호흡부호 보기
강세부호 보기
장단부호 보기
작은 Iota 보기
모든 부호 보기
Τούτων δὴ τοιούτων ὑπαρχόντων, ὁμολογούμενον ἦν κἀκεῖνο διότι Ζακανθαῖοι πλείοσιν ἔτεσιν ἤδη πρότερον τῶν κατ’ Ἀννίβαν καιρῶν ἐδεδώκεισαν αὑτοὺσ εἰσ τὴν τῶν Ῥωμαίων πίστιν. σημεῖον δὲ τοῦτο μέγιστον καὶ παρ’ αὐτοῖσ τοῖσ Καρχηδονίοισ ὁμολογούμενον ὅτι στασιάσαντεσ Ζακανθαῖοι πρὸσ σφᾶσ οὐ Καρχηδονίοισ ἐπέτρεψαν, καίπερ ἐγγὺσ ὄντων αὐτῶν καὶ τὰ κατὰ τὴν Ἰβηρίαν ἤδη πραττόντων, ἀλλὰ Ῥωμαίοισ καὶ διὰ τούτων ἐποιήσαντο τὴν κατόρθωσιν τῆσ πολιτείασ.
διόπερ εἰ μέν τισ τὴν Ζακάνθησ ἀπώλειαν αἰτίαν τίθησι τοῦ πολέμου, συγχωρητέον ἀδίκωσ ἐξενηνοχέναι τὸν πόλεμον Καρχηδονίουσ κατά τε τὰσ ἐπὶ τοῦ Λυτατίου συνθήκασ, καθ’ ἃσ ἔδει τοῖσ ἑκατέρων συμμάχοισ τὴν ὑφ’ ἑκατέρων ὑπάρχειν ἀσφάλειαν, κατά τε τὰσ ἐπ’ Ἀσδρούβου, καθ’ ἃσ οὐκ ἔδει διαβαίνειν τὸν Ἴβηρα ποταμὸν ἐπὶ πολέμῳ Καρχηδονίουσ·
εἰ δὲ τὴν Σαρδόνοσ ἀφαίρεσιν καὶ τὰ σὺν ταύτῃ χρήματα, πάντωσ ὁμολογητέον εὐλόγωσ πεπολεμηκέναι τὸν κατ’ Ἀννίβαν πόλεμον τοὺσ Καρχηδονίουσ·
καιρῷ γὰρ πεισθέντεσ ἠμύνοντο σὺν καιρῷ τοὺσ βλάψαντασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기