Septuagint, Liber I Regum 8:

(70인역 성경, 열왕기 상권 8:)

ΚΑΙ ἐγένετο ὡσ συνετέλεσε Σαλωμὼν τοῦ οἰκοδομῆσαι τὸν οἶκον Κυρίου καὶ τὸν οἶκον αὐτοῦ μετὰ εἴκοσιν ἔτη, τότε ἐξεκκλησίασεν ὁ βασιλεὺσ Σαλωμὼν πάντασ τοὺσ πρεσβυτέρουσ Ἰσραὴλ ἐν Σιὼν τοῦ ἀνενεγκεῖν τὴν κιβωτὸν διαθήκησ Κυρίου ἐκ πόλεωσ Δαυὶδ ἐν μηνὶ Ἀθανίν. καὶ ᾖραν οἱ ἱερεῖσ τὴν κιβωτὸν καὶ τὸ σκήνωμα τοῦ μαρτυρίου καὶ τὰ σκεύη τὰ ἅγια τὰ ἐν τῷ σκηνώματι τοῦ μαρτυρίου, καὶ ὁ βασιλεὺσ καὶ πᾶσ Ἰσραὴλ ἔμπροσθεν τῆσ κιβωτοῦ θύοντεσ πρόβατα καὶ βόασ ἀναρίθμητα. καὶ εἰσφέρουσιν οἱ ἱερεῖσ τὴν κιβωτὸν εἰσ τὸν τόπον αὐτῆσ εἰσ τὸ δαβὶρ τοῦ οἴκου, εἰσ τὰ ἅγια τῶν ἁγίων ὑπὸ τὰσ πτέρυγασ τῶν Χερουβίμ. ὅτι τὰ Χερουβὶμ διαπεπετασμένα ταῖσ πτέρυξιν ἐπὶ τὸν τόπον τῆσ κιβωτοῦ, καὶ περιεκάλυπτον τὰ Χερουβὶμ ἐπὶ τὴν κιβωτὸν καὶ ἐπὶ τὰ ἅγια αὐτῆσ ἐπάνωθεν, καὶ ὑπερεῖχον τὰ ἡγιασμένα, καὶ ἐνεβλέποντο αἱ κεφαλαὶ τῶν ἡγιασμένων ἐκ τῶν ἁγίων εἰσ πρόσωπον τοῦ δαβὶρ καὶ οὐκ ὠπτάνοντο ἔξω. οὐκ ἦν ἐν τῇ κιβωτῷ πλὴν δύο πλάκεσ λίθιναι, πλάκεσ τῆσ διαθήκησ, ἃσ ἔθηκεν ἐκεῖ Μωυσῆσ ἐν Χωρήβ, ἃσ διέθετο Κύριοσ μετὰ τῶν υἱῶν Ἰσραὴλ ἐν τῷ ἐκπορεύεσθαι αὐτοὺσ ἐκ γῆσ Αἰγύπτου. καὶ ἐγένετο ὡσ ἐξῆλθον οἱ ἱερεῖσ ἐκ τοῦ ἁγίου, καὶ ἡ νεφέλη ἔπλησε τὸν οἶκον. καὶ οὐκ ἠδύναντο οἱ ἱερεῖσ στήκειν λειτουργεῖν ἀπὸ προσώπου τῆσ νεφέλησ, ὅτι ἔπλησε δόξα Κυρίου τὸν οἶκον. Καὶ ἀπέστρεψεν ὁ βασιλεὺσ τὸ πρόσωπον αὐτοῦ, καὶ εὐλόγησεν ὁ βασιλεὺσ πάντα Ἰσραήλ, καὶ πᾶσα ἐκκλησία Ἰσραὴλ εἱστήκει. καὶ εἶπεν. εὐλογητὸσ Κύριοσ ὁ Θεὸσ Ἰσραὴλ σήμερον, ὃσ ἐλάλησεν ἐν τῷ στόματι αὐτοῦ περὶ Δαυὶδ τοῦ πατρόσ μου καὶ ἐν ταῖσ χερσὶν αὐτοῦ ἐπλήρωσε λέγων. ἀφ̓ ἧσ ἡμέρασ ἐξήγαγον τὸν λαόν μου τὸν Ἰσραὴλ ἐξ Αἰγύπτου, οὐκ ἐξελεξάμην ἐν πόλει ἐν ἑνὶ σκήπτρῳ Ἰσραὴλ τοῦ οἰκοδομῆσαι οἶκον τοῦ εἶναι τὸ ὄνομά μου ἐκεῖ. καὶ ἐξελεξάμην ἐν