호흡부호 보기
강세부호 보기
장단부호 보기
작은 Iota 보기
모든 부호 보기
Ὅτι φησὶν ὁ Πολύβιοσ περὶ ἑαυτοῦ καὶ περὶ τῆσ τῶν βίβλων ὑποθετικῆσ ἐξηγήσεωσ· Ἴσωσ μὲν οὖν ἐπὶ πάσαισ ταῖσ ὀλυμπιάσιν αἱ προεκθέσεισ τῶν πράξεων εἰσ ἐπίστασιν ἄγουσι τοὺσ ἐντυγχάνοντασ καὶ διὰ τὸ πλῆθοσ καὶ διὰ τὸ μέγεθοσ τῶν γεγονότων, ὡσ ἂν ὑπὸ μίαν σύνοψιν ἀγομένων τῶν ἐξ ὅλησ τῆσ οἰκουμένησ ἔργων· οὐ μὴν ἀλλὰ τὰ κατὰ ταύτην τὴν ὀλυμπιάδα μάλιστα νομίζω συνεπιστήσειν τοὺσ ἀναγινώσκοντασ διὰ τὸ πρῶτον μὲν τοὺσ κατὰ τὴν Ἰταλίαν καὶ Λιβύην πολέμουσ ἐν τούτοισ τοῖσ χρόνοισ εἰληφέναι τὴν συντέλειαν·
ὑπὲρ ὧν τίσ οὐκ ἂν ἱστορῆσαι βουληθείη ποία τισ ἡ καταστροφὴ καὶ τί τὸ τέλοσ αὐτῶν ἐγένετο; φύσει γὰρ πάντεσ ἄνθρωποι, κἂν ὁλοσχερῶσ παραδέχωνται τὰ κατὰ μέροσ ἔργα καὶ λόγουσ, ὅμωσ ἑκάστων τὸ τέλοσ ἱμείρουσι μαθεῖν·
πρὸσ δὲ τούτοισ συμβαίνει καὶ τὰσ προαιρέσεισ τῶν βασιλέων ἐκφανεστάτασ γεγονέναι κατὰ τοὺσ αὐτοὺσ χρόνουσ·
ἃ γὰρ πρότερον ἐλέγετο περὶ αὐτῶν, τότε σαφῶσ ἐπεγνώσθη πάντα παρὰ πᾶσι καὶ τοῖσ μηδ’ ὅλωσ ἐθέλουσι πολυπραγμονεῖν. διὸ καὶ βουλόμενοι κατ’ ἀξίαν τῶν ἔργων ποιήσασθαι τὴν ἐξήγησιν, οὐ τὰσ ἐκ τῶν δυεῖν ἐτῶν πράξεισ κατατετάχαμεν εἰσ μίαν βύβλον, καθάπερ ἐν τοῖσ πρὸ τούτων ἀποδεδώκαμεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기