헬라어 문장 검색 - Πλυταρ́ΤιτυσΦλ́09́

(플루타르코스, Titus Flamininus, chapter 9)

πρῶτον μὲν οὖν ἐγένοντο λοιδορίαι καὶ διαφοραὶ πρὸσ ἀλλήλουσ αὐτοῖσ· ἐκ δὲ τούτων μᾶλλον ἀεὶ τὸν Τίτον ἐλύπουν ἑαυτοῖσ ἀνατιθέντεσ τὸ νίκημα καὶ τῇ φήμῃ προκαταλαμβάνοντεσ τοὺσ Ἕλληνασ, ὥστε καὶ γράφεσθαι καὶ ᾄδεσθαι προτέρουσ ἐκείνουσ ὑπὸ ποιητῶν καὶ ἰδιωτῶν ὑμνούντων τὸ ἔργον, ὧν μάλιστα διὰ στόματοσ ἦν τουτὶ τὸ ἐπίγραμμα· Ἄκλαυστοι καὶ ἄθαπτοι, ὁδοιπόρε, τῷδ’ ἐπὶ νώτῳ Θεσσαλίησ τρισσαὶ κείμεθα μυριάδεσ, Αἰτωλῶν δμηθέντεσ ὑπ’ Ἄρεοσ ἠδὲ Λατίνων, οὓσ Τίτοσ εὐρείησ ἤγαγ’ ἀπ’ ’ Ἰταλίησ, Ἠμαθίῃ μέγα πῆμα.

τὸ δὲ θρασὺ κεῖνο Φιλίππου πνεῦμα θοῶν ἐλάφων ᾤχετ’ ἐλαφρότερον. τοῦτο ἐποίησε μὲν Ἀλκαῖοσ ἐφυβρίζων Φιλίππῳ καὶ τὸν ἀριθμὸν τῶν ἀποθανόντων ἐπιψευσάμενοσ, λεγόμενον δὲ πολλαχοῦ καὶ ὑπὸ πολλῶν μᾶλλον ἠνία τὸν Τίτον ἢ τὸν Φίλιππον.

ὁ μὲν γὰρ ἀντικωμῳδῶν τὸν Ἀλκαῖον τῷ ἐλεγείῳ παρέβαλεν αφλοιοσ καὶ ἄφυλλοσ, ὁδοιπόρε, τῷδ’ ἐπὶ νώτῳ Ἀλκαίῳ σταυρὸσ πήγνυται ἠλίβατοσ· τὸν δὲ Τίτον φιλοτιμούμενον πρὸσ τοὺσ Ἕλληνασ οὐ μετρίωσ παρώξυνε τὰ τοιαῦτα, διὸ καὶ τὰ ὑπόλοιπα τῶν πραγμάτων ἔπραττε καθ’ ἑαυτόν, ἐλάχιστα φροντίζων τῶν Αἰτωλῶν.

οἱ δὲ ἤχθοντο, καὶ προσδεξαμένου λόγουσ αὐτοῦ καὶ πρεσβείαν ἐπὶ συμβάσεσι παρὰ τοῦ Μακεδόνοσ, τοῦτο ἐκεῖνοι περιϊόντεσ ἐπὶ τὰσ ἄλλασ πόλεισ ἐβόων, πωλεῖσθαι τὴν εἰρήνην Φιλίππῳ, παρὸν ἐκκόψαι τὸν πόλεμον ἄρδην καὶ ἀνελεῖν ἀρχὴν ὑφ’ ἧσ πρώτησ ἐδουλώθη τὸ Ἑλληνικόν. ταῦτα τῶν Αἰτωλῶν λεγόντων καὶ διαταραττόντων τοὺσ συμμάχουσ, αὐτὸσ ὁ Φίλιπποσ ἐλθὼν πρὸσ τὰσ διαλύσεισ ἀνεῖλε τὴν ὑποψίαν, ἐπιτρέψασ τῷ Τίτῳ καὶ Ῥωμαίοισ τὰ καθ’ αὑτόν, καὶ οὕτω καταλύεται τὸν πόλεμον ὁ Τίτοσ·

εἰ μὴ τοῦτο προϊδὼν ὁ Τίτοσ ἐμφρόνωσ ἐνέδωκε πρὸσ τὰσ διαλύσεισ, ἀλλὰ τὸν Φιλιππικὸν ὁ Ἀντιοχικὸσ κατειλήφει πόλεμοσ ἐν τῇ Ἑλλάδι, καὶ συνέστησαν ὑπ’ αἰτιῶν ἀμφότεροι κοινῶν οἱ μέγιστοι τῶν τότε καὶ δυνατώτατοι βασιλέων ἐπὶ τὴν Ῥώμην, ἔσχεν ἂν ἀγῶνασ ἐξ ὑπαρχῆσ καὶ κινδύνουσ τῶν πρὸσ Ἀννίβαν οὐκ ἐλάττουσ.

νῦν δὲ τῶν πολέμων μέσην κατὰ καιρὸν ἐμβαλὼν τὴν εἰρήνην ὁ Τίτοσ, καὶ πρὶν ἄρξασθαι τὸν μέλλοντα διακόψασ τὸν παρόντα, τοῦ μὲν τὴν ἐσχάτην ἐλπίδα, τοῦ δὲ τὴν πρώτην ὑφεῖλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Titus Flamininus, chapter 9

(플루타르코스, Titus Flamininus, chapter 9)

상위

목록

SEARCH

MENU NAVIGATION