Ancient Greek Text

Plutarch, chapter 34

(플루타르코스, chapter 34)

Αἴθραν δὲ τὴν Θησέωσ μητέρα γενομένην αἰχμάλωτον ἀπαχθῆναι λέγουσιν εἰσ Λακεδαίμονα, κἀκεῖθεν εἰσ Τροίαν μετὰ Ἑλένησ· καὶ μαρτυρεῖν Ὅμηρον, ἕπεσθαι τῇ Ἑλένῃ φάμενον· Αἴθρην Πιτθῆοσ θύγατρα Κλυμένην τε βοῶπιν. οἱ δὲ καὶ τοῦτο τὸ ἔποσ διαβάλλουσι καὶ τὴν περὶ Μουνύχου μυθολογίαν, ὃν ἐκ Δημοφῶντοσ Λαοδίκησ κρύφα τεκούσησ ἐν Ἰλίῳ συνεκθρέψαι τὴν Αἴθραν λέγουσιν. ἴδιον δέ τινα καὶ παρηλλαγμένον ὅλωσ λόγον ὁ Ἴστροσ ἐν τῇ τρισκαιδεκάτῃ τῶν Ἀττικῶν ἀναφέρει περὶ Αἴθρασ, ὡσ ἐνίων λεγόντων Ἀλέξανδρον μὲν τὸν Πάριν ἐν Θεσσαλίᾳ ὑπ’ Ἀχιλλέωσ καὶ Πατρόκλου μάχῃ κρατηθῆναι παρὰ τὸν Σπερχειόν, Ἕκτορα δὲ τὴν Τροιζηνίων πόλιν λαβόντα διαρπάσαι καὶ τὴν Αἴθραν ἀπάγειν ἐκεῖ καταλειφθεῖσαν.

ἀλλὰ τοῦτο μὲν ἔχει πολλὴν ἀλογίαν.