헬라어 문장 검색 - ΠολψβίΗιστορί14́005́

(폴리비오스, Histories, book 14, chapter 4)

Ἐπειδὴ δὲ πάντ’ ἦν εὐτρεπῆ τὰ πρὸσ τὴν χρείαν αὐτῷ τὴν ἐνεστῶσαν, ἀπολιπὼν τοὺσ ἱκανοὺσ καὶ τοὺσ ἐπιτηδείουσ ἐπὶ τῆσ παρεμβολῆσ, ἀναλαβὼν τὰσ δυνάμεισ προῆγεν ἄρτι ληγούσησ τῆσ πρώτησ φυλακῆσ· περὶ γὰρ ἑξήκοντα σταδίουσ ἀπεῖχον οἱ πολέμιοι. παρακαλέσασ ἄνδρασ ἀγαθοὺσ γενέσθαι καὶ μηδὲν εἰκῇ πράττειν, σαφῶσ εἰδότασ ὅτι, καθ’ ὅσον ἐμποδίζει καὶ κωλύει τὰ τῆσ ὁράσεωσ τὸ σκότοσ, κατὰ τοσοῦτον δεῖ συνεκπληροῦν τῇ διανοίᾳ καὶ τῇ τόλμῃ τὰσ νυκτερινὰσ ἐπιβολάσ·

αὐτὸσ δὲ τὴν λοιπὴν στρατιὰν ἀναλαβὼν ἐποιεῖτο τὴν ὁρμὴν ἐπὶ τὸν Ἀσδρούβαν.

ἦν δ’ αὐτῷ συλλελογισμένον μὴ πρότερον ἐγχειρεῖν, ἑώσ ἂν οἱ περὶ τὸν Λαίλιον πρῶτοι τὸ πῦρ ἐμβάλωσι τοῖσ πολεμίοισ. οὗτοσ μὲν τοιαύτασ ἔχων ἐπινοίασ βάδην ἐποιεῖτο τὴν πορείαν·

οἱ δὲ περὶ τὸν Λαίλιον εἰσ δύο μέρη σφᾶσ αὐτοὺσ διελόντεσ ἅμα προσέβαλλον τοῖσ πολεμίοισ. τῆσ δὲ τῶν σκηνῶν διαθέσεωσ οἱο͂ν ἐπίτηδεσ πρὸσ ἐμπυρισμὸν κατεσκευασμένησ, καθάπερ ἀνώτερον εἶπον, ὡσ οἱ προηγούμενοι τὸ πῦρ ἐνέβαλλον, κατανεμηθὲν εἰσ τὰσ πρώτασ σκηνὰσ εὐθέωσ ἀβοήθητον ἐποίει τὸ κακὸν διά τε τὴν συνέχειαν τῶν σκηνῶν καὶ διὰ τὸ πλῆθοσ τῆσ ὑποκειμένησ ὕλησ.

ὁ μὲν οὖν Λαίλιοσ ἔχων ἐφεδρείασ τάξιν ἔμενεν·

ὁ δὲ Μασαννάσασ εἰδὼσ τοὺσ τόπουσ, καθ’ οὓσ ἔμελλον οἱ φεύγοντεσ τὸ πῦρ ποιήσασθαι τὴν ἀποχώρησιν, ἐν τούτοισ ἐπέστησε τοὺσ αὑτοῦ στρατιώτασ. τῶν δὲ Νομάδων οὐδεὶσ ἁπλῶσ συνυπώπτευσε τὸ γινόμενον, οὐδ’ αὐτὸσ ὁ Σόφαξ, ἀλλ’ ὡσ αὐτομάτωσ ἐμπεπρησμένου τοῦ χάρακοσ, ταύτην ἔσχον τὴν διάληψιν.

ὅθεν ἀνυπονοήτωσ οἱ μὲν ἐκ τῶν ὕπνων, οἱ δ’ ἀκμὴν ἔτι μεθυσκόμενοι καὶ πίνοντεσ ἐξεπήδων ἐκ τῶν σκηνῶν.

καὶ πολλοὶ μὲν ὑφ’ αὑτῶν περὶ τὰσ τοῦ χάρακοσ ἐξόδουσ συνεπατήθησαν, πολλοὶ δὲ περικαταληφθέντεσ ὑπὸ τῆσ φλογὸσ κατεπρήσθησαν·

οἱ δὲ καὶ διαφυγόντεσ τὴν φλόγα, πάντεσ εἰσ τοὺσ πολεμίουσ ἐμπίπτοντεσ, οὔθ’ ὃ πάσχουσιν οὔθ’ ὃ ποιοῦσι γινώσκοντεσ διεφθείροντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 14, chapter 4

(폴리비오스, Histories, book 14, chapter 4)

상위

목록

SEARCH

MENU NAVIGATION