οἱ ἐκ Βετολίω πεντηκονταδύο. υἱοὶ Νιφὶσ ἑκατὸν πεντηκονταέξ. υἱοὶ Καλαμωλάλου καὶ Ὠνοὺσ ἑπτακόσιοι εἰκοσιπέντε. υἱοὶ Ἱερεχοὺ διακόσιοι τεσαρακονταπέντε. υἱοὶ Σανάασ τρισχίλιοι τριακόσιοι εἷσ. οἱ ἱερεῖσ οἱ υἱοὶ Ἰεδδοὺ τοῦ Ἰησοῦ εἰσ τοὺσ υἱοὺσ Σανασὶβ ὀκτακόσιοι ἑβδομήκονταδύο. υἱοὶ Ἐμμηροὺθ διακόσιοι πεντηκονταδύο. υἱοὶ Φασσούρου χίλιοι τεσσαρακονταεπτά. υἱοὶ Χαρμὶ διακόσιοι δεκαεπτά. οἱ Λευῖται οἱ υἱοὶ Ἰησοῦ καὶ Καδμιήλου καὶ Βάννου καὶ Σουδίου ἑβδομηκοντατέσσαρεσ. οἱ ἱεροψάλται υἱοὶ Ἀσὰφ ἑκατὸν εἰκοσιοκτώ. οἱ θυρωροὶ υἱοὶ Σαλούμ, υἱοὶ Ἀτάρ, υἱοὶ Τολμάν, υἱοὶ Δακούβ, υἱοὶ Ἀτητά, υἱοὶ Τωβίσ, πάντεσ ἑκατὸν τριακονταεννέα. οἱ ἱερόδουλοι, υἱοὶ Ἡσαῦ, υἱοὶ Ἀσιφά, υἱοὶ Ταβαώθ, υἱοὶ Κηράσ, υἱοὶ Σουδά, υἱοὶ Φαλαίου, υἱοὶ Λαβανά, υἱοὶ Ἀγραβά, υἱοὶ Ἀκούδ, υἱοὶ Οὐτά, υἱοὶ Κητάβ, υἱοὶ Ἀκκαβά, υἱοὶ Συβαί̈, υἱοὶ Ἀνάν, υἱοὶ Καθουά, υἱοὶ Γεδδούρ, υἱοὶ Ἰαί̈ρου, υἱοὶ Δαισάν, υἱοὶ Νοεβά, υἱοὶ Χασεβά, υἱοὶ Καζηρά, υἱοὶ Ὀζίου, υἱοὶ Φινοέ, υἱοὶ Ἀσαρά, υἱοὶ Βασθαί̈, υἱοὶ Ἀσσανά, υἱοὶ Μανί, υἱοὶ Ναφισί, υἱοὶ Ἀκούφ, υἱοὶ Ἀχιβά, υἱοὶ Ἀσούβ, υἱοὶ Φαρακέμ, υἱοὶ Βασαλέμ, υἱοὶ Μεεδδά, υἱοὶ Κουθά, υἱοὶ Χαρέα, υἱοὶ Βαρχουέ, υἱοὶ Σεράρ, υἱοὶ Θομοί̈, υἱοὶ Νασί, υἱοὶ Ἀτεφά. υἱοὶ παίδων Σαλωμών, υἱοὶ Ἀσσαπφιώθ, υἱοὶ Φαριρά, υἱοὶ Ἰειηλί, υἱοὶ Λοζών, υἱοὶ Ἰσραήλ, υἱοὶ Σαφυί̈, υἱοὶ Ἀγιά, υἱοὶ Φαχαρέθ, υἱοὶ Σαβιή, υἱοὶ Σαρωθί, υἱοὶ Μισαίασ, υἱοὶ Τάσ, υἱοὶ Ἀδδούσ, υἱοὶ Σουβά, υἱοὶ Ἀφερρά, υἱοὶ Βαρωδίσ, υἱοὶ Σαφάγ, υἱοὶ Ἀλλών. πάντεσ οἱ ἱερόδουλοι καὶ οἱ υἱοὶ τῶν παίδων Σαλωμὼν τριακόσιοι ἑβδομηκονταδύο. οὗτοι ἀναβάντεσ ἀπὸ Θερμελὲθ καὶ Θελερσάσ, ἡγούμενοσ αὐτῶν Χαρααθαλὰν καὶ Ἀαλάρ. καὶ οὐκ ἠδύναντο ἀπαγγεῖλαι τὰσ πατριὰσ αὐτῶν καὶ γενεάσ, ὡσ ἐκ τοῦ Ἰσραήλ εἰσιν. υἱοὶ Δαλὰν τοῦ υἱοῦ τοῦ Βαενάν, υἱοὶ Νεκωδὰν ἑξακόσιοι πεντηκονταδύο. καὶ ἐκ τῶν ἱερέων οἱ ἐμποιούμενοι ἱερωσύνησ καὶ οὐχ εὑρέθησαν. υἱοὶ Ὀβδία, υἱοὶ Ἀκβώσ, υἱοὶ Ἰαδδοὺ τοῦ λαβόντοσ Αὐγίαν γυναῖκα τῶν θυγατέρων Φαηζελδαίου, καὶ ἐκλήθη ἐπὶ τῷ ὀνόματι αὐτοῦ. καὶ τούτων ζητηθείσησ τῆσ γενικῆσ γραφῆσ ἐν τῷ καταλοχισμῷ καὶ μὴ εὑρεθείσησ, ἐχωρίσθησαν τοῦ ἱερατεύειν. καὶ εἶπεν αὐτοῖσ Νεεμίασ καὶ Ἀτθαρίασ μὴ μετέχειν τῶν ἁγίων ἕωσ ἀναστῇ ἀρχιερεὺσ ἐνδεδυμένοσ τὴν δήλωσιν καὶ τὴν ἀλήθειαν. οἱ δὲ πάντεσ Ἰσραὴλ ἦσαν ἀπὸ δωδεκαετοῦσ καὶ ἐπάνω, χωρὶσ παίδων καὶ παιδισκῶν, μυριάδεσ τέσσαρεσ δισχίλιοι τριακόσιοι ἑξήκοντα. παῖδεσ τούτων καὶ παιδίσκαι ἑπτακισχίλιοι τριακόσιοι τριακονταεπτά. ψάλται καὶ ψαλτῳδοὶ διακόσιοι τεσσαρακονταπέντε. κάμηλοι τετρακόσιοι τριακονταπέντε καὶ ἵπποι ἑπτακισχίλιοι τριακονταέξ, ἡμίονοι διακόσιοι τεσσαρακονταπέντε, ὑποζύγια πεντακισχίλια πεντακόσια εἰκοσιπέντε. καὶ ἐκ τῶν ἡγουμένων κατὰ τάσ πατριὰσ ἐν τῷ παραγίνεσθαι αὐτοὺσ εἰσ τὸ ἱερὸν τοῦ Θεοῦ, τὸ ἐν Ἱερουσαλήμ, ηὔξαντο ἐγεῖραι τὸν οἶκον ἐπὶ τοῦ τόπου αὐτοῦ κατὰ τὴν αὐτῶν δύναμιν καὶ δοῦναι εἰσ τὸ ἱερὸν γαζοφυλάκιον τῶν ἔργων χρυσίου μνᾶσ χιλίασ καὶ ἀργυρίου μνᾶσ πεντακισχιλίασ καὶ στολὰσ ἱερατικὰσ ἑκατόν. καὶ κατῳκίσθησαν οἱ ἱερεῖσ καὶ οἱ Λευῖται καὶ οἱ ἐκ τοῦ λαοῦ αὐτοῦ ἐν Ἱερουσαλὴμ καὶ τῇ χώρᾳ, οἵ τε ἱεροψάλται καὶ οἱ θυρωροὶ καὶ πᾶσ Ἰσραὴλ ἐν ταῖσ κώμαισ αὐτῶν. Ἐνστάντοσ δὲ τοῦ ἑβδόμου μηνὸσ καὶ ὄντων τῶν υἱῶν Ἰσραὴλ ἑκάστου ἐν τοῖσ ἰδίοισ, συνήχθησαν ὁμοθυμαδὸν εἰσ τὸ εὐρύχωρον τοῦ πρώτου πυλῶνοσ τοῦ πρὸσ τῇ ἀνατολῇ. καὶ καταστὰσ Ἰησοῦσ ὁ τοῦ Ἰωσεδὲκ καὶ οἱ ἀδελφοὶ αὐτοῦ οἱ ἱερεῖσ καὶ Ζοροβάβελ ὁ τοῦ Σαλαθιὴλ καὶ οἱ τούτου ἀδελφοὶ ἡτοίμασαν τὸ θυσιαστήριον τοῦ Θεοῦ τοῦ Ἰσραὴλ προσενέγκαι ἐπ̓ αὐτοῦ ὁλοκαυτώσεισ ἀκολούθωσ τοῖσ ἐν τῇ Μωυσέωσ βίβλῳ τοῦ ἀνθρώπου τοῦ Θεοῦ διηγορευμένοισ. καὶ ἐπισυνήχθησαν αὐτοῖσ ἐκ τῶν ἄλλων ἐθνῶν τῆσ γῆσ, καὶ κατώρθωσαν τὸ θυσιαστήριον ἐπὶ τοῦ τόπου αὐτῶν, ὅτι ἐν ἔχθρᾳ ἦσαν αὐτοῖσ. καὶ κατίσχυσαν αὐτοὺσ πάντα τὰ ἔθνη τὰ ἐπὶ τῆσ γῆσ, καὶ ἀνέφερον θυσίασ κατὰ τὸν καιρὸν καί ὁλοκαυτώματα Κυρίῳ τὸ πρωϊνὸν καὶ τὸ δειλινὸν καὶ ἠγάγοσαν τὴν τῆσ σκηνοπηγίασ ἑορτήν, ὡσ ἐπιτέτακται ἐν τῷ νόμῳ, καὶ θυσίασ καθ̓ ἡμέραν, ὡσ προσῆκον ἦν, καὶ μετὰ ταῦτα προσφορὰσ ἐνδελεχισμοῦ καὶ θυσίασ σαββάτων καὶ νουμηνιῶν καὶ ἑορτῶν πασῶν ἡγιασμένων. καὶ ὅσοι ηὔξαντο εὐχὴν τῷ Θεῷ, ἀπὸ τῆσ νουμηνίασ τοῦ ἑβδόμου μηνὸσ ἤρξαντο προσφέρειν θυσίασ τῷ Θεῷ, καὶ ὁ ναὸσ τοῦ Θεοῦ οὔπω ᾠκοδόμητο. καὶ ἔδωκαν ἀργύριον τοῖσ λατόμοισ καὶ τέκτοσι καὶ ποτὰ καὶ βρωτὰ καὶ χάρα τοῖσ Σιδωνίοισ καὶ Τυρίοισ εἰσ τὸ παράγειν αὐτοὺσ ἐκ τοῦ Λιβάνου ξύλα κέδρινα, διαφέρειν σχεδίασ εἰσ τὸν Ἰόπησ λιμένα, κατὰ τὸ πρόσταγμα τὸ γραφὲν αὐτοῖσ παρὰ Κύρου τοῦ Περσῶν βασιλέωσ. καὶ τῷ δευτέρῳ ἔτει παραγενόμενοσ εἰσ τὸ ἱερὸν τοῦ Θεοῦ εἰσ Ἱερουσαλὴμ μηνὸσ δευτέρου ἤρξατο Ζοροβάβελ ὁ τοῦ Σαλαθιὴλ καὶ Ἰησοῦσ ὁ τοῦ Ἰωσεδὲκ καὶ οἱ ἀδελφοὶ αὐτῶν καὶ οἱ ἱερεῖσ οἱ Λευῖται καὶ πάντεσ οἱ παραγενόμενοι ἐκ τῆσ αἰχμαλωσίασ εἰσ Ἱερουσαλὴμ καὶ ἐθεμελίωσαν τὸν ναὸν τοῦ Θεοῦ τῇ νουμηνίᾳ τοῦ δευτέρου μηνόσ, τοῦ δευτέρου ἔτουσ, ἐν τῷ ἐλθεῖν εἰσ τὴν Ἰουδαίαν καὶ Ἱερουσαλήμ. καὶ ἔστησαν τοὺσ Λευίτασ ἀπὸ εἰκοσαετοῦσ ἐπὶ τῶν ἔργων τοῦ Κυρίου, καὶ ἔστη Ἰησοῦσ καὶ οἱ υἱοὶ καὶ οἱ ἀδελφοὶ καὶ Καδμιὴλ ὁ ἀδελφὸσ καὶ οἱ υἱοὶ Ἠμαδαβοῦν καὶ οἱ υἱοὶ Ἰωδὰ τοῦ Ἡλιαδοὺδ σὺν τοῖσ υἱοῖσ καὶ ἀδελφοῖσ, πάντεσ οἱ Λευῖται, ὁμοθυμαδὸν ἐργοδιῶκται ποιοῦντεσ εἰσ τὰ ἔργα ἐν τῷ οἴκῳ τοῦ Κυρίου. καὶ ᾠκοδόμησαν οἱ οἰκοδόμοι τὸν ναὸν τοῦ Κυρίου, καὶ ἔστησαν οἱ ἱερεῖσ ἐστολισμένοι μετὰ μουσικῶν καὶ σαλπίγγων καὶ οἱ Λευῖται υἱοὶ Ἀσὰφ ἔχοντεσ τὰ κύμβαλα ὑμνοῦντεσ τῷ Κυρίῳ καὶ εὐλογοῦντεσ κατὰ Δαυὶδ βασιλέα τοῦ Ἰσραὴλ καὶ ἐφώνησαν δἰ ὕμνων εὐλογοῦντεσ τῷ Κυρίῳ, ὅτι ἡ χρηστότησ αὐτοῦ καὶ ἡ δόξα εἰσ τοὺσ αἰῶνασ ἐν παντὶ Ἰσραήλ. καὶ πᾶσ ὁ λαὸσ ἐσάλπισαν καὶ ἐβόησαν φωνῇ μεγάλῃ ὑμνοῦντεσ τῷ Κυρίῳ ἐπὶ τῇ ἐγέρσει τοῦ οἴκου Κυρίου. καὶ ἤλθοσαν ἐκ τῶν ἱερέων τῶν Λευιτῶν καὶ τῶν προκαθημένων κατὰ τὰσ πατριὰσ αὐτῶν οἱ πρεσβύτεροι οἱ ἑωρακότεσ τὸν πρὸ τούτου οἶκον πρὸσ τὴν τούτου οἰκοδομὴν μετὰ κλαυθμοῦ καὶ κραυγῆσ μεγάλης καὶ πολλοὶ διὰ σαλπίγγων καὶ χαρᾶσ μεγάλῃ τῇ φωνῇ, ὥστε τὸν λαὸν μὴ ἀκούειν τῶν σαλπίγγων διὰ τὸν κλαυθμὸν τοῦ λαοῦ. ὁ γὰρ ὄχλοσ ἦν ὁ σαλπίζων μεγάλωσ, ὥστε μακρόθεν ἀκούεσθαι. Καὶ ἀκούσαντεσ οἱ ἐχθροὶ τῆσ φυλῆσ Ἰούδα καὶ Βενιαμὶν ἤλθοσαν ἐπιγνῶναι τίσ ἡ φωνὴ τῶν σαλπίγγων. καὶ ἐπέγνωσαν ὅτι οἱ ἐκ τῆσ αἰχμαλωσίασ οἰκοδομοῦσι τὸν ναὸν τῷ Κυρίῳ Θεῷ Ἰσραήλ, καὶ προσελθόντεσ ἐν τῷ Ζοροβάβελ καὶ Ἰησοῦ καὶ τοῖσ ἡγουμένοισ τῶν πατριῶν λέγουσιν αὐτοῖσ. συνοικοδομήσωμεν ὑμῖν. ὁμοίωσ γὰρ ὑμῖν ἀκούομεν τοῦ Κυρίου ὑμῶν καὶ αὐτῷ ἐπιθύομεν ἀφ̓ ἡμερῶν Ἀσβασαρὲθ βασιλέωσ Ἀσσυρίων, ὃσ μετήγαγεν ἡμᾶσ ἐνταῦθα. καὶ εἶπεν αὐτοῖσ Ζοροβάβελ καὶ Ἰησοῦσ καὶ οἱ ἡγούμενοι τῶν πατριῶν τοῦ Ἰσραήλ. οὐχ ἡμῖν καὶ ὑμῖν τοῦ οἰκοδομῆσαι τὸν οἶκον Κυρίῳ Θεῷ ἡμῶν. ἡμεῖσ γὰρ μόνοι οἰκοδομήσομεν τῷ Κυρίῳ τοῦ Ἰσραὴλ ἀκολούθωσ, οἷσ προσέταξεν ἡμῖν Κῦροσ ὁ βασιλεὺσ Περσῶν. τὰ δὲ ἔθνη τῆσ γῆσ ἐπικοιμώμενα τοῖσ ἐν τῇ Ἰουδαίᾳ καὶ πολιορκοῦντεσ εἶργον τοῦ οἰκοδομεῖν. καὶ βουλὰσ δημαγωγοῦντεσ καὶ συστάσεισ ποιούμενοι ἀπεκώλυσαν τοῦ ἀποτελεσθῆναι τὴν οἰκοδομὴν πάντα τὸν χρόνον τῆσ ζωῆσ τοῦ βασιλέωσ Κύρου. καὶ εἴρχθησαν τῆσ οἰκοδομῆσ ἔτη δύο ἕωσ τῆσ Δαρείου βασιλείασ. ΕΝ δὲ τῷ δευτέρῳ ἔτει τῆσ Δαρείου βασιλείασ ἐπροφήτευσεν Ἀγγαῖοσ καὶ Ζαχαρίασ ὁ τοῦ Ἀδδὼ οἱ προφῆται ἐπὶ τοὺσ Ἰουδαίουσ τοὺσ ἐν τῇ Ἰουδαίᾳ καὶ Ἱερουσαλὴμ ἐπὶ τῷ ὀνόματι Κυρίου Θεοῦ Ἰσραὴλ ἐπ̓ αὐτούσ.

τότε στὰσ Ζοροβάβελ ὁ τοῦ Σαλαθιὴλ καὶ Ἰησοῦσ ὁ τοῦ Ἰωσεδὲκ ἤρξαντο οἰκοδομεῖν τὸν οἶκον τοῦ Κυρίου τὸν ἐν Ἱερουσαλήμ, συνόντων τῶν προφητῶν τοῦ Κυρίου βοηθούντων αὐτοῖσ. ἐν αὐτῷ τῷ χρόνῳ παρῆν πρὸσ αὐτοὺσ Σισίννησ ὁ ἔπαρχοσ Συρίασ καὶ Φοινίκησ καὶ Σαθραβουζάνησ καὶ οἱ συνεταῖροι καὶ εἶπαν αὐτοῖσ. τίνοσ ὑμῖν συντάξαντοσ τὸν οἶκον τοῦτον οἰκοδομεῖτε, καὶ τὴν στέγην ταύτην καὶ τὰ ἄλλα πάντα ἐπιτελεῖτε̣ καὶ τίνεσ εἰσὶν οἰκοδόμοι οἱ ταῦτα ἐπιτελοῦντεσ̣ καὶ ἔσχοσαν χάριν ἐπισκοπῆσ γενομένησ ἐπὶ τὴν αἰχμαλωσίαν παρὰ τοῦ Κυρίου οἱ πρεσβύτεροι τῶν Ἰουδαίων καὶ οὐκ ἐκωλύθησαν τῆσ οἰκοδομῆσ, μέχρισ οὗ ὑποσημανθῆναι Δαρείῳ περὶ αὐτῶν καὶ προσφωνηθῆναι. Ἀντίγραφον ἐπιστολῆσ, ἧσ ἔγραψε Δαρείῳ καὶ ἀπέστειλαν. «Σισίννησ ὁ ἔπαρχοσ Συρίασ καὶ Φοινίκησ καὶ Σαθραβουζάνησ καὶ οἱ συνεταῖροι οἱ ἐν Συρίᾳ καὶ Φοινίκῃ ἡγεμόνεσ βασιλεῖ Δαρείῳ χαίρειν. πάντα γνωστὰ ἔστω τῷ κυρίῳ ἡμῶν τῷ βασιλεῖ, ὅτι παραγενόμενοι εἰσ τὴν χώραν τῆσ Ἰουδαίασ καὶ ἐλθόντεσ εἰσ Ἱερουσαλὴμ τὴν πόλιν κατελάβομεν τῆσ αἰχμαλωσίασ τοὺσ πρεσβυτέρουσ τῶν Ἰουδαίων ἐν Ἱερουσαλὴμ τῇ πόλει οἰκοδομοῦντασ οἶκον τῷ Κυρίῳ μέγαν, καινὸν διὰ λίθων ξυστῶν πολυτελῶν, ξύλων τιθεμένων ἐν τοῖσ τοίχοισ, καὶ τὰ ἔργα ἐκεῖνα ἐπὶ σπουδῆσ γινόμενα καὶ εὐοδούμενον τὸ ἔργον ἐν ταῖσ χερσὶν αὐτῶν καὶ ἐν πάσῃ δόξῃ, καὶ ἐπιμελείᾳ συντελούμενον. τότε ἐπυνθανόμεθα τῶν πρεσβυτέρων τούτων λέγοντεσ. τίνοσ ὑμῖν προστάξαντοσ οἰκοδομεῖτε τὸν οἶκον τοῦτον καὶ τὰ ἔργα ταῦτα θεμελιοῦτε̣ ἐπερωτήσαμεν οὖν αὐτοὺσ εἵνεκεν τοῦ γνωρίσαι σοι καὶ γράψαι σοι τοὺσ ἀνθρώπουσ τοὺσ ἀφηγουμένουσ καὶ τὴν ὀνοματογραφίαν ᾐτοῦμεν αὐτοὺσ τῶν προκαθηγουμένων. οἱ δὲ ἀπεκρίθησαν ἡμῖν λέγοντεσ. ἡμεῖσ ἐσμεν παῖδεσ τοῦ Κυρίου τοῦ κτίσαντοσ τὸν οὐρανὸν καὶ τὴν γῆν. καὶ ᾠκοδόμητο οἶκοσ ἔμπροσθεν ἐτῶν πλειόνων διὰ βασιλέωσ τοῦ Ἰσραὴλ μεγάλου καὶ ἰσχυροῦ καὶ ἐπετελέσθη. καὶ ἐπεὶ οἱ πατέρεσ ἡμῶν παραπικράναντεσ ἥμαρτον εἰσ τὸν Κύριον τοῦ Ἰσραὴλ τὸν οὐράνιον, παρέδωκεν αὐτοὺσ εἰσ χεῖρασ Ναβουχοδονόσορ βασιλέωσ Βαβυλῶνοσ βασιλέωσ τῶν Χαλδαίων. τόν τε οἶκον καθελόντεσ ἐνεπύρισαν καὶ τὸν λαὸν ἠχμαλώτευσαν εἰσ Βαβυλῶνα. ἐν δὲ τῷ πρώτῳ ἔτει βασιλεύοντοσ Κύρου χώρασ Βαβυλωνίασ ἔγραψεν ὁ βασιλεὺσ Κῦροσ τὸν οἶκον τοῦτον οἰκοδομῆσαι. καὶ τὰ ἱερὰ σκεύη τὰ χρυσᾶ καὶ τὰ ἀργυρᾶ, ἃ ἐξήνεγκε Ναβουχοδονόσορ ἐκ τοῦ οἴκου τοῦ ἐν Ἱερουσαλὴμ καὶ ἀπηρείσατο αὐτὰ ἐν τῷ αὐτοῦ ναῷ, πάλιν ἐξήνεγκεν αὐτὰ Κῦροσ ὁ βασιλεὺσ ἐκ τοῦ ναοῦ τοῦ ἐν Βαβυλωνίᾳ, καὶ παρεδόθη Σαβανασσάρῳ Ζοροβάβελ τῷ ἐπάρχῳ, καὶ ἐπετάγη αὐτῷ, καὶ ἀπήνεγκε πάντα τὰ σκεύη ταῦτα ἀποθεῖναι ἐν τῷ ναῷ τῷ ἐν Ἱερουσαλὴμ καὶ τὸν ναὸν τοῦ Κυρίου οἰκοδομηθῆναι ἐπὶ τοῦ τόπου. τότε ὁ Σαβανάσσαροσ παραγενόμενοσ ἀνεβάλετο τοὺσ θεμελίουσ τοῦ οἴκου Κυρίου τοῦ ἐν Ἱερουσαλήμ, καὶ ἀπ̓ ἐκείνου μέχρι τοῦ νῦν οἰκοδομούμενοσ οὐκ ἔλαβε συντέλειαν. νῦν οὖν εἰ κρίνεται, βασιλεῦ, ἐπισκεπήτω ἐν τοῖσ βασιλικοῖσ βιβλιοφυλακίοισ τοῦ Κύρου. καὶ ἐὰν εὑρίσκηται μετὰ τῆσ γνώμησ Κύρου τοῦ βασιλέωσ γενομένην τὴν οἰκοδομὴν τοῦ οἴκου Κυρίου τοῦ ἐν Ἱερουσαλὴμ καὶ κρίνηται τῷ κυρίῳ βασιλεῖ ἡμῶν, προσφωνησάτω ἡμῖν περὶ τούτων». Τότε ὁ βασιλεὺσ Δαρεῖοσ προσέταξεν ἐπισκέψασθαι ἐν τοῖσ βιβλιοφυλακίοισ τοῖσ κειμένοισ ἐν Βαβυλῶνι, και εὑρέθη ἐν Ἐκβατάνοισ τῇ βάρει τῇ ἐν Μηδίᾳ χώρᾳ τόμοσ εἷσ, ἐν ᾧ ὑπομνημάτιστο τάδε. «Ἔτουσ πρώτου βασιλεύοντοσ Κύρου βασιλεὺσ Κῦροσ προσέταξε τὸν οἶκον τοῦ Κυρίου τὸν ἐν Ἱερουσαλὴμ οἰκοδομῆσαι, ὅπου ἐπιθύουσι διὰ πυρὸσ ἐνδελεχοῦσ, οὗ τὸ ὕψοσ πηχῶν ἑξήκοντα, πλάτοσ πηχῶν ἑξήκοντα, διὰ δόμων λιθίνων ξυστῶν τριῶν καὶ δόμου ξυλίνου ἐγχωρίου καινοῦ ἑνόσ, καὶ τὸ δαπάνημα δοθῆναι ἐκ τοῦ οἴκου Κύρου τοῦ βασιλέωσ, καὶ τὰ ἱερὰ σκεύη τοῦ οἴκου Κυρίου τά τε χρυσᾶ καὶ ἀργυρᾶ, ἃ ἐξήνεγκε Ναβουχοδονόσορ ἐκ τοῦ οἴκου τοῦ ἐν Ἱερουσαλὴμ καὶ ἀπήνεγκεν εἰσ Βαβυλῶνα, ἀποκατασταθῆναι εἰσ τὸν οἶκον τὸν ἐν Ἱερουσαλήμ, οὗ ἦν κείμενα, ὅπωσ τεθῇ ἐκεῖ. προσέταξε δὲ ἐπιμεληθῆναι Σισίννῃ ἐπάρχῳ Συρίασ καὶ Φοινίκησ καὶ Σαθραβουζάνῃ καὶ τοῖσ συνεταίροισ καὶ τοῖσ ἀποτεταγμένοισ ἐν Συρίᾳ καὶ Φοινίκῃ ἡγεμόσιν ἀπέχεσθαι τοῦ τόπου, ἐᾶσαι δὲ τὸν παῖδα Κυρίου Ζοροβάβελ, ἔπαρχον δὲ τῆσ Ἰουδαίασ, καὶ τοὺσ πρεσβυτέρουσ τῶν Ἰουδαίων τὸν οἶκον τοῦ Κυρίου ἐκεῖνον οἰκοδομεῖν ἐπὶ τοῦ τόπου. καὶ ἐγὼ δὲ ἐπέταξα ὁλοσχερῶσ οἰκοδομῆσαι καὶ ἀτενίσαι, ἵνα συμποιῶσι τοῖσ ἐκ τῆσ αἰχμαλωσίασ τῆσ Ἰουδαίασ μέχρι