Ἱερουσαλὴμ εἶναι τὸ ὄνομά μου ἐκεῖ. καὶ ἐξελεξάμην τὸν Δαυὶδ τοῦ εἶναι ἐπὶ τὸν λαόν μου τὸν Ἰσραήλ. καὶ ἐγένετο ἐπὶ τῆσ καρδίασ τοῦ πατρόσ μου οἰκοδομῆσαι οἶκον τῷ ὀνόματι Κυρίου Θεοῦ Ἰσραήλ. καὶ εἶπε Κύριοσ πρὸσ Δαυὶδ τὸν πατέρα μου. ἀνθ̓ ὧν ἦλθεν ἐπὶ τὴν καρδίαν σου τοῦ οἰκοδομῆσαι οἶκον τῷ ὀνόματί μου, καλῶσ ἐποίησασ ὅτι ἐγενήθη ἐπὶ τὴν καρδίαν σου. πλὴν σὺ οὐκ οἰκοδομήσεισ τὸν οἶκον, ἀλλ̓ ἢ ὁ υἱόσ σου ὁ ἐξελθὼν ἐκ τῶν πλευρῶν σου, οὗτοσ οἰκοδομήσει τὸν οἶκον τῷ ὀνόματί μου. καὶ ἀνέστησε Κύριοσ τὸ ρῆμα αὐτοῦ, ὃ ἐλάλησε, καὶ ἀνέστην ἀντὶ Δαυὶδ τοῦ πατρόσ μου καὶ ἐκάθισα ἐπὶ τοῦ θρόνου Ἰσραήλ, καθὼσ ἐλάλησε Κύριοσ, καὶ ᾠκοδόμησα τὸν οἶκον τῷ ὀνόματι Κυρίου Θεοῦ Ἰσραήλ. καὶ ἐθέμην ἐκεῖ τόπον τῇ κιβωτῷ, ἐν ᾗ ἐστιν ἐκεῖ διαθήκη Κυρίου, ἣν διέθετο Κύριοσ μετὰ τῶν πατέρων ἡμῶν ἐν τῷ ἐξαγαγεῖν αὐτὸν αὐτοὺσ ἐκ γῆσ Αἰγύπτου. Καὶ ἀνέστη Σαλωμὼν κατὰ πρόσωπον τοῦ θυσιαστηρίου Κυρίου ἐνώπιον πάσησ ἐκκλησίασ Ἰσραὴλ καὶ διεπέτασε τὰσ χεῖρασ αὐτοῦ εἰσ τὸν οὐρανόν, καὶ εἶπε. Κύριε ὁ Θεὸσ Ἰσραήλ, οὐκ ἔστιν ὡσ σὺ Θεὸσ ἐν τῷ οὐρανῷ ἄνω καὶ ἐπὶ τῆσ γῆσ κάτω, φυλάσσων διαθήκην καὶ ἔλεοσ τῷ δούλῳ σου τῷ πορευομένῳ ἐνώπιόν σου ἐν ὅλῃ τῇ καρδίᾳ αὐτοῦ, ἃ ἐφύλαξασ τῷ δούλῳ σου Δαυὶδ τῷ πατρί μου. καὶ γὰρ ἐλάλησασ ἐν τῷ στόματί σου καὶ ἐν χερσί σου ἐπλήρωσασ ὡσ ἡ ἡμέρα αὕτη. καὶ νῦν, Κύριε ὁ Θεὸσ Ἰσραήλ, φύλαξον τῷ δούλῳ σου Δαυὶδ τῷ πατρί μου ἃ ἐλάλησασ αὐτῷ λέγων. οὐκ ἐξαρθήσεταί σου ἀνὴρ ἐκ προσώπου μου καθήμενοσ ἐπὶ θρόνου Ἰσραήλ, πλὴν ἐὰν φυλάξωνται τὰ τέκνα σου τὰσ ὁδοὺσ αὐτῶν τοῦ πορεύεσθαι ἐνώπιόν μου, καθὼσ ἐπορεύθησ ἐνώπιον ἐμοῦ. καὶ νῦν, Κύριε ὁ Θεὸσ Ἰσραήλ, πιστωθήτω δὴ τὸ ρῆμά σου τῷ Δαυὶδ τῷ πατρί μου. ὅτι εἰ ἀληθῶσ κατοικήσει ὁ Θεὸσ μετὰ ἀνθρώπων ἐπὶ τῆσ γῆσ̣ εἰ ὁ οὐρανὸσ καὶ ὁ οὐρανὸσ τοῦ οὐρανοῦ οὐκ ἀρκέσουσί σοι, πλὴν