Plutarch, chapter 17

(플루타르코스, chapter 17)

ἐπεὶ δ’ οὖν καθῆκεν ὁ χρόνοσ τοῦ τρίτου δασμοῦ, καὶ παρέχειν ἔδει τοὺσ πατέρασ ἐπὶ τὸν κλῆρον οἷσ ἦσαν ἠί̈θεοι παῖδεσ, αὖθισ ἀνεφύοντο τῷ Αἰγεῖ διαβολαὶ πρὸσ τοὺσ πολίτασ, ὀδυρομένουσ καὶ ἀγανακτοῦντασ ὅτι πάντων αἴτιοσ ὢν ἐκεῖνοσ, οὐδὲν μέροσ ἔχει τῆσ κολάσεωσ μόνοσ, ἀλλ’ ἐπὶ νόθῳ καὶ ξένῳ παιδὶ τὴν ἀρχὴν πεποιημένοσ αὐτοὺσ περιορᾷ γνησίων ἐρήμουσ καὶ ἄπαιδασ ἀπολειπομένουσ. ταῦτ’ ἠνία τὸν Θησέα, καὶ δικαιῶν μὴ ἀμελεῖν, ἀλλὰ κοινωνεῖν τῆσ τύχησ τοῖσ πολίταισ, ἐπέδωκεν ἑαυτὸν ἄνευ κλήρου προσελθών.

καὶ τοῖσ μὲν ἄλλοισ τό τε φρόνημα θαυμαστὸν ἐφάνη καὶ τὸ δημοτικὸν ἠγάπησαν, ὁ δὲ Αἰγεύσ, ἐπεὶ δεόμενοσ καὶ καθικετεύων ἀμετάπειστον ἑώρα καὶ ἀμετάτρεπτον, ἀπεκλήρωσε τοὺσ ἄλλουσ παῖδασ. Ἑλλάνικοσ δέ φησιν οὐ τοὺσ λαχόντασ ἀπὸ κλήρου καὶ τὰσ λαχούσασ ἐκπέμπειν τὴν πόλιν, αὐτὸν δὲ τὸν Μίνω παραγινόμενον ἐκλέγεσθαι καὶ τὸν Θησέα πάντων ἑλέσθαι πρῶτον ἐπὶ τοῖσ ὁρισθεῖσιν·

ὡρισμένον δ’ εἶναι τὴν μὲν ναῦν Ἀθηναίουσ παρέχειν, ἐμβάντασ δὲ πλεῖν σὺν αὐτῷ τοὺσ ἠϊθέουσ μηδὲν ὅπλον ἀρήϊον ἐπιφερομένουσ, ἀπολομένου δὲ τοῦ Μινωταύρου πέρασ ἔχειν τὴν ποινήν. πρότερον μὲν οὖν οὐδεμία σωτηρίασ ἐλπὶσ ὑπέκειτο·

διὸ καὶ μέλαν ἱστίον ἔχουσαν, ὡσ ἐπὶ συμφορᾷ προδήλῳ, τὴν ναῦν ἔπεμπον· τότε δὲ τοῦ Θησέωσ τὸν πατέρα θαρρύνοντοσ καὶ μεγαληγοροῦντοσ ὡσ χειρώσεται τὸν Μινώταυρον, ἔδωκεν ἕτερον ἱστίον λευκὸν τῷ κυβερνήτῃ, κελεύσασ ὑποστρέφοντα σωζομένου τοῦ Θησέωσ ἐπάρασθαι τὸ λευκόν, εἰ δὲ μή, τῷ μέλανι πλεῖν καὶ ἀποσημαίνειν τὸ πάθοσ. "φοινίκεον ἱστίον ὑγρῷ πεφυρμένον πρίνου ἄνθει ἐριθάλλου·

καὶ τοῦτο τῆσ σωτηρίασ αὐτῶν ποιήσασθαι σημεῖον· ἐκυβέρνα δὲ τὴν ναῦν Ἀμαρσυάδασ Φέρεκλοσ, ὥσ φησι Σιμωνίδησ. φιλόχοροσ δὲ παρὰ Σκίρου φησὶν ἐκ Σαλαμῖνοσ τὸν Θησέα λαβεῖν κυβερνήτην μὲν Ναυσίθοον, πρωρέα δὲ Φαίακα, μηδέπω τότε τῶν Ἀθηναίων προσεχόντων τῇ θαλάττῃ·

καὶ γὰρ εἶναι τῶν ἠϊθέων ἕνα Μενέσθην Σκίρου θυγατριδοῦν. μαρτυρεῖ δὲ τούτοισ ἡρῷα Ναυσιθόου καὶ Φαίακοσ εἱσαμένου Θησέωσ Φαληροῖ πρὸσ τῷ τοῦ Σκίρου ἱερῷ, καὶ τὴν ἑορτὴν τὰ Κυβερνήσιά φασιν ἐκείνοισ τελεῖσθαι.

일치하는 문장이 없습니다.

SEARCH

MENU NAVIGATION