τοῦ ἐπιτελεσθῆναι τὸν οἶκον τοῦ Κυρίου. καὶ ἀπὸ τῆσ φορολογίασ Κοίλησ Συρίασ καὶ Φοινίκησ ἐπιμελῶσ σύνταξιν δίδοσθαι τούτοισ τοῖσ ἀνθρώποισ εἰσ θυσίαν τῷ Κυρίῳ, Ζοροβάβελ ἐπάρχῳ, εἰσ ταύρουσ καὶ κριοὺσ καὶ ἄρνασ, ὁμοίωσ δὲ καὶ πυρὸν καὶ ἅλα καὶ οἶνον καὶ ἔλαιον ἐνδελεχῶσ κατ̓ ἐνιαυτόν, καθὼσ ἂν οἱ ἱερεῖσ οἱ ἐν Ἱερουσαλὴμ ὑπαγορεύσωσιν ἀναλίσκεσθαι καθ̓ ἡμέραν ἀναμφισβητήτωσ, ὅπωσ προσφέρωνται σπονδαὶ τῷ Θεῷ τῷ ὑψίστῳ ὑπὲρ τοῦ βασιλέωσ καὶ τῶν παίδων καὶ προσεύχωνται περὶ τῆσ αὐτῶν ζωῆσ, καὶ προστάξαι ἵνα ὅσοι ἐὰν παραβῶσί τι τῶν γεγραμμένων καὶ ἀκυρώσωσι, ληφθῆναι ξύλον ἐκ τῶν ἰδίων αὐτοῦ καὶ ἐπὶ τούτου κρεμασθῆναι καὶ τὰ ὑπάρχοντα αὐτοῦ εἶναι βασιλικά. διὰ ταῦτα καὶ ὁ Κύριοσ, οὗ τὸ ὄνομα αὐτοῦ ἐπικέκληται ἐκεῖ, ἀφανίσαι πάντα βασιλέα καὶ ἔθνοσ, ὃσ ἐκτενεῖ τὴν χεῖρα αὐτοῦ κωλῦσαι ἢ κακοποιῆσαι τὸν οἶκον Κυρίου ἐκεῖνον τὸν ἐν Ἱερουσαλήμ. ἐγὼ βασιλεὺσ Δαρεῖοσ δεδογμάτικα ἐπιμελῶσ κατὰ ταῦτα γίνεσθαι». ΤΟΤΕ Σισίννησ ἔπαρχοσ Κοίλησ Συρίασ καὶ Φοινίκησ, καὶ Σαθραβουζάνησ καὶ οἱ συνεταῖροι κατακολουθήσαντεσ τοῖσ ὑπὸ τοῦ βασιλέωσ Δαρείου προσταγεῖσιν

ἐπεστάτουν τῶν ἱερῶν ἔργων ἐπιμελέστερον συνεργοῦντεσ τοῖσ πρεσβυτέροισ τῶν Ἰουδαίων καὶ ἱεροστάταισ. καὶ εὔοδα ἐγίνετο τὰ ἱερὰ ἔργα προφητευόντων Ἀγγαίου καὶ Ζαχαρίου τῶν προφητῶν. καὶ συνετέλεσαν ταῦτα διὰ προστάγματοσ Κυρίου Θεοῦ Ἰσραήλ, καὶ μετὰ τῆσ γνώμησ τοῦ Κύρου καὶ Δαρείου καὶ Ἀρταξέρξου βασιλέων Περσῶν συνετελέσθη ὁ οἶκοσ ὁ ἅγιοσ ἕωσ τρίτησ καὶ εἰκάδοσ μηνὸσ Ἄδαρ τοῦ ἕκτου ἔτουσ βασιλέωσ Δαρείου. καὶ ἐποίησαν οἱ υἱοὶ Ἰσραὴλ καὶ οἱ ἱερεῖσ καὶ οἱ Λευῖται καὶ οἱ λοιποὶ οἱ ἐκ τῆσ αἰχμαλωσίασ οἱ προστεθέντεσ ἀκολούθωσ τοῖσ ἐν τῇ Μωυσέωσ βίβλῳ. καὶ προσήνεγκαν εἰσ τὸν ἐγκαινισμὸν τοῦ ἱεροῦ τοῦ Κυρίου ταύρουσ ἑκατόν, κριοὺσ διακοσίουσ, ἄρνασ τετρακοσίουσ, χιμάρουσ ὑπὲρ ἁμαρτίασ παντὸσ τοῦ Ἰσραὴλ δώδεκα πρὸσ ἀριθμόν, ἐκ τῶν φυλάρχων τοῦ Ἰσραὴλ δώδεκα. καὶ ἔστησαν οἱ ἱερεῖσ καὶ οἱ Λευῖται κατὰ φυλὰσ ἐστολισμένοι ἐπὶ τῶν ἔργων Κυρίου Θεοῦ Ἰσραὴλ ἀκολούθωσ τῇ Μωυσέωσ βίβλῳ καὶ οἱ θυρωροὶ ἐφ̓ ἑκάστου πυλῶνοσ. καὶ ἠγάγοσαν οἱ υἱοὶ Ἰσραὴλ τῶν ἐκ τῆσ αἰχμαλωσίασ τὸ πάσχα ἐν τῇ τεσσαρεσκαιδεκάτη τοῦ πρώτου μηνόσ. ὅτι ἡγνίσθησαν οἱ ἱερεῖσ καὶ οἱ Λευῖται ἅμα καὶ πάντεσ οἱ υἱοὶ τῆσ αἰχμαλωσίασ, ὅτι ἡγνίσθησαν, ὅτι οἱ Λευῖται ἅμα πάντεσ ἡγνίσθησαν. καὶ ἔθυσαν τὸ πάσχα πᾶσι τοῖσ υἱοῖσ τῆσ αἰχμαλωσίασ καὶ τοῖσ ἀδελφοῖσ αὐτῶν τοῖσ ἱερεῦσι καὶ ἑαυτοῖσ. καὶ ἐφάγοσαν οἱ υἱοὶ Ἰσραὴλ οἱ ἐκ τῆσ αἰχμαλωσίασ, πάντεσ οἱ χωρισθέντεσ ἀπὸ τῶν βδελυγμάτων τῶν ἐθνῶν τῆσ γῆσ, ζητοῦντεσ τὸν Κύριον. καὶ ἠγάγοσαν τὴν ἑορτὴν τῶν ἀζύμων ἑπτὰ ἡμέρασ εὐφραινόμενοι ἔναντι Κυρίου, ὅτι μετέστρεψε τὴν βουλὴν τοῦ βασιλέωσ Ἀσσυρίων ἐπ̓ αὐτοὺσ κατισχῦσαι τὰσ χεῖρασ αὐτῶν ἐπὶ τὰ ἔργα Κυρίου Θεοῦ Ἰσραήλ. ΚΑΙ μεταγενέστεροσ τούτων βασιλεύοντοσ Ἀρταξέρξου τοῦ Περσῶν βασιλέωσ προσέβη Ἔσδρασ Σαραίου, τοῦ Ἐζεχρίου, τοῦ Χελκίου τοῦ Σαλήμου,

τοῦ Σαδδούκου, τοῦ Ἀχιτώβ, τοῦ Ἀμαρίου, τοῦ Ὀζίου, τοῦ Βοκκά, τοῦ Ἀβισαί̈, τοῦ Φινεέσ, τοῦ Ἐλεάζαρ, τοῦ Ἀαρὼν τοῦ ἱερέωσ τοῦ πρώτου. οὗτοσ Ἔσδρασ ἀνέβη ἐκ Βαβυλῶνοσ ὡσ γραμματεὺσ εὐφυὴσ ὢν ἐν τῷ Μωυσέωσ νόμῳ τῷ ἐκδεδομένῳ ὑπὸ τοῦ Θεοῦ τοῦ Ἰσραήλ, καὶ ἔδωκεν αὐτῷ ὁ βασιλεὺσ δόξαν, εὑρόντοσ χάριν ἐνώπιον αὐτοῦ ἐπὶ πάντα τὰ ἀξιώματα αὐτοῦ. καὶ συνανέβησαν ἐκ τῶν υἱῶν Ἰσραὴλ καὶ τῶν ἱερέων καὶ Λευιτῶν καὶ ἱεροψαλτῶν καὶ θυρωρῶν καὶ ἱεροδούλων εἰσ Ἱερουσαλὴμ ἔτουσ ἑβδόμου βασιλεύοντοσ Ἀρταξέρξου ἐν τῷ πέμπτῳ μηνὶ . ἐξελθόντεσ γὰρ ἐκ Βαβυλῶνοσ τῇ νουμηνίᾳ τοῦ πρώτου μηνὸσ παρεγένοντο εἰσ Ἱερουσαλὴμ κατὰ τὴν δοθεῖσαν αὐτοῖσ εὐοδίαν παρὰ τοῦ Κυρίου ἐπ̓ αὐτῷ. ὁ γὰρ Ἔσδρασ πολλὴν ἐπιστήμην περιεῖχεν εἰσ τὸ μηδὲν παραλιπεῖν τῶν ἐκ τοῦ νόμου Κυρίου καὶ ἐκ τῶν ἐντολῶν διδάξαι πάντα τὸν Ἰσραὴλ δικαιώματα καὶ κρίματα. Προσπεσόντοσ δὲ τοῦ γραφέντοσ προστάγματοσ παρὰ Ἀρταξέρξου βασιλέωσ πρὸσ Ἔσδραν τὸν ἱερέα καὶ ἀναγνώστην τοῦ νόμου Κυρίου, οὗ ἐστιν ἀντίγραφον τὸ ὑποκείμενον. «Βασιλεὺσ Ἀρταξέρξησ Ἔδρᾳ τῷ ἱερεῖ καὶ ἀναγνώστῃ τοῦ νόμου Κυρίου χαίρειν. καὶ τὰ φιλάνθρωπα ἐγὼ κρίνασ προσέταξα τοὺσ βουλομένουσ ἐκ τοῦ ἔθνουσ τῶν Ἰουδαίων αἱρετίζοντασ καὶ τῶν ἱερέων καὶ τῶν Λευιτῶν, καὶ τῶνδε ἐν τῇ ἡμετέρᾳ βασιλείᾳ, συμπορεύεσθαί σοι εἰσ Ἱερουσαλήμ. ὅσοι οὖν ἐνθυμοῦνται, συνεξορμάσθωσαν καθάπερ δέδοκται ἐμοί τε καὶ τοῖσ ἑπτὰ φίλοισ συμβουλευταῖσ, ὅπωσ ἐπισκέψωνται τὰ κατὰ τὴν Ἰουδαίαν καὶ Ἱερουσαλὴμ ἀκολούθωσ ᾧ ἔχει ἐν τῷ νόμῳ Κυρίου, καὶ ἀπενεγκεῖν δῶρα τῷ Κυρίῳ τοῦ Ἰσραήλ, ἃ ηὐξάμην ἐγώ τε καὶ οἱ φίλοι, εἰσ Ἱερουσαλήμ, καὶ πᾶν χρυσίον καὶ ἀργύριον, ὃ ἐὰν εὑρεθῇ ἐν τῇ χώρᾳ τῆσ Βαβυλωνίασ, τῷ Κυρίῳ εἰσ Ἱερουσαλὴμ σὺν τῷ δεδωρημένῳ ὑπὸ τοῦ ἔθνουσ εἰσ τὸ ἱερὸν τοῦ Κυρίου Θεοῦ αὐτῶν τὸ ἐν Ἱερουσαλὴμ συναχθῆναι, τό τε χρυσίον καὶ τὸ ἀργύριον εἰσ ταύρουσ καὶ κριοὺσ καὶ ἄρνασ καὶ τὰ τούτοισ ἀκόλουθα, ὥστε προσενεγκεῖν θυσίασ τῷ Κυρίῳ ἐπὶ τὸ θυσιαστήριον τοῦ Κυρίου Θεοῦ αὐτῶν τὸ ἐν Ἱερουσαλήμ. καὶ πάντα, ὅσα ἐὰν βούλῃ μετὰ τῶν ἀδελφῶν σου ποιῆσαι χρυσίῳ καὶ ἀργυρίῳ, ἐπιτέλει κατὰ τὸ θέλημα τοῦ Θεοῦ σου, καὶ τὰ ἱερὰ σκεύη τοῦ Κυρίου τὰ διδόμενά σοι εἰσ τὴν χρείαν τοῦ ἱεροῦ τοῦ Θεοῦ σου τοῦ ἐν Ἱερουσαλὴμ καὶ τὰ λοιπὰ ὅσα ἂν ὑποπίπτῃ σοι εἰσ τὴν χρείαν τοῦ ἱεροῦ τοῦ Θεοῦ σου δώσεισ ἐκ τοῦ βασιλικοῦ γαζοφυλακίου. κἀγὼ ἰδοὺ Ἀρταξέρξησ βασιλεὺσ προσέταξασ τοῖσ γαζοφύλαξι Συρίασ καὶ Φοινίκησ, ἵνα ὅσα ἐὰν ἀποστείλῃ Ἔσδρασ ὁ ἱερεὺσ καὶ ἀναγνώστησ τοῦ νόμου τοῦ Θεοῦ τοῦ Ὑψίστου, ἐπιμελῶσ διδῶσιν ἕωσ ἀργυρίου ταλάντων ἑκατόν, ὁμοίωσ δὲ καὶ ἕωσ πυροῦ κόρων ἑκατὸν καὶ οἴνου μετρητῶν ἑκατὸν καὶ ἄλλα ἐκ πλήθουσ. πάντα κατὰ τὸν τοῦ Θεοῦ νόμον ἐπιτελεσθήτω ἐπιμελῶσ τῷ Θεῷ τῷ Ὑψίστῳ, ἕνεκεν τοῦ μὴ γενέσθαι ὀργὴν εἰσ τὴν βασιλείαν τοῦ βασιλέωσ καὶ τῶν υἱῶν αὐτοῦ. καὶ ὑμῖν δὲ λέγεται ὅπωσ πᾶσι τοῖσ ἱερεῦσι καὶ τοῖσ Λευίταισ καὶ ἱεροψάλταισ καὶ θυρωροῖσ καὶ ἱεροδούλοισ καὶ πραγματικοῖσ τοῦ ἱεροῦ τούτου μηδὲ μία φορολογία μηδὲ ἄλλη ἐπιβουλὴ γίνηται, καὶ μηδένα ἔχειν ἐξουσίαν ἐπιβαλεῖν τι τούτοισ. καὶ σύ, Ἔσδρα, κατὰ τὴν σοφίαν τοῦ Θεοῦ ἀνάδειξον κριτὰσ καὶ δικαστάσ, ὅπωσ δικάζωσιν ἐν ὅλῃ Συρίᾳ καὶ Φοινίκῃ πάντασ τοὺσ ἐπισταμένουσ τὸν νόμον τοῦ Θεοῦ σου. καὶ τοὺσ μή ἐπισταμένουσ διδάξεισ. καὶ πάντεσ, ὅσοι ἂν παραβαίνωσι τὸν νόμον τοῦ Θεοῦ σου καὶ τὸν βασιλικόν, ἐπιμελῶσ κολασθήσονται, ἐάν τε καὶ θανάτῳ. ἐάν τε καὶ τιμωρίᾳ ἢ ἀργυρικῇ ζημίᾳ ἢ ἀπαγωγῇ». Καὶ εἶπεν Ἔσδρασ ὁ γραμματεύσ. εὐλογητὸσ μόνοσ Κύριοσ ὁ Θεὸσ τῶν πατέρων μου ὁ δοὺσ ταῦτα εἰσ τὴν καρδίαν τοῦ βασιλέωσ, δοξάσαι τὸν οἶκον αὐτοῦ τὸν ἐν Ἱερουσαλήμ, καὶ ἐμὲ ἐτίμησεν ἐναντίον τοῦ βασιλέωσ καὶ τῶν συμβουλευόντων καὶ πάντων τῶν φίλων καὶ μεγιστάνων αὐτοῦ. καὶ ἐγὼ εὐθαρσὴσ ἐγενόμην κατὰ τὴν ἀντίληψιν Κυρίου τοῦ Θεοῦ μου καὶ συνήγαγον ἄνδρασ ἐκ τοῦ Ἰσραὴλ ὥστε συναναβῆναί μοι. Καὶ οὗτοι οἱ προηγούμενοι κατὰ τὰσ πατριὰσ αὐτῶν καὶ τὰσ μεριδαρχίασ οἱ ἀναβάντεσ μετ̓ ἐμοῦ ἐκ Βαβυλῶνοσ ἐν τῇ βασιλείᾳ Ἀρταξέρξου τοῦ βασιλέωσ. ἐκ τῶν υἱῶν Φινεέσ, Γηρσών. ἐκ τῶν υἱῶν Ἰαθαμάρου, Γαμαλιήλ. ἐκ τῶν υἱῶν Δαυίδ, Λαττοὺσ ὁ Σεχενίου. ἐκ τῶν υἱῶν Φόροσ, Ζαχαρίασ καὶ μετ̓ αὐτοῦ ἀπεγράφησαν ἄνδρεσ ἑκατὸν πεντήκοντα. ἐκ τῶν υἱῶν Φαὰθ Μωάβ, Ἐλιαωνίασ Ζαραίου καὶ μετ̓ αὐτοῦ ἄνδρεσ διακόσιοι. ἐκ τῶν υἱῶν Ζαθόησ, Σεχενίασ Ἰεζήλου καὶ μετ̓ αὐτοῦ ἄνδρεσ τριακόσιοι. ἐκ τῶν υἱῶν Ἀδίν, Ὠβὴθ Ἰωνάθου καὶ μετ̓ αὐτοῦ ἄνδρεσ διακόσιοι πεντήκοντα. ἐκ τῶν υἱῶν Ἠλάμ, Ἰεσίασ Γοθολίου καὶ μετ̓ αὐτοῦ ἄνδρεσ ἑβδομήκοντα. ἐκ τῶν υἱῶν Σαφατίου, Ζαραί̈ασ Μιχαήλου καὶ μετ̓ αὐτοῦ ἄνδρεσ ἑβδομήκοντα. ἐκ τῶν υἱῶν Ἰωάβ, Ἀβαδίασ Ἰεζήλου καὶ μετ̓ αὐτοῦ ἄνδρεσ διακόσιοι δεκαδύο. ἐκ τῶν υἱῶν Βανίασ, Σαλιμὼθ Ἰωσαφίου καὶ μετ̓ αὐτοῦ ἄνδρεσ ἑξήκοντα καὶ ἑκατόν. ἐκ τῶν υἱῶν Βαβί, Ζαχαρίασ Βηβαί̈ καὶ μετ̓ αὐτοῦ ἄνδρεσ εἰκοσιοκτώ. ἐκ τῶν υἱῶν Ἀστάθ, Ἰωάννησ Ἀκατὰν καὶ μετ̓ αὐτοῦ ἄνδρεσ ἑκατὸν δέκα. ἐκ τῶν υἱῶν Ἀδωνικάμ, οἱ ἔσχατοι καὶ ταῦτα τὰ ὀνόματα αὐτῶν. Ἐλιφαλὰ τοῦ Γεουὴλ καὶ Σαμαίασ καὶ μετ̓ αὐτῶν ἄνδρεσ ἑβδομήκοντα. ἐκ τῶν υἱῶν Βαγώ, Οὐθὶ ὁ τοῦ Ἰσταλκούρου καὶ μετ̓ αὐτοῦ ἄνδρεσ ἑβδομήκοντα. Καὶ συνήγαγον αὐτοὺσ ἐπὶ τὸν λεγόμενον Θερὰν ποταμόν, καὶ παρενεβάλομεν ἡμέρασ τρεῖσ αὐτόθι, καὶ κατέμαθον αὐτούσ. καὶ ἐκ τῶν ἱερέων καὶ ἐκ τῶν λευιτῶν οὐχ εὑρὼν ἐκεῖ ἀπέστειλα πρὸσ Ἐλεάζαρον καὶ Ἰδουῆλον καὶ Μαιὰ καὶ Μασμὰν καὶ Ἀλναθὰν καὶ Σαμαίαν καΙ Ἰώριβον, Νάθαν, Ἐννατάν, Ζαχαρίαν καὶ Μοσόλλαμον τοὺσ ἡγουμένουσ καὶ ἐπιστήμονας καὶ εἶπα αὐτοῖσ ἐλθεῖν πρὸσ Λοδδαῖον τὸν ἡγούμενον τὸν ἐν τῷ τόπῳ τοῦ γαζοφυλακίου, ἐντειλάμενοσ αὐτοῖσ διαλεχθῆναι Λοδδαίῳ καὶ τοῖσ ἀδελφοῖσ αὐτοῦ καὶ τοῖσ ἐν τῷ τόπῳ γαζοφύλαξιν ἀποστεῖλαι ἡμῖν τοὺσ ἱερατεύσοντασ ἐν τῷ οἴκῳ τοῦ Κυρίου ἡμῶν. καὶ ἤγαγον ἡμῖν κατὰ τὴν κραταιὰν χεῖρα τοῦ Κυρίου ἡμῶν ἄνδρασ ἐπιστήμονασ τῶν