헬라어 문장 검색 - Πλυταρ́ΤιτυσΦλ́11́

(플루타르코스, Titus Flamininus, chapter 11)

ὁ δ’ οὖν Τίτοσ, εἰ μὴ τάχιστα τῆσ θέασ διαλυθείσησ ὑπιδόμενοσ τὴν φορὰν τοῦ πλήθουσ καὶ τὸν δρόμον ἐξέκλινεν, οὐκ ἂν ἐδόκει περιγενέσθαι τοσούτων ὁμοῦ καὶ πάντοθεν αὐτῷ περιχεομένων. ὡσ δ’ ἀπέκαμον περὶ τὴν σκηνὴν αὐτοῦ βοῶντεσ ἤδη νυκτὸσ οὔσησ, αὖθισ οὕστινασ ἴδοιεν ἢ φίλουσ ἢ πολίτασ ἀσπαζόμενοι καὶ περιπλεκόμενοι, πρὸσ δεῖπνα καὶ πότουσ ἐτρέποντο μετ’ ἀλλήλων, ἐν ᾧ καὶ μᾶλλον, ὡσ εἰκὸσ, ἡδομένοισ ἐπῄει λογίζεσθαι καὶ διαλέγεσθαι περὶ τῆσ Ἑλλάδοσ, ὅσουσ πολεμήσασα πολέμουσ διὰ τὴν ἐλευθερίαν οὔπω τύχοι βεβαιότερον οὐδὲ ἥδιον αὐτῆσ, ἑτέρων προαγωνισαμένων ὀλίγου δεῖν ἀναίμακτοσ αὐτὴ καὶ ἀπενθὴσ φερομένη τὸ κάλλιστον καὶ περιμαχητότατον ἆθλον. ἦν δ’ ἄρα σπάνιον μὲν ἀνδρεία καὶ φρόνησισ ἐν ἀνθρώποισ, σπανιώτατον δὲ τῶν ἄλλων ἀγαθῶν ὁ δίκαιοσ.

οἱ γὰρ Ἀγησίλαοι καὶ Λύσανδροι καὶ οἱ Νικίαι καὶ οἱ Ἀλκιβιάδαι πολέμουσ μὲν εὖ διέπειν καὶ μάχασ νικᾶν κατά τε γῆν καὶ θάλασσαν ἄρχοντεσ ἠπίσταντο, χρῆσθαι δὲ πρὸσ χάριν εὐγενῆ καὶ τὸ καλὸν οἷσ κατώρθουν οὐκ ἔγνωσαν, ἀλλ’ εἰ τὸ Μαραθώνιόν τισ ἔργον ἀφέλοι καὶ τὴν ἐν Σαλαμῖνι ναυμαχίαν καὶ Πλαταιὰσ καὶ Θερμοπύλασ καὶ τὰ πρὸσ Εὐρυμέδοντι καὶ τὰ περὶ Κύπρον Κίμωνοσ ἔργα, πάσασ τὰσ μάχασ ἡ Ἑλλὰσ ἐπὶ δουλείᾳ μεμάχηται πρὸσ αὑτήν, καὶ πᾶν τρόπαιον αὐτῆσ συμφορὰ καὶ ὄνειδοσ ἐπ’ αὐτὴν ἕστηκε, τὰ πλεῖστα κακίᾳ καὶ φιλονεικίᾳ τῶν ἡγουμένων περιτραπείσησ.

ἀλλόφυλοι δὲ ἄνδρεσ, ἐναύσματα μικρὰ καὶ γλίσχρα κοινωνήματα παλαιοῦ γένουσ ἔχειν δοκοῦντεσ, ἀφ’ ὧν καὶ λόγῳ τι καὶ γνώμῃ τῶν χρησίμων ὑπάρξαι τῇ Ἑλλάδι θαυμαστὸν ἦν, οὗτοι τοῖσ μεγίστοισ κινδύνοισ καὶ πόνοισ ἐξελόμενοι τὴν Ἑλλάδα δεσποτῶν χαλεπῶν καὶ τυράννων ἐλευθεροῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Titus Flamininus, chapter 11

(플루타르코스, Titus Flamininus, chapter 11)

상위

목록

SEARCH

MENU NAVIGATION