καὶ ὁ οἶκοσ οὗτοσ, ὃν ᾠκοδόμησα τῷ ὀνόματί σου̣ καὶ ἐπιβλέψῃ ἐπὶ τὴν δέησίν μου, Κύριε ὁ Θεὸσ Ἰσραήλ, ἀκούειν τῆσ προσευχῆσ, ἧσ ὁ δοῦλόσ σου προσεύχεται ἐνώπιόν σου πρόσ σε σήμερον, τοῦ εἶναι τοὺσ ὀφθαλμούσ σου ἠνεῳγμένουσ εἰσ τὸν οἶκον τοῦτον ἡμέρασ καὶ νυκτόσ, εἰσ τὸν τόπον, ὃν εἶπασ. ἔσται τὸ ὄνομά μου ἐκεῖ, τοῦ εἰσακούειν τῆσ προσευχῆσ, ἧσ προσεύχεται ὁ δοῦλόσ σου εἰσ τὸν τόπον τοῦτον ἡμέρασ καὶ νυκτόσ. καὶ εἰσακούσῃ τῆσ δεήσεωσ τοῦ δούλου σου καὶ τοῦ λαοῦ σου Ἰσραήλ, ἃ ἂν προσεύξωνται εἰσ τὸν τόπον τοῦτον, καὶ σὺ εἰσακούσῃ ἐν τῷ τόπῳ τῆσ κατοικήσεώσ σου ἐν οὐρανῷ καὶ ποιήσεισ καὶ ἵλεωσ ἔσῃ. ὅσα ἂν ἁμάρτῃ ἕκαστοσ τῷ πλησίον αὐτοῦ, καὶ ἐὰν λάβῃ ἐπ̓ αὐτὸν ἀρὰν τοῦ ἀράσασθαι αὐτόν, καὶ ἔλθῃ καὶ ἐξαγορεύσῃ κατὰ πρόσωπον τοῦ θυσιαστηρίου σου ἐν τῷ οἴκῳ τούτῳ, καὶ σὺ εἰσακούσῃ ἐκ τοῦ οὐρανοῦ καὶ ποιήσεισ καὶ κρινεῖσ τὸν λαόν σου Ἰσραὴλ ἀνομηθῆναι ἄνομον, δοῦναι τὴν ὁδὸν αὐτοῦ εἰσ κεφαλὴν αὐτοῦ καὶ τοῦ δικαιῶσαι δίκαιον, δοῦναι αὐτῷ κατὰ τὴν δικαιοσύνην αὐτοῦ. ἐν τῷ πταῖσαι τὸν λαόν σου Ἰσραὴλ ἐνώπιον ἐχθρῶν, ὅτι ἁμαρτήσονταί σοι, καὶ ἐπιστρέψουσι καὶ ἐξομολογήσονται τῷ ὀνόματί σου καὶ προσεύξονται καὶ δεηθήσονται ἐν τῷ οἴκῳ τούτω, καὶ σὺ εἰσακούσῃ ἐκ τοῦ οὐρανοῦ καὶ ἵλεωσ ἔσῃ ταῖσ ἁμαρτίαισ τοῦ λαοῦ σου Ἰσραὴλ καὶ ἐπιστρέψεισ αὐτοὺσ εἰσ τὴν γῆν, ἣν ἔδωκασ τοῖσ πατράσιν αὐτῶν. ἐν τῷ συσχεθῆναι τὸν οὐρανὸν καὶ μὴ γενέσθαι ὑετόν, ὅτι ἁμαρτήσονταί σοι, καὶ προσεύξονται εἰσ τὸν τόπον τοῦτον καὶ ἐξομολογήσονται τῷ ὀνόματί σου καὶ ἀπὸ τῶν ἁμαρτιῶν αὐτῶν ἀποστρέψουσιν, ὅταν ταπεινώσῃσ αὐτούσ, καὶ εἰσακούσῃ ἐκ τοῦ οὐρανοῦ καὶ ἵλεωσ ἔσῃ ταῖσ ἁμαρτίαισ τοῦ δούλου σου καὶ τοῦ λαοῦ σου Ἰσραήλ. ὅτι δηλώσεισ αὐτοῖσ τὴν ὁδὸν τὴν ἀγαθὴν πορεύεσθαι ἐν αὐτῇ καὶ δώσεισ ὑετὸν ἐπὶ τὴν γῆν, ἣν ἔδωκασ τῷ λαῷ σου ἐν κληρονομίᾳ. λιμὸσ ἐὰν γένηται, θάνατοσ ἐὰν γένηται, ὅτι ἔσται ἐμπυρισμόσ, βροῦχοσ, ἐρυσίβη ἐὰν γένηται, καὶ ἐὰν θλίψῃ αὐτὸν ὁ ἐχθρὸσ αὐτοῦ ἐν μιᾷ τῷν πόλεων αὐτοῦ, πᾶν συνάντημα, πάντα πόνον, πᾶσαν προσευχήν, πᾶσαν δέησιν, ἐὰν γένηται παντὶ ἀνθρώπῳ ὡσ ἂν γνῶσιν ἕκαστοσ ἁφὴν καρδίασ αὐτοῦ καὶ διαπετάσῃ τὰσ χεῖρασ αὐτοῦ εἰσ τὸν οἶκον τοῦτον, καὶ σὺ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ἵλεωσ ἔσῃ καὶ ποιήσεισ καὶ δώσεισ ἀνδρὶ κατὰ τὰσ ὁδοὺσ αὐτοῦ, καθὼσ ἂν γνῷσ τὴν καρδίαν αὐτοῦ, ὅτι σὺ μονώτατοσ οἶδασ τὴν καρδίαν πάντων υἱῶν ἀνθρώπων, ὅπωσ φοβῶνταί σε πάσασ τὰσ ἡμέρασ, ὅσασ αὐτοὶ ζῶσιν ἐπὶ τῆσ γῆσ, ἧσ ἔδωκασ τοῖσ πατράσιν ἡμῶν. καὶ τῷ ἀλλοτρίῳ, ὃσ οὐκ ἔστιν ἀπὸ λαοῦ σου οὗτοσ, καὶ ἥξουσι καὶ προσεύξονται εἰσ τὸν τόπον τοῦτον, καὶ σὺ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ποιήσεισ κατὰ πάντα, ὅσα ἂν ἐπικαλέσηταί σε ὁ ἀλλότριοσ, ὅπωσ γνῶσι πάντεσ οἱ λαοὶ τὸ ὄνομά σου, καὶ φοβῶνταί σε, καθὼσ ὁ λαόσ σου Ἰσραήλ, καὶ γνῶσιν ὅτι τὸ ὄνομά σου ἐπικέκληται ἐπὶ τὸν οἶκον τοῦτον, ὃν ᾠκοδόμησα. ὅτι ἐξελεύσεται ὁ λαόσ σου εἰσ πόλεμον ἐπὶ τοὺσ ἐχθροὺσ αὐτοῦ ἐν ὁδῷ, ᾗ ἐπιστρέψεισ αὐτούσ, καὶ προσεύξονται ἐν ὀνόματι Κυρίου ὁδὸν τῆσ πόλεωσ, ἧσ ἐξελέξω ἐν αὐτῇ, καὶ τοῦ οἴκου, οὗ ᾠκοδόμησα τῷ ὀνόματί σου, καὶ σὺ εἰσακούσῃ ἐκ τοῦ οὐρανοῦ τῆσ δεήσεωσ αὐτῶν καὶ τῆσ προσευχῆσ αὐτῶν καὶ ποιήσεισ τὸ δικαίωμα αὐτοῖσ. ὅτι ἁμαρτήσονταί σοι ὅτι οὐκ ἔστιν ἄνθρωποσ, ὃσ οὐχ ἁμαρτήσεται καὶ ἐπάξεισ αὐτοὺσ καὶ παραδώσεισ αὐτοὺσ ἐνώπιον ἐχθρῶν καὶ αἰχμαλωτιοῦσιν οἱ αἰχμαλωτίζοντεσ εἰσ γῆν μακρὰν καὶ ἐγγύσ, καὶ ἐπιστρέψουσι καρδίασ αὐτῶν ἐν τῇ γῇ, οὗ μετήχθησαν ἐκεῖ, καὶ ἐπιστρέψουσιν ἐν γῇ μετοικίασ αὐτῶν καὶ δεηθῶσί σου λέγοντεσ. ἡμάρτομεν, ἠδικήσαμεν, ἠνομήσαμεν, καὶ ἐπιστρέψωσι πρόσ σε ἐν ὅλῃ καρδίᾳ αὐτῶν καὶ ἐν ὅλῃ ψυχῇ αὐτῶν ἐν τῇ γῇ ἐχθρῶν αὐτῶν, οὗ μετήγαγεσ αὐτούσ, καὶ προσεύξονται πρόσ σε, ὁδὸν γῆσ αὐτῶν, ἧσ ἔδωκασ τοῖσ πατράσιν αὐτῶν, καὶ τῆσ πόλεωσ, ἧσ ἐξελέξω, καὶ τοῦ οἴκου, οὗ ᾠκοδόμηκα τῷ ὀνόματί σου, καὶ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ἵλεωσ ἔσῃ ταῖσ ἀδικίαισ αὐτῶν, αἷσ ἥμαρτόν σοι, καὶ κατὰ πάντα τὰ ἀθετήματα αὐτῶν, ἃ ἠθέτησάν σοι, καὶ δώσεισ αὐτοὺσ εἰσ οἰκτιρμοὺσ ἐνώπιον αἰχμαλωτευόντων αὐτούσ, καὶ οἰκτειρήσουσιν αὐτούσ. ὅτι λαόσ σου καὶ κληρονομία σου, οὓσ ἐξήγαγεσ ἐκ γῆσ Αἰγύπτου ἐκ μέσου χωνευτηρίου σιδήρου. καὶ ἔστρωσαν οἱ ὀφθαλμοί σου καὶ τὰ ὦτά σου ᾐνεῳγμένα εἰσ τὴν δέησιν τοῦ δούλου σου καὶ εἰσ τὴν δέησιν τοῦ λαοῦ σου Ἰσραὴλ εἰσακούειν αὐτῶν ἐν πᾶσιν, οἷσ ἂν ἐπικαλέσωνταί σε, ὅτι σὺ διέστειλασ αὐτοὺσ σεαυτῷ εἰσ κληρονομίαν ἐκ πάντων τῶν λαῶν τῆσ γῆσ, καθὼσ ἐλάλησασ ἐν χειρὶ δούλου σου Μωυσῆ ἐν τῷ ἐξαγαγεῖν σε τοὺσ πατέρασ ἡμῶν ἐκ γῆσ Αἰγύπτου, Κύριε Κύριε. α Τότε ἐλάλησε Σαλωμὼν ὑπὲρ τοῦ οἴκου, ὡσ συνετέλεσε τοῦ οἰκοδομῆσαι αὐτόν, Ἥλιον ἐγνώρισεν ἐν οὐρανῷ Κύριοσ, εἶπε τοῦ κατοικεῖν ἐν γνόφῳ. οἰκοδόμησον οἶκόν μου, οἶκον εὐπρεπῆ σεαυτῷ, τοῦ κατοικεῖν ἐπὶ καινότητοσ. οὐκ ἰδοὺ αὕτη γέγραπται ἐν βιβλίῳ τῆσ ᾠδῆσ̣ Καὶ ἐγένετο ὡσ συνετέλεσε Σαλωμὼν προσευχόμενοσ πρὸσ Κύριον ὅλην τὴν προσευχὴν καὶ τὴν δέησιν ταύτην, καὶ ἀνέστη ἀπὸ προσώπου τοῦ θυσιαστηρίου Κυρίου ὀκλακὼσ ἐπὶ τὰ γόνατα αὐτοῦ καὶ αἱ χεῖρεσ αὐτοῦ διαπεπετασμέναι εἰσ τὸν οὐρανόν. καὶ ἔστη καὶ εὐλόγησε πᾶσαν ἐκκλησίαν Ἰσραὴλ φωνῇ μεγάλῃ λέγων. εὐλογητὸσ Κύριοσ σήμερον, ὃσ ἔδωκε κατάπαυσιν τῷ λαῷ αὐτοῦ Ἰσραὴλ κατὰ πάντα, ὅσα ἐλάλησεν. οὐ διεφώνησε λόγοσ εἷσ ἐν πᾶσι τοῖσ λόγοισ αὐτοῦ τοῖσ ἀγαθοῖσ, οἷσ ἐλάλησεν ἐν χειρὶ δούλου αὐτοῦ Μωυσῆ. γένοιτο Κύριοσ ὁ Θεὸσ ἡμῶν μεθ̓ ἡμῶν, καθὼσ ἦν μετὰ τῶν πατέρων ἡμῶν. μὴ ἐγκαταλίποιτο ἡμᾶσ μηδὲ ἀποστρέψοιτο