Plutarch, Titus Flamininus, chapter 7

(플루타르코스, Titus Flamininus, chapter 7)

Φιλίππου δὲ πρέσβεισ πέμψαντοσ εἰσ Ῥώμην ἀπέστειλε καὶ ὁ Τίτοσ παρ’ αὑτοῦ τοὺσ πράξοντασ ὅπωσ ἐπιψηφίσηται ἡ σύγκλητοσ χρόνον αὐτῷ τοῦ πολέμου μένοντοσ, εἰ δὲ μή, δι’ ἐκείνου τὴν εἰρήνην γενέσθαι, φιλότιμοσ γὰρ ὧν ἰσχυρῶσ ἐδεδίει πεμφθέντοσ ἐπὶ τὸν πόλεμον ἑτέρου στρατηγοῦ τὴν δόξαν ἀφαιρεθῆναι. διαπραξαμένων δὲ τῶν φίλων αὐτῷ μήτε τὸν Φίλιππον ὧν ἔχρῃζε τυχεῖν καὶ τοῦ πολέμου τὴν ἡγεμονίαν ἐκείνῳ φυλαχθῆναι, δεξάμενοσ τὸ δόγμα καὶ ταῖσ ἐλπίσιν ἐπαρθείσ εὐθὺσ εἰσ Θετταλίαν ἐπὶ τὸν Φιλίππου πόλεμον ὡρ́μησεν, ὑπὲρ ἑξακισχιλίουσ καὶ δισμυρίουσ ἔχων στρατιώτασ, ὧν Αἰτωλοὶ πεζοὺσ ἑξακισχιλίουσ καὶ ἱππεῖσ τετρακοσίουσ παρεῖχον.

ἦν δὲ καὶ τοῦ Φιλίππου τὸ στράτευμα τῷ πλήθει παραπλήσιον. ἐπεὶ δὲ βαδίζοντεσ ἐπ’ ἀλλήλουσ καὶ γενόμενοι περὶ τὴν Σκοτοῦσαν ἐνταῦθα διακινδυνεύειν ἔμελλον, οὐχ, ὅπερ εἰκὸσ ἦν, πρὸσ δέουσ ἔλαβον οἱ στρατοὶ τὴν ἀλλήλων γειτνίασιν, ἀλλὰ καὶ μᾶλλον ὁρμῆσ καὶ φιλοτιμίασ ἐπληροῦντο, Ῥωμαῖοι μὲν, εἰ Μακεδόνων κρατήσουσιν, ὧν ὄνομα δι’ Ἀλέξανδρον ἀλκῆσ καὶ δυνάμεωσ πλεῖστον ἦν παρ’ αὐτοῖσ, Μακεδόνεσ δὲ Ῥωμαίουσ Περσῶν ἡγούμενοι διαφέρειν ἤλπιζον, εἰ περιγένοιντο, λαμπρότερον ἀποδείξειν Ἀλεξάνδρου Φίλιππον.

일치하는 문장이 없습니다.

SEARCH

MENU NAVIGATION