Polybius, Histories, book 3, chapter 69

(폴리비오스, Histories, book 3, chapter 69)

Κατὰ δὲ τοὺσ αὐτοὺσ καιροὺσ Ἀννίβασ πραξικοπήσασ πόλιν Κλαστίδιον, ἐνδόντοσ αὐτῷ τοῦ πεπιστευμένου παρὰ Ῥωμαίων, ἀνδρὸσ Βρεντεσίνου, κατέσχε. δεῖγμα βουλόμενοσ ἐκφέρειν τῆσ σφετέρασ προαιρέσεωσ πρὸσ τὸ μὴ δεδιότασ ἀπελπίζειν τὴν παρ’ αὐτοῦ σωτηρίαν τοὺσ ὑπὸ τῶν καιρῶν καταλαμβανομένουσ.

τὸν δὲ προδότην ἐτίμησε μεγαλείωσ, ἐκκαλέσασθαι σπουδάζων τοὺσ ἐπὶ πραγμάτων ταττομένουσ πρὸσ τὰσ Καρχηδονίων ἐλπίδασ.

ἐξαποστέλλει πεζοὺσ μὲν δισχιλίουσ, ἱππεῖσ δὲ Κελτοὺσ καὶ Νομάδασ εἰσ χιλίουσ, προστάξασ ἐπιδραμεῖν αὐτῶν τὴν χώραν.

τῶν δὲ πραξάντων τὸ προσταχθὲν καὶ πολλὴν περιβαλομένων λείαν, εὐθέωσ οἱ Κελτοὶ παρῆσαν ἐπὶ τὸν χάρακα τῶν Ῥωμαίων, δεόμενοι σφίσι βοηθεῖν.

Τεβέριοσ δὲ καὶ πάλαι ζητῶν ἀφορμὴν τοῦ πράττειν τότε λαβὼν πρόφασιν ἐξαπέστειλε τῶν μὲν ἱππέων τὸ πλεῖστον μέροσ, πεζοὺσ δὲ σὺν τούτοισ ἀκοντιστὰσ εἰσ χιλίουσ.

σπουδῇ δὲ τούτων προσμιξάντων πέραν τοῦ Τρεβία καὶ διαμαχομένων τοῖσ πολεμίοισ ὑπὲρ τῆσ λείασ, ἐτράπησαν οἱ Κελτοὶ σὺν τοῖσ Νομάσι καὶ τὴν ἀποχώρησιν ἐπὶ τὸν ἑαυτῶν ἐποιοῦντο χάρακα.

ταχὺ δὲ συννοήσαντεσ τὸ γινόμενον οἱ προκαθήμενοι τῆσ τῶν Καρχηδονίων παρεμβολῆσ ἐντεῦθεν ταῖσ ἐφεδρείαισ ἐβοήθουν τοῖσ πιεζομένοισ·

οὗ γενομένου τραπέντεσ οἱ Ῥωμαῖοι πάλιν ἐποιοῦντο τὴν ἀπόλυσιν εἰσ τὴν ἑαυτῶν παρεμβολήν. Τεβέριοσ δὲ συνορῶν τὸ γινόμενον πάντασ ἐπαφῆκε τοὺσ ἵππουσ καὶ τοὺσ ἀκοντιστάσ.

τούτου δὲ συμπεσόντοσ αὖθισ ἐγκλίναντεσ οἱ Κελτοὶ πρὸσ τὴν ἑαυτῶν ἀσφάλειαν ἀπεχώρουν. ὁ δὲ στρατηγὸσ τῶν Καρχηδονίων ἀπαράσκευοσ ὢν πρὸσ τὸ κρίνειν τὰ ὅλα καὶ νομίζων δεῖν μηδέποτε χωρὶσ προθέσεωσ μηδ’ ἐκ πάσησ ἀφορμῆσ ποιεῖσθαι τοὺσ ὁλοσχερεῖσ κινδύνουσ, ὅπερ εἶναι φατέον ἡγεμόνοσ ἔργον ἀγαθοῦ, τότε μὲν ἐπέσχε τοὺσ παρ’ αὑτοῦ συνεγγίσαντασ τῷ χάρακι καὶ στῆναι μὲν ἐκ μεταβολῆσ ἠνάγκασε, διώκειν δὲ καὶ συμπλέκεσθαι τοῖσ πολεμίοισ ἐκώλυσε, διὰ τῶν ὑπηρετῶν καὶ σαλπιγκτῶν ἀνακαλούμενοσ.

ὀλίγουσ μὲν αὑτῶν ἀποβαλόντεσ, πλείουσ δὲ τῶν Καρχηδονίων διεφθαρκότεσ.

일치하는 문장이 없습니다.

SEARCH

MENU NAVIGATION