호흡부호 보기
강세부호 보기
장단부호 보기
작은 Iota 보기
모든 부호 보기
Ἐπιτελέσασ δὲ τὰ προειρημένα κατὰ τὴν παραχειμασίαν καὶ παρασκευάσασ ἱκανὴν ἀσφάλειαν τοῖσ τε κατὰ τὴν Λιβύην καὶ τοῖσ ἐν Ἰβηρίᾳ πράγμασι, παραγενομένησ τῆσ ταχθείσησ ἡμέρασ, προῆγε, πεζῶν μὲν ἔχων εἰσ ἐννέα μυριάδασ, ἱππεῖσ δὲ περὶ μυρίουσ καὶ δισχιλίουσ. καὶ διαβὰσ τὸν Ἴβηρα ποταμὸν κατεστρέφετο τό τε τῶν Ἰλουργητῶν ἔθνοσ καὶ Βαργουσίων ἔτι δὲ τοὺσ Αἰρηνοσίουσ καὶ τοὺσ Ἀνδοσίνουσ μέχρι τῆσ προσαγορευομένησ Πυρήνησ.
ποιησάμενοσ δὲ πάντασ ὑφ’ ἑαυτὸν καί τινασ πόλεισ κατὰ κράτοσ ἑλών, ταχέωσ μὲν καὶ παρ’ ἐλπίδα, μετὰ πολλῶν δὲ καὶ μεγάλων ἀγώνων ἔτι δὲ πολλῆσ καταφθορᾶσ ἀνδρῶν, ἡγεμόνα μὲν ἐπὶ πάσησ κατέλιπε τῆσ ἐπὶ τάδε τοῦ ποταμοῦ χώρασ Ἄννωνα, τῶν δὲ Βαργουσίων καὶ δεσπότην·
μάλιστα γὰρ τούτοισ ἠπίστει διὰ τὴν πρὸσ Ῥωμαίουσ εὔνοιαν.
ἀπεμέρισε δὲ καὶ τῆσ δυνάμεωσ ἧσ εἶχε τῷ μὲν Ἄννωνι πεζοὺσ μυρίουσ ἱππεῖσ δὲ χιλίουσ καὶ τὰσ ἀποσκευὰσ ἀπέλιπε τούτῳ τῶν αὐτῷ συνεξορμώντων.
εἰσ δὲ τὴν οἰκείαν ἀπέλυσε τοὺσ ἴσουσ τοῖσ προειρημένοισ, βουλόμενοσ αὐτούσ τε τούτουσ εὔνουσ ἀπολιπεῖν, τοῖσ τε λοιποῖσ ὑποδεικνύων ἐλπίδα τῆσ εἰσ οἶκον ἐπανόδου καὶ τοῖσ μεθ’ ἑαυτοῦ μὲν στρατευομένοισ, οὐχ ἧττον δὲ καὶ τοῖσ ἐν οἴκῳ μένουσι τῶν Ἰβήρων, ἵνα προθύμωσ ἐξορμῶσι πάντεσ, ἄν ποτέ τισ ἐπικουρίασ χρεία γένηται παρ’ αὐτῶν.
ἔχων οὐχ οὕτωσ πολλὴν δύναμιν ὡσ χρησίμην καὶ γεγυμνασμένην διαφερόντωσ ἐκ τῆσ συνεχείασ τῶν κατὰ τὴν Ἰβηρίαν ἀγώνων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기