Polybius, Histories, book 3, chapter 6

(폴리비오스, Histories, book 3, chapter 6)

δευτέραν δὲ τὴν διάβασιν αὐτῶν παρὰ τὰσ συνθήκασ τοῦ προσαγορευομένου παρὰ τοῖσ ἐγχωρίοισ Ἴβηροσ ποταμοῦ· ἐγὼ δὲ ταύτασ ἀρχὰσ μὲν εἶναι τοῦ πολέμου φήσαιμ’ ἄν, αἰτίασ γε μὴν οὐδαμῶσ ἂν συγχωρήσαιμι.

πολλοῦ γε δεῖν, εἰ μὴ καὶ τὴν Ἀλεξάνδρου διάβασιν εἰσ τὴν Ἀσίαν αἰτίαν εἶναί τισ φήσει τοῦ πρὸσ τοὺσ Πέρσασ πολέμου καὶ τὸν Ἀντιόχου κατάπλουν εἰσ Δημητριάδα τοῦ πρὸσ Ῥωμαίουσ· ὧν οὔτ’ εἰκὸσ οὔτ’ ἀληθέσ ἐστιν οὐδέτερον.

τίσ γὰρ ἂν νομίσειε ταύτασ αἰτίασ ὑπάρχειν, ὧν πολλὰ μὲν Ἀλέξανδροσ πρότερον, οὐκ ὀλίγα δὲ Φίλιπποσ ἔτι ζῶν ἐνήργησε καὶ παρεσκευάσατο πρὸσ τὸν κατὰ τῶν Περσῶν πόλεμον, ὁμοίωσ δὲ πάλιν Αἰτωλοὶ πρὸ τῆσ Ἀντιόχου παρουσίασ πρὸσ τὸν κατὰ Ῥωμαίων;

ἀλλ’ ἔστιν ἀνθρώπων τὰ τοιαῦτα μὴ διειληφότων ἀρχὴ τί διαφέρει καὶ πόσον διέστηκεν αἰτίασ καὶ προφάσεωσ, καὶ διότι τὰ μέν ἐστι πρῶτα τῶν ἁπάντων, ἡ δ’ ἀρχὴ τελευταῖον τῶν εἰρημένων.

ἐγὼ δὲ παντὸσ ἀρχὰσ μὲν εἶναί φημι τὰσ πρώτασ ἐπιβολὰσ καὶ πράξεισ τῶν ἤδη κεκριμένων, αἰτίασ δὲ τὰσ προκαθηγουμένασ τῶν κρίσεων καὶ διαλήψεων·

λέγω δ’ ἐπινοίασ καὶ διαθέσεισ καὶ τοὺσ περὶ ταῦτα συλλογισμοὺσ καὶ δι’ ὧν· ἐπὶ τὸ κρῖναί τι καὶ προθέσθαι παραγινόμεθα. δῆλον δ’ οἱο͂ν τὸ προειρημένον ἐκ τῶν ἐπιφερομένων.

τίνεσ γὰρ ἀληθῶσ ἦσαν αἰτίαι, καὶ πόθεν φῦναι συνέβη τὸν πρὸσ τοὺσ Πέρσασ πόλεμον, εὐμαρὲσ καὶ τῷ τυχόντι συνιδεῖν.

ἦν δὲ πρώτη μὲν ἡ τῶν μετὰ Ξενοφῶντοσ Ἑλλήνων ἐκ τῶν ἄνω σατραπειῶν ἐπάνοδοσ, ἐν ᾗ πᾶσαν τὴν Ἀσίαν διαπορευομένων αὐτῶν πολεμίαν ὑπάρχουσαν οὐδεὶσ ἐτόλμα μένειν κατὰ πρόσωπον τῶν βαρβάρων·

δευτέρα δ’ ἡ τοῦ Λακεδαιμονίων βασιλέωσ Ἀγησιλάου διάβασισ εἰσ τὴν Ἀσίαν, ἐν ᾗ ’κεῖνοσ οὐδὲν ἀξιόχρεων οὐδ’ ἀντίπαλον εὑρὼν ταῖσ σφετέραισ ἐπιβολαῖσ ἄπρακτοσ ἠναγκάσθη μεταξὺ διὰ τὰσ περὶ τὴν Ἑλλάδα ταραχὰσ ἐπανελθεῖν.

ἅμα τῷ περιποιήσασθαι τὴν ἐκ τῶν Ἑλλήνων εὔνοιαν ὁμολογουμένην, εὐθέωσ προφάσει χρώμενοσ ὅτι σπεύδει μετελθεῖν τὴν Περσῶν παρανομίαν εἰσ τοὺσ Ἕλληνασ, ὁρμὴν ἔσχε καὶ προέθετο πολεμεῖν καὶ πάντα πρὸσ τοῦτο τὸ μέροσ ἡτοίμαζε.

일치하는 문장이 없습니다.

SEARCH

MENU NAVIGATION