Polybius, Histories, book 3, chapter 114

(폴리비오스, Histories, book 3, chapter 114)

Ἦν δ’ ὁ καθοπλισμὸσ τῶν μὲν Λιβύων Ῥωμαϊκόσ, οὓσ πάντασ Ἀννίβασ τοῖσ ἐκ τῆσ προγεγενημένησ μάχησ σκύλοισ ἐκλέξασ κατακεκοσμήκει· τῶν δ’ Ἰβήρων καὶ Κελτῶν ὁ μὲν θυρεὸσ ἦν παραπλήσιοσ, τὰ δὲ ξίφη τὴν ἐναντίαν εἶχε διάθεσιν·

τῆσ μὲν γὰρ οὐκ ἔλαττον τὸ κέντημα τῆσ καταφορᾶσ ἴσχυε πρὸσ τὸ βλάπτειν, ἡ δὲ Γαλατικὴ μάχαιρα μίαν εἶχε χρείαν τὴν ἐκ καταφορᾶσ, καὶ ταύτην ἐξ ἀποστάσεωσ.

ἐναλλὰξ δὲ ταῖσ σπείραισ αὐτῶν παρατεταγμένων, καὶ τῶν μὲν Κελτῶν γυμνῶν, τῶν δ’ Ἰβήρων λινοῖσ περιπορφύροισ χιτωνίσκοισ κεκοσμημένων κατὰ τὰ πάτρια, ξενίζουσαν ἅμα καὶ καταπληκτικὴν συνέβαινε γίνεσθαι τὴν πρόσοψιν.

ἦν δὲ τὸ μὲν τῶν ἱππικῶν πλῆθοσ τὸ σύμπαν τοῖσ Καρχηδονίοισ εἰσ μυρίουσ, τὸ δὲ τῶν πεζῶν οὐ πολὺ πλείουσ τετρακισμυρίων σὺν τοῖσ Κελτοῖσ.

τὸ δ’ εὐώνυμον Γάιοσ, τὰ δὲ μέσα Μάρκοσ καὶ Γνάιοσ οἱ τῷ πρότερον ἔτει στρατηγοῦντεσ.

τῶν δὲ Καρχηδονίων τὸ μὲν εὐώνυμον Ἀσδρούβασ εἶχε, τὸ δὲ δεξιὸν Ἄννων·

ἐπὶ δὲ τοῖσ μέσοισ αὐτὸσ ἦν Ἀννίβασ, ἔχων μεθ’ ἑαυτοῦ Μάγωνα τὸν ἀδελφόν. βλεπούσησ δὲ τῆσ μὲν τῶν Ῥωμαίων τάξεωσ πρὸσ μεσημβρίαν, ὡσ ἐπάνω προεῖπα, τῆσ δὲ τῶν Καρχηδονίων πρὸσ τὰσ ἄρκτουσ, ἑκατέροισ ἀβλαβῆ συνέβαινε γίνεσθαι τὴν κατὰ τὸν ἥλιον ἀνατολήν.

일치하는 문장이 없습니다.

SEARCH

MENU NAVIGATION