호흡부호 보기
강세부호 보기
장단부호 보기
작은 Iota 보기
모든 부호 보기
πίστιν ἀρκοῦν ἔσται τὸ λέγεσθαι μέλλον. καθ’ οὓσ γὰρ καιροὺσ καταπολεμηθεὶσ Ἀννίβασ ὑπὸ Ῥωμαίων τέλοσ ἐκ τῆσ πατρίδοσ ἐξεχώρησε καὶ παρ’ Ἀντιόχῳ διέτριβε, τότε Ῥωμαῖοι συνθεωροῦντεσ ἤδη τὴν Αἰτωλῶν ἐπιβολὴν ἐξαπέστειλαν πρεσβευτὰσ πρὸσ Ἀντίοχον, βουλόμενοι μὴ λανθάνειν σφᾶσ τὴν τοῦ βασιλέωσ προαίρεσιν. οἱ δὲ πρέσβεισ ὁρῶντεσ τὸν Ἀντίοχον προσέχοντα τοῖσ Αἰτωλοῖσ καὶ πρόθυμον ὄντα πολεμεῖν Ῥωμαίοισ, ἐθεράπευον τὸν Ἀννίβαν, σπουδάζοντεσ εἰσ ὑποψίαν ἐμβαλεῖν πρὸσ τὸν Ἀντίοχον.
ὃ καὶ συνέβη γενέσθαι.
προβαίνοντοσ γὰρ τοῦ χρόνου, καὶ τοῦ βασιλέωσ ὑπόπτωσ ἔχοντοσ ἀεὶ καὶ μᾶλλον πρὸσ τὸν Ἀννίβαν, ἐγένετό τισ καιρὸσ ὡσ ἐπὶ λόγον ἀχθῆναι τὴν ὑποικουρουμένην ἀτοπίαν ἐν αὐτοῖσ. ἐν ᾧ καὶ πλείουσ ἀπολογισμοὺσ ποιησάμενοσ Ἀννίβασ τέλοσ ἐπὶ τὸ τοιοῦτο κατήντησε, δυσχρηστούμενοσ τοῖσ λόγοισ.
ἔφη γάρ, καθ’ ὃν καιρὸν ὁ πατὴρ αὐτοῦ τὴν εἰσ Ἰβηρίαν ἔξοδον μέλλοι στρατεύεσθαι μετὰ τῶν δυνάμεων, ἔτη μὲν ἔχειν ἐννέα, θύοντοσ δ’ αὐτοῦ τῷ Διὶ παρεστάναι παρὰ τὸν βωμόν.
ἐπεὶ δὲ καλλιερήσασ κατασπείσαι τοῖσ θεοῖσ καὶ ποιήσαι τὰ νομιζόμενα, τοὺσ μὲν ἄλλουσ τοὺσ περὶ τὴν θυσίαν ἀποστῆναι κελεῦσαι μικρόν, αὐτὸν δὲ προσκαλεσάμενον ἐρέσθαι φιλοφρόνωσ εἰ βούλεται συνεξορμᾶν ἐπὶ τὴν στρατείαν.
ἀσμένωσ δὲ κατανεύσαντοσ αὐτοῦ καί τι καὶ προσαξιώσαντοσ παιδικῶσ, λαβόμενον τῆσ δεξιᾶσ προσαγαγεῖν αὐτὸν πρὸσ τὸν βωμὸν καὶ κελεύειν ἁψάμενον τῶν ἱερῶν ὀμνύναι μηδέποτε Ῥωμαίοισ εὐνοήσειν.
ταῦτ’ οὖν εἰδότα σαφῶσ ἠξίου τὸν Ἀντίοχον, ἑώσ μὲν ἄν τι δυσχερὲσ βουλεύηται κατὰ Ῥωμαίων, θαρρεῖν καὶ πιστεύειν, αὐτὸν συνεργὸν ἕξειν νομίζοντ’ ἀληθινώτατον.
ἐπὰν δὲ διαλύσεισ ἢ φιλίαν συντίθηται πρὸσ αὐτούσ, τότε μὴ προσδεῖσθαι διαβολῆσ, ἀλλ’ ἀπιστεῖν καὶ φυλάττεσθαι·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기