헬라어 문장 검색 - Πλυταρ́ΤιτυσΦλ́04́

(플루타르코스, Titus Flamininus, chapter 4)

ἦσαν μὲν οὖν οἱ τὸν Τίτον ἄγειν κύκλῳ διὰ τῆσ Δασσαρήτιδοσ κατὰ Λύκον εὔπορον ὁδὸν καὶ ῥᾳδίαν ἐπιχειροῦντεσ. ὁ δὲ δεδοικώσ μὴ πόρρω θαλάττησ ἐμβαλὼν ἑαυτὸν εἰσ τόπουσ γλίσχρουσ καὶ σπειρομένουσ πονηρῶσ τοῦ Φιλίππου φυγομαχοῦντοσ ἀπορήσῃ σιτίων καὶ πάλιν ἄπρακτοσ, ὥσπερ ὁ πρὸ αὐτοῦ στρατηγὸσ, ἀναχωρεῖν ἀναγκασθῇ πρὸσ τὴν θάλασσαν, ἔγνω προσβαλὼν ἀνὰ κράτοσ διὰ τῶν ἄκρων βιάσασθαι τὴν πάροδον. ἐπεὶ δὲ τὰ ὄρη τοῦ Φιλίππου τῇ φάλαγγι κατέχοντοσ, ἐκ τῶν πλαγίων πανταχόθεν ἐπὶ τοὺσ Ῥωμαίουσ ἀκοντίων καὶ τοξευμάτων φερομένων, πληγαὶ μὲν ἐγίνοντο καὶ ἀγῶνεσ ὀξεῖσ καὶ νεκροὶ παρ’ ἀμφοτέρων ἔπιπτον, οὐδὲν δὲ τοῦ πολέμου πέρασ ἐφαίνετο, προσῆλθον ἄνθρωποι τῶν αὐτόθι νεμόντων φράζοντέσ τινα κύκλωσιν ἀμελουμένην ὑπὸ τῶν πολεμίων, ᾗ τὸν στρατόν ἄξειν ὑπισχνοῦντο καὶ καταστήσειν μάλιστα τριταῖον ἐπὶ τῶν ἄκρων, γνώστην δὲ τῆσ πίστεωσ παρείχοντο καὶ βεβαιωτὴν Χάροπα τὸν Μαχάτα, πρωτεύοντα μὲν Ἠπειρωτῶν, εὔνουν δὲ Ῥωμαίοισ ὄντα καὶ κρύφα φόβῳ τοῦ Φιλίππου συναγωνιζόμενον.

ᾧ πιστεύσασ ὁ Τίτοσ ἐκπέμπει χιλίαρχον ἕνα πεζοὺσ ἔχοντα τετρακισχιλίουσ καὶ ἱππεῖσ τριακοσίουσ, ἡγοῦντο δὲ οἱ νομεῖσ ἐκεῖνοι δεδεμένοι·

καὶ τὰσ μὲν ἡμέρασ ἀνεπαύοντο κοίλουσ προβαλλόμενοι καὶ ὑλώδεισ τόπουσ, ὥδευον δὲ νύκτωρ πρὸσ τὴν σελήνην καὶ γὰρ ἦν διχόμηνοσ. ὁ δὲ Τίτοσ τούτουσ ἀποστείλασ τὰσ μὲν ἄλλασ ἡμέρασ διανέπαυε τὸν στρατόν ὅσα μὴ περισπᾶν τοῖσ ἀκροβολισμοῖσ τοὺσ πολεμίουσ, καθ’ ἣν δὲ ἔμελλον ὑπερφανήσεσθαι τῶν ἄκρων οἱ περιϊόντεσ, ἅμ’ ἡμέρᾳ πᾶν μὲν βαρὺ, πᾶν δὲ γυμνητικὸν ὅπλον ἐκίνει·

ἐπεὶ δὲ μᾶλλον αὐξανόμενοσ καὶ διαμελαίνων τὸν ἀέρα καὶ πολὺσ ἄνω χωρῶν ἐδηλοῦτο πυρσὸσ εἶναι φίλιοσ, οἱ μὲν ἀλαλάξαντεσ ἐπέβαινον ἐρρωμένωσ καὶ συνέστελλον εἰσ τὰ τραχύτατα τοὺσ πολεμίουσ, οἱ δὲ ὄπισθεν ἀπὸ τῶν ἄκρων ἀντηλάλαξαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Titus Flamininus, chapter 4

(플루타르코스, Titus Flamininus, chapter 4)

상위

목록

SEARCH

MENU NAVIGATION