호흡부호 보기
강세부호 보기
장단부호 보기
작은 Iota 보기
모든 부호 보기
τὰ μὲν οὖν ἄλλα προσεχώρει καθ’ ἡσυχίαν αὐτῷ, τὴν δὲ Βοιωτίαν ἀπολέμωσ ἐπιπορευομένῳ Θηβαίων ἀπήντησαν οἱ πρῶτοι, φρονοῦντεσ μὲν τὰ τοῦ Μακεδόνοσ διὰ Βραχύλλην, ἀσπαζόμενοι δὲ καὶ τιμῶντεσ τὸν Τίτον, ὡσ φιλίασ πρὸσ ἀμφοτέρουσ ὑπαρχούσησ. ὁ δ’ ἐντυχὼν αὐτοῖσ φιλανθρώπωσ καὶ δεξιωσάμενοσ προῆγεν ἡσυχῇ καθ’ ὁδόν, τὰ μὲν ἐρωτῶν καὶ πυνθανόμενοσ, τὰ δὲ διηγούμενοσ, καὶ παράγων ἐπίτηδεσ ἄχρι τοὺσ στρατιώτασ ἀναλαβεῖν ἐκ τῆσ πορείασ, οὕτω δὲ προάγων συνεισῆλθε τοῖσ Θηβαίοισ εἰσ τὴν πόλιν, οὐ πάνυ μὲν ἡδομένοισ, ὀκνοῦσι δὲ κωλύειν, ἐπεὶ στρατιῶται γε μέτριοι τὸ πλῆθοσ εἵποντο.
καὶ μέντοι παρελθὼν ὁ Τίτοσ, ὡσ οὐκ ἔχων τὴν πόλιν, ἔπειθεν ἑλέσθαι τὰ Ῥωμαίων, Ἀττάλου τοῦ βασιλέωσ συναγορεύοντοσ αὐτῷ καὶ συνεξορμῶντοσ τοὺσ Θηβαίουσ, ἀλλ’ Ἄτταλοσ μὲν, ὡσ ἐοίκε, τοῦ γήρωσ προθυμότερον ἑαυτὸν τῷ Τίτῳ ῥήτορα παρασχεῖν φιλοτιμούμενοσ, ἐν αὐτῷ τῷ λέγειν προσπεσόντοσ ἰλίγγου τινὸσ ἢ ῥεύματοσ ἄφνω τὴν αἴσθησιν ἐπιληφθεὶσ ἔπεσε, καὶ μετ’ οὐ πολὺ ταῖσ ναυσὶν εἰσ Ἀσίαν ἀποκομισθεὶσ ἐτελεύτησεν·
οἱ δὲ Βοιωτοὶ προσεχώρησαν τοῖσ Ῥωμαίοισ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기