ἡμᾶσ, ἐπικλῖναι καρδίασ ἡμῶν ἐπ̓ αὐτὸν τοῦ πορεύεσθαι ἐν πάσαισ ὁδοῖσ αὐτοῦ καὶ φυλάσσειν πάσασ ἐντολὰσ αὐτοῦ καὶ τὰ προστάγματα αὐτοῦ, ἃ ἐνετείλατο τοῖσ πατράσιν ἡμῶν. καὶ ἔστρωσαν οἱ λόγοι οὗτοι, ὡσ δεδέημαι ἐνώπιον Κυρίου Θεοῦ ἡμῶν, ἐγγίζοντεσ πρὸσ Κύριον Θεὸν ἡμῶν ἡμέρασ καὶ νυκτόσ, τοῦ ποιεῖν τὸ δικαίωμα τοῦ δούλου σου καὶ τὸ δικαίωμα λαοῦ Ἰσραὴλ ρῆμα ἡμέρασ ἐν ἡμέρᾳ ἐνιαυτοῦ, ὅπωσ γνῶσιν πάντεσ οἱ λαοὶ τῆσ γῆσ, ὅτι Κύριοσ ὁ Θεόσ, αὐτὸσ Θεὸσ καὶ οὐκ ἔστιν ἔτι. καὶ ἔστρωσαν οἱ καρδίαι ἡμῶν τέλειαι πρὸσ Κύριον Θεὸν ἡμῶν καὶ ὁσίωσ πορεύεσθαι ἐν τοῖσ προστάγμασιν αὐτοῦ καὶ φυλάσσειν ἐντολὰσ αὐτοῦ ὡσ ἡ ἡμέρα αὕτη. Καὶ ὁ βασιλεὺσ καὶ πάντεσ οἱ υἱοὶ Ἰσραὴλ ἔθυσαν θυσίαν ἐνώπιον Κυρίου. καὶ ἔθυσεν ὁ βασιλεὺσ Σαλωμὼν τὰσ θυσίασ τῶν εἰρηνικῶν, ἃσ ἔθυσε τῷ Κυρίῳ, βοῶν δύο καὶ εἴκοσι χιλιάδασ καὶ προβάτων ἑκατὸν καὶ εἴκοσι χιλιάδασ. καὶ ἐνεκαίνισε τὸν οἶκον Κυρίου ὁ βασιλεὺσ καὶ πάντεσ οἱ υἱοὶ Ἰσραήλ. τῇ ἡμέρᾳ ἐκείνῃ ἡγίασεν ὁ βασιλεὺσ τὸ μέσον τῆσ αὐλῆσ τὸ κατὰ πρόσωπον τοῦ οἴκου Κυρίου. ὅτι ἐποίησεν ἐκεῖ τὴν ὁλοκαύτωσιν καὶ τὰσ θυσίασ καὶ τὰ στέατα τῶν εἰρηνικῶν, ὅτι τὸ θυσιαστήριον τὸ χαλκοῦν τὸ ἐνώπιον Κυρίου μικρόν. τοῦ μὴ δύνασθαι τὴν ὁλοκαύτωσιν καὶ τὰσ θυσίασ τῶν εἰρηνικῶν ὑπενεγκεῖν. καὶ ἐποίησε Σαλωμὼν τὴν ἑορτὴν ἐν τῇ ἡμέρᾳ ἐκείνῃ, καὶ πᾶσ Ἰσραὴλ μετ̓ αὐτοῦ, ἐκκλησία μεγάλη ἀπὸ τῆσ εἰσόδου Ἡμὰθ ἕωσ ποταμοῦ Αἰγύπτου, ἐνώπιον Κυρίου Θεοῦ ἡμῶν ἐν τῷ οἴκῳ, ᾧ ᾠκοδόμησεν, ἐσθίων καὶ πίνων καὶ εὐφραινόμενοσ ἐνώπιον Κυρίου Θεοῦ ἡμῶν ἑπτὰ ἡμέρασ. καὶ ἐν τῇ ἡμέρᾳ τῇ ὀγδόῃ ἐξαπέστειλε τὸν λαὸν καὶ εὐλόγησαν τὸν βασιλέα, καὶ ἀπῆλθεν ἕκαστοσ εἰσ τὰ σκηνώματα αὐτοῦ χαίροντεσ καὶ ἀγαθῇ καρδίᾳ ἐπὶ τοῖσ ἀγαθοῖσ, οἷσ ἐποίησε Κύριοσ τῷ Δαυὶδ δούλῳ αὐτοῦ καὶ τῷ Ἰσραὴλ λαῷ αὐτοῦ.

목록

일치하는 문장이 없습니다.

SEARCH

MENU NAVIGATION