헬라어 문장 검색 - Πλυταρ́Τηεσευσ́22́

(플루타르코스, chapter 22)

τῇ δὲ Ἀττικῇ προσφερομένων ἐκλαθέσθαι μὲν αὐτόν, ἐκλαθέσθαι δὲ τὸν κυβερνήτην ὑπὸ χαρᾶσ ἐπάρασθαι τὸ ἱστίον ᾧ τὴν σωτηρίαν αὐτῶν ἔδει γνώριμον τῷ Αἰγεῖ γενέσθαι· τὸν δὲ ἀπογνόντα ῥῖψαι κατὰ τῆσ πέτρασ ἑαυτὸν καὶ διαφθαρῆναι. καταπλεύσασ δὲ ὁ Θησεὺσ ἔθυε μὲν αὐτὸσ ἃσ ἐκπλέων θυσίασ εὔξατο τοῖσ θεοῖσ Φαληροῖ, κήρυκα δὲ ἀπέστειλε τῆσ σωτηρίασ ἄγγελον εἰσ ἄστυ. οὗτοσ ἐνέτυχεν ὀδυρομένοισ τε πολλοῖσ τὴν τοῦ βασιλέωσ τελευτὴν καὶ χαίρουσιν, ὡσ εἰκόσ, ἑτέροισ καὶ φιλοφρονεῖσθαι καὶ στεφανοῦν αὐτὸν ἐπὶ τῇ σωτηρίᾳ προθύμοισ οὖσι.

τοὺσ μὲν οὖν στεφάνουσ δεχόμενοσ τὸ κηρύκειον ἀνέστεφεν, ἐπανελθὼν δὲ ἐπὶ θάλασσαν οὔπω πεποιημένου σπονδὰσ τοῦ Θησέωσ ἔξω περιέμεινε, μὴ βουλόμενοσ τὴν θυσίαν ταράξαι. γενομένων δὲ τῶν σπονδῶν ἀπήγγειλε τὴν τοῦ Αἰγέωσ τελευτήν.

οἱ δὲ σὺν κλαυθμῷ καὶ θορύβῳ σπεύδοντεσ ἀνέβαινον εἰσ τὴν πόλιν. ὅθεν καὶ νῦν ἐν τοῖσ ὠσχοφορίοισ στεφανοῦσθαι μὲν οὐ τὸν κήρυκα λέγουσιν, ἀλλὰ τὸ κηρύκειον, ἐπιφωνεῖν δὲ ἐν ταῖσ σπονδαῖσ, Ἐλελεῦ, Ιοὔ, Ιοὔ, τοὺσ παρόντασ· ὧν τὸ μὲν σπεύδοντεσ ἀναφωνεῖν καὶ παιωνίζοντεσ εἰώθασι, τὸ δὲ ἐκπλήξεωσ καὶ ταραχῆσ ἐστι. θάψασ δὲ τὸν πατέρα, τῷ Ἀπόλλωνι τὴν εὐχὴν ἀπεδίδου τῇ ἑβδόμῃ τοῦ Πυανεψιῶνοσ μηνὸσ ἱσταμένου·

ταύτῃ γὰρ ἀνέβησαν εἰσ ἄστυ σωθέντεσ. ἡ μὲν οὖν ἕψησισ τῶν ὀσπρίων λέγεται γίνεσθαι διὰ τὸ σωθέντασ αὐτοὺσ εἰσ ταὐτὸ συμμῖξαι τὰ περιόντα τῶν σιτίων καὶ μίαν χύτραν κοινὴν ἑψήσαντασ συνεστιαθῆναι καὶ συγκαταφαγεῖν ἀλλήλοισ. τὴν δὲ εἰρεσιώνην ἐκφέρουσι κλάδον ἐλαίασ ἐρίῳ μὲν ἀνεστεμμένον, ὥσπερ τότε τὴν ἱκετηρίαν, παντοδαπῶν δὲ ἀνάπλεων καταργμάτων διὰ τὸ λῆξαι τὴν ἀφορίαν, ἐπᾴδοντεσ·

εἰρεσιώνη σῦκα φέρει καὶ πίονασ ἄρτουσ καὶ μέλι ἐν κοτύλῃ καὶ ἔλαιον ἀποψήσασθαι καὶ κύλικ’ εὔζωρον, ὡσ ἂν μεθύουσα καθεύδῃ. καίτοι ταῦτά τινεσ ἐπὶ τοῖσ Ἡρακλείδαισ γίνεσθαι λέγουσιν, οὕτωσ διατρεφομένοισ ὑπὸ τῶν Ἀθηναίων· οἱ δὲ πλείονεσ ὡσ προείρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 22

(플루타르코스, chapter 22)

상위

목록

SEARCH

MENU NAVIGATION