υἱῶν Μοολὶ τοῦ Λευὶ τοῦ Ἰσραήλ, Ἀσεβηβίαν καὶ τοὺσ υἱοὺσ αὐτοῦ καὶ τοὺσ ἀδελφούσ, ὄντασ δέκα καὶ ὀκτώ, καὶ Ἀσεβίαν καὶ Ἄννουον καὶ Ὠσαίαν ἀδελφὸν ἐκ τῶν υἱῶν Χανουναίου καὶ οἱ υἱοὶ αὐτῶν, εἴκοσιν ἄνδρεσ. καὶ ἐκ τῶν ἱεροδούλων, ὧν ἔδωκε Δαυίδ, καὶ οἱ ἡγούμενοι εἰσ τὴν ἐργασίαν τῶν Λευιτῶν, ἱεροδούλουσ διακοσίουσ καὶ εἴκοσι. πάντων ἐσημάνθη ἡ ὀνοματογραφία. καὶ εὐξάμην ἐκεῖ νηστείαν τοῖσ νεανίσκοισ ἔναντι Κυρίου ἡμῶν ζητῆσαι παῤ αὐτοῦ εὐοδίαν ἡμῖν τε καὶ τοῖσ συνοῦσιν ἡμῖν τέκνοισ ἡμῶν καὶ κτήνεσιν. ἐνετράπην γὰρ αἰτῆσαι τὸν βασιλέα πεζούσ τε καὶ ἱππεῖσ καὶ προπομπὴν ἕνεκεν ἀσφαλείασ τῆσ πρὸσ τοὺσ ἐναντιουμένουσ ἡμῖν. εἴπαμεν γὰρ τῷ βασιλεῖ, ὅτι ἡ ἰσχὺσ τοῦ Κυρίου ἡμῶν ἔσται μετά τῶν ἐπιζητούντων αὐτὸν εἰσ πᾶσαν ἐπανόρθωσιν. καὶ πάλιν ἐδεήθημεν τοῦ Κυρίου ἡμῶν πάντα ταῦτα καὶ ἐτύχομεν εὐϊλάτου. καὶ ἐχώρισα τῶν φυλάρχων τῶν ἱερέων ἄνδρασ δεκαδύο, καὶ Ἐσερεβίαν καὶ Σαμίαν καὶ μετ̓ αὐτῶν ἐκ τῶν ἀδελφῶν αὐτῶν ἄνδρασ δώδεκα, καὶ ἔστησα αὐτοῖσ τὸ ἀργύριον καὶ τὸ χρυσίον καὶ τὰ ἱερὰ σκεύη τοῦ οἴκου τοῦ Κυρίου ἡμῶν, ἃ ἐδωρήσατο ὁ βασιλεύσ, καὶ οἱ σύμβουλοι αὐτοῦ καὶ οἱ μεγιστᾶνεσ καὶ πᾶσ Ἰσραήλ. καὶ στήσασ παρέδωκα αὐτοῖσ ἀργυρίου τάλαντα ἑξακόσια πεντήκοντα καὶ σκεύη ἀργυρᾶ ταλάντων ἑκατὸν καὶ χρυσίου τάλαντα ἑκατὸν καὶ χρυσώματα εἴκοσι καὶ σκεύη χάλκεα ἀπὸ χρηστοῦ χαλκοῦ στίλβοντα χρυσοειδῆ σκεύη δώδεκα. καὶ εἶπα αὐτοῖσ. καὶ ὑμεῖσ ἅγιοί ἐστε τῷ Κυρίῳ καὶ τὰ σκεύη τὰ ἅγια, καὶ τὸ χρυσίον καὶ τὸ ἀργύριον εὐχὴ τῷ Κυρίῳ, Κυρίῳ τῶν πατέρων ἡμῶν. ἀγρυπνεῖτε καὶ φυλάσσετε ἕωσ τοῦ παραδοῦναι ὑμᾶσ αὐτὰ τοῖσ φυλάρχοισ τῶν ἱερέων καὶ τῶν Λευιτῶν καὶ τοῖσ ἡγουμένοισ τῶν πατριῶν τοῦ Ἰσραὴλ ἐν Ἱερουσαλήμ, ἐν τοῖσ παστοφορίοισ τοῦ οἴκου τοῦ Θεοῦ ἡμῶν. καὶ οἱ παραλαβόντεσ οἱ ἱερεῖσ καὶ οἱ Λευῖται τὸ ἀργύριον καὶ τὸ χρυσίον καὶ τὰ σκεύη τὰ ἐν Ἱερουσαλὴμ εἰσήνεγκαν εἰσ τὸ ἱερὸν τοῦ Κυρίου. Καὶ ἀναζεύξαντεσ ἀπὸ τοῦ ποταμοῦ Θερὰ τῇ δωδεκάτῃ τοῦ πρώτου μηνὸσ ἕωσ εἰσήλθομεν εἰσ Ἱερουσαλὴμ κατὰ τὴν κραταιὰν χεῖρα τοῦ Κυρίου ἡμῶν τὴν ἐφ̓ ἡμῖν. καὶ ἐρρύσατο ἡμᾶσ ἀπὸ τῆσ εἰσόδου ἀπὸ παντὸσ ἐχθροῦ, καὶ ἤλθομεν εἰσ Ἱερουσαλήμ. καὶ γενομένησ αὐτόθι ἡμέρασ τρίτησ, τῇ ἡμέρᾳ τῇ τετάρτῃ σταθὲν τὸ ἀργύριον καὶ τὸ χρυσίον παρεδόθη ἐν τῷ οἴκῳ Κυρίου ἡμῶν Μαρμωθὶ Οὐρίᾳ ἱερεῖ καὶ μετ̓ αὐτοῦ Ἐλεάζαρ ὁ τοῦ Φινεέσ, καὶ ἦσαν μετ̓ αὐτοῦ Ἰωσαβδὸσ Ἰησοῦ καὶ Μωὲθ Σαβάννου, οἱ Λευῖται πρὸσ ἀριθμὸν καὶ ὁλκὴν ἅπαντα, καὶ ἐγράφη πᾶσα ἡ ὁλκὴ αὐτῶν αὐτῇ τῇ ὥρᾳ. οἱ δὲ παραγενόμενοι ἐκ τῆσ αἰχμαλωσίασ προσήνεγκαν θυσίασ τῷ Θεῷ τοῦ Ἰσραὴλ Κυρίῳ, ταύρουσ δώδεκα ὑπὲρ παντὸσ Ἰσραήλ, κριοὺσ ἐνενηκονταέξ, ἄρνασ ἑβδομηκονταδύο, τράγουσ ὑπὲρ σωτηρίου δώδεκα. ἅπαντα θυσίαν τῷ Κυρίῳ. καὶ ἀπέδωκαν τὰ προστάγματα τοῦ βασιλέωσ τοῖσ βασιλικοῖσ οἰκονόμοισ καὶ τοῖσ ἐπάρχοισ Κοίλησ Συρίασ καὶ Φοινίκησ, καὶ ἐδόξασαν τὸ ἔθνοσ καὶ τὸ ἱερὸν τοῦ Κυρίου. Καὶ τούτων τελεσθέντων προσήλθοσάν μοι οἱ ἡγούμενοι λέγοντεσ. οὐκ ἐχώρισαν τὸ ἔθνοσ τοῦ Ἰσραὴλ καὶ οἱ ἄρχοντεσ καὶ οἱ ἱερεῖσ καὶ οἱ Λευῖται τὰ ἀλλογενῆ ἔθνη τῆσ γῆσ καὶ τὰσ ἀκαθαρσίασ αὐτῶν, Χαναναίων καὶ Χετταίων καὶ Φερεζαίων καὶ Ἰεβουσαίων καὶ Μωαβιτῶν καὶ Αἰγυπτίων καὶ Ἰδουμαίων. συνῴκησαν γὰρ μετὰ τῶν θυγατέρων αὐτῶν καὶ αὐτοὶ καὶ οἱ υἱοὶ αὐτῶν, καὶ ἐπεμίγη τὸ σπέρμα τὸ ἅγιον εἰσ τὰ ἀλλογενῆ ἔθνη τῆσ γῆσ, καὶ μετεῖχον οἱ προηγούμενοι καὶ οἱ μεγιστᾶνεσ τῆσ ἀνομίασ ταύτησ ἀπὸ τῆσ ἀρχῆσ τοῦ πράγματοσ. καὶ ἅμα τῷ ἀκοῦσαί με ταῦτα διέρρηξα τὰ ἱμάτια καὶ τὴν ἱερὰν ἐσθῆτα καὶ κατέτιλα τοῦ τριχώματοσ τῆσ κεφαλῆσ καὶ τοῦ πώγωνοσ καὶ ἐκάθισα σύννουσ καὶ περίλυποσ. καὶ ἐπισυνήχθησαν πρόσ με ὅσοι ποτὲ ἐπικινοῦντο ἐπὶ τῷ ρήματι Κυρίου Θεοῦ τοῦ Ἰσραήλ, ἐμοῦ πενθοῦντοσ ἐπὶ τῇ ἀνομίᾳ, καὶ ἐκαθήμην περίλυπτοσ ἕωσ τῆσ δειλινῆσ θυσίασ. καὶ ἐξεγερθεὶσ ἐκ τῆσ νηστείασ, διερρηγμένα ἔχων τὰ ἱμάτια καὶ τὴν ἱερὰν ἐσθῆτα, κάμψασ τὰ γόνατα καὶ ἐκτείνασ τὰσ χεῖρασ πρὸσ τὸν Κύριον ἔλεγον. Κύριε, ᾔσχυμμαι καὶ ἐντέτραμμαι κατὰ πρόσωπόν σου. αἱ γὰρ ἁμαρτίαι ἡμῶν ἐπλεόνασαν ὑπὲρ τὰσ κεφαλὰσ ἡμῶν, αἱ δὲ ἄγνοιαι ἡμῶν ὑπερήνεγκαν ἕωσ τοῦ οὐρανοῦ ἔτι ἀπὸ τῶν χρόνων τῶν πατέρων ἡμῶν, καί ἐσμεν ἐν μεγάλῃ ἁμαρτίᾳ ἕωσ τῆσ ἡμέρασ ταύτησ. καὶ διά τὰσ ἁμαρτίασ ἡμῶν καὶ τῶν πατέρων ἡμῶν παρεδόθημεν σὺν τοῖσ ἀδελφοῖσ ἡμῶν καὶ σὺν τοῖσ βασιλεῦσιν ἡμῶν καὶ σὺν τοῖσ ἱερεῦσιν ἡμῶν τοῖσ βασιλεῦσι τῆσ γῆσ εἰσ ρομφαίαν καὶ αἰχμαλωσίαν καὶ προνομὴν μετὰ αἰσχύνησ μέχρι τῆσ σήμερον ἡμέρασ. καὶ νῦν κατὰ πόσον τι ἐγενήθη ἡμῖν ἔλεοσ παρὰ σοῦ, Κύριε, καταλειφθῆναι ἡμῖν ρίζαν καὶ ὄνομα ἐν τῷ τόπῳ ἁγιάσματόσ σου καὶ τοῦ ἀνακαλύψαι φωστῆρα ἡμῖν ἐν τῷ οἴκῳ Κυρίου τοῦ Θεοῦ ἡμῶν δοῦναι ἡμῖν τροφὴν ἐν τῷ καιρῷ τῆσ δουλείασ ἡμῶν̣ καὶ ἐν τῷ δουλεύειν ἡμᾶσ οὐκ ἐγκατελείφθημεν ὑπὸ τοῦ Κυρίου ἡμῶν, ἀλλὰ ἐποίησεν ἡμᾶσ ἐν χάριτι ἐνώπιον τῶν βασιλέων Περσῶν δοῦναι ἡμῖν τροφὴν καὶ δοξάσαι τὸ ἱερὸν τοῦ Κυρίου ἡμῶν καὶ ἐγεῖραι τὴν ἔρημον Σιών, δοῦναι ἡμῖν στερέωμα ἐν τῇ Ἰουδαίᾳ καὶ Ἱερουσαλήμ. καὶ νῦν τί ἐροῦμεν, Κύριε, ἔχοντεσ ταῦτα̣ παρέβημεν γὰρ τὰ προστάγματά σου, ἃ ἔδωκασ ἐν χειρὶ τῶν παίδων σου τῶν προφητῶν λέγων, ὅτι ἡ γῆ, εἰσ ἣν εἰσέρχεσθε κληρονομῆσαι, ἔστι γῆ μεμολυσμένη μολυσμῷ τῶν ἀλλογενῶν τῆσ γῆσ, καὶ τῆσ ἀκαθαρσίασ αὐτῶν ἐνέπλησαν αὐτήν. καὶ νῦν τὰσ θυγατέρασ ὑμῶν μὴ συνοικήσητε τοῖσ υἱοῖσ αὐτῶν καὶ τὰσ θυγατέρασ αὐτῶν μὴ λάβητε τοῖσ υἱοῖσ ὑμῶν. καὶ οὐ ζητήσετε εἰρηνεῦσαι τὰ πρὸσ αὐτοὺσ τὸν ἅπαντα χρόνον, ἵνα ἰσχύσαντεσ φάγητε τὰ ἀγαθὰ τῆσ γῆσ, καὶ κατακληρονομήσητε τοῖσ τέκνοισ ὑμῶν ἕωσ αἰῶνοσ. καὶ τὰ συμβαίνοντα πάντα ἡμῖν γίνεται διὰ τὰ ἔργα ἡμῶν τὰ πονηρὰ καὶ τὰσ μεγάλασ ἁμαρτίασ ἡμῶν. σὺ γάρ, Κύριε, ἐκούφισασ τὰσ ἁμαρτίασ ἡμῶν καὶ ἔδωκασ ἡμῖν τοιαύτην ρίζαν. πάλιν ἀνεκάμψαμεν παραβῆναι τὸν νόμον σου εἰσ τὸ ἐπιμιγῆναι τῇ ἀκαθαρσίᾳ τῶν ἐθνῶν τῆσ γῆσ. οὐχὶ ὠργίσθησ ἡμῖν ἀπολέσαι ἡμᾶσ ἕωσ τοῦ μὴ καταλιπεῖν ρίζαν καὶ σπέρμα καὶ ὄνομα ἡμῶν̣ Κύριε τοῦ Ἰσραήλ, ἀληθινὸσ εἶ. κατελείφθημεν γὰρ ρίζα ἐν τῇ σήμερον. ἰδοὺ νῦν ἐσμεν ἐνώπιόν σου ἐν ταῖσ ἀνομίαισ ἡμῶν. οὐ γάρ ἐστι στῆναι ἔτι ἔμπροσθέν σου ἐπὶ τούτοισ. Καὶ ὅτε προσευχόμενοσ Ἔσδρασ ἀνθωμολογεῖτο κλαίων χαμαιπετὴσ ἔμπροσθεν τοῦ ἱεροῦ, ἐπισυνήχθησαν πρὸσ αὐτὸν ἀπὸ Ἱερουσαλὴμ ὄχλοσ πολὺσ σφόδρα, ἄνδρεσ καὶ γυναῖκεσ καὶ νεανίαι. κλαυθμὸσ γὰρ ἦν μέγασ ἐν τῷ πλήθει. καὶ φωνήσασ Ἰεχονίασ Ἰεήλου τῶν υἱῶν Ἰσραὴλ εἶπεν. Ἔσδρα, ἡμεῖσ ἡμάρτομεν εἰσ τὸν Κύριον καὶ συνῳκίσαμεν γυναῖκασ ἀλλογενεῖσ ἐκ τῶν ἐθνῶν τῆσ γῆσ. καὶ νῦν ἐστιν ἐπάνω πᾶσ Ἰσραήλ. ἐν τούτῳ γινέσθω ἡμῖν ὁρκωμοσία πρὸσ τὸν Κύριον, ἐκβαλεῖν πάσασ τὰσ γυναῖκασ ἡμῶν τὰσ ἐκ τῶν ἀλλογενῶν σὺν τοῖσ τέκνοισ αὐτῶν, ὡσ ἐκρίθη σοι, καὶ ὅσοι πειθαρχοῦσι τῷ νόμῳ Κυρίου. ἀναστὰσ ἐπιτέλει. πρόσ σε γὰρ τὸ πρᾶγμα, καὶ ἡμεῖσ μετὰ σοῦ ἰσχὺν ποιεῖν. καὶ ἀναστὰσ Ἔσδρασ ὥρκισε τοὺσ φυλάρχουσ τῶν ἱερέων καὶ Λευιτῶν παντὸσ τοῦ Ἰσραὴλ ποιῆσαι κατὰ ταῦτα. καὶ ὤμοσαν. ΚΑΙ ἀναστὰσ Ἔσδρασ ἀπὸ τῆσ αὐλῆσ τοῦ ἱεροῦ ἐπορεύθη εἰσ τὸ παστοφόριον Ἰωνὰν τοῦ Ἐλιασίβου,

καὶ αὐλισθεὶσ ἐκεῖ ἄρτου οὐκ ἐγεύσατο οὐδὲ ὕδωρ ἔπιε, πενθῶν ἐπὶ τῶν ἀνομιῶν τῶν μεγάλων τοῦ πλήθουσ. καὶ ἐγένετο κήρυγμα ἐν ὅλῃ τῇ Ἰουδαίᾳ καὶ Ἱερουσαλὴμ πᾶσι τοῖσ ἐκ τῆσ αἰχμαλωσίασ συναχθῆναι εἰσ Ἱερουσαλήμ. καὶ ὅσοι ἂν μὴ ἀπαντήσωσιν ἐν δυσὶν ἢ τρισὶν ἡμέραισ κατὰ τὸ κρίμα τῶν προκαθημένων πρεσβυτέρων, ἀνιερωθήσονται τὰ κτήνη αὐτῶν, καὶ αὐτὸσ ἀλλοτριωθήσεται ἀπὸ τοῦ πλήθουσ τῆσ αἰχμαλωσίασ. καὶ ἐπισυνήχθησαν πάντεσ οἱ ἐκ τῆσ φυλῆσ Ἰούδα καὶ Βενιαμὶν ἐν τρισὶν ἡμέραισ εἰσ Ἱερουσαλήμ , καὶ συνεκάθισαν πᾶν τὸ πλῆθοσ ἐν τῷ εὐρυχώρῳ τοῦ ἱεροῦ τρέμοντεσ διὰ τὸν ἐνεστῶτα χειμῶνα. καὶ ἀναστὰσ Ἔσδρασ εἶπεν αὐτοῖσ. ὑμεῖσ ἠνομήσατε καὶ συνῳκίσατε γυναιξὶν ἀλλογενέσι τοῦ προσθεῖναι ἁμαρτίασ τῷ Ἰσραήλ. καὶ νῦν δότε ὁμολογίαν δόξαν τῷ Κυρίῳ Θεῷ τῶν πατέρων ἡμῶν καὶ ποιήσατε τὸ θέλημα αὐτοῦ καὶ χωρίσθητε ἀπὸ τῶν ἐθνῶν τῆσ γῆσ καὶ ἀπὸ τῶν γυναικῶν τῶν ἀλλογενῶν. καὶ ἐφώνησεν ἅπαν τὸ πλῆθοσ καὶ εἶπον μεγάλῃ τῇ φωνῇ. οὕτωσ ὡσ εἴρηκασ ποιήσομεν. ἀλλὰ τὸ πλῆθοσ πολὺ καὶ ὥρα χειμερινή, καὶ οὐκ ἰσχύομεν στῆναι αἴθριοι, καὶ τὸ ἔργον οὐκ ἔστιν ἡμῖν ἡμέρασ μιᾶσ οὐδὲ δύο. ἐπὶ πλεῖον γὰρ ἡμάρτομεν ἐν τούτοισ. στήτωσαν δὲ οἱ προηγούμενοι τοῦ πλήθουσ, καὶ πάντεσ οἱ ἐκ τῶν κατοικιῶν ἡμῶν ὅσοι ἔχουσι γυναῖκασ ἀλλογενεῖσ, παραγενηθήτωσαν λαβόντεσ χρόνον. ἑκάστου δὲ τόπου τοὺσ πρεσβυτέρουσ καὶ τοὺσ κριτὰσ ἕωσ τοῦ λῦσαι τὴν ὀργὴν Κυρίου ἀφ̓ ἡμῶν τοῦ πράγματοσ τούτου. Ἰωνάθασ Ἀζαήλου καὶ Ἐζεκίασ Θεωκανοῦ ἐπεδέξαντο κατὰ ταῦτα, καὶ Μοσόλλαμοσ καὶ Λευὶσ καὶ Σαββαταῖοσ συνεβράβευσαν αὐτοῖσ. καὶ ἐποίησαν κατὰ πάντα ταῦτα οἱ ἐκ τῆσ αἰχμαλωσίασ. καὶ ἐπελέξατο αὐτῷ Ἔσδρασ ὁ ἱερεὺσ ἄνδρασ ἡγουμένουσ τῶν πατριῶν αὐτῶν πάντασ κατ̓ ὄνομα, καὶ συνεκλείσθησαν τῇ νουμηνίᾳ τοῦ μηνὸσ τοῦ δεκάτου ἐτάσαι τὸ πρᾶγμα. καὶ ἤχθη ἐπὶ πέρασ τὰ κατὰ τοὺσ ἄνδρασ τοὺσ ἐπισυνέχοντασ γυναῖκασ ἀλλογενεῖσ ἕωσ τῆσ νουμηνίασ τοῦ πρώτου μηνόσ. καὶ εὑρέθησαν τῶν ἱερέων οἱ ἐπισυναχθέντεσ ἀλλογενεῖσ γυναῖκασ ἔχοντεσ. ἐκ τῶν υἱῶν Ἰησοῦ τοῦ Ἰωσεδὲκ καὶ τῶν ἀδελφῶν αὐτοῦ Μαθήλασ καὶ Ἐλεάζαροσ καὶ Ἰώριβοσ καὶ Ἰωαδάνοσ. καὶ ἐπέβαλον τὰσ χεῖρασ ἐκβαλεῖν τὰσ γυναῖκασ αὐτῶν, καὶ εἰσ ἐξιλασμὸν κριοὺσ ὑπὲρ τῆσ ἀγνοίασ αὐτῶν. καὶ ἐκ τῶν υἱῶν Ἐμμήρ, Ἀνανίασ καὶ Ζαβδαῖοσ καὶ Μάνησ καὶ Σαμαῖοσ καὶ Ἱερεὴλ καὶ Ἀζαρίασ. καὶ ἐκ τῶν υἱῶν Φαισούρ, Ἐλιωναί̈σ Μασσίασ Ἰσμαῆλοσ καὶ Ναθαναῆλοσ καὶ Ὠκόδηλοσ καὶ Σαλόασ. καὶ ἐκ τῶν Λευιτῶν, Ἰωζαβάδοσ καὶ Σεμεί̈σ καὶ Κώϊοσ καὶ Παθαῖοσ καὶ Ἰούδασ καὶ Ἰωνάσ. ἐκ τῶν ἱεροψαλτῶν, Ἐλιάσεβοσ, Βακχοῦροσ. ἐκ τῶν θυρωρῶν, Σαλοῦμοσ καὶ Τολβάνησ. ἐκ τοῦ Ἰσραὴλ ἐκ τῶν υἱῶν Φόροσ, Ἱερμὰσ καὶ Ἰεζίασ καὶ Μελχίασ καὶ Μαῆλοσ καὶ Ἐλεάζαροσ καὶ Ἀσεβίασ καὶ Βαναίασ. ἐκ τῶν υἱῶν Ἠλά, Ματθανίασ, Ζαχαρίασ καὶ Ἰεζριῆλοσ καὶ Ἰωαβδίοσ καὶ Ἱερεμὼθ καὶ Αἰ̈δίασ. καὶ ἐκ τῶν υἱῶν Ζαμώθ, Ἐλιαδάσ, Ἐλιάσιμοσ, Ὀθονίασ Ἰαριμὼθ καὶ Σάβαθοσ καὶ Ζεραλίασ. καὶ ἐκ τῶν υἱῶν Βηβαί̈, Ἰωάννησ καὶ Ἀνανίασ καὶ Ἰωζάβδοσ καὶ Ἀμαθίασ. ἐκ τῶν υἱῶν Μανί, Ὠλαμόσ, Μαμοῦχοσ, Ἰεδαῖοσ, Ἰασοῦβοσ καὶ Ἰασαῆλοσ καὶ Ἱερεμώθ. καὶ ἐξ υἱῶν Ἀδδί, Νάαθοσ καὶ Μοοσίασ, Λακκοῦνοσ καὶ Ναί̈δοσ, Ματθανίασ καὶ Σεσθήλ. καὶ Βαλνοῦοσ καὶ Μανασσίασ. καὶ ἐκ τῶν υἱῶν Ἀνάν, Ἐλιωνὰσ καὶ Ἀσαί̈ασ καὶ Μελχίασ καὶ Σαββαῖοσ καὶ Σίμων Χοσαμαῖοσ. καὶ ἐκ τῶν υἱῶν Ἀσόμ, Ἀλταναῖοσ καὶ Ματταθίασ καὶ Σαβανναῖοσ καὶ Ἐλιφαλὰτ καὶ Μανασσῆσ καὶ Σεμεί̈. καὶ ἐκ τῶν υἱῶν Βαανί, Ἱερεμίασ, Μομδίοσ, Ἰσμαῆροσ, Ἰουήλ, Μαβδαί̈ καὶ Πεδίασ καὶ Ἄνωσ, Ραβασίων καὶ Ἐνάσιβοσ καὶ Μαμνιτάναιμοσ, Ἐλίασισ, Βαννούσ, Ἐλιαλί, Σομεί̈σ, Σελεμίασ, Ναθανίασ. καὶ ἐκ τῶν υἱῶν Ἐζωρά, Σεσίσ, Ἐσρήλ, Ἀζαῆλοσ, Σαματόσ, Ζαμβρί, Ἰώσηφοσ. καὶ ἐκ τῶν υἱῶν Ἐθμά, Μαζιτίασ, Ζαβαδαίασ, Ἠδαί̈σ, Ἰουήλ, Βαναίασ. πάντεσ οὗτοι συνῴκισαν γυναῖκασ ἀλλογενεῖσ, καὶ ἀπέλυσαν αὐτὰσ σὺν τέκνοισ. Καὶ κατῴκησαν οἱ ἱερεῖσ καὶ οἱ Λευῖται καὶ οἱ ἐκ τοῦ Ἰσραὴλ ἐν Ἱερουσαλὴμ καὶ ἐν τῇ χώρᾳ τῇ νουμηνίᾳ τοῦ μηνὸσ τοῦ ἑβδόμου καὶ οἱ υἱοὶ Ἰσραὴλ ἐν ταῖσ κατοικίαισ αὐτῶν. καὶ συνήχθη πᾶν τὸ πλῆθοσ ὁμοθυμαδὸν ἐπὶ τὸ εὐρύχωρον τοῦ πρὸσ ἀνατολὰσ τοῦ ἱεροῦ πυλῶνος καὶ εἶπεν Ἔσδρᾳ τῷ ἱερεῖ καὶ ἀναγνώστῃ. κόμισαι τὸν νόμον Μωυσῆ τὸν παραδοθέντα ὑπὸ Κυρίου Θεοῦ Ἰσραήλ. καὶ ἐκόμισεν Ἔσδρασ ὁ ἀρχιερεὺσ τὸν νόμον παντὶ τῷ πλήθει ἀνθρώπου ἕωσ γυναικὸσ καὶ πᾶσι τοῖσ ἱερεῦσιν ἀκοῦσαι τοῦ νόμου νουμηνίᾳ τοῦ ἑβδόμου μηνόσ. καὶ ἀνεγίνωσκεν ἐν τῷ πρὸ τοῦ ἱεροῦ πυλῶνοσ εὐρυχώρῳ, ἐξ ὄρθρου ἕωσ μέσησ ἡμέρασ, ἐνώπιον ἀνδρῶν τε καὶ γυναικῶν, καὶ ἀπέδωκαν πᾶν τὸ πλῆθοσ τὸν νοῦν εἰσ τὸν νόμον. καὶ ἔστη Ἔσδρασ ὁ ἱερεὺσ καὶ ἀναγνώστησ τοῦ νόμου ἐπὶ τοῦ ξυλίνου βήματοσ τοῦ κατασκευασθέντοσ, καὶ ἔστησαν παῤ αὐτῷ Ματταθίασ, Σαμμούσ, Ἀνανίασ, Ἀζαρίασ, Οὐρίασ, Ἐζεκίασ, Βαάλσαμοσ ἐκ δεξιῶν, καὶ ἐξ εὐωνύμων Φαλδαῖοσ καὶ Μισαήλ, Μελχίασ, Λωθάσουβοσ, Ναβαρίασ, Ζαχαρίασ. καὶ ἀναλαβὼν Ἔσδρασ τὸ βιβλίον ἐνώπιον τοῦ πλήθουσ προεκάθητο ἐπιδόξωσ ἐνώπιον πάντων, καὶ ἐν τῷ λῦσαι τὸν νόμον πάντεσ ὀρθοὶ ἔστησαν. καὶ εὐλόγησεν Ἔσδρασ τῷ Κυρίῳ Θεῷ Ὑψίστῳ Θεῷ Σαβαὼθ παντοκράτορι, καὶ ἐπεφώνησε πᾶν τὸ πλῆθοσ ἀμήν. καὶ ἄραντεσ ἄνω τὰσ χεῖρασ, προσπεσόντεσ ἐπὶ τὴν γῆν, προσεκύνησαν τῷ Κυρίῳ. Ἰησοῦσ καὶ Ἀννιοὺθ καὶ Σαραβίασ καὶ Ἰαδινὸσ καὶ Ἰάκουβοσ, Σαββαταῖοσ, Αὐταίασ, Μαιάννασ καὶ Καλίτασ, Ἀζαρίασ καὶ Ἰώζαβδοσ καὶ Ἀνανίασ, Φαλίασ, οἱ Λευῖται, ἐδίδασκον τὸν νόμον τοῦ Κυρίου καὶ πρὸσ τὸ πλῆθοσ ἀνεγίνωσκον τὸν νόμον τοῦ Κυρίου, ἐμφυσιοῦντεσ ἅμα τὴν ἀνάγνωσιν. καὶ εἶπεν Ἀτθαράτησ Ἔσδρᾳ τῷ ἀρχιερεῖ καὶ ἀναγνώστῃ καὶ τοῖσ Λευίταισ τοῖσ διδάσκουσι τὸ πλῆθοσ ἐπὶ πάντασ. ἡ ἡμέρα αὕτη ἐστὶν ἁγία τῷ Κυρίῳ, καὶ πάντεσ ἔκλαιον ἐν τῷ ἀκοῦσαι τοῦ νόμου. βαδίσαντεσ οὖν φάγετε λιπάσματα καὶ πίετε γλυκάσματα καὶ ἀποστείλατε ἀποστολὰσ τοῖσ μὴ ἔχουσιν, ἁγία γὰρ ἡ ἡμέρα τῷ Κυρίῳ. καὶ μὴ λυπεῖσθε, ὁ γὰρ Κύριοσ δοξάσει ὑμᾶσ. καὶ οἱ Λευῖται ἐκέλευον παντὶ τῷ δήμῳ λέγοντεσ. ἡ ἡμέρα αὕτη ἁγία, μὴ λυπεῖσθε. καὶ ᾤχοντο πάντεσ φαγεῖν καὶ πιεῖν καὶ εὐφραίνεσθαι καὶ δοῦναι ἀποστολὰσ τοῖσ μὴ ἔχουσι καὶ εὐφρανθῆναι μεγάλωσ, ὅτι γὰρ ἐνεφυσιώθησαν ἐν τοῖσ ρήμασιν, οἷσ ἐδιδάχθησαν, καὶ ἐπισυνήχθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Septuagint, Liber Esdrae I

(70인역 성경, 에즈라기)

목록

SEARCH

MENU NAVIGATION